أدمنت حبك

بارت ٢٥

السلام عليكم
*********

#بقلم _الكاتبة _سانسا
****************
سامر،،،،شنو شو اهنا ويامن اجيتي شو تطلعين ابكيفج وترجعين ابكيفج ومنو كلج تعالي ارجعي
شعد،،،،شهد بس خل افهمك
سامر،،،ماريد نتفاهم بعد وعلئ شنو نتفاهم مو هذا قرارج انتي ماردتيني ماردتي ترجعين وكلتي عوفني وهسه اني عفتج بعد شتردين
شهد،،،بس اني اريدك اسفه علئ كلامي ماجنت ابوعيي
سامر،،،،هههه ضحكتيني والله مو اني لعبه بيدج ساعه ترديني وساعه لا بل نسبه اليه انتها كلشي
شهد،،،،بس خل افهمك ماخلاني اكمل كلامي
سامر،،،،ماكو كلام بعد
شهد،،،،وطلع وطبك الباب قوي وبعد مارجع حتئ مانزلت عل عشه اجتني ام وسام وكتلها ما اشتهي وكالت
ام وسام،،،،لعد اشبي سامر هيج عصبي وطلع
شهد،،،كتله زعل لان أجيت ميريدني
ام وسام،،، الله يهدي هسه عوفي يفكر زين
شهد،،، ماشي وطلعت وبقيت انتضر يرجع وماكو ومشت الساعه وصارت الساعه 12 وهوه ماكو اتصل عليه يرفضه وعفته وره اشويه اتصل عليه يطلع مغلق
وخفت عليه خاف صايرله شي ابسببي مراح اسامح نفسي هل مره ونزلت جوه وخبرت وسام شفته يلعب أبلي وكتله علئ سامر وهم قلق عليه وكال
وسام،،،،عمو مايتئخر هلكد
شهد،،،،وسام خاف صاير عليه شي حباب شوفلك حل توصل بي السامر
وسام،،،،اصبري خلئ اشوف بابا
شهد،،،،وكام صعد فوك علئ ابوه وره اشويه نزلو اثنينهم وبقو يتصلون عليه ماكو مغلق الجهاز وبقينه ابقلق وخابرو محمد ابن عمه مالكو وعند مصطفئ هم ماكو يكول ما اجه علينه وخفت كلش وصعدت فوك ودخلت غرفتي وماكو سامر طلع من البيت وبقو يخابروله وموبايله مغلق وماكو خبر عنه لان اتئخر كلش وقلقو عليه وبقيت كاعده للساعه 2 بليل انتضره ماكو ونايمه عل جربايه وحاضنه مخدته وابجي لليل يله اجه دخل الغرفه
شهد،،،،وكمت وكتله سامر وين جنت خوفتني عليك وكال كلامه صدمني
سامر،،،،،الغرفه صارت ألج وحدج لان ماكو شي يجمعنه انتي ابغرفه واني ابغرفه هذا قرارج انتي لونسيتي تردين تنفصلين بس لو الحجي علئ مزاجج
شهد،،،،كلماته حزت ابگلبي كمت ابجي وكتله بس كتلك اني ندمانه ومقهوره مااعرف اشلون طلعت مني هذا الكلام ماجنت ابوعيي ابهذاك الوكت وانقهرت من تصرفه يعني ميريدني بس اني لازكه عليه وحسيت ابشعور ابد ماحاسته من قبل ورفعت راسي وكتله بس ماشي اذا هيج متريدني وهذا قرارك الاخير اني باجر ارجع الأهلي وانته اخذ راحتك ابغرفتك وحطيت الشال علئ راسي وشعري مفلول من وره وطلعت من الغرفه ونزلت جوه طلعت بره من باب المطبخ بل حديقه وكعدت بل مرجوحه وابهذاك اليوم ماخليت دمعه ابعيني عيوني نشفن من البجي يعني هوه من صدك مايريدني بعد وهوه من يزعل بعد هاهيه يقفل عل موضوع وضليت بره بل مرجوحه كاعده ابجي ومشه الوقت واذن الفجر وحسيت الدنيا فتحت وشفت السما اشلون اتفتح وكاعده اتذكر من جان حلوه ايامنه من متراضين وكلامه وتصرفه وصبحت الدنيا وصوت العصافير
وطلعت الشمس واني بعدني كاعده بره وكمت لان راح يكعدون عمو وعمه حسيت ابدوخه وتعب وجوعانه وكمت من المرجوحه وطبيت علئ كيفي وسديت الباب وصعدت علئ كيفي وطبيت الغرفه وشفته نايم عل جربايه نايم علئ ضهره وحاط ايده علئ عيونه وضليت واكفه يم الباب اريد احفظ شكله اريد اشبع منه ومشيت رحت للحمام غسلت وجهي اريد ابرده وعيوني يحركني وحمر منفوخات وخشمي احمر وطلعت وشفته وكمت ابجي ابصمت بس ادموعي تنزل يعني اليوم اخر مره اشوفك ومشيت علئ كيفي ونمت عل جربايه وضليت اباوع عليه لحد ماكال
سامر،،،،دخلت الغرفه وانصدمت ابشهد وكتله ليش اجيتي وعاتبتها حتئ ماخليتها اتبررلي الموضوع وكتلها ماعندي شي وياج انتها كلشي وطلعت ورحت يم الجسر هذا مكاني من اضوج من دور نور هذا مكاني ضليت كاعد وافكر واحسم الموضوع حسيتها صعبه المره ترفضك وتكولك عوفني وحسيت لازم اعوفها من صدك واخذت هذا القرار وكلت من اطيب ونتفاهم وفهمتها الموضوع ابيتهم وعفتها نايمه ورجعت للبيت من الصبح طلعت ومشت ايام قليله ودخلت الغرفه ولكيتها وكالت عمو جابني وكتلها ماكو شي بيناتنه كلشي انتها وطلعت ورجعت بليل ودخلت الغرفه وكتلها البينه انتها والغرفه ألج صارت لان ماكو شي يجمعنه وشفت نضراتها لانكسار بعيونها صح صعبه وأذيتها ابكلامي وكالت ماشي لعد اروح الاهلي ونزلت عافتني انتضر تجي ماكو اتئخرت ما اعرف وين راحت وطلعت اشوفها ورحت الغرفتي القديمه ماكو ونزلت جوه بل استقبال وماكو وطبيت المطبخ ماكو بس شفت الباب مفتوح القفل وطلعت اشويه واشوفها كاعده عل مرجوحه واسمع بجيها وشهكاتها احس زرفت كلبي ابشهكاتها وامبين الندم عليها وعفتها وطبيت صعدت للغرفه ونمت عل جربايه وحسيت فتحت الباب ونومي خفيف كلش وطبت للحمام وامصبحه الدنيا وطلعت اجت نامت عل جربايه واسمع نفسها عالي حسرتها
عرفتها دتبجي عفتها لحد ماهدئت واندارت انطتني ضهرها وحسيتها يمكن نامت ونمت وكعدت وهيه نايمه كمت رحت للحمام غسلت وبدلت وطلعت اخذت غراضي ونزلت اتريكت وطلعت للمكتب بين الشغل والمكتب خلصت ورجعت للبيت وصعدت كبل وطبيت للغرفه وفتحت الباب وجان اشوف
شهد،،،،نمت وراسي يئذيني وكعدت لكيت سامر رايح واشوف الساعه عزاا هاي اشكد اني نايمه هسه علئ جيه الولد وسامر وكمت بس راسي احسه ثكيل ورحت للحمام غسلت وطلعت من الحمام وجان اشوف سامر ابوجهي
سامر،،،،طبيت ومشيت دا ادخل للحمام وانفتح الباب واشوف شهد وانصدم من شكلها عيونها حمر دم وامحاوطها التعب وخشمها احمر وضليت اباوع علئ وجها ودنكت راسها وكالت
شهد،،،،صباح الخير
سامر،،، امممم ومشت علئ كيفها وراحت للجربايه وغسلت وطلعت
شهد،،،وراح للكنتور واخذ ملابسه بدل بل حمام وطلع بقيت عل جربايه ابجي وضليت اكل ابروحي واجتي
ام وسام،،،،كالت شهد كاعده تعالي اتغدي
شهد،،،، وانداريت عليها لان جنت نايمه
ام وسام،،،،ياااا ولج هاي شنو ليش هيج وجهج ليش عيونج منفوخات وحمر
شهد،،،،سامر ميريدني وكلي كلشي انتها وكال كلشي انتها بينه بعد مايجمعنا شي واني كتله لعد ارجع البيت اهلي اذا متريدني وطلعت
ام وسام،،،،حبيبتي بس ميصير اتسوين ابنفسج هيج وتعبين نفسج
شهد،،،احبه ويكلي كلشي انتها شتريديني اسوي ابسببي اني ابسبب غلطه مني
ام وسام،،،حبيبتي الله يهدي بس خل ينسه كم يوم ويرجع وهسه تاكلين
شهد،،،،والله ما اشتهي وره الغده اروح البيت اهلي
واكول العمه منو يوديني
ام وسام،،،،،ماشي ابراحتج
شهد،،،وطلعت وبقيت ابجي وسامر طلع نزل جوه بعد ماصعد وكملو غده وصعد سامر للغرفه ودخل للحمام بس بدون كلام معتبرني ماموجوده ونزلت علئ كيفي ودخلت الغرفه عمه ولكيتها بس هيه وشافتني وشهكت وكالت
عمه،،،،يمه هاي اشبيج ليش عيونج هيج يمه اشصاير شهد،،،،،وكتلها عمه سامر ميريدني يكلي كلشي انتها بيناتنه لان هوه ماسامحني وهسه اريد اروح الأهلي وكتله اروح الاهلي وكلي كلشي مايجمعنه بعد
عمه،،،،يمه شجااه هذا يريد يخبلني معليج بيه عوفيه
اني احجي وياا
شهد،،،،عمه اذا هوه ميريدني ومامتقبلني ليش باقيه يمه
عمه،،،،معليج اسمعي كلامي
شهد،،،،لا عمه اني راح احضر ملابسي اريد اروح اشلون ابقه وهوه مايريدني حتئ من يدخل الغرفه معتبرني ماموجوده وكمت وصعدت فوك ولكيته نايم عل جربايه ورحت للكنتور علئ كيف واريد اطلع ملابسي احضرهن واندك الباب وكلت اتفضل ودخل سجاد وكتله هاا حبيبي كال
سجاد،،،،،جده اتريد عمو سامر
شهد،،،، نايم عمو هسه اكعده وراح سجاد ورحت علئ سامر دا اكعده وصلت يمه وكتله سامر ونزيته من كتفه وفز وخر أيده وكال
سامر،،،،هااا شكو
شهد،،،عمه اتريدك اجه سجاد
سامر،،،اممم
شهد،،،ونزل سامر وبقيت ارتب ملابسي الاحتاجها
اخذتها والماريدها عفتها ودا المهن وداحطهن بل جنطه ولميت البوبامي وصوري وفتحت الالبوم واتذكرت حتئ بل صور ما امبين عليك الابتسامه ولا الفرحه مجرد ترضي عمو وبس وكمت ابجي وحطيت الالبوم بل جنطه والملابس وعفت ذهبي ما احتاجه لان هوه جابه
وكملت وسديت الكنتور وانفتحت الباب لو عبالك مداهمات وشفت سامر امعصب واتقرب يمي ولزم أيدي وسحبني قوي وكال
سامر،،،،هيج وصلت بيج تشكيني الأمي شوفي اكولج كتلج البينه انتها لو شيصير يصير
شهد،،،،بس اني ماشكيت والله بس كتلها اريد احد ياخذني الأهلي وكالت ليش وكتلها البينه انتها وهيه كالت اني احجي وياا وكتله لا عمه اني اريد اروح ميريدني بعد ليش باقيه يمه والله ماحجيت شي ثاني والله
سامر،،،،،يعني من وراج انتي أمي تزعل عليه وتكولي اذا شهد طلعت انسه انته ابني
شهد،،،،موقصدي والله
سامر،،،،،لا شهد هاهيه ابقي انتي اهنا بس كلشي مايجمعنه
شهد،،،،اني مامجبوره ابقه اهنا علئ شنو ابقه شنو ماعندي اهل لو شفتني احبك واتريد اتذلني بس اكلك انته ذليتني من زمان ابسبب حبي الي كلشي قبلت وكلشي اتنازلت وجرع المر علئ مودك ودست علئ كرامتي علمود حبي ألك وبقيت يمه وهسه شنو تجي وتكول ماريدج مايجمعنه شي مامجبوره اني وابقه علمود امك حتئ ترضه عليك ترئ لاعبالك ماعندي احد ولاعبالك اموت نفسي علمودك لاحياتي غلطان بعدني اصغيره وألف واحد يتمناني وعيش حياتي و وبعدني ماكملت كلامي وحسيت شي حار علئ خدي واذني اسمع اتوش ضربني راشدي لو حسيت طبلت اذني انقسمت وحطيت أيدي علئ خدي وكتله شكرآ الك شكرآ علئ كلشي بس مو الزلم اتمد ايدها عل مره وتتقاوه عل مره هل مره مو بس انتي اتكول انتها كلشي بينه واني هم اكولك انتها كلشي بينه ونترت ايدي من ايده ومشيت اشويه وسحبني من شعري وقربني يمه وكال
سامر،،،،، ازلمه وغصبآ عليج حتئ لو انفصلنه مترتبطين يكون ابعلمج موانتي لتقررين وتنهين كلشي ابكيفي اني متمشين كلامج عليه اني الماريدج
شهد،،،،ما امشيه كلامي بس راح اطلعك من كلبي لان ماسببتلي بس التعب وهيج حب اني ماريده
سامر،،،،،ولااني رايدج
شهد،،،،وفل ايده من شعري وعفته وطبيت الحمام وكمت ابجي وحسيت شعري اتشلع بيده وسمعت ركعت الباب قويه واشوف خدي احمر وأثر اصابعه عليه واتلمسته حسيت خدي حار وضليت اشويه بل حمام ابجي وطلعت وباوعت علئ ملابسي امطشرهن بلكاع وألبومي مشمور بلكاع ورحت للجربايه ونمت جسمي تعبان وراسي ثكيل من البجي من البارحه وحتئ نوم مانمت زين ومن بعد تفكير ونمت حسيت جسمي ثكيل وافز من نومتي احس احد يفززني وارجع انام وكعدت دنيه ليل الغرفه ضلمه لان ماشغلت لكلوبات ومديت أيدي شغلت التيبلام وكعدت دخلت للحمام غسلت وبدلت وطلعت رحت للميز الم شعري واشوف اثر زراك علئ خدي اصابعه مطبوعه واضح كلش ونزلت راسي وامسح ادموعي وقررت ما اطلع من الغرفه ابد لحد مايروح الأثر بين ماروح الأهلي وكعدت عل جربايه ومددت وحطيت راسي عل مخده وحاوطتني الافكار ونمت علئ جهت الباب بس امفتحه عيوني ومشه الوقت وانفتحت الباب وغمضت عيوني حسيته سامر وضليت امغمضه وحط غراضه عل ميز وكعد عل جربايه واخذ نفس عميق واتلمس خدي علئ كيف
سامر،،،،دخلت الغرفه شفتها نايمه وحطيت غراضي عل ميز ورحت يمها وكعدت عل جربايه واشوف خدها ازرك وأثر أصابعي عليه وصاير ازرك واتلمست خدها واتندمت من مديت ايدي عليها اني مو من طبعي امد ايدي علئ مره بس هيه ابتصرفاتها جبرتني بس اني كم مره امحذرها متتجاوز ومتعلي صوتها عليه بس هيه مجوز من طبعها ومتعرف تصرف ورجعت كذلتها وره اذنها
وكمت نزلت جوه
شهد،،،اسمع بس حسراته ويتلمس خدي وطلع ونزل
جوه وبقيت بل غرفه واجتي زينب كالت عمه ماما اتكول تعالي اكلي عم وكتله كوليلها ما اشتهي وراحت
وره اشويه اجتي
ام وسام،،،،وكالت كم دوب اتحبسين نفسج كم دوب اتحرمين نفسج من الأكل حبيبتي الميريدني ماريده
شهد،،،،ورفعت راسي الها وشهكت واتقربت كعدت عل جربايه واتلمست خدي
ام وسام،،،،،يعني من كل عقله هيج يسوي ويمد أيده
شهد،،،،وكمت ابجي اختنكت وكتلها ضربني لان كلت العمه اريد اروح وعمه كامت تحجي علئ سامر كالتله اذا شهد تطلع من هذا البيت انسه انته ابني عباله اني شاكيتلها وكتله ما ابقه يمك وألف واحد يتمناني وضربني
ام وسام،،،،ميصير تحجين هيج كدامه وانتي علئ ذمته وتكوليله الف واحد يتمناني ولازم يتوكف عن حده
شهد،،،،ماريد شي منه اريد اروح الاهلي مايقبل كال ابكيفي
ام وسام،،،،ماشي خليه علئ كيفه وانتي هم عوفيه هم اهملي حسسي مامهتمه اله وشوفي اشلون راح يتغير
شهد،،،،اممم وطلعت واني مانزلت بقيت نايمه عل جربايه واتعشو وكملو وبعدني بل غرفه وكمت شغلت لبلازمه عل نت واباوع مسلسل زمن البرغوت وعليته اشويه لحد ماصعد سامر وأني كاعده عل تخم مقابيل لبلازمه
ودخل للحمام وطلع مدد عل جربايه وطلع لابتوب واوراق يمكن ديراجع احساباته واسمعه ينفخ وعفته وصارت الساعه12 وكمت طفيت لبلازمه وكمت رحت للجربايه انام بس اني شبعانه نوم وسحبت موبايلي وكمت اتصفح بي عل برامج وسامر بعده وكمت من الجربايه ونزلت جوه رحت للمطبخ سويت شاي وصبيت وطلعت جبن كيري واكلت وكملت غسلت الكوب وكمت طبيت للاستقبال وكعدت فتحت لبلازمه لان مانعسانه وكعدت وهم شبعانه نوم وبقيت اباوع وحسيت شخص واكف يم الباب وراح شي اكيد سامر وعفته والتهيت
بل مسلسل زمن البرغوت اشوفها عل نت ومشت الساعه لحد ماسمعت صوت ورايه عمو كعد علمود صلات الفجر وكال
عمو،،،،شهد بنتي شوكاعده اهنا
شهد،،،اتقرب ودنكت راسي حتئ ميشوف الاثر علئ خدي وكتله عمو مانعسانه وسامر نايم فوك ونزلت جوه
عمو،،،،شهد صايرلج شي شو متنزلين جوه لا اشوفج عل سفره صاير شي احجيلي ورفعت راسي وكتله سلامتك عمو ماصاير شي وشفته اموسع عيونه ودنكت راسي
عمو،،،،شهد اذا صاير شي ومتضايقه كولي
شهد،،،لا عمو وراح وطفيت لبلازمه ورجعت صعدت للغرفه وطبيت علئ كيفي ورحت عل جربايه نمت وبدون تفكير حسيت علئ سحبت الديباج حيل
سامر،،،،لازم ماكفاج تشكيلي الامي وهسه الدور الأبويه اشكايلتله
شهد،،،،اشبيك سامر شنو الموضوع فهني والله ماشاكيه الأحد
سامر،،،،،لعد ليش ابويه يكولي موكلمن مد ايده علئ مره صار ازلمه شنو السبب
شهد،،،والله ماكتله بس البارحه جنت جوه اباوع علئ لبلازمه لان انته متنام علئ صوت وكعدت جوه وماحسيت اله من اجه عمو وشافني بس والله ماكتله يجوز هوه شاف وجهي بي أثر
سامر،،،،شوفي اكولج كلشي ولا امي وابويه
شهد،،،،والله ماحجيت وبعد ما انزل جوه وعافني وراح وبقيت كاعده اشويه لحد ماحسيت راحو ونزلت جوه بل مطبخ وصبحت علئ ام وسام وعمه شافتني عمه
وكالتلها ام وسام الموضوع واتريكت جبن كيري وكتلها عمه اني علمود الأثر ماريد احد يشوف وجهي ويعرف سامر ماد ايده عليه وكالت
عمه،،،،لعد اشوف الحجي يكول اليوم موكلمن مد ايده علئ مره صار ازلمه
شهد،،،،والله عمه موقصدي وعمو شافني الفجر لان جنت كاعده بل استقبال
عمه،،،،اعرف ابنيتي اعرف بخبال أوليدي من يفقد وبعدين يتندم علئ عصبيته يمه سامحيه الخاطري صح هوه طوخها بس يمه الخاطري لتروحين لهلج عوفيه اهمليه حسسيه هم انتي مو ابحاجته وعيشي يومج عادي ولتقهرين نفسج يمه هوه من يهدئ يصالحج
شهد،،،،اممم عمه ماشي الخاطرج والله ونضفت البيت اريد اطلع من جو الكئابه ونزلت أخت سامر وجهالها سوت ريوك وكملت وغسلت المواعين وكعدت يم امها وسويت الغده ويه ام وسام سويت البرياني وام وسام سوت تشريب مال لحم وكملت وكلت العمه راح اصعد ماقبلت وكتلها عمه وجهي ازرك عيب من عمو وهشام ووسام شنو موقفي كدامهم وصعدت فوك وطبيت الحمام سبحت وبدلت لبست دشداشه قصيره لون اسود وفليت شعري خليته علئ طوله وطلعت كذله ومددت عل جربايه وألعب بل موبايل وره اشويه دخل سامر
بدون كلام وسبح وطلع نزل جوه وبقيت كاعده ودخل الغرفه ونام عل جربايه ومشت ايامنه هيج لايحجي ويايا ولا احجي وياا والأثر راح لبخدي وكمت انزل
جوه واساعدهم بل بيت والاكل وكمت اكعد اكل وياهم وأكعد يم عمو وعمه وسامر يباوع عليه من اكعد يم عمو بس سامر ما احجي ويا واضحك واسولف منطلقه ويه عمو ويه الكل وحتئ وسام العب وياا أبلي والجهال يشجعون يصيرون فريقي وفريق وسام ويجي سامر يشوفني اشوفه يعصب ويحترك بس مايكدر يحجي ويايا واني هم اعاند بي واكعد ادرس الجهال سجاد ومحمد والعب وياهم ومن نكعد كلنه يجون يمي ومنوشه تختل يمي وتلعب وابوسها ومحمد يكول عمه شو بس منوشه اتحبيها وتحنه وكتله لاحبيبي هم انته احبك تعال انطيني بوسه وتعال انكمل الواجب ويجي يمي اقريه ويكمل ويروح واصعد فوك اشوف سامر عصبي بس مايجرء يحجي ويايا ما نزل نفسه
ونمت وعفته وكعدت الصبح ونزلت قبله وصبحت عليهم وكعدت اتريك ونزل وكعد وكال
سامر،،،،شاي ماكمت اني بس شفت عمه تغمزلي عود معناها كومي صبيله انتي وكمت صبيت واخذه واتريك وطلع وكالت
عمه،،،،شوفي بنتي ابني واعرفه لويريدني اني اصبله جان كال يمه صبيلي شاي بس يقصدج انتي بس ميريد ينزل نفسه
شهد،،،،ههههه والله عمه عليج سوالف
عمه،،،،،لعد اشعبالج هذا ابني وترباتي
شهد،،،،وكمت كملت البيت وسويت غده وياهم واجمي ودا اصب وطب سامر ماسلم لان اني بل مطبخ وحدي عود ميريد يحجي ويايا وعفته وصبيت واجه وسام شال المواعين وكعدنه ناكل وكملت وشلناهن وغسلتهن وحدي وكملت وام وسام اخذت الشاي وكعدت يمهم وشربت الشاي يم عمه وسامر يباوع عليه بس اني اسوي نفسي مامهتمه ومامنتبها وهوه احسه يشتعل
نار وعفته وكامو كلمن راح الغرفته واني بقيت جوه وطلعت بل حديقه وخابرت علئ نسرين وتسئل وتسلم وسديته وكعدت اشويه بل مرجوحه وطبيت جوه وشفت وسام يكتب واجيت يمه كعدت وسئلته وكال وسام،،،،،،عندي محاضره وتلخيص وعندي واجب انكليزي واني موشي بل انكليزي
شهد،،،،زين انطيني واجباتك الكتابه اني اكتبها واحلها
وانته حضر واجباتك وكال
وسام،،،،اني اخلي المايعين يكتبولي وفوكاها يحلون اليه الواجب هي هاااي
شهد،،،،والله موصوجك صوجي اني الاساعدك
وسام،،،،كومي بابا كومي هسه انتي اتعلمي دار ودور
وبعدين تعالي عليه
شهد،،،والله اني الحالي كلت اساعدك بس حير ابنفسك لعد وكمت من يمه ومشيت وصاحلي
وسام،،،اكولج هوه انتي تعرفين لو جايه تتعلمين ابروسنه
شهد،،،،ههههاي ضحكتني والله لك عيني اني معدلي 85 لو ما الرياضيات موشي بي والباقي كل اعفاء عيني
ولنكليزي درجتي 98 وبعد ابكيفك انته
وسام،،،،لعد كتبيلي الواجب
شهد،،،،ماشي وكعدت يمه وكمت اكتب واحل عبالك رجعت الايام المدرسه شعور حلو واندمجت ويه الكتابه واحل وكملت ابسرعه وانطيتهيا مثل ماجنت اسوي قبل وكال
وسام،،،،اشبيج بابا تضحكين عليه حلي صحيح
شهد،،،،عيني هوه انته لو تعرف اتحل جان عرفت حلي وطريقت الحل مالتي بس انته غبي وبعدني ماكملت كلامي وسمعت
سامر،،،،شهد شكو اشد يصير
شهد،،،،واتفاجأه من صاحلي ونطق أسمي صار فتره ماصاحلي وكتله دا أحل انكليزي الوسام وهوه يقلد عليه لان ابسرعه حليت
سامر،،،،وشنو انتي امفتحه معهد صايره مدرسه واني ما أذري وانتي وين امعرفج وتحلين انكليزي
شهد،،،ضحكت علئ عصبيته وطريقت كلامه وغيرته امبينه ويريد حجه حتئ يحجي وكتله ماعندي شي واني دا اعرض المساعده عليهم مابيها شي اشعندي بس كاعده وساكته ماعندي شي اسوي وليش تستهان ابذكائي انته
سامر،،،،،امممم امبين عليج ذكيه شو انطيني الحل بله خل اشوف
شهد،،،،اخذ مني الحل وبقه يشوف ويتئكد ويباوع عليه ويتئكد لحد ماكال
سامر،،،،،،امممم اي جيد مضبوط الحل صحيح
شهد،،،،شوف ترا اني موهينه واعرف بس اكو بعض مايعرفون ابخبراتي ويستهانون بيه
وسام،،،،اممم مضبوط عيني مضبوط بس هذا البسمار امبين مو أليه
سامر،،،واني شنو
شهد،،،وسامر باوع عليه ومادرتله بال وكلت الوسام اذا عندك شي صعب اني اوضحه ألك وعفته ومشيت
صعدت فوك وطبيت الغرفه وغسلت وطلعت فليت شعري ورحت واخذت الموبايل ودا اروح عل جربايه
وانفتح الباب ودخل سامر واتقرب مني وكال
سامر،،،،شنو معنئ طريقه كلامج الكلتي جوه وشنو هاي طريقه كلامج وصايره اتبسمرين
شهد،،،،والله ماكلت شي غلط اني وماحجيت وياك اني دا احجي وياا وسام وانته ادخلت
سامر،،،،شهد انتبهي التصرفاتج هل أيام ترا متعجبني
شهد،،،،ليش وانته منو وتدخل ابتصرفاتي اني مو ماهمك انته مونهيت كلشي ماكوشي بينه فهسه مالك دخل تتدخل بيه وابتصرفاتي مو من حقك تتدخل بيه
سامر،،، لاحقي ادخل لان انتي زوجتي
شهد،،،،لاوالله ومن اشوكت اني زوجتك ليش مو انته نهيت كلشي لو هيه علئ مرامك ساعه زوجتي وساعه لا
سامر،،،،علئ مزاجي ومره ثانيه لتعدمين وجودي وكافي حضن وبوس بطلي خفافه
شهد،،،،لا والله ليش اني مو ماهمك ومن اشوكت صرت
وبعدني ماكملت كلامي وحط ايده علئ شفتي وسكتت بس ضل يباوع بعيوني وشويه ووخر واني كعدت عل جربايه وهوه بدل وطلع حتئ مانام يمكن الضهر وراح للمكتب وبقيت اشويه كاعده ونزلت جوه ومشت ايام علئ هذا وضعنه بس سامر غير طبعه كام يطلب اكوي ملابسه واحضر اشيائه الي جان مانعني ألمس شي منه
حسيته هوه مل ومايتحمل التجاهل وبده يطلب اشياء مني بس اني اكول ماشي وابد ماحجيت وياا واشوف نضراته دائمآ عليه ومن يشوفني انتبهت يغير نضره
وفد يوم عمه اتريد اتروح للسوك وكتلها عمه فدوه خل اروح ويااج ضايجه وعاجبني اشتري شي وكالت
عمه،،،،يله اتحضري انتضرج
شهد،،،عمه فدوه كولي السامر انتي بلكت مايردج ويخليني أروح
عمه،،،،يله اني انطي خبر انتي اتحضري
شهد،،،،وصعدت الغرفتي حطيت مورد خدود خفيف ومرطب شفايف لون وردي بس لمعه ولبست بنطرون وبدي ولبست فوكاهن صايه وشال وردي فاتح كلش حلوه طلعت وكملت ودا اطلع ودك موبايلي وشفت الاسم سامر وحطيت ايدي علئ گلبي اول مره يتصل من بعد الزعل وكلت اي اتحضري للرزاله واترددت افتح خط لو لا
وفتحت خط اسمع بس النفس وكلت الو
سامر،،،،وين انتي
شهد،،،،بل غرفه
سامر،،،،ابقي ابكانج جايج
شهد،،،،وسده بس كلامه يخوف طبعآ ماقبل اروح وهسه يسويلي سالفه جديده وكلت خل انزل واكول العمه ماروح خطيه ليش تنتضرني وأخرها ونزلت وكالت
عمه،،،،هاا يمه خلصتي
شهد،،،،عمه ماروح
عمه،،،ليش يمه
شهد،،،غيرت رئيي روحي انتي ان شاء الله غير مره
عمه،،،،ابراحتج أحبيبه
شهد،،،،طلعت عمه وصعدت للغرفه ودخلت ورحت للميز
واشوف نفسي ومديت أيدي دا اوخر الدنبوس مال شال وانفتح الباب وانداريت واشوف سامر وكفت ابكاني وكلت بين نفسي اتحضري للرزاله وسد الباب باوع عليه واتقرب يمي بس كلبي يدك سريع وكال
سامر،،،اي عيني شنو ماعندج رقمي وتتصلين عليه لو حضرتج متنزلين نفسج وتتصلين لو هاي جديده تتوصطين يم امي حتئ تطلعين
شهد،،،موقصدي بس كتلها خابريله بين ما اتحضر
سامر،،،،هاا هل كد واثقه راح اخليج تطلعين
شهد،،،ما اعرف بس كلت بلكت مترفض ولو مو من حقك ترفض لان انته نهيت كلشي بس حبيت انطيك خبر
سامر،،،،لاوالله وزين هاي شنو
شهد،،،،شنو
سامر،،،، اشحاطه
شهد،،،عرفت قصده وكتله بس مرطب
سامر،،،،وهيج اتريدين تطلعين والعالم اتباوع عليج
شهد،،،اي وأذا شعليه بل عالم اني
سامر،،،،امسحيها
شهد،،،،،سامر مايستوجب نتعارك ترئ عمه وراحت
يعني مراح اروح
سامر،،،،حتئ لو امسحيها
شهد،،،،شنو هيه شغلت اعناد لو شنو
سامر،،،،ابكيفي
شهد،،،،لاوالله لعد اني هم ابكيفي وما امسحها
سامر،،،،شهد
شهد،،،ما
سامر،،،،ماشي
شهد،،،،كلت ما وماحسيت اله علئ سامر اتقرب سحبني عليه وحط ايده علئ خصري وأيده الثانيه علئ راسي ورفعني واخذ شفتي الجوه وباسها ابقوه واني مصدومه من تجرئه ويبوسني وحطيت ايدي علئ صدره ادفع بي ماكو اضرب علئ صدره وهوه حس علئ نفسه وخر راسه وكتله سامر ابصوت همس
سامر،،،،اشششش
شهد،،،وحط راسه علئ راسي
سامر،،،،اشلون اقبل يباوعون علئ مرتي وملكي ما اقبل
شهد،،،،ليش بستني
سامر،،،،ابكيفي مرتي
شهد،،،،سامر اريد ابدل ورفع راسه وباوع عليه وهوه حاضني ومد أيده علئ شفتي اتلمسها وشفتي ترجف يمسحها واخذ شفتي مره ثانيه باسها بوسه خفيفه ما اعرف ليش اجاني احساس وشعور حلو ومفتقدته فتره
وخر راسه وكال
سامر،،، هيج احسن اذا متمسحيها اني امسحها
شهد،،، وخر ايده من خصري ورجعت عل ميز وباوعت عليه ومشه وكال
سامر،،،، اني بل سياره انتضرج خمس دقائق حتئ انروح للسوك
شهد،،،،اتفاجأه وطلع وبقيت مصدومه من تصرفه وبوسته شنو معناها وكلت خل اروح ويااا حتئ لو بس اغير جو وسحبت الجنطه عندي بي افلوس وعدلت الشال ونفسي وطلعت نزلت وطلعت بره ومشيت للسياره وشفته ورتجي عل باب السياره من شافني راح صعد وصعدت بل صدر وسديت الباب خجلانه منه ومن البوسه ودنكت راسي وافرك بيدي وكال
سامر،،،شو باوعيلي
شهد،،،باوعت عليه وكال
سامر،،،،اممم
شهد،،،وحرك السياره الهدوء سيد الموقف وصلنه للسوك وخابر علئ عمه سئلها وين هيه وسده وطبك السياره وكال
سامر،،،،راسج مترفعينه من تمشين
شهد،،،،اممم زين اشلون اشوف واشتري شي
سامر،،،،شهد
شهد،،،امممم ماشي ونزلنه ومشيت ويااا وراسي اشويه امدنكته وامشي وصار اشويه ازدحام وحسيد ايد اخذت ايدي باوعت سامر وعصرها حيل حسيت ابشعور حلو حسيته خايف عليه ومشينه وصلنه عمه واتلاكينه وكالت
عمه،،،،ليش ماخليتها تجي ويايا
سامر،،،،كلت اني اجيبكم ما عبالي راح اتروحين هسه
شهد،،،،حجيت بين نفسي اشكد يئلف سوالف ويتكتك بل وقت وكالت عمه يله امشي يمه ومشينه وعمه اخذت غراض وأني امشي وياها وعجبني اتراك لون سمائي بل جام خانه وكلت العمه شاورتها خل انفوت للمحل وباوع علينه سامر
سامر،،،،هااا شكو شو صار اتبسبس
عمه،،،،ولك حتئ اني ماسمعت شنو كالت اشلون انته سمعت
شهد،،،،،هههه وعمه كلتله اريد ادخل الهذا المحل
سامر،،،،اممم امشو
شهد،،،،ودخلنه ورحت علئ لتراك وكتله لبو المحل اريد قياسي xL واخذته ودا احاسب بس سامر خزرني وكال
سامر،،،،شنو مو ابعينج اني بس احسابج بلبيت
شهد،،،،وحاسبه سامر وطلعنه وطبينه مجمع مال ملابس طلعه وبيت واخذت دشداشه قصيره واخذت
الأم وسام دشداشه بيت واخذتلها دشداشه قصيره
لان هيه زينه ويايا ما انسه فضلها كلش حبابه عبالك خوات وعجبني اتراك ستن ثلاث قطع لون اسود ابذهبي بس ما كدرت أخذه رحت شفته هذا قياسي كلش عجبني بس عفته ومشيت واجه
سامر،،،،شنو معجبج
شهد،،،،لا بلعكس حلو عجبني بس ماريد
سامر،،،،ليش
شهد،،،،،،عندي اهواي
سامر،،،،ابراحتج
شهد،،،،،وحاسب سامر وطلعنه مشينه واتلاكت عمه ويه مره وسلمت علئ عمه وسلمت عليها اني وسلمت علئ سامر وكالتله الله يخليلك ابنيتك و
سامر،،،،،مشكوره
شهد،،،،وراحت المره بس سامر يباوع عليه وساكت وكمش أيدي وكال
سامر،،،،بعد متطلعين مفهوم
شهد،،،،،ليش اني اشسويت
سامر،،،،لا ما امسويه شي بس المره عبالها انتي بنتي
شهد،،،،يااا واني شعليه هيه فهمت غط
سامر،،،،يله امشو
عمه،،،،يمه شجاك بعدني ماكملت غراضي
سامر،،،،يله
شهد،،،،،ومشينه وعمه تاخذ الغراض وكملنه ورحنه للسياره وصعدت ليوره وعمه بل صدر ومشينه وساكتين بس سامر امبين عليه ضايج وشفت مرطبات واشتهيتهن بس استحيت اطلب منه واحجي وياا لان صارلي فتره منحجي بس خطرت علئ بالي فكره وطلعت الموبايل ودزيتله رساله وكتبت سامر عادي ناكل ايس كريم وصلتله الرساله وشافها وباوع عليه بل امرايه المقابيله ودنكت راسي وكال
سامر،،،،تاكلون ايس كريم
شهد،،،،،وكالت عمه
عمه،،،،، اي يمه بلكت اتبردك اشويه
شهد،،،،عرفت عمه حاسه عليه اعصاب هذا مادواه بس عمه
سامر،،،،هااا يمه بلشنه
شهد،،،،وضحكت عليهم وحطيت ايدي علئ شفايفي ونغزتني واتذكرت البوسه ومسحت علئ شفتي وباوعت علئ سامر شفته يباوعلي من الأمرايه وبانت عليه ابتسامه خفيفه وخرت ايدي ودنكت راسي واستدار ورجع لبو المرطبات وكال
هسه اجي لتنزلون
عمه،،،،ليش يمه
سامر،،،،تنزلن يم العالم وتاكلن موطه
عمه،،،،شكو بيها
سامر،،،،لا
شهد،،،،وراح جاب موطه واجه بس امل لكلاص مو امل بسكت وكتله اني احب امل بسكت وشو ضحكت عمه
وكالت
عمه،،،،،ههههه ولج يمه لعد هوه ليش مايقبل ننزل علمون هاي
شهد،،،ليش عمه واذا البسكت طيبه
سامر،،،،دبري نفسج ابهاي
شهد،،،،ماعرفت شنو معناها واكلتها كلش طيبه وكملتها واخذت اكلينس ووصلنه للبيت ونزلت اخذت غراضي وصعدت فوك وذبيتهن عل جربايه ونزعت الصايه وذبيت الشال وفليت شعري علئ طوله وطبيت الحمام غسلت وطلعت ورحت للكنتور دا اطلع ملابس ودخل سامر وكال
سامر،،،،اي شهد تردين اتحاسبين واني موجود شنو هذا تصرفج يعني اتكولين اني مو ابحاجتك اني اصرف علئ نفسي لو شنو لوماهامج وجودي لو عبالج ماعندي افلوس
شهد،،،،بس خل افهمك موقصدي والله من هذا كلامك بس اني عندي افلوس ماكو فرق بينه اني وياك هذني هم افلوسك قابل اني امنين جايبتهن هنه منك امجمعتهن اني
سامر،،،حتئ لو مازول اني ويااج انتي مدفعين ولا فلس
شهد،،،،اممم ماشي واتقرب عليه اكثر ورجعت عل كنتور وكال
سامر،،،،اي شهد امكيفه علئ كلام المره هوه اني من هذا الاسلوب ماريدج تطلعين
شهد،،،،بس المره موقصدها متعرف بيك مزوجني وعبالها بنتك
سامر،،،،اي ماشي اي اشبيها شفايفج اتفركين بيها بل سياره شنو عجبج الوضع تردين وحده الخ
شهد،،،،هااا لا ماريد بس اتئذيني وحطيت أيدي عليها واتقرب اكثر
سامر،،،،وشنو هذا البس
شهد،،،،مابي شي جوه الصايه ومحد يشوفه
سامر،،،،اممم ماشي
شهد،،،،وعافني وراح نزل بدلت وكملت واخذت غراض ام وسام ونزلت جوه وشفتها بل مطبخ هيه وعمه وكتله هاج حبيبتي هذني الج من عندي
ام وساام،،،،شنو حبيبتي ماليش
شهد،،،،من عندي اشتريت وذكرتج وجبت ألج
ام وسام،،،،حبيبتي مشكوره ليش كلفتي نفسج
شهد،،،،لاحياتي عادي مابيها شي وذكرتج
ام وسام،،،،حبيبتي شكرآ
شهد،،،العفو وسويت عشه وياها وكملنه وننتضرهم يجون وره تشويه اجمي بين ماغسلو وكملو وصبينه وكعدنه ناكل وكعدت يم عمو وسامر يخوزر عرفته يعني لازم اكعد يمه بس والله يحلم اكعد يمه اله
هوه يكول تعالي كعدي يمي وعفته وكملنه وصبيت الشاي وزعته وهوه اخذه بس يخزر ومشيت كعدت يم عمه واتعللنه وصعدت فوك وغسلت وبدلت لبست اتراك السمائي طلعت اخبل يضوي عليه وحطيت حمره وردي مرطب ومشطت فليت شعري علئ طوله ولبست طوك وطلعت كذله بحيث كلش حلوه طلعت ورحت للجربايه
وسحيت تليفوني واكلب بي وانفتح الباب ودخل سامر
شافني بس بقه واكف بل باب ويباوع عليه وعلئ وجها ابتسامه وكال
سامر،، ،،بل عافيه كلش حلو عليج
شهد،،،،شكرآ ألك ودخل للحمام غسل وبدل واجه نام عل جربايه واندار عليه وانطيته ضهري وره اشويه حسيت عليه بعد ما اتحرك يعني نام وانداريت عليه
واشوف ملامحا وارسوم وجها لحد ماغفيت وحسيت علئ فتحت باب الحمام وكعدت عل جربايه وكتله صباح الخير
سامر،،،،صباح النور سويلي ريوك
شهد،،،ماشي وغسلت وبدلت ونزلت حضرتله الريوك
ونزل امبدل وكاشخ وكعد يتريك وكمل وعزلت الميز الطعام وقل ليطلع كال
سامر،،،،محتاجه شي
شهد،،،لا سلامتك وراح كلش فرحت حسيت راح يرجع سامر القديم ومشت الساعات ومست الأيام بل أسبوع فات وفد يوم جنه كاعدين بل حديقه العصر واندك الباب وراحو الجهال واجتي المره نفسها الشفناها بل سوك. وسلمت وكعدت وضيفتها وكعدنه كلنه وكالت المره والله يا ام هشام جايه خطابه الأبني صارله اهواي يريد مره وكلي علئ ذوقج فئاني عجبنتي لبنيه الشفتها بل سوك كلش حلوه
عمه،،،،منو اخر مره شفتيها
المره،،،،اي هاي كلش دخلت ابكلبي
عمه،،،،يااا خيه هاي شهد زوجه سامر
المر،،،،يازوجته لعد اني كتله الله يخليلك ابنيتك وهيه طلعت زوجته
عمه،،، ريتج يسمعج سامر حتئ يكلب البيت علئ راسنه هههه
شهد، ،،انصدمت من المره وكمنه نضحك كلنه

اهم شي تعليقاتكم ومتابعاتكم ضروريه

ولتحرموني من تعليقاتكم الحلوه واشكركم علئ

تعبيركم بل كلام والحماس الضاهر عدكم

وطبعآ تعليقاتكم كلش فرحتني وبيها ضحكتني

والله علئ حماسكم وأريدكم هسه صوتو وعلقو

حتئ تصعد الروايه وان شاء الله بس اختم

هاي الروايه ابدي انزللكم روايه جديده

واريد هذا حماسكم يبقه ويايا

وشنو رئيكم بل بارت وشنو رئيكم ابتصرف سامر

وشنو رئيكم ابعمه

وهذا بارت للمتحمسين للروايه وتعليقاتهم

شجعتني اكتب اليوم يا احلي متابعين

لتنسون تابعوني وصوتو وعلقو حتئ تصعد الروايه

للحكايه بقيه

لتحكمون ع الروايه من بدايتها

لتنسون التصويت⭐ والتعليقات🌹