أدمنت حبك

بارت ٢٠

السلام عليكم
*********

#بقلم - الكاتبه - سانسا
****************

الدكتور،،،،بس اكو سبب هذي الحمه هوه انتي حامل الف مبروك الحمه الالمانيه صارت عندج وياا الحمل يعني فايروس ويه الحمل بس اكو خطوره بل حمل لان الحمه نسبتها حيل عاليه لازم اسرع وقت اتراجعين دكتوره اخصائيه وتنطيج علاج الحمه ترئ الحمه تسبب موت واصقاط الجنين لان شي صير بل ام يصير بل طفل
شهد،،،،،ما استوعبت الكلام مافهمت شنو يحجي بل اخير افتهمت اني حامل وماصدكت اطلع حامل
وعيوني غوركت وباوعت علئ سامر وشفته يبتسم
الحمد الله وبس خفت من كلامه من نسبت الحمه عاليه جدآ وراح اراجع دكتوره اخصائيه بلكت اتنزل نسبت الحمه وطلع الدكتور اني ماحجيت شي بس عيوني تشرح فرحتي ابحملي ادموعي صيطرت عليه واتقرب سامر وباسني
سامر،،، شهد الف مبروك راح اتصيرين ماما
شهد،،،،وانته هم مبروك راح اتصير بابا سامر هههه
مااعرف اشصار بيه من سمعت الخبر ادموعي مابطلن
بجي من الفرحه ماجنت امفكره فد يوم اطلع حامل يصير عندي اطفال من سامر
سامر،،،،الحمد الله علئ نعمته وهسه انتي اشلون صرتي
شهد،،،الحمد الله زينه ومن سمعت خبر حملي صرت زينه واشوكت نطلع من المستشفئ حتئ اكول العمه اريد اشوفها من تسمع بيه حامل اشكد جانت تدعيلي
سامر،،،،الحجيه اذا سمعت شي اكيد تفرح شوفي اشراح اتسوي
شهد،،، سامر اسئلك سؤال
سامر،،، جواب
شهد،،،انته فرحت بل خبر يعني تتمنه يصير عدنه طفل وماخلاني اكمل كلامي
سامر،،،،شهد شنو هذا الكلام شي اكيد افرح لان اول شي راح اصير أب وثاني شي رب العالمين انطاني رزق
وثالث شي هوه فرحان لان راح اتكون ام ابني انتي الي ماكو مثلج بل كون كله من لطافه ونزاكه وگلب نضيف ورزانه بس اكو شي امحيرني
شهد،،،،امممم شنو هوه
سامر،،، اشلون راح الحك علئ اطفال اثنين انتي وابني
شهد،،،يااا سامر شنو يعني اني طفله
سامر،،،،وبل نسبه اليه احلئ طفله علئ گلبي
شهد،،،،وحضني وباسني سامر اريد اكولك شي
سامر،،،كولي
شهد،،،،تعرف اني احبك اهوايه ما اكدر اوصف عن حبي ألك لان حبي ما اله وصف
سامر،،،،امممم اعرف انتي اتحبيني لو متحبيني جان ما اتحملتيني واعرف اشكد اتحبيني صح أذيتج بل بدايه وقهرتج بي مع هذا بقيتي متمسكه بيه
شهد،،،،،اممم اريدك اتعوضني عن كلشي سامر وماريدك فد يوم اتعوفني
سامر،،،،ليش اعوفج اني اشعندي غيرج وين الكه وحده مثلج
شهد،،،،اممم احبك
سامر،،،،اممم يله ارتاحي ولتعبين نفسج
شهد،،،،سامر خابر علئ وسام
سامر،،،،وسام تعال علينه ابسرعه لا اخلي ابني يغسلك ويسحلك بل طوبه اي راح يجي صكارك هههه
شهد،،،،وسد التليفون وره اشويه كملنه المغذي وانطونه ورقه الخروج واجه وسام
وسام،،، عمي الف مبروك عل بيبي بس مايسحلني وداعتك
سامر،،،،يسحلك مثل ما امه سحلتك
وسام،،،،خل يجي ونشوف
شهد،،،،،كملنه وطلعنه وسامر كادني وصعدنه السياره
سامر،،،،كلت الاحد عل حمل
وسام،،،،لا وداعتك بس سديته منك كبل اجيت ماكلت الأحد
سامر،،،،،خوش اسوي
شهد،،،،ضل وسام وسامر يسولفون واني نعست بل سياره ونمت وحسيت علئ سامر يكعد بيه
سامر،،،،،شهد كعدي وصلنه يمعوده يعني اعوفج دقيقه
ارجع الكاج نايمه هههه
شهد،،،،امممم سامر غير تعبانه احس نفسي ما اشبع نوم
ونزلنه من السياره وطبينه جوه سلمنه وكعدنه يم الحجيه وزوجه هشام اتحمدتلي بل سلامه
عمه،،،،يمه ابنيتي الحمد الله عل سلامه اشلون صرتي
شهد،،،الحمد الله زينه
سامر،،،،سبب الصخونه طلع الحمه الألمانيه هذا فايروس ونسبته كلش عاليه وسبب هيج حالتها
عمه،،،،وهاي الحمه الها علاج شي أكيد
سامر،،،،طبعآ الها علاج بس ماسئلتو ليش صارت عدها الحمه الالمانيه
عمه،،،،ليش يمه
زوجه هشام،،،،ليش
شهد،،،،باوعت علئ سامر وابتسملي وعصر ايدي لان كاعده يمه واندار علئ عمه
سامر،،،،امممم لان راح يشرفنه نفر للعائله الكريمه
عمي،،،،،يمه يعني ابنيتي حامل
سامر،،،،اي شهد حامل
عمه،،،،،كللللووش ربي الف الحمد الله والشكر يعني اشوف حفيدي قبل ماموت كلللوش الف مبروك يمه
زوجه هشام،،،الف مبروك عيني
شهد،،،،الله يبارك بيج عمه حبيبتي
عمه،،،،ولج خل احبج عل هذا الخبر
شهد،،،،وباستني عمه وزوجه هشام وباركولي وكلش فرحو
عمه،،،،خل اخابر للحجي واحصل منه ابشاره
سامر،،،،ماشي
شهد،،،،وعمه خابرت العمو وبشرته وكلتله اي جيبه وتعال وعمه كل اشويه بايستني
عمه،،،،موكم مره كتلج خاف حامل واتكولين لا موحامل
شهد،،،،،استحيت من سامر وعمه كاعده يمي بل جها الثانيه وهمست العمه اي عمه نوبات تتئخر واصلن اني ناسيه موعدها
عمه،،،،ابنيتي عرفتج بل بدايه العبان النفس والدوخه بس غلبتني الصخونه هم الحمد الله
شهد،،،،واجه عمو بارك السامر واجه عليه وحضني عمو،،،،،الف مبروك ابنيتي والله احلئ خبر سمعته
شهد،،،،شكرآ عمو
عمو،،،،بره الذبيحه الوجه الله عل هذا الخبر سامر ويله الغراض اليحتاجها
سامر،،،،ماشي
شهد،،،،عمو جايب خروف ذبحه الوجه الله بل باب البره ويوزعه للفقره وكملو الخروف وغسلو الباب ومكان الخروف وكعدنه اشويه واسترخصت من الكل وصعدت ابغرفتي ارتاح ورحت للحمام غسلت وبدلت ورحت مددت عل جربايه نعسانه بس اريد اخابر الاهلي كلت خل انام ومن اكعد اخابر ودخل سامر وغسل وبدل واجه عل جربايه مدد
سامر،،،،نعسان وجسمي متكسر
شهد،،،،اسفه كله مني اني تعبتك وياياا
سامر،،،لاعيني لتحجين هيج غير مريضه انتي
يله انام اشويه حتئ العصر اروح للمكتب
شهد،،،امممم ماشي وسحبني يمه
سامر،،،،اني كم مره كتلج من انريد انام تجين يمي
شهد،،،،اممم موانته تعبان
سامر،،،،يمج كل تعبي يروح تعالي
شهد،،،،ونمت يمه حضني حيل وباس خدي ونمت مرتاحه يمكن لان سمعت خبر حملي وكعدت علئ صوته ويتلمس شعري
سامر،،،،شهد شوشه اكعدي عيني الدنيا ضهر متتغدين يله كومي كافي نوم كومي اتغدي وبعدين رجعي نامي يله شو
شهد،،،،اممم هسه اكوم بس اشويه انام والله نعسانه
سامر،،،،ولج كومي اتغدي انتي متردين لان نعسانه وشنو ذنب الطفل يمكن جوعان ومحتاج غذاء ميصير عيني كومي لان الطفل من بدايه الاشهر يحتاج غذاء اكثر
شهد،،،،اممم ماشي راح اكوم وكمت رحت للحمام غسلت وبدلت وطلعت بس النعاس بعده مدي بس انام
وسامر ينتضرني وكتله يله ونزلنه سويه وسلمنه
وهشام موجود وباركلنه
وسام ،،،،يابه لو اتشوف الحجبه اشسوت كلبت البيت بل هلاهل
هشام،،،،طبعآ هذا سامر عزيز الگلب هذا لو اني ماسوت هيج بس هذا سامر مع العلم اني اول فرحتها
سامر،،،،ههه
عمه،،،،،ولك هشام ليش اني مافرحتلك انتو قطعه من گلبي يايمه
هشام،،،،لاحجيه سامر ماخذ گلبج كله واني محد معترف بيه
عمه،،،،يايمه اني احب بس سامر وانته فرحتي الأولئ يابعد امك
هشام،،،، اشاقه ويااج
سامر،،،،يمه يشاقه وياج متعرفين هشام
عمه،،،،يمه اشعندي غيركم انتو
شهد،،،،يداهرون بعمه وهوه كاعده اتبررلهم ويضحكون
وصبت الغده زوجه هشام تمن وباميه واني كعدت يم عمه وسامر ابصفي بس احس النعاس امصيطر عليه
اكلت حسيتها طيبه وعبالك صارلي شهر مماكله الأكل كلش طيب وسامر قدملي لحمايه وكتله ماحب الحم
سامر،،،،بس ضوكيها طيبه بس اشويه حطي
شهد،،،،وحطيت فتفوته وصدك طيب واكلت وكملت
رحت غسلت ورجعت وطبيت للمطبخ وزوجه هشام دتغسل بيهن وكتلها حبيبتي اني اغسلهن ماعندي شي
زوجه هشام،،،،،لاعيني اني اغسلهن انتي روحي ارتاحي مايصير ابدايت شهرج وتتحركين اهوايه
شهد،،،،عاد بس اساعدج لان تعبتي بس وحدج تشتغلين
زوجت هشام،،،،لاحبيبتي متعوده بل عكس اتونس بل شغل
شهد،،،،ابراحتج لعد راح اخذ الشاي وحضرت الاكوابه واخذت الشاي ورحت طبيت وكعدت يم عمه وسامر وصبيت الشاي دا اكوم وكال سامر
سامر،،،،وسام تعال اخذ الشاي
شهد،،،،باوعت عليه وغمزلي وكتله ليش اني اودي وهمسلي
سامر، ،،،لا ارتاحي وروحي نامي امبين عليج بعدج نعسانه
شهد،،،،اممم ماكاعد اشبع نوم احس جسمي متكسر
سامر،،،،لعد روحي نامي
شهد،،،،،اممم وكمت استرخصت وصعدت الغرفتي وغسلت وبدلت شي خفيف مريح بل نوم ورحت عل جربايه ونمت بس حطيت راسي عل مخده بدون تفكير ونمت وحسيت احد سحبني عرفته من عطره وحضني ونمت نومه مريحه من يحضني احد ابئمان وحرصه عليه واحسه يريد اكسب ثقته وتعامله صاير كلش حلو وكعدت علئ صوت باب الحمام طلع امبدل وراح للميز رتب نفسه سويت نفسي نايمه واجه اتقرب يمي غطاني زين واتلمس راسي لعب ابشعري وباسني من خدي وفتحت عيوني وكتله مساء الخير
سامر،،،،مساء الورد اشلون صرتي بعدج تعبانه
شهد،،،،لا متعبانه شنو راح اتروح للمكتب
سامر،،،،اي اروح محمد بس وحده خطيه مايلحك
شهد،،،،اممم سامر تتئخر
سامر،،،،ان شاء الله لا مااتئخر اخلص شغلي ابسرعه واجي
شهد،،،اممم ماشي
سامر،،،،ليش ترديني يمج
شهد،،،،اي
سامر،،،،والشغل والمكتب اشلون
شهد،،،،هااا لا عادي روح بس لتتئخر
سامر،،،،اممم باي وانزلي لتضلين وحدج
شهد،،،اي باي وراح سامر وكمت للحمام غسلت وبدلت
ونزلت جوه وعمه كاعده بل حديقه ورحت يمها وانسولف وكالت
عمه،،،،ابنيتي لعد اشوكت اتروحين للدكتوره اتجيكين وضع الطفل وتنطيج مقوياات
شهد،،،ما اعرف عمه اشوف سامر
عمه،،،،ان شاء الله
شهد،،،امممم واجتي زوجه هشام وكعدنه جايبه عصريه شاي وكعك وناكل وانسولف ونضحك وره اشويه خابرت علئ نسرين بشرتها وكلش فرحت وكتلها خبري الولد وسلمت وسديته منها وطبينه جوه كعدنه بل مسلك بي تخم وابلازمه وره اشويه حسيت معتي تكلب لعبت نفسي اشويه بس ماكمت وره اشويه بعد ما اتحمل ورحت للحمام اتقيئت وارتاحيت غسلت وطلعت وكعدت يم عمه بلكاع ونمت علئ رجلها وتقره عليه أيات وماحسيت ونمت نومه مريحه احس جسمي خفيف وحسيت علئ كلام واسمع هذا صوت سامر
سامر،،،،،يمه اشبيها شهد نايمه اهنا
عمه،،،،،مابيها شي بس اكلت كعك العصريه واتقيئت واجتي يمي وقريت عليها أياات ونامت
سامر،،،،هااا خوش عبالي صايرلها شي
عمه،،،،لايمه مابيها شي
شهد،،،،،واجه اتقرب يمي وحط ايده علئ راسي قاس حرارتي واتلمس خدي وهمس ابصوت ناصي
سامر،،،،،شوشه لتقلقيني عليج ترئ مابيه بعد اتحمل افراك الأحبهم
شهد،،،،ما اعرف اشحسيت ابوكتها وعباله نايمه واتحسست اشويه سويت نفسي هستوني كعدت وفتحت عيوني وكتله هلو حبيبي أجيت وابتسم
سامر،،،،لا عيني بعدني بل طريق
شهد،،،،،هههه شو صاير اتنكت
سامر،،،،لعد اشعبالج
شهد،،،،،اممم وكمت غسلت ورحت للمطبخ زوجت هشام امسويه عشه واكبود دجاج يمه اني شميت ريحتهن لو احس هسه راح اذب مصاريني وابسرعه طلعت من المطبخ
وغسلت وجهي وصعدت فوك بل صطح احس روحي اتريد تطلع نفسي تلعب وما اكدر اتقيئ وابجي
بل صطح وخليت الباب الصطح مفتوح وكعدت يم
الدجه مال باب وابجي اريد بس اتقيئ ماكو احس ريحتهن بعدهي ابخشمي وره اشويه اسمع سامر يدورلي
سامر،،،،شهد وينج
شهد،،،ومديت راسي من الباب وكتله هااا بل صطح اني
واجه
سامر،،،،شهد اشعندج بل صطح
شهد،،،،اجه ومن شاف حالتي كال
سامر،،،،عبالي صايرلج شي لو متخربطه ادورلج ماكو اشبيج ليش تبجين وليش بل صطح
شهد،،،،وكمت اشهك بل زايد وكتله سامر بعد ما اتحمل نفسي تلعب بس ما اكدر اتقيئ وشميت ريحت لكبود ومعتي كامت تكلب واحس بعدهي ريحتهن ابخشمي وصعدت بل صطح
سامر،،،،تعاي
شهد،،،،وحضني ومسح علئ ضهري
سامر،،،،كافي لتبجين تكدرين تدخلين بل غرفه
شهد،،،خاف اكو ريحه
سامر،،،،لا ماكو تعالي
شهد،،،،وسحبني ودخلنه بل غرفه ورحت للحمام اتقيئت وغسلت وجهي وطلعت وانطاني عصير برتقال شربته ومعتي ارتاحت ومددت عل جربايه وكتله روح انته اتعشه اني زينه
سامر،،،لاماعوفج ماريد عشه وانتي هذا وضعج
شهد،،،والله صرت زينه من شربت العصير احس معتي ارتاحت
سامر،،،،ماشي لعد باجر العصر انروح للدكتوره ماشي هسه ارتاحي
شهد،،،،ماشي وراح اتعشه واجه وكتله اريد بسكت اكل وشربت وراح للمحل جابلي بسكت وشربت اكلت وكتله
شكرآ
سامر،،،،العفو عيني
شهد،،،،،ننزل جوه
سامر،،،ابكيفج اني عندي حسابات ويه الحجي راح انزل
شهد،،،لعد اني هم انزل ونزلنه سويه وكعدنه وسامر جاب الأوراق وكعد يحسب ويه عمو واني يم عمه
عمه،،،،شو ما اتعشيتي يمه
شهد،،،عمه ماكدرت والله شميت ريحه لكبود
وماكدرت اتعشه واتقيئت وارتاحت معتي واكلت
بسكت وشربت عصير برتقال
عمه،،،،بل عافيه يمه
شهد،،،الله يعافيج وضلينه انسولف اشويه ووسام دايره علئ فلم اجنبي أكشن وحماس كلش حلو وفجأه سمعنه
صوت بره وكامو هشام وسامر ووسام وعمو طلعو بره
شهد،،،،كلهم طلعو بره وعمه هم طلعت وكفت بل باب وشافت شكو ورجعت
عمه،،،،هاي بيت ام نور والحجي والولد راحو عليهم
شهد،،،،خفت گلبي ينقبض من اسمع طاريهم ما اعرف ليش وبقينه علئ هذا حالنه لحد ما اجمي
عمو،،،،هشام المفروض متكوم تجاوز علئ زوج نور
هشام،،،،لاوالله اتريدني اسكتله
عمو،،،،اي احنه انحلها
هشام،،،اي اتحلوها
سامر،،،،يابه والله هشام برد گلبي
عمو،،،،اي انتو اتحبوب المشاكل
هشام،،،،هوه لو محترم ومامجاوز علئ ابو مرته جان ماصار الي صارله مستاهل الديصيرله
عمو،،،،اني ماريدكم تتدخلون اني احلها
سامر،،،،ماشي لعد حلها انته اني راح اصعد فوك
شهد،،،،صعد سامر واني وره اشويه صعدت وشفته امدد عل جربايه وصافن عل سكف وحتئ ماحس علئ دخولي وطبيت للحمام غسلت وبدلت دشداشه قصيره ورحت للجربايه حزت ابگلبي حيل لان ماحس علئ دخولي للغرفه شي أكيد ديفكر بيها ونمت صفح انطيته ظهري وره اشويه سحبني عليه
سامر،،،،اني كم مره كتلج مخدتنه وحده ماريدج تبعدين عني لو سانتيم واحد
شهد،،،،انته ماحسيت عليه من دخلت الغرفه وشفتك صافن ودتفكر ماحبيت اضوجك ولحد الان انته عاكد النونه وعفتك ابراحتك
سامر،،،،امممم ماانتبهت عليج من دخلتي
شهد،،،،،اي طبعآ اشلون تنتبه عليه وانته مشغول ودتفكر ما اعرف ابمنو
سامر،،،،شهد شنو قصدج تذرين بيه ماحب التلميحات كولي شنو قصدج
شهد،،،،اممم ماكو شي اريد انام وجان يعيط فززني
سامر،،،،شهدددد كتلج احجي شنو تقصدين والاه
تعرفين شنو يصير لطلعيني عن طوري
شهد،،،وخرت من يمه وكعدت اي اعرف شنو راح يصير ترجع سامر العصبي واليمد أيده علئ مره وتقهرني
سامر،،،،شهدددماكلت هيج
شهد،،،اي ماكلت بس اني حافظتك اتهدد وعلئ شنو صدك علئ شنو هسه انته ضايج وصافن وبايع الدنيا. وصافن وضايج علئ وحده وبعدني ماكملت كلامي وكام ابسرعه وحط ايده علئ حلكي وسد حلكي وكال
سامر،،،،شهددد ما اسمحلججج
شهد،،،اتفاجئه من تصرفه واستغربت من رده فعله ونزلن ادموعي وحطيت عيني ابعينه وعيوني مليانه
ادموع وبلعت ريكي وخرت أيده من حلكي وكتله ماشي سامر وكمت رحت للحمام وقفلت الباب وكمت ابجي ومعتي اشتعلت من تصرفه المفاجاء ومعتي كامت تكلب واتئخرت بل حمام وسامر دك الباب
سامر،،،،شهد اطلعي خلي افهمج الموضوع
شهد،،،،ماحجيت وياا عفته وغسلت وجهي احس هسه راح اتقيئ وره اشويه صدك واتقيئت كل شي وفرغت معتي وبقيت ماطلعت من الحمام وكمت ابجي بل زايد
وغسلت وجهي احس اشتعلت نار ومعتي أذتني كلش
وطلعت من الحمام وشفته كاعد عل جربايه ورجليه بلكاع يهز ابرجله وشابك اصابعه وباوع عليه ورحت للكنتور طلعت دشداشه طويله وشال وطبيت للحمام بدلت وطلعت لفيت الشال ومشيت ووكف لزم ايدي وسحبني ومدنكه راسي
سامر،،،،شهد وين رايحه
شهد،،،،مختنكه منه ماريد احجي وياا وسكتت ماجاوبته
سامر،،،،شهد دا احجي ويااج جاوبي اشبيج وين رايحه تعالي نامي وترئ انتي فاهمه الموضوع غلط
شهد،،،،رفعت راسي وعيوني كلها ادموع وكتله
متصور اشكد استحقر نفسي من تتعامل ويايه بأسلوب موحلو اتهدد واتمد أيدك وتعصب وتعيط اريد اعرف شنو انته عبالك محد ألي ماعندي أهل وكم مره كتلك لتكرر هذا طبعك الأناني
سامر،،،،اعرفي شنو الكلام لتكولي
شهد،،،ماريددد اعرف ماااريد بس هذا الاعرفه انته ما اموازن نفسك وماتعرف شنو لتريده عايش بين الماضي والحاضر ومتعرف أتقرر علئ شي احسك اتريد تملك الماضي والحاضر
سامر،،،،شهددد كافي اتمسلتين
شهد،،،،،اي كافي لازم كلامي مايعجبك لان جبنه سيره ال وعاط
سامر،،،،،كافيييي كافيييي
شهد،،،،،بقيت بس فاتحا عيوني علئ وسعها ومصدومه من تصرفه وخرت ايده من ايده ومشيت ورجع لزم أيدي حيل
سامر،،،،،من اخلص كلامي عود امشي
شهد،،،ماعجبني اسمع شي تافه
سامر،،،،شهددد يعني اني صرت تافه شهد
شهد،،،،لاماكلت انته تافه بس كلامك بعد مايهمني
وشتبرر ماريد اسمع شي ووخر ايدك اريد اطلع
وهد ايدي وطلعت ونزلت الدرج ابسرعه وطلعت من باب المطبخ ورحت للحديقه وكعدت بل مرجوحه وابجي علئ حظي اعرف نفسي مدوملي الفرحه
وضليت ابجي وكاعده بل مرجوحه المرجوحه امدوشمه
ورجعت راسي ليوره وامسح ادموعي تصرفه قهرني
ومعتي أذتني ولزمت بطني اتحسس طفلي وهمست حبيبي بابا صاير عصبي من الشغل لتاخذ فكره علئ بابا موحلوه واتلمس ابطني اشوكت تجي واكحل عيوني ابشوفتك وضليت اتلمس بطني وابجي واجر نفس عميق وارتاحيت اشويه وارتاجيت راسي عل دوشمه واخذني النعاس وحسيت علئ عطره واتلمس خدي
سامر،،،،شهد كومي طبي جوه نامي شو شهد كومي يله
شهد،،،،حسيت عليه ورفعت راسي وباوعتله وماحجيت ويااا وكمت من المرجوحه ومشيت بل حديقه دا اطب بل مطبخ وسحبني عل حايط وركعني حيل عل حايط
سامر،،،،شهد شنو هذا تصرفج
شهد،،،،باوعتله ابنضره غير اهتمام وماحجيت شي ودنكت راسي لزمت بطني حسيت مغصتني اشويه
وهوه انتبه النفسه
سامر،،،،موقصدي
شهد،،،،،ووخر واني طبيت جوه وصعدت الغرفتي وطبيت للحمام وغسلت وطلعت وهوه كاعد عل جربايه واني جوعانه بس ما اكلت شي ورحت للجربايه ومددت امكاني واتغطيت وانطيته ضهري
افتقدت حضنه اريد قربه بس الشي السواه موقليل
وكمت ابجي بدون صوت بس ادموعي نزلن امسحهن
وينزلن وحسيته ينفخ
سامر،،،،شهد
شهد،،،،ماجاوبته
سامر،،،،شهد دا احجي وياااج
شهد،،،،غمضت عيوني الي صارن يحركن بيه من البجي
وماجاوبته
سامر،،،، شهد اعرف بيج كاعده
شهد،،،،ابصوت مخنوك شتريد
سامر،،،،،اريدج يمي تعالي
شهد،،،،اني ماريد هيج مرتاحه اريد انام
سامر،،،،،بس اني مامرتاح
شهد،،،،امممم كلتلي مامرتاح بله عليمن ومنو السبب اني لو غيري
سامر،،، شهد كتلج كافي لتلحين ماكو شي يعني اتورطت لان ما انتبهت عليج من دخلتي الغرفه شنو الواحد يبطل مايفكر بعد
شهد،،،،لاعيني فكر منو مانعك بعد مايهمني شي بيمن اتفكر
سامر،،،،شهد هسه انتي علئ شنو امكبره السالفه
شهد،،،،وكمت كعدت امممم كلتلي علئ شنو امكبره السالفه طبعآ انته مايهمك شنو السالفه صارت عاديه عندك اتعصب اتضوج اتمد ايدك اتعيط عليه عادي
عبالك ماعندي احد لو شفتني ما احجي الاهلي واستغليت وضعي اني صوجي المفروض شي صير بينه شي غلط المفروض اكول الاهلي بس اني عمو وعمه وكفو ابعيني غيرهم مايهموني بعد وكمت امسح بدموعي التنزل
سامر،،،،يعني هسه اني ماأهمج انتي ماعرفتي شنو الموضوع وكمتي تحجين ابكيفج وانتي تذرين بيه عصبي
شهد،،،،حتئ لو عصبي ماألك حق اتمد أيدك حتئ لو عصبي ما ألك حق تسحبني وتركعني عل حايط واني حامل مافكرت يصير شي ابأبني علئ فكره بعد اني ما اسكت حتئ لو أحبك ما اسكت
سامر،،،،،يعني هسه انتي زعلانه لان سكتج وسديت حلكج وزعلانه لان سحبتج عل حايط غير من وره تصرفاتج لتعصبني لتتجاهليني اتخبل من هذا التصرف
شهد،،،،باوعت عليه ومسحت ادموعي وكتله اريد انام
وانداريت ومددت عل جربايه وانطيته ضهري ونزلن ادموعي
سامر،،،،،راح اتنامين هيج
شهد،،،،،ماريد احجي ويااك بعد عوفني
سامر،،،،،ماشي الضاهر نزلت نفسي وكمتي تدللين واشوف بعد منو اليحجي وياج خليج هيج خلي يفيدج هذا تصرفج
شهد،،،،،،ونام ابكانه واني حسيت نار ابگلبي كله علمودها هيج صار بعد يفكر بيها جان اسلوبه حلو وارتاحيت ابحياتي من اتغير وطبعآ مدوملي الفرحه
وكمت للحمام غسلت وجهي وطلعت رحت للثلاجه لان جوعانه كلش ولكيت بيها عصير برتقال ونستله نمبروان
واكلتها وشربت العصير ورحت كعدت عل تخم ماريد قربه لان ما اتحمل بعده خاف اروح انام يمه علئ صدره مثل كل مره ماريد انزل نفسي ومددت عل تخم ونمت
بس مامرتاحه ابنومتي وحسيت علئ عطره وسحبني فتحت عيوني وكتله دسوي
سامر،،،،لتصيرير خبله اشيلج حتئ اتنامين علئ جربايه لان النومه علئ التخم مومريحه
شهد،،،،وشالني ومشه بيه عل جربايه ونزلني ونمت عل مخده
سامر،،،،خلي اعنادج يفيدج
شهد،،،ماجاوبته وحضنت المخده ونمت
وكعدت الصبح مالكيته ورحت للحمام غسلت وطلعت ونزلت جوه طبيت للمطبخ هم مالكيته رايح للمكتب
وسلمت وكعدت عل ميز الطعام وشربت بس شاي
عمه،،،،ابنيتي اكليلج لكمه اسندي بيها كلبج والطفل هم يرادله غذاء
شهد،،،،امم اخذت منها نص صمونه واكلتها وكلت بين نفسي ليش راح من وكت حتئ مالحكت اشوفه بس مو اني هذا الأريده ليش لعد زعلت
عمه،،،،،شهد اشبي سامر
شهد،،،اشبي
عمه،،،،،عصبي صاير امبين من شكله صاير شي بينكم
شهد،،،،لا ماصاير شي
عمه،،،،ابنيتي اني اعرفكم من تتصالحون ومن تزعلون فلتضمين عليه
شهد،،،،وحجيتلها علئ كلشي الصار البارحه
عمه،،،،،يمه صحيح ما ارضه السواه بيج بس لازم تفهمين اشبي وشنو ديصير وياا
شهد،،،،عمه اني اعرفه ديفكر بيها وماحس عليه من دخلت الغرفه وفوكاها من احجي وياا يسد حلكي
ويعصب ماريد منه شي بعد خلي ابراحته يفكر
وكمت من الميز رحت داانضف وعمه ماقبلت كالت عمه،،،،البيت نضيف مابي شي
شهد،،،،ماشي لعد شنسوي غده
عمه،،،،حبيبتي انتي بس ارتاحي ماريد منج شي
شهد،،،،عمه مابيه شي والله اريد اغير وألهي نفسي اشويه
عمه،،،،لايمه لازم ترتاحين حتئ لو مابيج شي
شهد،،،،ماشي وكعدت يمها اشويه وزوجه هشام وانسولف واشويه استرخصت وصعدت فوك ولكيت
مكالمات من نسرين ورساله وينج عاد اتصلي
واتصلت عليها وسلمت وكالت
نسرين،،،،حبيبتي اشلونج واشلون حبيبت خالتها
شهد،،،،الحمد الله زينين وانتو اشلونكم
نسرين،،،،الحمد الله اكلج شوشو احنه بل طريق جايين عليكم كلنه
شهد،،،،جذب
نسرين،،،،والله بل طريق احنه
شهد،،،،والله فرحتوني هله بيكم وسديته فرحت كلش ومشتاقتلهم صح ديخابرون كل يومين بس مو مثل ماهم يمج ونزلت وكلت العمه اهلي جايين بل طريق
عمه،،،،هله بيهم يمه لعد خل نحضر الغده شهد طلعي الحم من المجمده خلي انسوي مركت بامي واندز علئ سمك
شهد،،،ماشي عمه وطلعت الحم وكتلها عادي اسوي دولمه لان اخوتي يحبون الدولمه مالتي
عمه،،،،ابكيفج
شهد،،،، وبدينه انحضر وكلت عمه لعد منو يجيب السمك
عمه،،،،خابري سامر يوصي من يمه
شهد،،،،اممم ورحت اشلون اخابره واني ما احجي وياا
ودزيت رساله كتبت( اهلي راح يجون عمه اتكول جيب سمك شوي ويااك) ودزيتها ونزلت والموبايل بيدي ورحت يم عمه ودك الموبايل مال عمه
عمه،،،،هاا يمه هله اي خابرو علئ شهد اي كتله خابري السامر يجيب سمك ابكيفك يمه لاراح انسوي باميه
ودولمه تكدر اتجيب سلك ماشي لتتئخر عل شوي الله وياك
شهد،،،،سدته وكالت
عمه،،،، راح يجي يجيب سلك
شهد،،،،واني راح احضر الحشوه مال دولمه واجتي زوجت هشام دسوي المركه باميه وسلكت الحم وطلعت عل بيت اترتب اشويه ولو هوه نضيف واني بل مطبخ داحضر الحشو وعمه ماموجوده بل مطبخ واجه سامر طب للمطبخ وذب السلك ولكرفس ماسلم وماحجه ويايا باوعتله ودنكت راسي وانداريت اكمل الحشو وهوه راح للطباخ حط القوري الشاي عل نار وطب جوه يم عمه وبده يفور وطفيت الطباخ وماصبيتله شاي اعناد بي وغسلت السلك واجه شاف الطباخ منطفي باوع عليه وطلع ماحجه شي وبديت الف بل دولمه وكملتها وحطيتها عل طباخ وزوجه هشام هم دتركب بل مركه وحضرنه كلشي بقه بس يوصلون ورحت للغرفه طبيت الحمام غسلت وبدلت وطلعت وحطيت مكياج خفيف اخفي ملامح وجهي التعبانه وحطيت حمره اشويه طوخ لون وردي وطلعت حلوه واتعطرت ونزلت جوه شافتني عمه
عمه، ،،،،صلاوات يمه عيني عليج بارده
شهد،،،،شكرآ عمه وره اشويه سمعنه هورن بره وصلو اهلي واستقبلتهم اني وعمه هشام وعمو علئ جيه وسامر بل مكتب وسلمنه ودخلنه بل استقبال وقدمتلهم مي وباركولي علئ حملي وكعدت يم نسرين وره اشويه اجه سامر طب للمطبخ ورحت للمطبخ وهوه طب شايل السمك وباوع عليه اشويه وعكد النونه ومشه ماحجه شي ويايا وراح غسل وطب سلم وره اشويه طلع صعد فوك للغرفه واجه سجاد شاورني اني بل مطبخ وكلي عمه عمو يصيحلج وكتله ماشي
ورحت صعدت فوك وطبيت مالكيته بل غرفه طلع من الحمام سابح وراح للميز واني ماحجيت شي انتضره يحجي شيريد ورحت للكنتور هستوني فتحت الباب ماحس وهوه ورايه وطبك باب الكنتور وسحبني وخله ضهري عل كنتور ومسح شفتي من الحمره
سامر،،،،ممنوع اتطوخين بل مكياج ماحبه
شهد،،،،بس اني احبه وامخليه اليه مكياج مو الك
سامر،،،،شهد اتلاسنين صايره
شهد،،،،ما الاسن بس اني عاجبني اخلي مكياج
سامر،،،،،ماشي ابراحتج بس راح تتندمين علئ هذا تصرفج
شهد،،،،طلع من الغزفه ورحت عدلت الحمره ونزلت واجه عمو وهشام وسلمو وراحو غسلو وبدلو واجمي كعدو وبدينه انصب الغده والبنات هم ساعدنه وصبينه واجه سامر ووسام شال المواعين والسمج وكملنه وراحن البنات عمه اخذتهن وكعدنه سويه احنه بيت اهلي عادي يكعدون سويه ورحت حطيت القوري عل نار وتعبت حسيت ابدوخه اشويه وكعدت عل ميز مال طعام ولزمت راسي ودنكت وره اشويه كمت لعبت نفسي ورحت للحمام اتقيئت ارتاحيت وغسلت وجهي حتئ المكياج غسلته وطلعت رحت للمطبخ واكلت اشويه ملح لان اني عندي هبوط واخذ ملح وره اشويه حسيت احد اجه شفت سامر وشو من شاف وضعي ماحجه شي ويايا بس بقه يباوعلي اشويه وطلع من المطبخ عل حديقه استغربت يعني شافني دايخه وماكلف نفسه يحجي شي لو يسئلني اشبيج ماشي سامر هل كد صرت ماهمك وطب جوه هم ماحجه شي واجه
سجاد،،،،عمه تعالي اتغدي يصيحولج
شهد،،،،اممم حبيبي هسه اجي بس اغسل وراح سجاد
وغسلت ودخلت كعدت ابصف عمه صرت مقابيل سامر
وبديت اكلت تمن وباميه بل خاشوكتين وماردت اكل اكثر لان معتي تكلب وعمه حجت
عمه،،،،،ابنيتي شو متاكلين اكليلج شي اسندي گلبج
شهد،،،عمه مااكدر معتي هستوني اتقيئت واجيت
ماريد اثكل علئ معتي وفلستلي لحم سمك
عمه،،،،اكليهن بي اشويه بدون خبز
شهد،،،،،ماريد والله وسامر باوع عليه بس انداريت
وكمت احس هم معتي كلبت ورحت الغرفتي وطبيت بل حمام اغسل وجهي وجسمي يعرك ويبرد واتقيئت احس معتي متتقبل أي اكله وابجي ابصوت من ألم معتي وغسلت وشويه وطلعت من الحمام عيوني امورمه رتبت نفسي ومشيت خطوات وصلت يم الباب والباب انفتح وسامر وكف بل باب باوع عليه وشافني باجيه ودنكت راسي شو مشه ماحجه شي ولاسئلني اشبيج عبالك ماشايفني كدامه ودخل للغرفه واني فتحت الباب وطلعت حسيت نار اشتعلت ابمعتي اكثر ماهيه مشتعله ونزلت جوه وغسلت المواعين ويه زوجت هشام وحضرت الاستكانات وصبيت شاي واجه وسام اخذه ورحت كعدت يمهم وسوالف واجه سامر كعد وصاح وسام جيبلي شاي وراح وسام جاب شاي وانطاه وكمت كلت للبنات تعالن وكامن ورحت الغرفتي وطبن ويسولفن ويسئلن مرتاحه كتلهن الحمد الله وسوالف وماحسينه عل وقت وصايره الدنيا عصر ونزلنه وسويت عصريه وقدمتها وعمار كال يله اتحضرو لان عندي شغل واتحضرو وطلعو وسلمو عليه وعل كل وطلعو وراحو حسيت البيت فرغ وصعدت الغرفتي وذبيت الشال ونمت عل جربايه وكمت ابجي لان راحو وهم مقهوره من سامر وانفتحت الباب ودخل سامر وشاف وضعي وكمت رحت للحمام غسلت وطلعت ورحت للجربايه ماحجه شي دخل للحمام وغسل وبدل وطلع واني اخذت موبايلي واكلب بي وهوه رش عطر ومشط لبس ساعه واخذ موبايلاته ولسويج وطلع بدون كلام صح انقهرت احسه مامعتبر وجودي وداكلب بل موبايل واجتي رساله عل واتساب من سامر فتحتها كاتب
سامر،،،،،حضري نفسج اليوم اتروحين للدكتوره حجزت
شهد،،،،،فتحت الرساله بعده متصل قريتها وماجاوبته
سديته واجتني رساله وكاتب
سامر،،،،شهد ليش تجبريني اتصرف شي مايعجبج
شهد،،،هم قريتها وماجاوبته وسديته عبالي طالع رايح للمكتب ودا اكلب بل صور وفزيت علئ فتحت الباب عبالك انشلع ودخل سامر عبالك صاير اعصار وبركان ودخل وسحب الموبايل من ايدي حيل وشمره بل كاع فلش الموبايل وسحبني حيل من أيدي انشلت من الجربايه وقربني علئ وجها
سامر،،،،،شنو هذا التصرف كم مره حذرتج لتتجاهليني ليش تفتحين الرساله ومجاوبين انتي شنو اتحبين المشاكل اتحبين اتشوفيني عصبي واتصرف تصرفات ماتعجبج وبعدين اتكومين اتعاتبين وتشكين
شهد،،،اتفاجئت من تصرفه كامش ايدي احسها عبالك انشلعت واوخر ايده ضابها حيل وكتله سامر ايدي دتئذيني وخر عفيه
سامر،،،،،والله الضاهر احترمتج اهوايه ورفعتي
خشمج عليه بس والله اله اكسر خشمج وكمتي تتمادين شفتيني انطيتج مجال وشفتي صرت زين ويااج لاعبالج اتهميني وميت عليج ترئ انتي كلج علئ
بعضج متهميني اصلان ما ألج وجود ابحياتي أبدآ
شهد،،،اتفاجأه من طريقه كلامه وتعامله حسيت كلماته سجاجين ودخلت ابصدري وشمرني عل جربايه حيل وطلع ركع الباب وكمت ابجي الوم ابنفسي لو امجاوبته ولا صاير هيج بين معانات وتعب وعتب ونمت من البجي تعبت وحسيت علئ رطوبه احس نفسي صرت جسمي كله مي وحرانه وكعدت ورفعت الديباج وانصدمت

لتحرموني من تصويتكم وتعليقاتكم الحلوه
التشجعني كلها حماس وان شاء الله اتقدرون
تعبي بل كتابه واتعلقون واتصوتون احب
اتشاركوني ابحماس وتعليقات حلوه

للحكايه بقيه

لتحكمون ع الروايه من بدايتها

لتنسون التسويت ⭐ والتعليقات🌹