أدمنت حبك

بارت الأخير

السلام عليكم
*********

#بقلم _الكاتبة _سانسا
****************
شهد،،،،واجه سامر وكال
سامر،،،،،حبيبتي الحمد الله حامل حامل والله
شهد،،،،يمه من كال هذا الكلام ماصدكت وكتله شنو
سامر،،، يعني حامل يعني راح اتصيرين ماما
شهد،،، وضحكت من فرحتي وجسمي حسيته نمل وصارت رجفه ابداخلي واخذني وطلعنه وصعدنه بل سياره واخذ راسي وباسني من راسي وكالي
سامر،، الف مبروك حبيبتي انشاء الله يتربه ابعزنه ودلالنه
شهد،،، حبيبي امين ياربي ما امصدكه راح يصير عدنه طفل
سامر،،،لا صدكي يروحي الحمد الله ويله هسه انروح للبيت وانبشرهم
شهد،،،،ورجعنه للبيت ودخلنه وطبينه من باب المطبخ وصعدت للغرفه بدلت ونزلت ابسرعه اريد اشوف سامر اشلون يخبرهم وطبيت لكيتهم بعدهم كاعدين وسلمت وباوعت علئ وسامر كال
سامر،،،،،اكو موضوع اريد اكوله
شهد،، كلتها التفتت علئ سامر
عمو،،، خير يابه
عمه،،،، اي خير ان شاء الله
هشام،،،،اي شنو صاير شي احد متعرضلك كول احجي
سامر،،،انطيني مجال اكلتني حاصل فاصل
شهد،،،، اني كاعده يم عمه واضحك عليهم اشلون خوفهم سامر وكال
سامر،،،،هوه ابصراحه اني
عمه،،،،ولك احجي مو راح يوكف كلبي
سامر،،،،،ههههه راح اصير أب
شهد،،،، كلها كالت شنو ما استوعبو الكلام وره اشويه عاطو
عمه،،،،،ولك يمه يعني راح اشوف أوليدك قبل لا اموت يايمه
عمو،،،،،يااا الله الف مبروك اوليدي
هشام،،،،،ولك وكفت گلبي الف مبروك
شهد،،،،،عمه حضنتني وكامت اتبوس بيه واتباركلي
وباست سامر وباركتله
عمو،،،،تعاي ابنيتي
شهد،،،،رحت علئ عمو وباركلي وباسني وبارك السامر
وام وسام،،،،باستني وباركتلي
وهشام،،،،باركلي بدون بوسه هههه وبارك السامر
وكلش فرحو بل خبر والحمد الله وكالت
ام وسام،،،،،عرفتج والله بس خفت أئملج لان اعراضات الحمل امبينه عليج حبيبتي الف مبروك فرحتلج والله من كل گلبي وأخيرآ حبيبتي الله يتمملج علئ خير
شهد،،،،مشكوره حبيبتي الحمد الله ما امصدكه والله
عمه،،،لايمه صدكي ربج كريم
شهد،،،الحمد الله وكمت صبيت شاي السامر وكعدت يمه وكمت استئذنت وصعدت الغرفتي غسلت وبدلت ورحت للجربايه واخذت الموبايل واتصلت علئ نسرين وسلمت وبشرتها كلش فرحت حجيت ويه زوجات اخواني هم باركلي كلش فرحن وسلمت وسديته
وحضنت المخده نعسانه ودخل سامر من يم الباب شمرلي بوها بل هوئ وراح للحمام غسل واجه يمي عل جربايه وسحبني الحضنه وباسني وكال
سامر،،،،شهد تذرين انتي أحلئ شي صار ابحياتي
شهد،،،،ههه اشلون ليش
سامر،،، ما اعرف بس الأعرفه أحلئ شي صار ابحياتي وأحبج
شهد،،،،انته هم أحلئ شي ابحياتي وأحبك وباسني من راسي واتلمس شعري وخدرت ونمت استسلمت وحسيت علئ بوسات خفيفه علئ خدي ونايمه علئ أيده وصدره ابوجهي اتنفس عطره وكتله حبيبي بعدني ماكملت كلامي واخذ شفتي وكال
سامر،،، مشتهيها
شهد،،،،هههه
سامر،،،،ليش عندج مانع
شهد،،،،هههه لاماعندي مانع ما أخذ لان حامل
سامر،،،،هاااه واتنكتين صايره
شهد،،،،هههه
سامر،،،،يله حتئ ننزل اليوم الخاطرج ماروح للمكتب
شهد،،،صدك يعني راح تبقه يمي متروح
سامر،،،اي صدك ابقه يمج
شهد،،، حبيبي وبسته من خده وكمت للحمام وغسلت وبدلت وطلعت ودخل سامر للحمام وكملنه ونزلنه سويه
وسلمنه وكال
سامر،،،،،حضرو الشاي رايح أجيب كعك
شهد،،،،وراح سامر وام وسام حضرت الشاي وكاعدين بل حديقه وعمه بل كاع عل ثيله والجهال يمها يلعبون واني يم عمه وام وسام كذالك واجه سامر جايب كعك
وام وسام جابت الشاي وصبينه وأكلنه كعك جايب ابو السمسم وابو الدهن ودناكل وشميت ريحت كعك ابو الدهن وكلت هاي شنو ريحته عبالك حشه نعمت الله عبالك جو،،،، وكلهم ضحكو وكال
سامر،،،،ولج لعبتيها النفسنه اكلي وأسكتي
عمه،،،،،عزاا
ام وسام،،، هههه وين لكيتيها اكلي ابو السمسم اطيب
شهد،،،،وصدك اكلته كلش طيب وامكسب
واجه وسام وطب وسلم وكالت عمه
عمه،،، ولك عندي ابشاره الك متتوقع شنو
وسام،،، خير جده شكو هاي لبشاره يا الله
شنو بس لا حامل ولج ماتستحين رجليج بل كبر وتحبلين
شهد،، هوه كال هيج لو متنه من الصحك اني وسامر وام وسام وكالت عمه
عمه،،، ولك طايح الحض امنين احبل
وسام،،، هااا حجيه ليش الحجي امقصر وياج كوليلي اذا مابيه حيل حتئ انشوفلج حل ويه هذا الشايب
شهد،،، متنه من الضحك اشلون يصنف علئ عمه وعمو
وكالتله
عمه،،،،ولك مواني الحامل
وسام،،،، لعد شنو
شهد،،،،سامر يباوع علئ وسام ووسام قريب من يمي وكمت وا الم الكيك
عمه،،،،،شهد حامل عمك راح يصير أب
شهد،،،، عاط وسام واجه شبكني وباسني من خدي وعاط
وسام،،،،،يالله وأخيرآ
شهد،،،،اتفاجأه من موقفه أول مره يبوسني أو بل أحرا يطخني خطيه من فرحته وبدون وعي اتصرف هذا تصرفه وصحه علئ نفسه ووخر وحك شعره وكال
وسام،،، اسف من كد فرحتي
شهد،،،لا عادي ماصار شي وجره من ياخته سامر
سامر،،،، ولك انثولت
وسام،،،،ولك عمي مبروك والله من فرحتي ما انتبهت عبالي انته
شهد،،، وضحكنه علئ وسام وعلئ تصرفه وكلامه
سامر،،، الله يبارك بيك
شهد،،،،وسام يحشش علئ سامر بس خجل من موقفه ويايا وكلي
وسام،،،شهد اسفه ما انتبهت والله
شهد،،،لا عادي ماصار شي وكام سامر يغسل واجه وسام شاورني
وسام،،،،ولج اليوم تلكيني امعلك بل بنكه مشنوق عمي يشنقني من وراج يعني اله اتصيرين مقابيلي
شهد،،،،،ههههه واني اشمذريني هيج تتخبل
وسام،،، يعني امخبل شتريدون يتصرف بعد غير من فرحتي ماميزت
شهد،،،،،هههه لتخاف ميسويها سامر واجه سامر كعد يمي ووسام دخل جوه يبدل وكملنه العصريه ودخلنه جوه وغسلت المواعين وكعدنه بل استقبال وكعدت يم سامر ابصفه وعمه مقابيلنه وسامر حط أيده علئ كتفي وسحبني عليه حيل وخليت راسي علئ صدره وباس راسي وهمس
سامر،،،،،أحبج
شهد،،،،أمممم واني هم واسمع دكات گلبه سريعه وكتله ليش دكات گلبك هيج سريعه
سامر،،،،لان انتي يمي هيج يصير بيه
عمه،،،،يمه ابنيتي لازم هسه من بدايت الحمل اتراجعين علمود الفيروس لان مازول صار عندج بل حمل الاول يصير بيج بالثاني
شهد،،،،اي عمه اراجع واشوف
سامر،،،،باجر انروح لعد
شهد،،،ابكيفك
عمه،،،،اي يمه حتئ نكدر انصيطر عل وضع من بدايته
شهد،،،،اي وضلينه كاعدين وسامر وعمه يسولفون ومشه الوقت وقرب العشه وسامر كال لتسوون عشه اني اجيب من بره وكال
سامر،،،،،شوشه اشمشتهيه تردين شي معين
شهد،،،،،لا مامشتهيه شي انته ابكيفك جيب
عمه،،،،يمه أبرئيي جيب كباب أحسن
سامر،،،،ماشي يمه
شهد،،، وراح يجيب عشه ورجع وره ساعه
سامر،،،،ازدحام علئ ابو الكباب
شهد،،،،،وكمت سويت الزلايط ويه أم وسام
واجمي عمو وراها هشام وراحت أم وسام وره هشام حضرت ملابسه ونزلت بس وجها متغير عفتها ماسئلتهاوكملنه صبينه العشه وكعدنه وكعدت يم سامر وبديت أكل وسامر جايب كباب دجاج وألحم كباب لحم غنم وقرب الي الكباب الدجاج وسويت لفه وأكلت وعمه قربت البصل السامر وكال
سامر،،،،تسلمين يمه
شهد،،،، وحطه بل لفه وياكل واني اكلت وشربت بيبسي واحس اول مره اكل كباب حسيته كلش طيب وكتله شكرآ ألك كلش طيب
سامر،،،،،العفو بلعافيه
شهد،،،،الله يعافيك وكمت غسلت وحضرت الشاي وكملو وشلنه المواعين دا اعزل بيهن وام وسام ما قبلت بس اني ماعفتها كتلها خفيفات وكملناهن سويه وسئلتها
ام وسام اشبيج صاير شي شو من صعدتي قبل العشه ونزلتي وجهج متغير صاير شي موقصت اتدخل بس شفتج مقهوره
ام وسام،،،،لا حبيبتي عادي لان ما حضرت ملابسه قبل ليجي يكول اله اجي وتذكرين ملابسي صايره مهمله والله شهد التهيت ويه الجهال تعبوني ماشوف دربي من وكاحتهم ويجي هشام يغثني ابكلامه شصير اني
شهد،،، ميخالف حبيبتي تلكينه تعبان من شغله وصارت ابوجهج
ام وسام،،،،تعبان من شنو هوه كاعد عل ميز هوه معرض سيارات قابل مثلي هوه بس جهاله يرادلهم وحده خاصه
شهد،،،ميخالف حبيبتي لتشيلين ابخاطرج وهسه يله خلي نشرب شاي ورحنه اخذنه الشاي وطبينه واخذه وسام من عدنه ووزعه وكعدت يم سامر وشربنه وكملنه ام وسام اترخصت اخذت جهالها وصعدت الغرفتها امبين عليها زعلانه علئ هشام وصعدت وبقينه اشويه كاعدين واترخصنه كلمن راح الغرفته ينام وصعدت الغرفتي وحضرت ملابس نوم ودخلت للحمام غسلت وبدلت سيت لون سمائي فاتح حفرته مسبعه بل تول ويوصل للركبه وطلعت رحت للميز وهوه دخل الحمام غسل وطلع وعدلت نفسي وحطيت مكياج خفيف وفليت شعري علئ طوله ورحت يمه عل جربايه وكعدت مقابيله وكال
سامر،،،،شنو هذا الجمالاشلون ويااج انتي يعني شنو ترديني اشوفج هيج واصبر
شهد،،،،،ههههه سامر
سامر،،،،عيوني وروحي انتي
شهد،،،،احبك وسحبني عليه
سامر،،،،،واني هم احبج انتي صايره تتحارشين
شهد،،،،لا ما اتحارش بس حبيت البس هيج
سامر،،،،حبيبتي علئ راحتج بس هاي اتكلف لان ما اكدر
اتقرب موزين علئ بدايت الحمل بس اتكلف حضن وبوس
شهد،،،،هوه كال اخر كلمه وهجم عليه وكلبني وصرت جواه ويبوس بيه من ركبتي وشفايفي وخدي وعظ كتفي وكتله اووي سامر ووخر مني رفع نفسه وكال
سامر،،،،أحسن لازم الختاميه عظه
شهد،،،،وسحبني علئ صدره ونمنه وشابكين بعض وكعدنه اتريك وراح للمكتب ومشه الوقت بين التنضيف والغده وكملنه واجمي وصبينه غده وكملنه اتغدينه وغسلنه المواعين وشربنه شاي وكلمن راح الغرفته يرتاح وصعدنه الغرفتي ونمنه وكعدت علئ لمسات علئ شفايفي وكعدت وباس شفتي وكال
سامر،،،،،يله كومي حتئ انروح للدكتوره
شهد،،،،امممم كمت وغسلت وبدلت وكمل سامر ونزلنه وطلعنه رحنه للدكتوره واجه سرانه ودخلنه اثنينه وحجالها عن الصار عندي ابحملي هذاك وسجلتلي علئ تحاليل وكمت للسديه واخذتلي سونار وكالت حمل طبيعي وكالت اليه شهر ونص وكمت اخذت التحاليل بل كوه وكملت وانتضرنه وطلعن ورجعنه للدكتوره وشافتهن وكالت
الدكتوره،،،،اكو نسبه قليله لان اول حمل صار عندج فلازم هم يصير بل ثاني لان هاي ويه الحمل الحمه الالمانيه بس ان شاء الله انصيطر عليها بل علاج من بدايتها فراح اكتب ألج مقوياات واتغذي زين لتخلين جسمج يضعف لازم تجبرين نفسج حتئ يقوئ جسمج وانصيطر عل وضع
شهد،،،،شكرآ دكتوره وطلعنه وصعدت بل سياره وسامر راح يجيب العلاج واجه ورجعنه للبيت ودخلت حجيت الصار العمه وسامر راح للمكتب ومشت الايام علئ وضعنه الحمد الله وخلصت عطله نص السنه وبده الدوام وكال
سامر،،،،شهد تكدرين اتروحين وتجين لو خاف تتعبين من الطريق
شهد،،،،لاحبيبي اكدر ماعليه شي والله هنه كم شهر بقن لتخاف وداومت ولهيت نفسي بل دراسه وعلاجي اخذه بأنتضام ومشت الايام ورحت للمراجعه الثانيه اني وسامر وسمعت دكات گلبه احس شعور حلو ماكو احلئ من شعور الامومه وكالت
الدكتوره،،،،وضع الطفل زين ونسبت الحمه طبيعي يعني لا صاعده ولانازله اذا تبقه هيج أحسن
شهد،،،،وسجلتلي مقوياات اقوه وطلعنه ورجعنه للبيت ومشت الايام وبين الدراسه والبيت ابد ماهملت سامر وحبنه يوم عن يوم يزيد واروح الاهلي بس طبعآ ما ابات سامر مايقبل وبطني صارت بارزه كلش ودخلت بل سادس وبدت والامتحانات وسامر أبد ماعافني ويايا وعمه وام وسام مايخلني اشتغل بس شي خفيت
وادرس واروح للامتحانات الحمد الله اجاوب ما اهتم الشي لان واثقه من نفسي وارجع للبيت اكمل وادرس لحد ماخلصت الامتحانات وكملت وسوينه سفره علمود الجهال ورحنه كلنه حتئ عمو وعمه العائله كلها واتونسنه ورجعنه وحياتنه كلش حلوه ماكو اي مشاكل وعلئ فكره اخت سامر رجعت الزوجها قبل فتره وزوجها اخذ بيت وحده عزل عن أهله وماقبل من احد يساعده البيت العرضه عليه سامر ماقبل ياخذه ورجعو البعض ومتفاهمين ودائمآ من تجي علينه دمح بي
واحنه ماكو احلا من عدنه وجسمي صار امدعبل عبالك بطه سمنت كلش وبطني چبيره ويصيحولي بطه واخذت سونار وطلع بيه ولد وبدينه انجهر الملابس البيبي وجبنه سرير وكلشي كملنه ونجحت ابدرجاع عاليه وطبيت ابشهري والخوف زاد عندي من الولاده بس متوتره وخايفه وأفكر وسامر يطمني وعمه كذالك
ولحد ما ابيوم رحت للمراجعه الاخيره وكالت
الدكتوره،،،،،،،لازم عمليه لان مي الطفل نشفان ومايتحمل اجيبين طبيعي
شهد،،،،كتلها يعني بي شي الطفل
الدكتوره،،،،بس نشفان المي ولازم عمليه اقرب وقت
شهد،،،وحددنه الموعد العمليه وحولتنه عل خاص وطلعنه ورجعنه للبيت وحضرت ملابس الولاده اليه وللطفل وكملنه واجه موعد العمليه اصعب شي من اتجرب شي اول مره واتملكني الخوف والتوتر ويهدون بيه اجتي نسرين ويايا وام وسام وسامر وحضرت نفسي انطوني صدريه العمليه ولبستها بل حمام نسرين لبستنياها وكملت وطلعت وسلمت عليهم وكمت ابجي وسامر حضني وخله راسي ابصدره وباسني من راسي وهمس
سامر،،،،،انتي روحي مابعدج روح صيري قويه لتخافين اتنامين وتكعدين ابنج ابحضنج حبيبتي انتي
شهد،،،،حباب سامر تعال ويايا للعمليات همست احبك كومه
سامر،،،واني هم احبج كومه كومات مايقبلون
شهد،،،حباب
سامر،،،ماشي
شهد،،،،سلمت علئ نسرين وام وسام واجمي اخذوني للعمليه وسامر ويايا يمشي وعاصر أيدي يم باب غرفه العمليات باسني وكلي
سامر،،،احبج وانتضرج
شهد،،،،احبك سامر حبك بل نسبه أليه أدمان أدمنت حبك ودخلت ماخليت دعاء مادعيته وقريت أيات
وحطو البنج وماحسيت علئ شي بس علئ لمسات علئ خدي وافتح اشوف شي غواش وهوسه واذني اتوش وحسيت وبدت الصوره توضح عندي وونيت واجه سامر يمي وباس راسي
سامر،،،،،الحمد الله عل سلامه يروحي
شهد،،،الله يسلمك
نسرين وام وسام،،،،،،الحمد الله عل سلامه
شهد،،،الله يسلمج
سامر،،،،،يئذيج شي
شهد،،،،لا بس ابني وينه
سامر،،،،،هسه يجيبونه بس يجهزو وأجرائات
شهد،،،،،امممم وره اشويه جابته السستر وشفته ما شاء الله ابيض كلش وشعره اشقر شي أكيد علئ سامر واصغيروني ناعم وشالته ام وسام وانطتنياه وحطيته ابحضني وبسته من خده ناعم كلش
بعد روحي حلو هذا الاحساس الأمومه وغريب
وكمت ابجي واستحلني شعور لو ماما يمي طبعآ ابهيت مواقف لبنيه تحتاج أمها علئ أي شي وتتمنئ أمها يمها وسامر مسح ادموعي وباسني
سامر،،،،اااااشششش حياتي لتبجين ميصير وهذا ابنه موجود اعرف تردين امج بس هسه هيه فرحانه وحاسه بيج صدكيني ويله انطيني أبني شنو بس ألج خل أشيله شو
شهد،،،،،ههههه ما هذا أبني وهمس يم أذني
سامر،،،،هاااا منو سوالجيااه اشلون جبتي لو مو أني
شهد،،،،،عززااا شهكت عرفت قصده شنو وكتله يااا عيب سامر هاكياه لتفضحنه يمعود واخذه علئ كيفه
سامر،،،،ههههه بسم الله ماشاء الله حبيبي يشبهني مو
شهد،،،،،اي يشبهك اني اتعب واحمل 9 أشهر وتالي يطلع علئ ابوه
سامر،،،هههه ليش اني مو هم تعبت بي
شهد،،،،عزااا وغمزلي وضحك والبنات هم كامن يضحكن وانطاه النسرين شالته
واجتي الدكتوره وجيكت وضعي وكالت
الدكتوره،،،،الحمد الله عل سلامه عمليتج نضيفه بس عقميها وشديها وكتبتلج علاج أبر مال ألتهابات ومسكن ألام عند الحاجه
سامر،،،،وتكدر اليون نطلع
الدكتوره،،،،هيه مابيها شي وماكو اعراضات صارت تكدرون تطلعون علئ مسؤليتكم
سامر،،،،شكرآ
الدكتوره،،،العفو
شهد،،،،،سامر امبين عليه الفرحه ونسرين وام وسام ملتهيات بل طفل وباوعت علئ سامر واجه يمي كمش أيدي عصرها حيل وباسها وكال
سامر،،،،هاا روحي بيج شي تردين شي
شهد،،،،أحبك
سامر،،،،،هههه اني هم احبج يروحي
شهد،،،اشوكت نطلع
سامر،،،،العصر انكمل لجرائات ونطلع
شهد،،،،ماشي
ام وسام،،،،شهد مترضعيه
شهد،،يمج الممه
ام وسام،،،لا من صدرج لان يفيده للطفل
شهد،،،،عزا اشكد خجلت وانوب سامر موجود صح هوه زوجي بس لحد الان استحي منه وكتلها ما اعرف
ام وسام،،،،معليج انتي بس حطي ابحضنج وانطيه صدرج هوه ياخذه
شهد،،،،،باوعت علئ سامر واباوع علئ ام وسام وسامر عرف الموضوع استحي منه وطلع من الغرفه ونسرين حطت الطفل ابحضني وطلعت صدري بل بدايه تعبني وبل اخير أخذه بس يمه عبالك سحب روحي من اخذه بس اتحملت الخاطر أبني ورضع اشويه ونام واخذته نسرين واجه سامر ودخل واجه يمي وهمس وكال
سامر،،،،تستحين مني ولج اشوكت اتبطلين هذا الشي اني زوجج
شهد،،،استحيت من كلامه ودنكت راسي وراح للولد وشاله هوه ونايم
سامر،،،،حبيب البابا يروحي انته
شهد،،،،هااا سامر واني لعد شنو اشبقيتلي
سامر،،،،انتي روحي مابعدج روح
شهد،،،امممم عبالي
سامر،،،،،ليش اتغارين من ابنج
شهد،،،هااا ودنكت راسي وكتله لا ما أغار بس خاف اتبطل اتحبني واتحب ابنك اكثر مني
وكلها ضحكت علئ كلامي وسامر اجه يمي
سامر،،،،ههه ولج امبينه الغيره عليج بس اتطمني محد ياخذ مكانج لو اتجيبيلي عشر جهال انتي تبقين روحي مابعدج روح
شهد،،،،اممم وره اشويه طلع سامر ورجع وكال
سامر،،،، اتحضرو راح نطلع وكملت اجرائات الخروج
شهد،،،،امممم وحضرنه ولمينه غراضنه وطلعنه وحطوني بل عربانه دفع ماكدرت امشي مسافه طويله واني من النوع الخوافه وطلعنه وصعدت بل صدر وسامر خبرهم الاهله قبل لنطلع من المستشفئ ويمشي علئ كيفه علمودي والطفل ابحضن نسرين ووصلنه البيت ونزلت علئ كيفي وسامر فتح الباب البره وطبيت وسمعت الموسيقئ وكلها طالعه بل طرمه والموسيقئ اتدك ومحمد ومصطفئ واخوات سامر موجودين وازواجهن هم واجتي عمه اخذت الطفل واتبوس بي واجتي سلمت عليه وعلئ سامر حضنته وكامت تبجي وكالت
عمه،،،،،وأخيرآ شفت أوليدك يايمه
سامر،،،،وتحضرين عرسه ان شاء الله واتزفي بيدج يمه
شهد،،،،واخذته واتهشهش بي وسلمو عليه الولد بره اني واكفه وخوات سامر يطشن جكليت وعمو حضني وباس راسي وعمو اخذ الطفل ويبوس بي وعمو جايب خروف وذبحو وطبينه جوه وكعدت ابغرفت أخت سامر لان جوه حتئ أخذ راحتي لان ما اكدر اصعد الغرفتي وهنه كلهن مزوجات ومددت عل جربايه وبطني أذتني كلش وألم مفاصلي وانطوني أبره مسكن ألام ام وسام ضربتني أبره تعرف وره اشويه خف الألم وحطولي أبره مال ألتهابات بل مغذي ونمت وكعدت حسيت علئ ملمس علئ خدي ويوخر ابشعري وشفت سامر كاعد يمي عل جربايه وكال
سامر،،،،روحي ضل بالي يمج كل أشويه اجي عليج ألكاج نايمه
شهد،،،امممم تعبانه وبطني احسها حاره كلش بل داخل
سامر،،،،مال عمليه حبيبتي لتخافين
شهد،،،،امممم ابني وين
سامر،،،،يم الحجي حاطه ابحضنه والحجيه منطيته ممه ووسام يقلد عليهم يكلهم لايكلكم شدو حيلكم جيبونه نونو هههه
شهد،،،،عزااا وسام فلا يستحي
سامر،،،،ههه اشلون صرتي هسه
شهد،،،زينه
سامر،،،،خوفتيني عليج ام وسام كالت اتئذيها العمليه
وكل اشويه اجي عليج الكاج نايمه
شهد،،،،يروحي انته أكولك سامر
سامر،،،،هاا يروحي
شهد،،،،شنو راح انسمي الولد
سامر،،،ابكيفج بس احنه ابويه يسمي
شهد،،،،هااا ودنكت راسي
سامر،،،انتي عاجبج أسم أبالج شي
شهد،،،أي عاجبني لورانس بس لا عيب من عمو خل هوه يسمي ابكيفه
سامر،،،،شهد
شهد،،،هاا روحي
سامر،،، اكولج شي أذا ابويه سمه الطفل علي تقبلين
شهد،،،،اي اشبيه اسم علي هم حلو وعلئ فكره ترئ أسم علي اسم أخويه المات حتئ لو سنه احنه ترئ عدنه علي وكرايبنه امسمين حيدر وحسين وحسن بس كاظم وعباس محد سمه ماكو فرق احنه كلنه اسلام بس المايخافون من الله فرقو وسوو طائفيه حبيبي ابكيفكم وابكيف عمو هوه خلي يسمي اليعجبه اني ما أعارض وجان يجيني صوت عمو وكال
عمو،،،،،لابنتي ماكو فرق انتي سمي اليعجبج
شهد،،،لاعمو انته سمي ودخل وكعد مقابيلي
عمو،،،،،اني عجبني اسم لورانس حلو وغريب
سامر،،،،يابه علئ راحتك اليعجبك سمي انته
وكبر ابئذنه انته الخير والبركه
شهد،،،،وكبر بائذنه عمو وسمه لورانس وكلها اتعجبو وكالو اسم غريب وسامر كال
سامر،،،،، اسمه ثكيل عليه أبو لورانس
شهد،،،،،لا حبيبي لان مامتعود عليه ومر كم يوم وطلعت السبعه مالتي وعزيمه صارت والعالم فاضلني كرايبه السامر وكرايبي وسموله ولبسته دشداشه وطهرو يروحي واني ما اتقربت يمه اخاف من طهوره ولاشفته اصلن عمه لو نسرين لو ام وسام هنه يبدلله ويغيرله الحفاظه واني اتحسنت كمت امشي اطلع للحديقه وعمليتي كبس ونضيفه ( لورانس ) يبدلله وينطينيا بس ارضعه وابوسه والباقي عليهن واتعودت عليه وكمت ابدله اشويه اشويه وطاب طهوره ولميت غراضي وكمت اصعد الغرفتي وانزل وصعدت غراضي وانام ابغرفتي وابني انومه بل كاروك ومشت الأيام والدوام رجعتله وعمه وام وسام اتكفلن (لورانس ) ومن ارجع من الدوام اشبعه بوس وابدل واخذه ارضعه وانومه واتغده واغسل المواعين واكمل واصعد انام واكعد اكمل محاضراتي وسامر ماقصر ويايا يشرحلي ويفهمني وابصراحه كلها ما قصرت ويايا يساعدوني ب(لورانس) وعبرت الاربعين ولورانس بده يسمن وكلها متعلقه بيه وأتحبه ومنوشه احسها اتباوع عليه ابحزن من اشيل لورانس وابوسه واكلها منوشه تعالي شوفي النونو حلو مثلج يريدج وهيه اتكيف وتجي اتبوسه وتضحك وياا واتروح وصعدت فوك الغرفتي بدلت ال لورانس وكملت وكمت ارضعه وماحطيت شال علئ صدري وانفتح الباب ودخل سامر وشهكت وانداريت انطيته ضهري وكتله غير تستئذن واطب للغرفه وكال
سامر،،،،اي مو طاب ابيت الجوارين ماطاب علئ مرتي بطلي شهد بطلي لتضلين تستحين مني اني زوجج
شهد،،،امممم خجلت منه ودنكت ووخرت لورانس من حضني وكمت سويتله ممه ورضعته ونومته بل سرير مالته ورحت للجربايه يم سامر وكتله أسفه ما اعرف ليش هيج اتصرفت
سامر،،،،عادي ماصار شي انسي صدك كملتي محاضرات
شهد،،،،اي ماعندي شي ليش
سامر،،،عبالي نطلع اشويه انغير جو
شهد،،،ابكيفك
سامر،،،،ماشي نطلع العصر ناكل موطه
شهد،،،،،اي ونمنه الضهر نمت علئ صدره وكتله حبيبي زعلت مني أسفه موقصدي اتصرف هيج والله
سامر،،،،،لامازعلت بس اتفاجأه من ردت فعلج من طبيت للغرفه هيج عطتي عليه حسستيني مو زوجج اني ميصير هيج شهد
شهد،،،،اممم اسفه والله متتكرر بعد
سامر،،،،ماشي حياتي ماصار شي انسي خلي انام حتئ نطلع العصر لان عاجبني انغير جو اليوم
شهد،،،،وبسته من ركبته وشمينه وشبكته حيل وهوه هم حضني حيل وباسني من راسي ونمنه وكعدت علئ بجيت لورانس وكمت ابسرعه لان سامر يحس وكمت علئ كيفي وشلته من الكاروك وكعدت عل جربايه وكعدته ابحضني ودا ارضع بيه وكعد سامر وحجه ويايا بس ماغطيت نفسي واحجي ويا سامر اني وامدنكه
خجلانه واعض ابشفتي وكال
سامر،،،،اذا ماعندج شي اتحضري حتئ نطلع ونرجع من وكت واروح للمكتب
شهد،،،،ماشي حبيبي واتقرب مني حيل ورفع راسي وباوع بعيوني واخذ شفتي بوسه خفيفه ووخر وكال
سامر،،،،ماريد اجبرج علئ شي وليش خجلانه مني وامدنكه راسج من تحجين ويايا وانتي ابراحتج بعد شتردين اتسوين سوي حبيبتي
شهد،،،،امممم سامر احبك
سامر،،،،،روحي أنتي يله كملي حتئ نطلع
شهد،،،،لورانس ناخذه
سامر،،،،ابكيفج
شهد،،،،،خل ناخذه ويانه
سامر،،،ماشي
شهد،،،،لعد كمل انته بدل بين ما اخلص لورانس ومن اتكمل انطيكياا واني ابدل
سامر،،،ماشي
شهد،،،وراح لاحمام غسل وبدل وكمل واخذ لورانس شاله ويبوس بي ويكله
سامر،،،،،حبيب البابه گلب البابا انته
شهد،،،،سامر لعد واني شنو
سامر،،،،،يولي لتحطين عقلج ويا الطفل
شهد،،،،،امممم وكملت بدلت ونزلنه وانطينه خبر العمه وطلعنه افترينه واكلنه موطه ورجعنه وراح سامر للمكتب ومشت أيام واشهر وصار وحياتنه حلوه وهادئه عمر لورانس 5 أشهر وصار كلش حلو وابيض وامدبدب ويناغي وكلها اتحبه ورحت سنه ثانيه الكليه وسامر ماعافني عل محاضرات وعمه وام وسام ما انسه فضلهن ابد ماعافني ولورانس يمهن من عندي محاضرات ومن اشتغل بل بيت تاخذه عمه وسامر من يروح ابيت عمه عل ولد ياخذ لورانس ومن يروح للسوبر ماركت هم ياخذه وياا وصار عمره سنه وسويتله حفله عيد ميلاد وعزمت اهلي وجابوله هدايه ولبسته قاط رسمي وبعدين دشداشه وعكال وكلنه بدلنه عتئ عمو وعمه وهشام ووسام وام وسام واني وسامر والجهال عبالك صار عرس مو عيد ميلاد وعمار انطاه
ظرف بي افلوس ورقه وعصام جابله سياره جبيره عل شحن وحسام ماطور جبير هم عل شحن وهشام بايسكل ونسرين سياره دفع علئ هاي الهدايه يرادله الورانس غرفه خاصه للالعاب ملاته وعمو انطاه ظرف مال افلوس وابو وسام أيباد وعمه وام وسام انطنه افلوس ووسام جابله اسكوتر وطكينه صور وصورنه صوره جماعيه كلنه للذكرئ وصور بس اني وسامر ولورانس وكصينه الكيكه ووزعتها وكملنه الحفله وعزلنه البيت واهلي اتعشو وراحو ولورانس كام يمشي ابيوم ميلاده يمشي يخطي اشويه ويوكع وكملنه وصعدنه للغرفه ونومت لورانس ورتبت نفسي ورحت عل جربايه يم سامر وحضنته وبسته من ركبته وشميته وكتله أحبك
سامر،،،،احبج ياروح روحي انتي
شهد،،،،متمل مني فد يوم
سامر،،،اكو واحد يمل من روحه
شهد،،،،لا
سامر،،،واني هم مامل منج احبج
شهد،،،،لهنا وتنتهي قصتنه عباره عن حب وغذاب الحب والشوق والحزن والفرح
احب اشكر كلمآ شاركني ابحزني وابفرحي احبكم باييي

الكاتبه: روايتي الجديده (ابحث عنك في روحي)

كل عام وانتو بألف خير

انطوني رئيكم بل بارت

ولتحرموني من تعليقاتكم الحلوه واشكركم علئ

تعبيركم بل كلام والحماس الضاهر عدكم

وطبعآ تعليقاتكم كلش فرحتني علئ حماسكم وأريدكم

هسه صوتو وعلقو حتئ تصعد الروايه وان شاء الله

ابدي انزللكم روايه جديده واريد هذا حماسكم يبقه

ويايا وشنو رئيكم بل بارت

وهذا بارت للمتحمسين للروايه وتعليقاتهم

شجعتني اكتب اليوم يا احلي متابعين

لتنسون تابعوني وصوتو وعلقو حتئ تصعد الروايه

للحكايه بقيه

لتحكمون ع الروايه من بدايتها

لتنسون التصويت⭐ والتعليقات🌹