أدمنت حبك

بارت ١٧

شهد،،،،صدك يعني راح انضل اليوم
سامر ،،،،أي
شهد،،،،،وااااو زين وشغلك اشلون
سامر،،،،،محمد موجود
شهد،،،،،اي ووين راح نطلع
سامر،،،،،ابكيفج مول او ملاعيب
شهد،،،،اهلي مو هم راح يرحون ويانه لعد ناخذ رئيهم
سامر،،،،ماشي بس ابرئيي الألعاب حتئ الواحد يتونس
المول بس فرات وبكيفكم بعد
شهد،،،،ماشي لعد خل اكوللهم
سامر،،،،روحي
شهد،،،،،طلعت من الغرفه ورحت يم البنات بنات سامر يكول تطلعون انغير جو للالعاب لو للمول اتروحون
نسرين،،،،،لاعيني اخذو راحتكم انتو اطلعو احنه عليش رايحين وياكم
زينب،،،،،اي والله عيني اغذو راحتكم
شهد،،،،،لاموهوه كال انضل حتئ علمود نطلع كلنه
البنات،،،،،مانعرف انشوف الولد
شهد،،،،دكومن كوللهم حتئ انشوف اروح لو لا
ودخل عمار
عمار،،،،ها شكو
شهد،،،،سامر يكول خل نطلع كلنه للالعاب لو المول انغير جو
عمار،،،،اي مابيها شي شوفي منو يروح
شهد،،،،،البنات راح يشوفن الولد يقبلون
عمار،،،،،روحو اتحضرو اني اخبر الولد واني ماروح خل الولد يرحون وياكم
شهد،،،،ماشي وراحن يحضرن نفسهن والولد قبلو يرحون واني صعدت للغرفه لكيت سامر نايم وحاط ايده علئ عيونه وايده الثانيه علئ گلبه ورحت يمه سامر شنو نمت واتقربت يمه ووخرت ايده من عيونه وفتح عينه وكتله سامر اذا تعبان عادي انكنسل الروحه لان انته تعبان
سامر،،،،لا انروح لان اريد اتغيرين جووو لان اهناك ماطالعه
شهد،،،،شكرآ ألك
سامر،،،،،العفو اني مستغرب ليش اتخلين رسميات بينه شيليها ترئ اني زوجج انتي دائمآ اتكولين شكرآ وتعبتك
وشكرآ علئ اهتمامك ماكو داعي تتشكريني
شهد،،،،ماشي
سامر،،،،،اريد نطلع ونغير جو ونبدي صفحه جديده وننسه الراح ونعيش حياتنه سوه انبلش من اليوم مستعده انتي
شهد،،،،،اني اخاف من كلشي اخاف نبده وتقهرني وخاف مانتقبل بعض هيه الشغله كلها يمك انته ونشوف نكدر انكمل لو لا
سامر،،،،،شهد اني اريد اعيش مستقبلي ويااج لان اني تعبت من الماضي واريد انساا صح صعب ننسه الماضي بس لازم تبقه بي ذكرئ حلوه بس هذا قسمتها وشافت حياتها وهسه اريد اكمل ويااج
شهد،،،،امممم وراح تكدر اتحبني لو بس مجرد اتريد تنسه الماضي بيه اتريدني ورقه تعويض واعوضك عن الماضي كلت ابصوت مخنوك تكدر اتكول احبج من كل گلبك تكدر اتعوضني وتكدر اتصير مصدر اماني يمك تكدر متعصب واتذلني ومتكولي ماريدج حجيت هيج وسحبني ابحضنه
سامر،،،،،،،اصيرلج دنيا ابكاملها واعوضج عل صار بينه وانسيج ابطريقتي لتقهرين نفسج ولتبجين موكلنه ننيه الماضي ونبدي من اليوم وانتي كل هذا شايلته ابكلبج عليه تذرين ببه عصبي
شهد،،،،،احاول انسه الي اول يوم وعشت ابخوف منك  ونمت بل حمام واحاول انسه مدت ايدك عليه واحاول انسه من تذلني وتحسسني شامره نفسي عليك وعبالك ماعندي اهل وكرامه واحاول انسه اني بيدك وتتخايلني نور صعبه عليه انسه هذني الشغلات
سامر،،،،عيوني انتي ماكو شي صعب بس البشر اذا قرر ينسه راح ينسه وانتي ابراحتج ماريد اجبرج علئ شي بس اوعدج وعد ما اندمج ابيوم علئ شي لو اصغير
شهد،،،،،امممم ماشي انجرب ونشوف اصلآ هيه الحيات تجارب ههه
سامر،،،،فديت الضحكه بس ترئ دمرتي لتراك كله خنن
من البجي وتمسحين بتراكي أيييبع
شهد،،،،،ههههه لاوالله مادمرتك
سامر،،،،،،يله عيوني نتحضر امشي غسلي
شهد،،،،ماشي وكمت من حضنه كعدت ابصفه وكعد هوه
وفركت ايدي
سامر،،،،،شهد بعد اكو شي ابنفسج اتكولينه
شهد،،،،،لا
سامر،،،،،بس اني ابنفسي شي بس موكلام
شهد،،، شنوه
سامر،،،،اريد بوسه
شهد،،،،،ههههه يااااا اشكد اتحب البوس انته
سامر،،،،عجبني وشي ابنفسي عندج مانع
شهد،،،،،لا وباسني من خدي
سامر،،،،اوووف طيبه هههه
شهد،،،،،امممم يله كافي خل انبدل وكمت غسلت وطلعت وفات سامر يغسل واني ارتب نفسي عندي اشويه مكياج ما ماخذته ورتبت نفسي شي خفيف كحله ابداخل العين وفونديشن خفيف ومسكاره ومورد خدود وحمره وردي فاتح وطلع سامر من الحمام سابح
وباوع عليه
سامر،،،،ليش يوم عن يوم اكشف بيج ميزه حلوه وكاعده تحلوين
شهد،،،،،شكرآ ألك
سامر،،،،،هااا اشكلنه
شهد،،،،هههه نسيت
سامر،،،،وين ملابسي
شهد،،،،يمك ابكنتوري
سامر،،،،راح ابدل وشوفي هاي الفصعونه اشلون وياها
نايمه
شهد،،،،هسه خل انكمل احنه ونكعدها
سامر،ماشي
شهد،،،،،راح سامر للحمام ورحت طلعت القاط 
ولبسته وطلع سامر
سامر،،،،شهد راح تلبسين هذا
شهد،،،،،اي حلو والله اريد نطلع اني وياك ثنائي
سامر،،،،بس شهد اني ماحب هيج لبس هذا حده داخل البيت
شهد،،،،سامر اتريدني اغيره بس اني عاجبني نطلع ثنائي
سامر،،،،،لاشهد لا ماحب هيج لبس والعالم اتباوع عليج
شهد،،،،،امممم ماشي راح اغيره ورحت للكنتور وبقيت اكلب بل ملابس بدون واهس حتئ خرب واهسي بل طلعه وطلعت فستان لون نيلي سيلفي من كدام 90 ومن وره طويه اشويه وانداريت عليه حجيت ابقهر هذا
سامر،،،،،اي حلو
شهد رحت للحمام لبسته وطلعت هوه حلو بس يبقه ابنفسي القاط ورحت للكنتور دا انسق شال وحسيته صار وره ضهري
سامر،،،،،شهد اني ماريد احد يباوعلج لان انتي تجذبين النضر وحلوه والقاط امحليج ماريدج تلبسينه
شهد،،،،،بدون واهس امممم
سامر،،،،هذا حلو عليج
شهد،،،،امممم
سامر،،،،شو باوعيلي
شهد،،،،،انداريت وسحبني خله ضهري عل كنتور وباسني من خدي
سامر،،،،،ماريدج اتضوجين اني علمودج
شهد،،،،ماشي
سامر،،،يله كملي
شهد،،،،وطلعت شال لون سمائي ولبسته وطلعت حذاء نيلي وكملت كلشي بقه منوشه كعدتها اتنحست لان نعسانه وغسلتلها وبدلتلها وكتله كملت ننزل
سامر،،،،،اي يله امشي قبلي سويلي طريق
شهد،،،،نزلنه جوه الجهال امكملين بقن بس
البنات وكعد سامر وكال
سامر،،،جيبي منوشه
شهد،،،اي هاك اني صحيح راح اطلع وانغير جو بس ضجت عل لبس فبين عليه ضايجه
سامر،،،،شهد راح اتضلين ضايجه علمود البس لعد عليش نطلع
شهد،،،،صح هوه ابنفسي بس هاهيه ماضايجه
سامر،،،،اذا ابنفسج روحي لبسي ولا اتضوجين واتضوجيني
شهد،،،،حجيت هيج ابضوجه هااا لاماريده هاهيه
سامر،،،،،شهد تعالي شنو ماعاجبج كلامي
شهد،،،كعدت يمه عل تخم وحجيت ابقهر لاوالله كتلك هاهيه يعني هذا الفستان احله ودنكت راسي
سامر،،،،ماشي ابنيتي اني علمودج
شهد،،،اممممم وسحب راسي وباسني من خدي وهمس سامر،،،،،،اعوضج والله بس لتضوجين
شهد،،،،،اي ماشي
سامر،،،، ماقررتو وين اتروحون
شهد،،،،هسه يجن البنات ونشوف
سامر،،،،ماشي
شهد،،،،كملن البنات قررنه انروح للجزيره وناخذ عشااا ويانه جاهز ناخذ كباب وحضرنه بس الزلايط واخذنه افراشات مال كعده وطلعنه اني ابسياره سامر ونسرين ويانه والولد طلعو ابسياراتهم ومشينه الطريق انسولف والولد راحو يجيبون العشا ومنوشه ماكعدت اتكمز من حضني الحضن سامر وانوب هوه ديسوق واتسوق ويااا وتصفك لحد ماوصلنه ونزلنه
اخذنه كارتات ودخلنه وفرشنه افراشنه وكعدنه وكعدت ابصف سامر والجهال راحو يلعبون وره اشويه راحو الولد وزوجاتهم يم جهالهم ونسرين راحت وياهم واني بقيت كاعده
سامر،،،،ليش احسج ضايجه
شهد،،،،لا مضايجه
سامر،،،،لعد ليش مرحتي وياهم
شهد،،،،وانته تبقه وحدك
سامر،،،،،اي عادي روحي وياهم وخلي منوشه يمي
شهد،،،،لا ابقه يمكم
سامر،،،،،شهد
شهد،،،،،هااا
سامر،،،،،تتعودين علئ طبعي وراح تتئقلمين
شهد،،،،،،امممم وكمش كف ايدي
سامر،،،،من يجي احد من الولد انروح اني ويااج انلعب منوشه
شهد،،،ماشي وره اشويه اجه حسام وزوجته كعد يمنه
وسئلنا عل بقيه دلانه مكانهم وكمنه اني وسامر ومنوشه رحنه نتمشه سامر شايلها وكاد ايدي ويعصرها ويفكها ونوب يعصرها بس ماحجيت شي بس يباوع عليه ويضحك ووصلنه يمهم ديلعبون الجهال وصعدنه منوشه ويه يونس بل دوده كعدها ابحضنه وسامر يصور بيها ويطكلها صور ونوب صعدت بل مرجوحه. وبلزحليكه وبل فيل الطائر كعده ابحضن يونس
( عمي يونس المستفاد 🤭 ) والبنات يردن يصعدن بل ديسكو الدائر
سامر،،،،،شهد متخافين
شهد،،،،لا
سامر،،،،ماشي روحي
شهد،،،،وصعدت وصورني سامر ونزلنه
سامر،،،،،ولج ماضل واحد ماطكيتيله صوره ليش مالميتي الفستان
شهد،،،،هوه طار اني لميته
سامر،،،،ماشي لو لابسه ستريج جان احسن
شهد،،،، امممم كول لو ضاله عل قاط احسن
سامر،،،شهد يعني متنسيه
شهد،،،،،لا ومشينه نصعد ابسفينه نوح وصورنه وصعدنه بل مكص وبل اخطبوط وبل مرجوحه والسيارات صعدنه كلنه وسامر كعد منوشه ابحضنه ويسوق وكل اشويه داعمني وعورني لان ضربه قويه وكتله ترئ ادعمك بس اخاف علئ منوشه
سامر،،،،،متكدرين خويفه
شهد،،،،ماشي اني خويفه الزم منوشه زين واستلم
والله ودعمته يمشي وامشي ابوراه ودعمته ويضحك هوه ومنوشه
سامر،،،،،والله طلعتي مو هينه تدعمين زوجج
شهد،،،،لعد وانته تدعم زوجتك
سامر،،،،هههه
شهد،،،،،وخلصت العبه ونزلنه رحت يمه وحضني من كتفي وشايل منوشه
سامر،،،،عورتج
شهد،،،،لا عادي ابئيدي
سامر،،،، موقصدي اعورج
شهد،،،،،ماشي وباس راسي
سامر،،،بعد شتردين ياا لعبه تصعدين
شهد،،،،دسكفري
سامر،،،،،لا لا لا هل مره اتصورين بث مباشر ويطلع المستخبي هههه
شهد،،،،سامر هاي شنو اريد اصعد وياا البنات حباب
سامر،،،،لا
شهد،،،،حباب بس هل مره والله الم الفستان والم رجلي
سامر،،،،كلت لا
شهد،،،،،ابنبرت زعل سامررر حباب
سامر،،،،،لا يعني لا
شهد،،،ماشي ماريد
سامر،،،،شنو زعلتي
شهد،،،،بطلت ماريد اصعد وبطلت ما احجي ويااك
وبرطمت شفايفي مثل الطفل
سامر،،،،،شهد اشتعلو وانبشو يله امشي
شهد،،،،وصلنه وانشوف السكملي بي احزام لازم نرفع الفستان وانوب تطلع رجلي وسامر اتخبل
سامر،،،،شهددددد متصعدين شوفي
شهد،،،ماريد اصعد لعد هاهيه ورجعنه يم البنات والولد كعدنه صبينه الأكل اكلنه وكملنه وكمنه نتمشه كلنه خلصنه العب تعبنه واتونسنه وطلعنه من الالعاب وصلنه يم الشط واني امشي ويه سامر وكايد ايدي عبالك مثل بنته ويخاف عليها وكفو يطكون صور
سامر،،،، تعالي اهناك يم الشط
شهد،،،،مشينه وطكينه صور اني وياا سيلفي ابتليفونه
وطكلي وحدي وسويت حركاات
سامر،،،،،اشتعلو
شهد،،،،،هههه ومشينه طلعنه وكال للولد انروح للمول
الولد،،،والله احنه تعبنه روحو انتو
سامر،،،،ماشي لعد امشي ويانه ام الاء
نسرين،،،،لا عيني اخذو راحتكم
سامر،،،،لا امشي ويانه عل واهس
نسرين،،،ماشي
شهد،،،،ورحنه للمول زيونه واتونسنه كلش واشترينه غراض المنوشه والجهال هشام والحجيه وزوجه هشام وخووات سامر والحجي ووسام وهشام كلهم جبنالهم
سامر،،،،ام الاء اخذي اليعجبج والاء
نسرين،،،، لا عيني مشكور
سامر،،، ترئ ازعل والله
نسرين،،،،ماشي شكرآ
شهد،،،،نسرين اخذت الها والاء
سامر،،،،وانتي شو ما اخذتي شي
شهد،،،،مو انته ماذكرتني
سامر،،،، ههههه يله اخذي اليعجبج
شهد،،،،اشتريت شغلات احتاجها مكياج وعطورات
وخلصنه وطلعنه ورحنه للبيت مهدود حيلنه من التعب بس صدك اتونسنه
ووصلنه طبينه جوه اشويه كعدنه وكلمن استرخص ودخل الغرفته وصعدنه فوك اول شي غسلت وبدلت المنوشه وبعدها دخل سامر سبح وطلع انطيته منوشه ورحت للكنتور طلعت دشداشه مال نوم ودخلت للحمام سبحت وطلعت ولكيت سامر امنومها ونايم بفراشي يم منوشه بل كاع وفرشت ونمت بل صفحه الثانيه يم منوشه من التعب غفيت ابسرعه وحسيت أيد ناعمه علئ صدري ونفس خفيف علئ وجهي فتحت عيني اشوف منوشه خاتله يمي نايمه ساحبه دلعت الدشداشه وحاطه ايدها ابصدري ونايمه بحيث صدري طالع رفعت راسي وشوف سامر كاعد ديكلب بل موبايل ورجعت راسي عل مخده واشوف الساعه بل خمسه الفجر وعدلت نومتها بفراشها وكعدت كتله شو كاعد
سامر،،،،لان غيرت مكاني مامرتاح ابنومتي بس نمت اشويه
شهد،،،هااا جان رحت عل سرير نمت خاف نومت الكاع مامتعود عليها
سامر،،،،ما اعرف
شهد،،،،ابراحتك لعد اتنام يم منوشه واني انام عل سرير
سامر،،،،ماشي بس ماعندي العندج منوشه وين اتحط ايدها
شهد،،،،مافهمت شنو يقصد بس بعدين عرفت من حطت ايدها ابصدري وشهكت يااا عزااا متستحي وانته اشعندك اتباوع طبعآ شفت كلشي
سامر،،،،،ههههه علئ كيفج يمعوده ماشفت شي بس منوشطه حاطه ايدها عل كمر ويضوي
شهد،،،،ياااا سامر
سامر،،، عادي قابل اني غريب زوجج بابا اني زوجج
شهد،،،،بس عيب
سامر،،،،،يله روحي نامي عل سرير واني باقي يم منوشه
شهد،،،،انتبه عليها
سامر،،،،ماشي
شهد،،،،نمت عل سرير نعسانه ابسرعه نعست ونمت وحسيت علئ ملمس خدي هل مره شي يختلف
ايد حاره وفتحت شفت سامر
سامر،،،،صباح الخير
شهد،،،،صباح النور
سامر،،،،يله كافي كسل حتئ انروح البيتنه
شهد،،،،حباب نعسانه والله بس اشويه انام
سامر،،،،هههه كومي جنج جاهل من يكعدو الصبح للمدرسه
شهد،،،،،حجيت ابنعاس اووويييي سامرررر خل انامممم
سامر،،،،،ولج اشتعلو وانبشو عل هل تنعوص
شهد،،،،،ونام ابصفي وحضني وخله راسه ابركبتي وباسني بوسه خفيفه وخله راسه ابركبتي و
سامر،،،،،اوووف شنو من طعم راح اتسويلي واهس انام وياج
شهد،،،،ههه ماشي نام ونام صفح صد عليه
سامر،،،لعد تعالي نامي علئ أيدي
شهد،،،هاااا ماشي ورحت نمت علئ ايده
وضل يباوع علئ ملامح وجهي واني اغمض وفتح
الكاه عبالك يريد يحفض وجهي
سامر،،،،،شهد
شهد،،،هااا
سامر،،،
من أجل عينيك عشقت الهوئ
بعد زمان كنت فيه الخلئ
واصبحت عيناي بعد الكرئ
تقول للتسهيد لاترحل
وكنت لا انوي علئ فتنه
يحملها غض الصبا المقبل
حتئ اذا طارحتني نظره
حالمه من طرفك الأكحل
احسست وقد النار في اضلعي
كأنها قامت علئ مرجل
وجمل الدنيا علئ ما بها
دفق سنئ من حسنك الأمثل
يافاتنا لولاه ماهزني
وجد ولا طعم الهوئ طاب لي
يامن علئ اقدامه بعثرت
غلائل من ظله المخملي
إذا رنا فالزهر من حوله
موج طيوب سال كالجدول
وأن شدا أصغت إليه الدنيا
إصغاءه الأصباح البلبل
شهد،،،،هاي شنو صاير شاعر بس حلوه
سامر،،،،،لعد اشعبالج
شهد،،،،،امممم واتقربت ودخلت راسي ابركبته
واتنفست سامر خليك هيج لتتغير بعد
سامر،،،،،امممم
شهد،،،،ما اعرف ليش هيج اتجراءه بست ركبته
وختلت راسي ابركبته
سامر،،،،اشتعلو وانبشو احس جسمي اشتعل نار
موبوسه ضيم شعلتني شعل ولج اكعدي راحه
شهد،،،هههه سامر خجلتني بعد مابوسك
سامر،،،،لايمعوده بوسيني بوسيني واشعليني هم
شهد،،،يااا
سامر،،،والله انتي ماحاسه بل نار البيه وجاي اتبوسين
ولج اكعدي راحه ترئ انتي موكدها
شهد،،،،يله نام هيه بوسه اريد انام
سامر،،،،نامي نامي
شهد،،،،ونمت وراسي ابركبته وحاضني حيل وحسيت علئ بوساات خفيفه متفرقه من خدي علئ ركبتي وميلك نفسي سامر شنو هذا الازعاج متخلي الواحد ينام اتبوس هاي مو بوسه ضيم شعلتني شعل كلت هيج ما اعرف شنو معناها بس حبيت اقلده شو هوه خرب من الضحك
سامر،،،،هههه لعد تعالي اطفيج اذا اشتعلتي انتي موكدها
شهد،،،،شنو عيني ليش مو كدها هيه بوسه قابل علم الذره
سامر،،،،،ههههه ماتفتهمين انتي من انروح للبيت اعلمج عليها
شهد،،،،ماشي ابيش الساعه
سامر،،،،بل10
شهد،،،،يااا اهواي نمنه
سامر،،،،،اي يله كومي حتئ انروح من وكت
شهد،،،،ماشي وكمت وسحبني وباسني من خدي ورحت للحمام غسلت وبدلت دشداشه مال بيت وردي فاتح
وطلعت ولميت شعري وسامر فات للحمام وكعدت منوشه ولميت لفراشات وعزلت الغرفه وطلع سامر سابح وغسلت المنوشه وبدلتلها ونزلنه صبحنه عليهم  وتريكنه كملنه واتحضرنه ولمينه غراضنه صعدناهن بل سياره الهدايا الجبناهن من المول وسلمنه عليهم وطلعنه وصعدت السياره وانطلقنه ومشينه الطريق سوالف سولفلي علئ ايامه بل كليه وحبيت الموضوع واندمجت وياا سوالف لحد ما وصلنه وكتله هاي ليش شو وصلنه
سامر،،،هههه لعد نبقه بل شارع منوصل لو التهيتي بل سوالف ما انتبهتي عل طريق
شهد،،،،اي صحيح وطبينه البيت وسلمنه عليهم وصاح سامر،،،،وسام نزل العلاليك من السياره
وسام،،،،مو اني البنكلادش مالتك
سامر،،،،هههه اي يله روح نزلهن ترئ اتروح عليك متحصل شي
وساام،،،،لا لا اروح انزلهن واني الممنون
سامر،،،،من البدايه روح
شهد،،،،راح وسام ينزل الغراض وصفطهن بل مسلك كاعدين مال كعده وكام يوزع بل هدايه الهم كلهم مانسه ولا واحد بيهم هديت عمو انطاها العمه
وهديه هشام انطاها الزوجته ومنوشه عند امها
اتبوس بيها واسترخصت من عمه وصعدت فوك بدلت وغسلت عزلت غراضي ودخل سامر دخل للحمام سامر،،،شهد ملابس
شهد،،،ماشي وحضرتله ملابس وانطيتهيا وطلع ومشط واندار عليه اني كاعده عل جربايه وصافنه عليه
سامر،،،،،اشبي الحلو صافن عليه
شهد،،،،،هااا لا ماصافنه بس دا باوع عليك
سامر،،،،امممم اكولج
شهد،،،،اي كول
سامر،،،،اريد انام نعسان
شهد،،،،هااا اي ماشي نام
سامر،،،،وانتي
شهد،،،،،اني هم ابالي انام بس كلت خاف عيب من عمه لان مانزلت
سامر،،،،لانامي متكول شي
شهد،،،،،هااا ماشي واجه عل جربايه ومدد ومددت ابصفه وسحبني بيده وحضني وباسني من راسي ويتلمس شعري احب هاي الحركه استرخي بيها
سامر احب هاي الحركه
سامر،،،،،امممم اعرف بيج اتحبيها
شهد،،،،،امممم ونمت وحسيت علئ بوسات خفيفه وصوت
سامر،،،،،شهد يله كومي اتغدي يله صاحولنه ولج كومي
شهد،،،،ما ما ماريد نعسانه
سامر،،،،ولج كومي
شهد،،،والله نعسانه
سامر،،،،ماشي ابراحتج
شهد،،،،نزل سامر اتغده واني نمت حسيت احد رفع الديباج وحضني ونمت وكعدت معتي اتغرد جوعانه
بس مانزلت اكول سحبت نفسي علئ كيف ورحت للحمام غسلت وطلعت ورحت للثلاجه بيها نمنميات طلعت نستله نمبروان وعصير كعدت اكول عل تخم
واباوع عل تلفزيون الصوت ناصي بس صوره
سامر،،،،،هااا طكج الجوع ليش ما اتغديتي
شهد،،،،جنت نعسانه
سامر،،،، ليش مانزلتي جوه اتغدي شي يفيدج هذني النمنميات مايفيدنج
شهد،،،،،امممم ماريد دا اكول نستله وكام سامر راح للحمام غسل وطلع مشط واجه يمي وكف باوعت عليه وكتله هاااا شكو
سامر،،،،ماكو شي حاب اباوع عندج مانع
شهد،،،،لاماعندي مانع بس استحي من اتباوع عليه هيج
سامر،،،،هههه
شهد،،،،،ودنك حاوط التخم وحط ايده علئ يدت التخم
وقرب وجهاا وعظ من النستله
سامر،،،،اني ماحب هاي النستله بس حبيت اكلها منج هاي مره ثانيه اكلتها منج
شهد،،،،،امممم مره بل سياره وهاي مره ثانيه
سامر،،،،،اي
شهد،،،،،بقه صافن وقرب وجهاا ودنك وباس شفتي بوسه خفيفه وهمس ابئذني
سامر،،،،احلئ طعم ذكته ابحياتي هوه طعم شفايفچ
شهد،،،،فاجئني ابجرئته ودنكت راسي وعضيت شفتي
ورفعت راسي وعض علئ شفته
سامر،،،،أوف شنو من طعم ضيم موشفايف
شهد،،،،،اممم سامر اريد اسئلك سؤال بس اخاف من جوابه
سامر،،،،اسئلي
شهد،،،هااا لا ماريد
سامر،،،،اممم ابراحتج اني راح اروح للمكتب
شهد،،،،ماشي
سامر،،،،،حسي بيه اشويه لتضلين غبيه
شهد،،،،ماعرفت شنو قصده وكتله اي وراح للمكتب واني اشويه ونزلت جوه كعدت يم عمه اشويه ونضفت البيت كنس ومسح وكعدت يم عمه وانسولف عل طلعه وسئلتني علئ سامر وكتلها زين وكلش متغير وصاير حباب
عمه،،،،،ابنيتي حسيت ابسامر متغير من نضراته ألج اني املاحضته علئ طول نضراته عليج وامبين عليه التغير ونسه الماضي هسه يايمه الاريده منج اترتبين نفسج بل غرفه وانطي فرصه اني ابني واعرفه كلش زين ماينزل نفسه اريد منج انتي لتبادرين ويتم زواجكم هوه يريد منج بس أشاره بمعنئ اموافقه من قربه الج يمه انتي دارسه وفاهمه وتعرفين كلشي شنو العلاقه بين الزوجين يمه اريدج اتطونين السامر ودواء لجروحه
العاشها بل ماضي والله يبنيتي احسه نسه نور وبقه يهتم ابنفسه واشوف لمعه بعيونه البسيله شي حلو بليل وحطي مكياج علئ ترتيبات ولو محاجه اوصيج
شهد،،،،ماشي عمه صار وكمت من يمها صعدت ابغرفتي خجلت من كلامها بس مافهمت يتم زواجكم والبسيله شي حلو وقربه منج اصلآ اني دا انام ابصفه وقريبه عليه وشنو دارسه وفاهمه والعلاقه بين الزوجين اعرف هيه كلام وواجبي اهتم ابملابسه وتطلاباته هم لازم هذا الشي يصير بين الزوجين دوختني عمه ومافهمت منها شنو المطلوب ونزلت جوه وسويت عشه كبه وبورك وبتيته واجه عمو وهشام وبعدني داحضر زلاطه وحسيت احد ورايه قريب واتقرب وره ضهري وباس خدي
سامر،،،،، هلو عيني اليوم العشه عليج
شهد،،،،،،يمه بسم الله هوه هيج فززتني ياعيني حمحم نحنح فززتني
سامر،،،،،فدوه لعيونج خوفتج
شهد،،،،اي فززتني
سامر،،،،هههه
شهد،،،،اشهامك انته
سامر،،،،هههه اكو تبوله
شهد،،،،،اي سويت وكملت راح اصب بس صيح الوسام ياخذ المواعين
سامر،،،،ماشي
شهد،،،،كال ماشي وعض علئ شفته وكال
سامر،،،،،اشلون اخدود يشهن مال عض وانوب صايرات لون احمر
شهد،،،،يااا سامر ترئ خجلتني عيب منا اهلك يشوفونه جيب الي يفكنه من السان وسام
سامر،،،،،ههههه يمكن صارت بيج خوفه من وسام
شهد،،،،،اممممم
سامر،،،،،،فديته الخجلان
شهد،،،،سامررر كافي روح غسل راح اصب العشا وانته بعدك واكف يمي
سامر،،،،،ماشي ماشي رايح
شهد،،،،راح سامر وصبيت واجه وسام شال الاكل وكعدو يتعشون وقبل لا اكعد خدرت شاي ورحت غسلت وجهي ورحت للاستقبال وصاحلي سامر
سامر،،،،،تعالي كعدي يمي
شهد،،،،ورحت كعدت يمه واباوع علئ عمه مرسومه ابتسامه علئ وجها ودا اكل وردت المملحه لان بعيده وكلت لمحمد ابن هشام حمودي من يمك المملحه وسامر انطانياها لان قريبه علئ محمد من الجها المقابيلي
سامر،،،،اتفضلي عيني
شهد،،،،،خجلني كدامهم وكلها نضراتهم عليه وكتله شكرآ
سامر،،،،العفو
شهد،،،،بقينه ناكل ولحد ماكملنه وعزلنه المواعين وشلناهن وغسلتهن ماخليت زوجت هشام تغسلهن بل رغم رادت اتساعدني بس ماخليتها اريد اشيل منها حمل الشغل لان الجهال امتعبيها وكملت المواعين غسلتهن وصبيت شاي ورحت انطيت العمو والعمه وهشام وزوجته لان كاعده يمه وسامر ووسام طلع ووديت الصينيه بل مطبخ واخذت الكوب مالتي ورجعت للاستقبال واشرلي سامر اكعد يمه
سامر،،،،،تعالي اهنا
شهد،،،ورحت كعدت يمه عل تخم وشربت الشاي
سامر،،،،انتي مو اسمج شهد
شهد،،،،اي وهمس يمي ابصوت ناصي
سامر،،،،لعد حطي اصبعج بل شاي لان الشهد معنا عسل يعني حلاه والشاي يرادله حلاه
شهد،،،،يااا واتريد احرك اصبعي لاعيني اروح اجيبلك العلبه مال شكر
سامر،،،،لا ماريد لعد
شهد،،،،هااا
سامر،،،،لا اشاقه وياج يعني هوه يرادله حلا بس ماشي انمشيها
شهد،،،،امممم
سامر،،،،،دشوفين اكو اثنين اعيونهم علينه من كعدنه ولحد الان
شهد،،،،ابصوت ناصي منو
سامر،،،،هههه الحجي والحجيه عيونهم علينه
شهد،،،،يااا وصدك اخطف نضره عليهم واشوفهم عيونهم علينه وخجلت لان سامر حاط ايده عل تخم وره ضهري عبالك شابكني ودنكت راسي ورفعته وكتله سامر لعد راح اصعد فوك
سامر،،،،،ليش اخدودج صارن لون احمر شنو خجلتي ترئ عادي رجال وكاعد يم مرته
شهد،،،،لا عيب سامر باوعت بعيونه بل نسبه اليه اضيع بيهن ودنكت وكتله ما اعرف ابشنو احس من اتكول رجال ومرته اني اروح ارتاح
سامر،،،،ههه ماشي ابراحتج روحي
شهد،،،،وكمت رحت للمطبخ جبت صينيه حتئ اشيل لكوابه ودخلت شلتهن وغسلتهن ورجعت للاستقبال وهشام وزوجته صاعدين ابغرفتهم والحجي هستوه استرخص وباسني من خدي وكرصني من خدي وطلع
وكلت عمه اني استرخص محتاجه شي اني اصعد فوك
عمه،،،،لايمه بعد روحي روحي ارتاحي
شهد،،،تصبحين علئ خير
عمه،،،،انتي من اهل الخير يمه
شهد،،،وصعدت بل غرفه وطبيت للحمام سبحت ولبست البرنص وطلعت رحت نشفت شعري ورحت للكنتور طلعت سيت لون اسود قصير فوك الركبه وفوكاه مثل الروب هم اسود بس طويل وشديت لحزام ورحت حطيت حمره وردي ومرطب وعطر وفليت شعري سويت بڤ ونزلت خصل وطلعت كلش حلوه ما اعرف ليش هيج سويت لان عمه كالت رتبي نفسج والبسي سيت عجبني هذا لان فوكا مثل الروب ورشيت معطر جو وكعدت طلعت نمنميات كرزات وجبس قررت انشوف شي علئ لبلازمه عل نت وكملت النمنميات
ودخل سامر
سامر،،، هاي شنو شمسويه ابنفسج شمحضره
شهد،،،،مو عاجبني انباوع شي فلم وجهزت كلشي
سامر،،،،امممم ماشي كملي انتي هسه اجي
شهد،،،راح للكنتور اخذ ملابس دخل للحمام اني بقيت اكلب اريد فلم وهوه اتئخر يله طلع سابح
شهد،،،،كاعده انتضره راح للميز حط عطر ومشط واجه يمي كعد عل تخم
سامر،،،،اي شنو راح انشوف
شهد،،،ما اعرف للافلام بس عاجبني اجنبي
سامر،،،،انطيني اني اختارلج علئ ذوقي
شهد،،،امممم بقه يكتب وطلع فلم
سامر،،،هذا حلوه قصته بين مايبدي راح اودي كرزات للحجيه وأجي
شهد،،،،اي ماشي وبده الفلم واتئخر سامر ليوين يله اجه وكعد يمي وكتله شو اتئخرت
سامر،،،،جنت يم الحجيه سولفتلي موضوع مهم واجيت
شهد،،،،امممم واحس نضراته تاكلني كل اشويه احسه يخطف نضره ويرجع يباوع عل فلم
وناكل كرزات
وكل اشويه اسئله عل فلم ويشرحلي اشراح يصير ولحد ما انتها الفلم بس قصته عجبتني كلش وحبيته
وعزلت الميز البي الكرزات النمنميات وسامر بعده ابكانه بس وين ما اروح عيونه عليه اباوعله ابتسمله وكتله اشبيك اتباوعلي هيج
سامر،،،،عاجبني منضرج
شهد،،،،هااا جان اتذكر اريد ارجع للدوام اريد اقدم علئ كليه وكلت خل اروح بلكت فكر ابهذا الموضوع
ورحت يمه وكعدت بس متوتره ما اعرف اشلون افتح ويااا الموضوع وكتله سامر
سامر،،،،عيونه السامر
شهد،،،اتفاجأه ابكلامه ودنكت راسي اتوترت واعصر بيدي وكتله اريد اكولك شي بس خايفه
سامر،،،كولي شنو ليش خايفه مني
شهد،،،،امممم ماسر عادي ارجع اداوم عاجبني والله لان اني كلت بس ارتاح سنه واكمل لان هذا حلم بابا يريدني اكمل لان اخواني ماكملو دراسه ولا نسرين وبابا جان حلمه اكمل دراسه واني هم اني عاجبني اكمل
اني فاتحتك ابهذا الموضوع وكلتلي افكر واريد منك جواب واني كل هذا الكلام وامدنكه راسي من التوتر وايدي صارت حمره لان عصرتها من التوتر
سامر،،،،،شهد رفعي راسج
شهد،،،،رفعت راسي واشوف نضراته تختلف وحط ايده علئ ايده
سامر،،،،،تذرين من تتوترين تطلعين حلوه واذا علئ جوابي اني اموافق اتكملين واصلن اني من قبل عاجبني اتكملين ماامنع وحده عن الدراسه احب تعتمدين علئ نفسج ويكون الج طموح بس اريد عينج من البيت للكليه ومن الكتاب للمدرس وماحب الصداقات لان اتلهي عن الدراسه واريد درجات عاليه وهذا شرطي
شهد،،،،،احس ملكت الدنيا ابقبوله واتفاجأه من ردت فعلي وكلت يااااييي يعني اموافق انته وحضنته وبسته من خده وكتله شكرآ شكرآ حبيبي والله عرفتك مراح اتعارض احبك كومه وحسيت علئ نفسي ووخرت من صدره ودنكت راسي وعصرت ايدي وكتله اسفه اتفاجأه من جوابك شكران الك
سامر،،،،اي كمليه شكرآ الك وبعد شنو
شهد،،،،شنو
سامر،،،،قبل اشويه كلتي شكرآ الك حبيبي كوليها مره ثانيه
شهد،،،،هااا وكتله مو ابقصد بلا وعي طلعت الكلمه
سامر،،،،هااا لعد شهد امي حجت ويااج ابموضوع
شهد،،،،اي حجت ويايا اليوم
سامر،،،،اي وانتي شنو مقتنعه من كلامها
شهد،،،،اي مقتنعه لان كالت اهتمي ابسامر والبسي ورتبي نفسج لان الرجال يحب الوحده اترتب
سامر،،،،ههههه
شهد،،،شنو اشبيك شو تضحك
سامر،،،،،تعرفين شنو اكثر شي احبه بيج
شهد،،،،شنو
سامر،،،،فطاريتج السانج وتفكيرج علئ لاهيتج وتحجين
شهد،،،شنو يعني قابل اشكلت
سامر،،،،الحجي الكالته امي المفروض متكولينه بس السانج فليت ههههه
شهد،،،،،استوعبت علئ جفصاتي ياااا
سامر،ههههه
شهد،،،،يعني انته اتحبني انته هم جفصتها وكلت تعرفين شنو اكثر شي احبه بيج يعني انته اتحبني
سامر،،،،،ومنو كلج ماحبج قابل انتي ماتنحبين
شهد،،،،يعني اتحبني
سامر،،،،انتي خليني احبج اكثر كلشي يمج انتي وحاولي اتخليني احبج
شهد،،،،يعني هسه متحبني ماشي وكمت وسحب ايدي وكعدني
سامر،،،،اكعدي ماخلصنه كلام وماكلت اني ماحبج
شهد،،،،اممم ودنكت راسي وخليت كذلتي وره اذني وسكتت وهوه هم ساكت وشويه وكال
سامر،،، وانتي علمود الحجيه كالتلج البسي ورتبي وسمعتي كلامها يعني هذا انتي السويتي مو من ذاتج لعد بعدج انتي مامتقبلتني ومارايدتني 
شهد،،،،،سامر

للحكايه بقيه

لتحكمون ع الروايه من بدايتها

لتنسون التصويت ⭐ والتعليقات 🌹