أدمنت حبك

بارت ١٥

السلام عليكم
*********

#بقلم - الكاتبه - سانسا
****************

ماجنت متخيله اكو هيج وجع وألم وروحي فرفحت والدكتور يعقم وينضف الفركاس واني راسي ابصدر سامر وهوه حاضن راسي حتئ ما احركه واباوع وأيدي عاصره ايده الحاضن راسي بيها حتئ خرمشته من كد ماضاغطه عليها واكوله حباب كافي والله اتئذيني عوفها وسامر يكول
اششششش هاهيه راح يخلص
واني احس روحي راح تطلع من الوجع وتعبت من البجي وكالي الدكتور هاهيه راح الفها الج وحطيتلها تعقيم ودهن وباجر اتفليها وتعقميها وتحطيلها دهن واتشديها وسامر عدل شالي وكلي
ارتاحي اشويه وجابلي مي شربته وكلت للدكتور
هم راح اتنضفها من الفراكيس انوب وكال
لا نضفتها زين مايحتاج وكتله
هيه بل تنور احتركت وحطيتها بل مي بارد وكال
اي طبعآ من المي هيه فركست وكتله
لان تحركني ردت ابردها وحطيتها بل مي وكال
غلط اي نوع من الحروق ماينحط مي عليه لان يفركس وكتله
ماشي وانطاني علاج وشاش وابلاستر ومعقم وسامر كال اجيبها باجر وكله تكدر اتعقمها انته واذا متكدر جيبها وكال سامر
اني اعقمها وسلم وطلعنه وصعدت بل سياره وصديت عل جامه وكال
جوعانه تاكلين شي كتله
لا ما اشتهي وكال
كم دوب تبقين بلا اكل ليش هيج دسويين ابنفسج لازم تاكلين جسمج ضعفان حيل وشكلج امبين عليه التعب وكتله
ما اريد ونفسي متتقبل شي بس اريد يسكن الألم اريد ارتاح اريد انام
وكال
بس اكلي وانطيج العلاج ومسكنات لان مايصير تاخذين مسكن علئ معده فارغه
وكتله
ما أريد وسكتنه وشويه وكف يم مطعم ونزل ورجع. جايب علاليك جاب كباب شوي بل دجاج سفري وبيبسي وصمون ومقبلات
وكال
اريدج تاكلين الكباب وجبتلج بيبسي ولو موزين بس هلمره جبته علمودج حتئ تاكلين وبعدين اجيبلج عصاير
وكتله
شكرآ ماريد شي منك ما اشتهي حسيت بي يشفق عليه
وكتله
اكدر اهتم ابنفسي واني مابيه شي
وكال
شهد اهم شي صحتج
كتله
امممم ووصلنه للبيت نزلنه وطبينه من المطبخ لكيت عمه وعمو كاعدين بل استقبال وسلمنه واتحمدولي بل سلامه وكعدت يم عمه نزعتني الرداء وكالت يمه ارتاحي
وكالت
عمه ليش ابنيتي ماكلتيلي احتركت ايدج خليتيها اتئذيج يلله حجيتي
وكتلها
عمه ماردت اشغل بالكم كلت وره الغده اكولج حتئ ميضل بالكم
وكال
عمو بعد متخبزين انتي اكو مخبز وانجيب خبز منه ليش اتعبين نفسج يا بابا
وكتله
عمو اني اريد اخبز ماعندي شي عادي اكدر
وكال
لا انجيب من المخبز
وكتله
ماشي وسكتت وحسيت ايدي اتكرص بيه وطب سامر وزوجت هشام شايله صينيت اكل واتحمدتلي بل سلامه وحطت الصينيه يمي واجه سامر كعد يمي وكال العمو والعمه اتفضلو مارادو وباوع عليه
وكتله
ماريد ما اشتهي
وكال
مو ابكيفج يلله اكلي وسوالي لفه
كتله
مااريد كباب بس صمونه اكل وبيبسي واكلت نص صمونه اجبر نفسي علمود العلاج وكمت غسلت وشلت الصينيه رحت للمطبخ داعزلهن وطبت زوجت هشام وكالت روحي ارتاحي اني اعزلهن وصعدت فوك طبيت للحمام غسلت وجهي وبدلت وطلعت مددت عل جربايه وطب سامر بيده علاكت العلاج باوعت عليه
وكال
هذا علاجج
وكتله
اممم واتقرب وانطاني شريطين حب وراح للثلاجه جابلي بطل مي
وكتله
شكرآ وكال عفوآ وبلعت العلاج ومددت واتغطيت واريد انام احس ايدي اتكرص بيه اكثر وانفخ عليها بس ماحجيت احسها اتكرص بيه من الداخل وما اكدر افتحا وسامر هم مدد عل جربايه اني منطيته ضهري ونايمه اريد بس اغمض عيني ما اكدر من الألم يزيد عندي مع العلم اخذت علاج وماكو ماهود الألم وسامر
كال
شهد اشبيج تنفخين
كتله
مابيه شي
وكال
لعد ليش لحد الان مانايمه وسكتت
وكال
أيدج اتئذيج
كتله
امممم والعبره خنكتني
وكتله
اريد مسكن لان ما اتحمل احسها اتكرص بيه واني عاصره المخده وابجي وحسيته اتقرب يمي ووخر شعري من يم ركبتي ودنك راسه وهمس
وكال
افتحها الج وشويه واعقمها
كتله
اخاف اتئذيني كال لاما اذيج
وكتله
لا ماريد تفتحا الدكتور مايقبل بس اني اريد مسكن وكال
ماشي وكام جابلي مسكن وكعدت وبلعته
وكلي
نامي وحطي جواها مخده عاليه بحيث اتصير عبالك ايدج مرفوعه حتئ متئذيج وسويت مثل ماكال وفعلأ نمت علئ ضهري وحطيت كوشات الجربايه صحيح احسها سكنت عندي ونمت وكعدت وشفته هستوه طلع من الحمام
وكال
صباح الخير
كتله
صباح النور وكمت رحت للحمام غسلت وبدلت وطلعت ونزلت قبله وسويت ريوك اله ونزل اتريك واني شربت جاي وكمت وكلي ليش ماتتريكين وراج علاج وانطيته ضهري
وكتله
ما اشتهي ابنبرت لامبالاه الوجوده لان احس گلبي بعده شايل عليه وطلعت صعدت الغرفتي طبيت هستوني سديت الباب ومشيت كم خطوه للميز وانفتح الباب ابقوه وشهكت وانداريت عليه واتقرب عليه ابخطوات شبه الغضب ولزم ايدي حيل وضغط عليها وكال
شنو هذا التصرف السويتي جوه وشنو طريقت كلامج باوعت بعيونه
وكتله
اني ماسويت شي غلط وهسه انته وخر ايدك من ايدي لأن دتئذيني وما اريد اذيتك اليه لان صارن اهوايه و وبعد ما اكدر اسامحك عليهن وضغط اكثر
وكال
شهد غيري تصرفاتج ولتستفزيني بل كلام ترئ بل كوه ضابط نفسي وياج ماريد اسوي شي واندم عليه
وكتله
شنو بعد اتريد اتسوي مثلآ تضربني عادي ضربتني علمودها لو شنو شتريد اتسوي بل نسبه اليه ميهمني بعد كائآ من يكون وبعد حافض علئ مسافاتك بل نسبه اليه ما اتحمل بعد الديصير نفتح الموضوع ويه الكل وخلص متهمني الناس شتحجي اريد ارتاح تعبت اني من كلشي تعبت والله اني اعرف نفسي الشي الأريده مايتحقق حجيتها ابنبره صوت مخنوكه وبل كوه تطلع الكلمه مني حباب عوف ايدي دتئذيني ودنك يشوف بكان لزمت ايده وباوع بعيوني
وكال
راح امشي هذا تصرفج علئ مزاجي اياج اتكررين هذا تصرف التجاهل لان ماتتخيلين اشراح اتصرف ابقتها واني كل هذا الكلام حاطه عيني ابعينه مانزلتها ابد بس لدموع تنزل علئ خدي عبالك جمر وشمرني عل جربايه لان كلش جانت قريبه واتئذت ايدي البيها حرق انضربت علئ طرف الجربايه وعطت أأأه ودنك وكال مره ثانيه صوتج مايعله مفهوم ولتحطين عينج ابعيني ولتصيرين صلفه واني ماحجيت حرف بس ركز بعيوني مده قليله وطلع من الغرفه واني احس جمر ابداخلي حسره ابروحي اريدها تطلع ما اكدر اعبر عن حسرتي وقهري كل هذا الألم ابكف وألم الحرق ابكف احسها صارت أيدي رطبه من الداخل بعدهي نار وتسعر بيه من الألم الحسيته ولميت أيدي عصرتها من فوك وفركتها لان هيه نفسها الزمها سامر وطلعت كل قهري بل بجي وضليت فتره طويله لان مابيدي شي اسوي وارتاح وكمت من الجربايه ورحت للكنتور وطلعت دشداشه خفيفه ونزعت الابستها يم الكنتور وبقيت بس بل اتك مابيه افوت للحمام ونداريت عل ميز واشوف تليفون عل ميز ورحت عليه واتئكدت هذا تليفون سامر نسه تليفونه وراح ورفعت راسي واشوف نفسي اشكد متغيره وتعبانه عيوني حمره من البجي وخشمي علئ حمار وشفايفي امورمه من العض عليهن من ابجي وشعري مفلول واملخبط ولو هوه سرح بس من يم كذلتي نازل علئ وجهي وصفنت علئ نفسي اشويه وكلت هوه منو يستاهل واتعب نفسي عليه دا احجي ويه نفسي وحسيت نغزات من ايدي التحركني وشفتها رطبه الشاش بي اشويه دم واتكرص بيه وفتحت الشاش اشويه شو اذتني بل زايد وجريت الشاش شو لازك من جها وكلت ااااه ماما وكمت ابجي حرت اشلون اوخر الشاش بعدني علئ وكفتي يم الميز وانفتح الباب وانداريت وشفت سامر واني اريد اضم روحي علئ هذا الموقف الأني بي احير بل حرق لو احير علئ نفسي الابسه اتك قصير فوك الركبه لون اسود وايدي بعدهي لازك الشاش وهوه بقه واكف يم الباب بقه اشويه صافن عليه واني انداريت انطيته ضهري اريد شي البسه ادور للدشداشه ماكو اختفت ومسحت ادموعي النازله علئ خدي ودنكت راسي من التوتر ولزمت ايدي وعصرتها حيل وحسيت ابخطواته صارت قريبه عليه
وكال
شهد شو باوعيلي ورفعي راسج ورفعت راسي واشوفه من المرايه مال ميز وهوه صاير ورايه ودنكت راسي
وكال انداري وكتله ابصوت يرجف سامر اريد ملابسي حباب واتقرب اكثر صار ضهري علئ صدره وسحب شعري ابئيده وشمه وكال عطره كلش طيب وسحب كم خصله من يم اكتافي واتلمس ركبتي يصعد وينزل ايده علئ ركبتي ودنك راسه علئ ركبتي وهمس
ليش لابسه هيج والباب مامقفول همممم
وكتله
ابصوت بل كوه ينسمع والله نسيت ولا ابالي مامقفول بس ردت ابدل الدشداشه امضايقتني وردت البس وحده خفيفه
وكال
شهد ليش فاله الشاش من ايدج
وكتله
ابصوت يرجف بل كوه يطلع لان دتئذيني واتكرص بيه لان اذيتها وانضربت علئ حافت الجربايه من انته شمرتني واتئذيت وفليتها ونزلت دمعتي علئ خدي ومسحتها
وسحب شعري النازل علئ ركبتي واحس ابحراره انفاسه علئ ركبتي وحاوط خصري ابئيديه اثنينهن ولزم أيدي المتئذيه ابسبب الحرق وهمس
اداويلجياها مازول فليتيها وصوتي يرجف
وكتله
بس بس لازكه من الشاش عل حرق وتئذيني وشبك خصري اكثر بحيث احس روحي وجسمي راح يدخل ابجسمه من كد ماشابكني حيل
وأخذت النفس بل كوه وجسمي قشعر
وكلي
ليش جسمج يرجف
كتله
(س ا م ر) اني اضمد أيدي انته روح للمكتب
وكال
لا اني اضمدها وهوه بعده ورايه ورفع أيدي وشافها وكال
هاي لازكه من الطارف تتحملين اسحب الشاش اشويه اشويه
وكتله
لا حباب خلي انكعها بل مي وهيه اتروح يطلع الشاش وكال
لا غلط هيج تلتهب اكثر واشكالج الدكتور من وره المي فركست غلط هيج تتصرفين
وكتله
حباب علئ كيفك والله اتئذيني
وكال
أشششششش ابهمس يم اذني واشويه سحب من الشاش وغمضت عيوني وعضيت شفتي
وكلت
أممممم سامر عوفها حباب
وكال
لا لازم انوخر الشاش مو زين حتئ انعقمها
وكتله
حباب سامر
وكال
بس اشويه اتحملي سحب منها اشويه لازكه عل جرح واحس روحي ماعت لان ماماكله وجسمي يبرد ويصخن وانداريت راسي عليه صار مقابيل وجها يبعد بين شفتي وشفته سانتيمات
وهمست حباب سامر عوفها والله لأن دتئذيني وجسمي برد كلش واشوف نضراته تتجول بين عيوني وشفتي وضميت شفتي بل داخل بللتها اشويه وبعدين عضيتها من طرف
وكتله
سامر
وكال
تعالي ارتاحي عل جربايه
وكتله
امممم ومشينه علئ نفس وضعيتنه هوه ورا ضهري ولازمني من خصري
وكال
شوفي هذا تالي اعنادج اتحاربين نفسج عل أكل وتالي تتخربط احوالج وكعدنه عل جربايه وراح جاب الادوات التعقيم والعلاج مالتي ورجع كعد مقابيلي وسحب ايدي
وكال
اتحملي اشويه وبللها بل تعقيم صح تحرك لان حيل متئذيه ايدي وصار يسحب اشويه اشويه وكمت ابجي واكوله عوفها وماقبل اله يكملها ومسح علئ خدي
وكال
بس بقت اشويه ونخلص اتحملي وهزيت ابراسي معنئ أي وكمل سحب الشاش الازك عل حرق واحس سحب بل جلد وكمل تعقيمها وحطلها علاج الأكريمات ولف الشاش وفوكا باندج وكمل ايدي
وكال
هاهيه بعد لتلعبين بيها ومسحت ادموعي ورفعت راسي وكتله
أمممم ماشي ورفعت كذلتي نزلت علئ خدي لان امبلل وحطيتها وره اذني
وكتله
شكرآ تعبتك بس هوه ضل صافن ابوجهي ودنكت راسي وحسيت ملمس علئ خدي ورفع كذلتي وره اذني وكال
شهد ورفعت راسي باوعت بعيونه
وكال
ليش احس بيج اتكابرين
وكتله
شنو اكابر وعلئ شنو اكابر
وكال
ترديني وتحبيني بس اتكابرين واتحاولين تبتعدين عن نضري ودتعذبين نفسج وتحرمين نفسج من الأكل وتكولين بطلت احبك بس احس بيج انتي اتحبيني وكتله
لا متوهم انته موقصت بس حب بس ردتك انته اتكون سندي واتعوضني عن الأفتقدته ماريدك بس زوج ردتك اتكون الي أب وأم وأخ هذا الردته منك وشذكرك ابهذا السؤال بل نسبه اليه انته شي مو من حقي وشي مو ملكي وشي لايمكآ ابيوم يصير أليه وحدي وعلئ فكره هذا كلامك انته جنت دائمآ اتكوليا بعد شتريد اوصفلك انته كاعد تبعدني عنك ابسبب تصرفاتك احسك اتريد المرأه تحسبها عبالك ماعدها احد دائمآ اتحسسني اني شامره نفسي عليك بس اني غير حتئ لو احبك اني ما اسمح أي أحد يدوس علئ كرامتي اهم شي كرامتي مستعده ادوس علئ گلبي ولا اخسر كرامتي انته دائمآ اتكول اني ماميت عليج وتكول علمود الحجي اخذتج وتكول ماميت عليج واني هسه اكولك الميريدني اني هم بعد ماريده واتمنه اتفاتح عمو عل قرار الأخذنا لان ما اتوقع راح نكدر انكمل ولا راح اكدر انسه أهانتك أليه علمودها لان جبت طاريها وسكتت كل هذا الحجي الحجيته وهوه ساكت بس نضره علئ ملامح وجهي احسه يريدني احجي وطلع الكلام لبداخلي باوعت بعيونه بيها لمعه ودنكت راسي وحسيته اتقرب اكثر وكمش ايدي الأعصر بيها من التوتر وطبطب عليها
وكال
اني كم مره كلتلج ماحب احد ينرفزني ولا يعلي صوته مقابيلي واليوم شنو تصرفج الصبح تحجين امعلك