أدمنت حبك

بارت ٢٢

السلام عليكم
*********

#بقلم - الكاتبه - سانسا
****************

شهد،،،،دخل سامر واعصاب صاير وشعره منفوش امبين متعارك وكعد عل تخم وكال عمو
عمو،،،،خير اشصاير شنو هذا وضعك
سامر،،،يابه اتعاركت ويه النسيب اليوم
عمو،،،،ليش شكو اشصاير
سامر،،،،طبعآ ماتذري اشصاير انته لان بنتك اتخاف اتكولك شيصير وياها لان مريض انته وكالتلي
صارلها كم يوم تشكيلي من زوجها وعلئ تصرفه وعيالها وتعامله وياها واليل كله اتراسل وياها واطلع بره أخابرها وتشكيلي وحجيت ويه زوجها ونبهته ومافاد
بس هسه لا لازم يتوكف عن حده
عمو،،،،ابني لازم نتفاهم ميصير هيج ماتنحل المشاكل بل عصبيه والعياط
سامر،،،،لعد انته شوف حل
شهد،،،،شنو معقوله سامر متعارك ويه زوج أخته ويخابر أخته لعد ليش كاتب عليها ( شراين قلبي) حتئ لو اخته ليش يتهرب مني ويحجي وياها بره لا حتئ لو اخته بس اني مراح اسامحه علئ تصرفه وتعامله ويايا ويضربني ويمد أيده عليه جان لازم يبررلي انو ديحجي ويه اخته لاوفوكاها يضربني سامر ديحجي ويه عمو ويباوع عليه عوف يكلي فهمتيني غلط ورحت للمطبخ ماحجيت وياا وصبينه غده وكملنه دا أكل وسامر يباوع عليه ورافع حاجبه وكملت وكمت وشلنه المواعين وغسلتهن اني وكملت الشاي وصبيت وشربنه وغسلت لكوابه كملت وصعدت فوك للغرفه لكيت سامر كاعد عل جربايه ينتضرني وطبيت للغرفه وكام سامر
سامر،،،،،شهد احجيلي شنو جان تفكيرج احجيلي هسه ابسرعه
شهد،،،،والله ابرئيك شنو يكون تفكيري من اشوف زوجي اليل كله يراسل لو يطلع بره يخابر لو الكه كاتب علئ اسم شرايين قلبي شنو ابرئيك
سامر،،،،،تعرفين منو هاي شرايبن قلبي هاي اختي لصغيره الربيتها علئ أيدي الي لحد الان محد ماد أيده عليها من اهلي وسميتها شراين قلبي وهسه تجي وتشكي من زوجها ومن بيت أعيالهاااا وانتي شنو جان تفكيرج عندي وحده لو اصادق بنات لو شنو
شهد،،،،كولها ليش خايف اتكول أسمها لو خايف گلبك يحن عليه كولها لو نور اي نور هيه الجنت دا افكر بيها عبالي نور اتراسلها نور تتصل عليها نور لتكوللها هسه اجيج للبيت نور اتكوللها انطيه الزوجج درس عمره مراح ينساه كل هذا التفكير العيشتني بيه والقلق والزعل ومدت أيدك عليه تضربني سامر خليتني اطلع من طوري سامر وعليت صوتي عليك علئ شنو علئ شي اني اتوهمته علئ شي ماصاير بس تفكيري خلقه كله منك انته ماحجيت اشديصير ويااك شكو بيها لوحجيتلي الديصير وياك ولا هيج اتعبني وتقلقني وهسه تطلع اختك الدتحجي وياها واني عبالي نور اني عبالي دتخوني سامر تعرف شنو الخيانه
سامر،،،،شهد صارن اهواي مره اطلعيني رخيص ومره خاين لهنا وكافي حدج شهد اتجاوزتي اهواي
شهد،،،،شنو يعني هسه دتلومني يعني هسه اني الغلطانه
طلعت بس ماشي سامر انته خليك هيج وعيش ابتفكيرك ترئ اني زوجتك سامر ومن حقي اعرف شنو الدي صير ويااك وهسه تجيت حملتني الذنب لان فهمتك غلط
سامر،،،، كلمت خاين كلش جبيره وكلمت رخيص هاي اكبر
شهد،،،،وين اتريد توصل احجي
سامر،،،،،ما اسامحج علئ هذا كلامج
شهد،،،،كمت ابجي وحجيت ابصوت مخنوك شنو لتريده
سامر اني تعبت منا حملي ومنا انته
سامر،،،،اريد بوسه وانسه كلشي واسامحج. ههه علئ كلشي
شهد،،،،،يااا انصدمت من كلامه شنو يعني
سامر،،،، هههه يعني اعرف الغلط مني مافهمتج الديصير ويايا واعرف قلقتج وشفت نوع الغيره العندج والقلق والتفكير لان هذا الشي بين عليج وعرفت لو شو شنو اسوي تبقين اتحبيني واتسامحيني ابسرعه وهسه اني متندم لان مديت ايدي عليج لان ما اتصورت تطلع منج كلمه رخيص بعدين عرفت تقصدين عبالج عندي وحده
ورخصتيني
شهد،،،،شنو يعني مافهمت
سامر،،،،يعني اني اريد بوسه وشويه اريد اشوفج من اتعصبين
شهد،،،،يعني هسه امسوي بيه مقلب يعني اهمالك اليه شنو هذا
سامر،،،مو اهمال بس كولي زعلت واجيت عليج ورفضتيني وعفتج علئ راحتج
قبل لتخابرني اختي عرفت تفكيرج شنو وهسه يله اريد بوسه
شهد،،،،،يعني انته ماد ايدك عليه فوكاها اتريد بوسه لاوالله سامر تعذرني الشي العيشتنياه ماسامحك عليه حتئ لو كانت اختك
سامر،،،،يعني شنو
شهد،،،،يعني اني اصلن ماسامحك ومشيت اشويه وسحبني حيل
سامر،،، شنو شهد شفتيني احجي وياج وكمتي تتكبرين عليه لو اتعززين ابنفسج
شهد،،،،شوف هذا طبعك مراح اتغيره ورجاءآ هد أيدي اني ماعزز نفسي عليك بس اريد اعرف اشلون هنت عليك وتضربني راشدي واني حامل ماخفت علئ ابنك
لو اتعاقبني علئ نتيجت أغلاطك ارجع واكولك اني ماغلطانه انته الغلطان وابسبلك فقدت نفسي واتجاوزت عليك مو قصدي بس بعد طلعت الكلمه مني وانحسبت عليه ابسببك وهسه ماعندي شي ويااك مثل ماجنت زعلان وهنت عليك وعايفني عادي هسه هم متفرق شي عندي ما اعرف اشلون طلعت مني هاي الكلمه لان ابصراحه بديت اتعود علئ بعدك وعلئ فكره اني مو لعبه بيدك اشوكت مايعجبك تزعل واشوكت مايعجبك ترضه اني هم حالي من حالك هم بشر وعندي احساس وعندي أهل ووخر أيده من أيدي
سامر،،،،يعني الفهمته منج مترديني واتعودتي علئ بعدي ماشي شهد انتي الردتي هذا علئ فكره اني ردت اكمل ويااج وانسه الكلام الكلتي ولو هوه مو سهل بس عديتها ألج وكلت موقصدها لان جانت حاله عصبيه بس هسه انتي رفضتيني بديتي تبتعدين عني ومراح اجبرج علئ شي راح اخليج ابراحتج
شهد،،،،اشلون طلع هذا الكلام مني وانوب بعدته اكثر مني وزعله موهين زعله صعب وكعد عل جربايه ومدد ورحت اني هم مددت وانطيته ضهري ونمت من بعد تفكير وتعب وندم علئ كلامي وعلئ رفضي اله ونمت وكعدت علئ سدت الباب يعني طلع وكمت رحت للحمام وغسلت وطلعت ونزلت جوه وكعدت يم عمه واجتي زوجه هشام جابت كيك وشاي وسولفنه واكلنه وكملنه وطبيت جوه وسوينه عشه كملنه واجمي كلهم وسامر صعد فوك جنت امحضرتله ملابس بس من نزل مالابسهن هنه امغيرهن عود يحسسني اني مو ابحاجتج واتعشو واني اكلتلي تقريبآ لكمتين ما اشتهي ومعتي تغلي وبطني امبينه اشويه وكمت رحت غسلت احس نفسي راح اتقيئ وصعدت فوك الغرفتي حتئ ماصبيت شاي شافني سامر صعدت وعفته وطبيت للحمام وغسلت وكمت ابجي من ألم معتي وذبيت الشال واغسل وجهي وسمعت فتحت باب الغرفه عرفت سامر اجه وكمت اتقيئ وكملت ارتاحيت اشويه وغسلت وطلعت وشفته متمدد عل جربايه يعني سمعني اتقيئ وماكلف نفسه يسئلني شي بس هم ماريده ورحت مددت عل جربايه وانطيته ضهري وكال
سامر،،،،بيج شي ليش تتقيئين
شهد،،،،خنكتني العبره وكتله ابصوت مخنوك لا مابيه شي بس معتي متتقبل أكل احسها ثكيله
سامر،،،،اخذتي علاجج
شهد،،،لا ما اخذته هسه
سامر،،،اخذي علاج مال معده وتر تاحين
شهد،،،،،اممم ما اعرف افرح لو لا علئ سؤاله
وانداريت عليه باوعت عليه صافن عل سكف ما اعرف ابشنو يفكر عفته ماحجيت شي وياا وكمت عل ثلاجه وطلعت عصير وعندي بسكت وكعدت عل تخم وأكلت اشويه وكملت وشربت العصير كله ارتاحيت وضليت عل تخم لحد مانمت وضعيت الجنين عل تخم ونمت
وحسيت احد يتلمس خدي فتحت عيوني بين النعاس
وسمعته
سامر،،،،شهد اشلون نايمه هيج موزين عل طفل كومي نامي عل جربايه هيج راح تمردين الطفل
شهد،،،،حسيته يتلمس خدي ورفع كذلتي واني اغمض اريد اشبع من هذا الأحساس فاقدته صارلي كم يوم
مشتاقه العطفه ومشتاقه الحضنه الدافي ومشتاقه انام علئ صدره انسه بيه كل همي وتعبي وكتله اممم سامر نعسانه
سامر،،،،،،اي اعرف نعسانه بس كومي نامي عل جربايه ميصير هيج اتنامين موزين عل طفل
شهد،،،،امممم وفتحت عيوني وكتله لو ماصاير شي الأختك لو ماضام عليه ولو مافهمتك غلط جان هسه اني انام علئ صدرك سامر لأن احس قربك أماني يمك بس انته دتئذيني لان شفتني احبك ودائمآ تتجاوز واسامحك
سامر،،،،شهد كومي نامي كافي
شهد،،،،اممم عرفت انو مايريدني بعد وميريد افتح هيج موضوع وصعب يسامحني علئ تجاوزي وكمت علئ كيفي ومشيت للجربايه ومددت ابكاني وانطيته ضهري وكمت ابجي ابصمت وامسح بدموعي وحسيت اتقرب عليه وسحبني ابحضنه ضهري علئ صدره وكمت ابجي ابصوت بعد ما اكدر اكتم عبرتي وشهكاتي مفتقده حضنه صارلي اهواي ويمسد علئ شعري
سامر،،،،اشششش كافي نامي تعبتي موزين عل طفل
شهد،،،،وكتله سامر عادي انام ابحضنك انام علئ صدرك
ما اعرف اشلون طلع مني هذا الكلام بس الي اعرفه ما اكدر علئ افراكه واريده يمي وما اكدر علئ بعده اكثر وكتله سامر عادي اتسامحني لان والله اني جنت ابحاله عصبيه وابصراحه انقهرت وضجت من تصرفك واسفه علئ كلامي بس والله صعبه عليه اتمد ايدك عليه
سامر،،،،امسامحج اصلن اني الغلطان لان ضميت عليج هيج شي ما اتوقعت راح يصير هيج شي
شهد،،،،يعني هسه مازعلان مني
سامر،،،،لا مازعلان وتعالي انداري نامي علئ صدري
شهد،،،،،اممم وانداريت عليه دا انام علئ صدره ورفع راسي وباوع علئ وجهي ومسح علئ خدي
سامر،،،،هههه تبجين علئ حضني يولو ماريد بعد دمعه تنزل من عينج لان احسها نار وتنزل علئ گلبي شهد صح الصار غلط مني بس علمود الحجي ماردته يعرف بلصار ويه اختي لان تعرفي مريض وكلت اني احلها بس ماحسبت احسابج وهسه اريد منج تنسين الصار وابصراحه اثنينه غلطانين لان اني ضميت عليج وانتي اتجاوزتي وصارت تعادل وهسه ننسه الصار عبالج هاي الكم يوم مرتاح بيهن لاوالله مامرتاح هيج اشوفج كدامي تتلوعين وما اكدر احجي ويااج واشوفك اكبالي بس كلامج جان غلط بس ميخالف سامحتج وهسه يله نامي كافي
شهد،،،اممم ونمت علئ صدره واسمع دكات گلبه كلش سريعه ويمسد علئ شعري وشميت عطره وخليت راسي يم ركبته واشتم عطره وجريت نفس عميق وكلت أووووف وكتله حرام عليك حارمني من هذا العطر
سامر،،،،،هههه ولج شنو يعني مامشتاقه الزوجج مشتاقه العطري
شهد،،،،لا بس اتنسه علئ عطرك هههه
سامر،،،،شهد بعدج تعبانه
شهد،،،،لا بس نوبات ترجعلي لصخونه وعندي لعبان نفس ولازم ما أكل اهواي لان معتي متتقبل
سامر،،،،اخذي علاج بنتضام
شهد،،،امممم ونمت علئ صدره وحاضني حيل وحسيت ارتاحيت ابنومتي وكعدت علئ لمسات علئ خدي وباسني من خدي
سامر،،،صباح الخير يله كومي نتريك سويه
شهد،،،،صباح النور اممم وكمت طبيت للحمام وغسلت وبدلت وطلعت وسامر هم كذالك ونزلنه سويه وشافتنه عمه وضحكت كالت
عمه،،،،، هله يمه الله لا يحرمني من شوفتكم يايمه
سامر،،،،هههه صباح الخير الله لايحرمني منج يايمه ويخليج خيمه فوك روسنه
شهد،،،ولايحرمنه منج عمه
عمو،،،،اي واني لعد شنو اهناكاعد
سامر،،،ههه انته الخير والبركه حجي
شهد،،،،وكعدنه نتريك وصبيت كوب شاي وسامر شاركني ماخلاني اصب واحد ثاني
سامر،،،،عادي اشرب وياج
شهد،،،اممم عادي وشربنه سويه وكملنه ريوك وكمت غسلت المواعين وعمو وعمه راحو للغرفه وسامر بقه كاعد عل ميز وانداريد عليه وشفته يباوعلي ودنكت راسي وكتله شكو شو دتباوعلي هيج
سامر،،،،لا بس داحسج سمنانه وبطنج اشويه بارزه
شهد،،،،اممم واجه اتقرب مني حيل ورجعت عل سنك واتلمس بطني
سامر،،،،شو بطنج عبالك ركيه يابسه ههههه
شهد،،،شنو يعني شنو دتقلد علئ بطني
سامر،،،،والله وانوب انتي اكصيره طالعه عبالك ركيه
شهد،،،،سامرررر ترئ والله ازعل
سامر،،،لاوالله تزعلين
شهد،،،واجه قرب ايده علئ خدي واتلمسه وكرصه وكال
سامر،،،،بعد ماكو زعل وممنوع الزعل موزين عليج وعل طفل ههههه اني حاير اشلون اربي اثنين اطفال
شهد،،،،يعني شنو اني طفله ابنضرك
سامر،،،،اي طفله طبعآ
شهد،،،اممم ماشي
سامر،،،،لعد اصعدي جيبي غراضي بل غرفه
شهد،،،امممم ماشي وصعدت فوك وشلت التيلفون ولسويج ومشيت خطوه دا اطلع ودخل سامر يضحك
وكال
سامر،،،،موكتلج طفله ومتفتهمين شي
شهد،،،،،ليش يعني شنو
سامر،،،،يعني غبيه وينضحك عليج ابسرعه
شهد،،،ليش واجه اتقرب عليه ورجعت نفسي عل ميز
سامر،،،،،صعدتج فوك حتئ اخذ بوسه هههه
شهد،،، لاوالله
سامر،،،اي والله وداعتج هههه
شهد،،،،وقرب نفسه عليه ودنك راسه وباس خدي وكال
سامر،،،،،أوووف شنو من بوسه هاي
شهد،،،،خجلت وكتله سامر ترئ صاير دتخجلني
سامر،،،،هههه شو اخدودج صارن حمر شنو خجلتي
شهد،،،سامرررر هاي شنو ترئ والله استحي
سامر،،،،ههه تستحين مني يله لعد راح اروح للمكتب اتئخرت يله باي
شهد،،،،،اممم باي وراح سامر نزل وبقيت اعزل الغرفه وكملت ونزلت عزلت البيت وسوينه غده وكملنه اجمي عمو وسامر وهشام صعدت فوك حضرت ملابس السامر ودخل للغرفه واجه اتقرب يمي وباسني من خدي وكال
سامر،،،،ليش تعبتي نفسج وصعدتي اني احضر ملابس
شهد،،،لا تعبك راحه هنه ملابس
سامر،،،حتئ لو ملابس ماريد اتعبج
شهد،،،،اممم ماشي وكرص خدي وطب للحمام واني نزلت جوه وصبينه غده ونزل سامر وردت اكعد وغمزلي
سامر عود اكعد يمه مازول اتصالحنه لازم اكعد يمه بعد
وكعدت واكلنه وكملنه وصبيت شاي وكعدت يمه وره اشويه دك موبايله وباوع عليه وفتح خط وكام وكال
سامر،،،،اني طالع
عمو،،،وين
سامر،،،،شغله ضروري
شهد،،،طلع سامر وبقينه كاعدين جوه بعدني ماصعدت واجه سامر ما اتئخر بس هل مره مو وحده دخل
شهد،،،،دخل سامر بس هل مره مو وحده ودخلت وياا اخته وجهالها بس اخته عيونها حمر امبين عليها باجيه
وسلمو وكال
عمو،،،، خير اشصاير ليش هيج شكلج اشصاير
شهد،،،،وكامت تبجي وكال
سامر،،،،،يابه بنتك مذلوله عند اعيالها وعلمود الجهال دتصير مشاكل وزوجها مامهتم بس هيه واكعه بيها لا اعيال بيهم حض ولازوج بيه حض بس اني اتصرفت من يمي وانطيته درس وجبت اختي عباله ماعدها زلم
واختي تكعد اهنا امعززه ومكرمه هذا بيتها واشوكت مايصير بيه خير عود ياخذها لو هوه اتعود يعيش ابروسنه بس اني قررت وكتله يعزللها ويطلعها ابيت وحد كافي تعبت من العيال وكتله شوفلك بيت وتعال اخذ مرتك اذا اطر الأمر أجر بيت هم انته ترتاح وأختي ترتاح
عمو،،،،زين اتسوي بس اشلون انطيته درس
سامر،،،،،هاي خليها عليه خليها سكته ههههه راد يبجي اله اشويه وكتله اختي بعد متريدك واتكول ورقتي تجيني البيت اهلي وكال يمعود سامر لتكبر الموضوع انته اهلي وتعرفهم ميصير هيج اني زوجتي وأحبها وأريدها وحتئ دا اتعب بل شغل حتئ الملي كم فلس حتئ اعزل واطلع
عمو،،،،زين اتسوي تعالي بنتي هذا هم بيتج بس اتحملي كم يوم وارجعج الزوجج وتطلعين ابيت وحدج وترتاحين بس اني ماخذ علئ خاطري متكوليلي شيصير وياج
اخت سامر،،،،والله بابا خايفه عليك وتعرف انته سامر ماضم عليه شي وكتله وكال اني اتصرف وهذا الموضوع
عمو،،،،ماشي بنتي هسه ادخلي ارتاحي بين ما اتصل علئ زوجج ونفتهم منه
شهد،،،،ودخلت راحت الغرفتها طبعآ خوات سامر الغرف ملاتهن بعدهن علئ حطتهن من يجن غرفهن موجودات
وبقينه احنه كاعدين وحجه سامر
سامر،،،،من بعد أذنك يابه عادي انطي البيت لبصفنه الأختي تسكن بيه
عمو،،،،طبعآ يابه ماينعز عليها شي بس خل نتفاهم ويه زوجها
سامر،،،،ماشي يابه ابراحتك لعد اني راح اصعد انام
حتئ العصر اروح للمكتب
عمو،،،،روح يابه
شهد،،،،وصعد سامر وكمت استرخصت من عمو وصعدت
الغرفتي طبيت وسامر بل حمام وكعدت عل جربايه وطلع باوع عليه واجه كعد يمي وكال
سامر،،،،هااا شوشه بيج شي
شهد،،،،ما اعرف ليش اختنكت من كلي شوشه لان فاقدتها من زمان وفرحت ابنفس الوقت وغوركت عيوني وكتله سامر تعرف اني اشكد أحبك رغم كل هذا الصار اني احبك وما اعرف ليش انسه كلشي يئذيني منك بس اطلب منك شي
سامر،،،،اطلبي عيوني ألج
شهد،،،،لتحرمني من كلمت شوشه
سامر،،،،هههه ليش
شهد،،،،،ابصوت مخنوك لان هاي الكلمه محد يكولها بس بابا واني فاقدتها وانته جنت اتكولها بس من زعلت بطلت اتكولها
سامر،،،،، ماشي لعد بعد دائمآ اكولج شوشه بل غرفه بس جوه لا اصيحلج شهد
شهد،،،اممم ماشي ومسحت ادموعي
سامر،،،،كل هاي لدموع علئ كلمه شوشه
شهد،،،،،طبعآ متعرف معناها لان مو انته فاقدها
سامر،،،،يله كافي بجي وتعالي انام
شهد،،،،ومددت واجه حضني بدون ما اكوله ما اعرف اشلون كتله ربي مايحرمني منك
سامر،،،،ولايحرمني منج
شهد،،،،فرحت من كلامه وحضني حيل وباسني من راسي ونمت مرتاحه احس روحي خفيفه وكعدت
علئ حركت سامر يوخر راسي يريد يكوم
سامر،،،،اسف كعدتج بس ردت احط راسج عل مخده لان اريد اروح للمكتب
شهد،،،اني اسفه لان دا انام علئ أيدك وامقيده نومتك وحركتك بس ماارتاح اله انام يمك
سامر،،،،لاعادي حتئ اني ارتاح من اتكونين قريبه يمي
شهد،،،اممم وكام راح للحمام وغسل وبدل وطلع راح للميز مشط ورش عطر واخذ لسويج وتليفوناته واجه باسني من خدي
سامر،،،،محتاجه شي شوشه
شهد،،،،لاحياتي سلامتك
سامر،،،،صارت بيها حياتي ترئ ابطل ما اروح للمكتب وابقه يمج واصير وكح
شهد،،،لا عيني روح بعد ماكول حياتي
سامر،،، جبانه خويفه
شهد،،،،ههه روح لتتئخر وباسني من خدي حيل وعض خدي وكال
سامر،،،،اشاقه وياج مشتهيه شي اجيبه ويايه
شهد،،،،هااا ابصراحه صارلي اهواي مشتهيه بس استحي اطلب منك وحتئ من جنت زعلان مشتهيه بس ماكدرت تطلب
سامر،،،،ولج ليش ماكلتي يله لعد كولي هسه شنو مشتهيه
شهد،،،،اريد جبس ليز بل ملح والخل اريده ابوالألف
سامر،،،،بس هذا بعد شنو
شهد،،،بس هذا
سامر،،،،لعد من تردين شي راسليني ومره ثانيه من تردين شي كولي حتئ لو زعلانين
شهد،،،ماشي وراح للمكتب وبقيت اشويه نايمه ونزلت جوه وكعدنه انعزل بل بيت وكملنه ونزلت اخت سامر بس عيونها حمر امبينه جانت تبجي ونزلو جهالها هادئين ما ألهم صوت وكتلها حبيبتي اسويلج ريوك اخت سامر،،،،لاحبيبتي اني اسوي ماريد اتعبج
شهد،،،،لاحياتي تعبج راحه ورحت سويت الشاي واجتي كالت بس اجبان ناكل وكملت وصبيت جبن كيري وكيمر قشطه وصمون وحطيتهن عل ميز طعام وهيه بين ماغسلت الجهالها واجتي وكعدت واكلو الجهال وكعدت وياهم اتريكت وكتلها اشمشتهيه عل غده
اخت سامر،،،حبيبتي ماريد اتعبج هل موجود
شهد،،،عبالي شي ابنفسج وكملنه وشلت داغسل الم لكوابه واجتي اخذتهن مني وغسلتهن هيه ماخلتني اني اغسلهن وكملت وطلعت وصاحت الجهالها وطلعت بره كعدت بل حديقه عل مرجوحه وجهالها يلعبون وهيه كعدت بل مرجوحه واشوفها تمسح خدها اشوفها من شباك المطبخ وطلعت الها وكعدت يمها ومسحت خدها
وكتلها احسبيني اختج واحجي كل لبكلبج حتئ ترتاحين
اخت سامر،،،،والله حاسبتج اختي وحابتج علئ محبت سامر
شهد،،،لعد احجي لبكلبج وبدت تحجيلي
اخت سامر،،،،اني وزوجي ماعندي شي بل عكس يحبني وأحبه بس نوبات يصير عصبي وهوه هم ديتعب بل شغل عل عيشه اهله يردون منه وجهاله هم يردون بس اخوانه خير من الله امكنهم بس ماعازلين وعدهم جهال وصارت عركه بين الجهال واخذهم واصعد فوك اجفه الشر وبدو اعيالي يطبكون ويه ذولاك وصارت مشاحنات بين الجهال واعيالي مايحبون جهالي علئ طول يئذوهم بس ما احجي كل هذا وساكته فد يوم اجه ابن حمايه ضرب بنتي لادتشرب مي وكاللها اني اشرب قبلج وهيه شربت واجه ضربها واني ماسكتت وعطت عليه ليش تضربها وكام يعيط هوه واجتي عمتي ورزلتني وكالت جهالج وكيحين متعرفين اتربين بس يعيطون مامرتاحين احنه من وره جهالكم وكتلها اني جهالي مو وكيحين واصلن ماينزلون بس من اني انزل شوكامت تحجي بس يجي رجلج خلي يئدبج اشلون اتعلين صوتج عليه اني ابكد امج متحترمين وكتله اني ماعليت صوتي بس دا احجي واخذت جهالي وصعدت فوك واجه زوجي الضاهر عمتي حاجيتله غير شي واجه رزلني وكام يعيط عليه واجه كتل الجهال وهمه ما امسوين شي وكتله انته موحقاني ليش كتلتهم وهمه ما امسوين شي وكام يعيط عليه وكتله ماريد ابقه اهنا بعد وكلي روحي حتئ ارتاح لان تعبت من المشاكل تعبت من الضيم مدا الحك عل عيشه واني اتصلت ابسامر وتعرفين الباقي
شهد،،،،حبيبتي الله يساعدج الله ياخذ حقج وحق الجهال وانتي هم اعذري الزوجج لان ضغوطات صارت
عليه
اخت سامر،،،،بس هوه يحبني لان صار عصبي وحجه هيه هوه مافد يوم خلاني اضل ابيت اهلي يكول ما اكدر افاركج والبارحه دزلي رساله كاتب بيها سامحيني حبيبتي والله اني احبج بس انتي هم اعذريني تعبان من الشغل والضغوطات والعيشه وتجي امي وتكول مرتك متحترم وتعلي صوتها عليه وجهالك وكيحين انتي اعذريني والله الاكدر عليه داسوي وانتي تعرفين بل عيشه احبج ترئ الغرفه موحلوه بدونج
ودزيتله رساله اني ماعندي حجي وياك اهلي هم يحجون
شهد،،،،زين اتسوين لان عمو وسامر همه اليتصرفون
حتئ يردون اعتبارج ويسولج قيمه
اخت سامر،،،،اعرفهم مايقصرون
شهد،،،،وهسه كومي لتهتمين الشي وهذا بيتج ولتهتمين الشي اعتبري نفسج طالعه فسحه ولتضلين تبجين كدام الجهال خطيه وهسه كومي غسلي وجهج لان هسه عمو والولد علئ جيه وكمنه طبينه جوه وسوينه غده اني وزوجه هشام والجهال يلعبون سويه كلهم وكملنه الغده وبقينه ننتضرهم واجمي جايبين سمك شوي وياهم واجه سامر طب للمطبخ اني دا اصب زلاطه وسلم وراح علئ اخته كاعده عل ميز الطعام وكام يبوس بيها ويشاقيها وهيه تضحك ويكلها
سامر،،،،هسه هذولاك الجماعه يزعلون
شهد،،،انداريت عليهم
سامر،،،،،شفتي اعرفهم يغارون
شهد،،، سامر شنو هذا الحجي والله ماغار اني
بل عكس هاي اختك ماغار منها
سامر،،،،بس اني ماكلت شهد ليش اخذتي علئ نفسج لازم اتغارين ههه
شهد،،،لا لان بس اني بل مطبخ فشي اكيد تقصدني ماغار اني واجه يمي وكال
سامر،،،متئكده متغارين
شهد،،،اي متئكده ماغار وعلئ شنو اغار من واحد يبوس اخته هههه
سامر،،، ماشي اشوف اليوم منو الميغار
شهد،،، اي انشوف وعافني وراح اخذ اخته يسولف ويضحك وياها وكملنه صبينه الغده وكملنه وكعدو يتغدون ورحت ردت اكعد يم سامر داناكل وصاح سامر
سامر،،،،تعالي يروحي ياشرايين قلبي انتي تعالي اكعدي يمي بعد منا وهيج من تاكلين تكعدين يمي وكعداتج كلها يمي اشعندي غيرج اني
شهد،،،،وكفت ابكاني ماكعدت يم سامر يعني بعد مايريدني اكعد يمه واجتي اخته كعدت يمه حسيت نفسي فشلت ورحت للمطبخ ماكعدت وخدرت شاي وغسلت وجهي ورحت دا اكل وعمو صاحلي وكعدت يمه وأكلت وأباوع السامر يفلس الأخته سمك يوخر لسنون السمك ويقدم مقابيلها وهيه تاكل واتوكل جهالها
واني اباوع عليه اشلون عايفني ويحجي وياها وياكل حتئ ماذكرني ولاباوع عليه وعمو فلسلي سمك وكمت اكل اشويه بس بدون نفس وكمت حتئ ماشبعت ورحت غسلت وطبيت للمطبخ كملت الشاي وحضرت لكوابه وكعدت عل ميز الطعام وافكر معقوله اغار من اخته معقوله لا ماغار بس تحس شي ملكي واخذته مني اخذت سامر واخذت مكاني بس حسيت ابتغير مومعقوله اغار وانتبهت كملو الغده وشالو المواعين وكمت اعزل بيهن وغساتهن وحدي ماخليت زوجه هشام ولا اخت سامر اتساعدني كملتهن وحدي ورحت اخذت الشاي وصبيت الشاي وزعته اني وشفت سامر كاعد عل تخم واخته يمه وحاط أيده وره ظهرها وحاضنها ويضحك وياها ورحت وديتله الكوب الشاي اله والأخته
وكال
سامر،،،،شكرآ
شهد،،،،العفو ومشيت من يمه وكعدت يم عمه واباوع عليهم يضحكون اصلن ولا متذكرني وناسي عنده مره ما اتوقعت هيج يحب اخته وفرحان ابجيتها بس طبعآ مو لان زعلانه هههه هاي اخته الوحيده يحبها اكثر عن خواتهطبعآ يحبهن كلهن بس هاي الها معزه اكثر لان هوه الدللها من جانت اصغيره ولحد ما كبرت وصارت أم وبعده يحبها ويدللها وكملو الجاي واخذت لكوابه وغسلتهن وطلعت ورحت كعدت يم عمه وسامر باوع عليه ودنكت راسي وفركت أيدي وكال
سامر،،،،محمد اكو علاكه بل سياره جيبها ووزعها للجهال عل عدد وانطيني جبس ليز واحد الشهد
شهد،،،ورفعت راسي ابسرعه يعني شنو حاسبني حالي حال الجاهل وباوعت عليه يضحك كاتم ضحكته وكتله شنو حاسبني جاهله
سامر،،،لابس اتذكرتج وحسبتج وياهم خاف مشتهيته
شهد،،،،،ضجت وكتله لاوالله شكرآ بس ماريد وكمت ضجت من تصرفه وصعدت الغرفتي وطبيت قهرني حيل وكمت ابجي لحالهن نزلن ادموعي ومسحتهن قهرني اليوم كلش ودخل سامر وبقيت امدنكه راسي واجه اتقرب يمي
سامر،،،،شكو اشبيج ليش تبجين
شهد،،،مابيه شي
سامر،، مو ردتي جبس وجبتلج
شهد،،،اي ردت بس مو هيج اتكول اتذكرتج ويه الجهال
كدام الكل فشلتني حاسبني ويه الجهال
سامر،،،،هههه
شهد،،،اي اضحك اشهامك انته
سامر،،،،هااا هيج صارت فوكاها شكو شو ضايجه
شهد،،،ما اعرف اشلون طلع مني هذا الكلام لعد ليش ماضوج اذا زوجي عايفني من الصبح وحتئ ماحجه ويايا شي ولاكعدني يمه بل غده ردت اكعد يمك بس انته فشلتني وصحت الاختك وكعدت يمك واني رحت من يمك وكعدت يم عمو جان كله يمك اكعد اذا كعدت يم عمو لو عمه تزعل حتئ ماباوعت عليه ولاذكرتني وحطيت أيدي علئ حلكي بعد شنو بعد ماكتيتهن كلهن هههه
سامر،،،،هههه هااا هذا الحجي كولي غرتي من الأخير
شهد،،،،هااا لا ماغار ولويش اغار علئ شنو
سامر،،،اي صحيح متغارين امبين من اخدودج صارن حمر من انفعالج تعالي تعالي ولج والله ردت اشوفج اتغارين لو لا بس اني لحيت ويااج تعالي والله اشاقه ويااج
شهد،،،،،واجه سحبني وحضني وكمت ابجي علئ صدره وهوه يضحك
سامر،،،،يولي تبجين علئ مودي لو عل جبس هههه
شهد،،،،ويمسد علئ شعري اي ابجي علمودك ماريد تهملني ماريد اتعوفني اريد اكعد يمك أكل يمك ماريد احد ياخذ بكاني ماريد احد ياخذك مني حتئ ماباوعت ابوجهي اليوم كله يم اختك ولا اتذكرتني
سامر،،،،صار التردي يصير اكعد بلنص انتي عل جها اليمنه واختي عل جها اليسره
شهد،،،،لا ما اقبل
سامر،،،،ليش متقبلين لعد شتردين
شهد،،،،اريد اني عل جها اليسره واختك عل جها اليمنه
سامر،،،ليش وشنو الفرق
شهد،،،،،لان فرق اهواي لان اريد الجها اليسره حتئ اكون قريبه علئ گلبك لان گلبك بل جها اليسره
سامر،،،،ياملعونه اثاريج موقليله
شهد،،،،لعد اشعبالك
سامر،،،،،ومنو كلج انتي قريبه علئ گلبي لا انتي ابنص گلبي
شهد،،،،باوعت بعيونه وكتله يعني شنو ابنص گلبك يعني اني اهنا وأشرت علئ گلبه يعني هذا مكاني هذا فد يوم يصير بس اليه
سامر،،،،،اي ليش شنو ناقصج حتئ مايصير ألج
شهد،،،،سامر يعني يجي يوم وأسمع منك كلمت احبج
سامر،،،،،اي طبعآ احبج ليش ماحبج انتي زوجتي وأم اولادي ليش ماحبج
شهد،،،،،سامر يعني قصدي گلبك بس أليه ماريد رسميات ولان زوجتك اتحبني لا اريد من ذاتك ومن گلبك ومن عقلك وتفكيرك اتكولي احبج
سامر،،،،،امممم ماشي يله هسه انتي ابكلبي بعد شتردين
شهد،،،،اريدك انته اريدك كلك اليه ماريد احد يشاركني بيك
سامر،،،، ماشي بس لتبجين بعد وتعالي ارتاحي موزين القلق والتفكير والتوتر للطفل تعالي نامي
شهد،،،،سحبني ونمت يمه عل جربايه ونومني علئ أيده وحضني ونمت مرتاحه وكعدت وحسيت علئ بوساته وكتله مساء الخير
سامر،،،،هله مساء العافيه نعسانه لو شبعتي نوم
شهد،،،،لاشبعانه نوم ليش
سامر،،،،حتئ ننزل سويه اريد شاي
شهد،،،ماشي وكمت غسلت وبدلت ونزلت جوه طبيت المطبخ وسويتله شاي واجه
سامر،،،،شكرآ
شهد،،،، العفو
سامر،،،،محتاجه شي
شهد،،،،لاسلامتك ماريد اتسويها مثل الجبس
سامر،،،،هههه لاماسويها صدوك والله تردين شي
شهد،،،،هاا لاسلامتك ماريد شي
سامر،،،،يله باي
شهد،،،،باي وراح سامر ونزلت زوجت هشام والجهال واخت سامر وجهالها وعمه وكتلهم تردون كيكه والجهال كيفو وسويتلهم كيكه ابنصها ككاو وكملتها خلطتها وحطيتها بل فرن وبقيت انتضرها لحد ما استوت وطلعتها حتئ تبرد وحضرت الشاي ولكوابه
ولكيتهم كاعدين بره بل حديقه وكصكصت الكيكه
وكعدنه ناكل كلنه بل حديقه وانسولف وكملنه وشلت المواعين وغسلتهن وصعدت فوك الغرفتي خابرت الأهلي علئ نسرين واطمنت عليهم وسئلت عل طفل واخباري وسلمت وسديته وعزلت الغرفه وكملت ونزلت جوه لكيتهم كاعدين جوه لان صارت الدنيا أغروب وحايرين شنسوي عل عشه واقترحت لحم ابعجين وبورك وقبلت عمه واني اتكفلت وحدي اسويهن وبلشت الحشوه البورك ولحم كملتهن ولفيت البورك وكملت وحضرت لحم ابعجين ودخلته بل فرن وقليت البورك وحضرت الزلايط وكلشي كمل وحتئ الحم ابعجين كمل والبورك كمل واجمي عمو والولد ودخلو كملو غسيل وتبديل وصبيت الاكل واخذه وسام وكعدو ياكلون
وكعد سامر وبقيت اني واكفه خفت لا اكعد يمه ويكول الاخته تجي تكعد يمه ويفشلني كلت نسه الوعد
وكال
سامر،،،،شهد تعالي يمي
شهد،،،،فرحت لان مانسه كلامه وكعدت وأشرلي علئ يم ايده اليسره وكعدت واجتي اخته هم صاحلها
سامر،،،، تعالي شراين
شهد،،،باوعت عليه واجتي اخته كعدت يمه واني هم يمه وشاورني وحجه ابهمس
سامر،،،،هاا شوشه كعدت بل نص كعدتج يم كلبي واختي عل يمنه ولو هوه ماكو فرق بين المكان بس هذا تفكيرج بعد هههه
شهد،،،،اممم وكتله المهم اكعد يمك وبدينه ناكل واتعجبو بطعم الاكل وسامر ياكل ويكول
سامر،،،، يممم عاشت أيدج
شهد،،،،ووكل اخته من أيده وباوعت عليه ودنكت اكل وقرب راسه يم أذني وكلي ابهمس
سامر،،،،اكلي من ايدي حتئ متزعلين وتكولين اتفرق بينه هههه
شهد،،،،سامر
سامر،،،،كولي
شهد،،،،تعرف احسك متزوج اثنين وتعدل بينه هههه
سامر،،،،اي والله هذا هم احساسي اعدل بينجن لان اخاف ربي واعدل بينجن هههه
شهد،،،،لاوالله هم اتفكر تتزوج لا حبيبي ممنوع اصلن اتفكر وممنوع تاخذك وحده غيري
سامر،،،،هااا والله هاي كل قوتج لو احد ويااج
شهد،،،اي كل قوتي وابني ويايه هههه
سامر،،،،وتنكتين بعد
شهد،،،،،لعد اشعبالك عيني كل هذا الكلام نحجي ابهمس واشوف كلها اتباوع علينه وباوعت السامر وسامر ضحك وكال الاخته
سامر،،،،يمكن اكو جماعه يغارون من عدنه
اخت سامر،،،،يااا منو يغار ليش
سامر،،،،اكو جماعه عطبو اشتم ريحه موع وايرات
اخت سامر،،،،منوه
سامر،،،،احممم شهد
شهد،،،،،سامر شنو هذا الحجي
سامر،،،،،ليش متغارين
شهد،،،،هااا لا ما أغار
سامر،،،،،اي امبين متغارين
شهد،،،،سامر عيب لتبلش واتغورني
سامر،،، هااا
شهد،،،،اممم ترئ ازعل والله
سامر،،،،أوي تزعل والله
شهد،،،،وكملنه الأكل وكمنه وغسلت المواعين وصبيت شاي وكعدت يم سامر وشربنه الشاي وكملنه وسامر طلع بره كال هسه اجي وشلت لكوابه وغسلتهن والمواعين العشه نشفن جانن عل سنك ورجعتهن ابكانهن واجه سامر شايل علاليك وكال
سامر،،،،، التعلوله علئ احسابي للصبح اليوم فلم اجنبي يبدي عرض أول اله ابشده واكشن ورعب
شهد،،،،يااا ماحب الفلم الرعب اخاف
سامر،،،،هوه فلم يمعوده عليش الخوف
شهد،،،،اممم ماشي
سامر،،،،هاج جبتلج علاكه خاصه مال حبشكلات
شهد،،،،يااييي شكرآ واخذت العلاكه وفتحتها لكيت جبس ليز وككاو ونساتل شكرآ ألك
سامر،،،،بس شكرآ
شهد،،،،اي لعد شنو
سامر،،،،،ماشي بليل نتحاسب
شهد،،،،،وغمزلي عرفت شنو تفكيره وعضيت علئ شفتي
ودنكت راسي وضحك
سامر،،،،هههه لا ليروح بالج بعيد هاا يعني عرفتي شنو اقصد امبين من اخدودج صارآ حمر وعضيتي علئ شفتج
شهد،،،،يااا سامرررر عيب والله
سامر،،،،هههه خلي انشوف بليل أمل عيب منو يدور حضن
شهد،،،،،هااا هيج صارت لعد بعد ماريد انام يمك
سامر،،،،وشحدج متنامين يمي يله كملتي تعالي
شهد،،،،اي كملت ورحت وياا كعدت يمه واخته كاعده يم امها وكعدنه كلنه ويسولفون وكلنه كاعدين عائله وحده وبيها الحب والحنان والخوف عل أخر والحرص ابد ما متوقعه اكو هيج عائله وسامركال
سامر،،،،اليوم التعلوله عليه وهسه شهد اتقدملكم الحبشكلات والكرزات ويبده الفلم بس اريد منكم شي واحد هوه الهدوء والتركيز عل فيلم
شهد،،،،سامر خله العلاكه عل كاونتر وكمت رحت للمطبخ احضر الحبشكلات الكرزات لان راح يبده الفلم
وقسمت عل مواعين الكرزات امشكل ونساتل عليها وجايب اجبوسه ليز وابو الفستق وكملت الكرزات وديتهن كلمن وعائلته وماعونه وكعدت يم سامر
وبده الفلم وبلشت اشويه افتهم للافلام الأجنبيه
واكشن ورعب والجهال من اتصير لقطه اتخوف يحيطون بس مايكدرون يعوفون الفلم لان الفضول كاتلهم ويحبون الارعب والأكشن وعمو وعمه كامو
ماكملو الفلم وكال
سامر،،،،،وين حجي فلتت بس لا اتخاف من الفلم
عمو،،،،،لا يابه اني مو مال افلام اريد انام تعبان
شهد،،،،وكال هشام
وهشام ،،،،راح اتنامون لو راح اتكملون الاكشن بل غرفه
انته والحجيه
عمو،،،،لا خليت الاكشن ألك
شهد،،،،وكلها كامو يضحكون وراحو عمو وعمه
ودنباوع الفلم وصارت لقطه كلش اتخوف وصحت يمااا
وسامر كال
سامر،،،يمعوده هوه فلم كلبتيها اعياط
شهد،،،والله يخوف طبعآ انته مايهمك وسامر حط ايده وره ضهري وصرت قريبه عليه وايده الثانيه كامشتها بيدي كل ماتطلع لقطه اتخوف اعصرها الأيده وبدون ماحس ماخذتني النومه وحسيت علئ سامر يكعدني وكعدت وسامر يضحك عليه اباوع ماكو احد كلها رايحه الغرفهم وكتله شو ماكو احد
سامر،،،،كلهم راحت الغرفهم ماكملو الفلم وبقيت بس اني وهسه كمل الفلم واريد اصعد الغرفتي
شهد،،،باوعت ماكو لامين الحبشكلات وامعدلين المكان
وسامر طفه لبلازمه واجه عليه
سامر،،،يله كومي لو تردين اتنامين اهنا
شهد،،،،ها لا اصعد فوك وكمت ورحت وياا وصعدت فوك وطبيت للغرفه ورحت للحمام غسلت وبدلت وطلعت مددت عل جربايه وسامر كذالك طب للحمام
غسل وطلع اجه مدد عل جربايه وسحبني حضني ويتلمس علئ شعري. وحط ايده علئ بطني دائمآ من ينام يحط ايده علئ بطني ويكول
سامر،،،اريد احس ابحركت الطفل
شهد،،،اني دائمآ احس شي ابطني اشلون النبض علئ رفاات ابطني
سامر،،،،،اممم اتحسين حلو هذا الاحساس
شهد،،،،اي طبعآ حلو شعور الأم من اتحس ابنها داخلها من يتحرك
سامر،،،،امممم طبعآ حلو يله انشاء الله ينور الطفل ابخير وسلامه انتي وياا يله نامي
شهد،،،ونمت ابحضنه احلئ نومه احس قربه الأمان قربه الحياه أدمنته كله أدمنت حضنه أدمنت عطره أدمنت حبه أدمنت روحه وكعدت الصبح
علئ لمساته علئ خدي وكتله صباح الخير
سامر،،،صباح الورد
شهد،،،،بعدني نعسانه والله
سامر،،،،لعد رجعي نامي ومن تكعدين لازم تتريكين
وتاخذين العلاج
شهد،،،اممم ماشي
سامر،،،،شهد بده الدوام اقدملج عل كليه لو متكدرين اتكملين وانتي هذا وضعج وحمل وتعب
شهد،،،،اني اريد اكمل بس خايفه علئ طفل شنو رئيك اعبر هاي السنه ووره الولاده اقدم لان اخاف يصير شي للطفل
سامر،،،،اني هم هذا رئيي بس كلت اشوفج شتكولين
شهد،،،ماشي لعد وراح سامر ورجعت نمت وكعدت وطبيت للحمام غسلت وبدلت وحسيت نغزات ابطني حركت الطفل ونزلت جوه اتريكت وكعدت يم عمه احس جسمي يئذيني كلش اعراض الصخونه وكمت غسلت ورجعت كلت العمه علئ لصخونه وخطيه جابتلي كمادات وبقت اتغيرلي الكماده واكو ألم ابطني وجسمي كلت هذا من وره لصخونه وصعدت الغرفتي ونمت عل جربايه وحسيت لمسات علئ خدي وعرفته من عطره
سامر،،،،ولج بعدج نايمه كسوله صايره
شهد،،،اممم سامر جسمي احسه نار وبطني اتئذيني
سامر،،،ليش تردين اتروحين للدكتوره
شهد،،،لا يمكن لان الصخونه وئذتني
سامر،،،ماشي لعد يله كومي ننزل نتغده
شهد،،،اممم والله جوعانه وكمت غسلت ونزلنه نتغده وكعدت يمه وأكلت وكمت ماخلني اغسل المواعين زوجه هشام واخت سامر هنه غسلنهن وصعدت فوك
مددت عل جربايه احس نحول عندي واجه سامر ونام يمي وسحبني وحضني ونمنه
ولتحرموني من تعليقاتكم

وشنو رئيكم بل بارت

لتنسون صوتو وعلقو حتئ تصعد الروايه

للحكايه بقيه

لتحكمون ع الروايه من بدايتها

لتنسون التصويت⭐ والتعليقات🌹