أدمنت حبك

بارت ٢٧

السلام عليكم
*********

#بقلم _الكاتبة _سانسا
****************
شهد،،،،خفت من كلام هشام ويعيط علئ وسام وسده وكال سامر استلمه وسام ومتصوب وهسه ماخذه للمستشفئ بس ماكو منه أي حركه
عمه،،،،يمه اوليدي يايمه يابعد امك
شهد،،،ماحجيت شي بقيت ساكته بس اشوفهم
مخبوصين وطلعو كلهم وكلت العمو خل اروح ويااك
عمو،،،،لابنتي ميصير لان كرايبنه خاف يجون للمستشفئ وانتي تذرين ابسامر
شهد،،،الله يخليك والله بس اشوفه من بعيد وكالت عمه
عمه،،،،اني ما ابقه اني اروح اشوف اوليدي يايمه
عمو،،،،وين رايحه انتي الثانيه اكعدي خل اروح اشوف دربي
عمه،،،،والله ما اكعد وانتضر ابني ما اكدر بعد
عمو،،،،يلله امشي ابسرعه
شهد،،،،عمو الله يخليك خل اروح والله يم عمه اكعد بس اشوفه اشويه وارجع الله يخليك عمو وحضني وباس راسي وكلي
عمو،،،، يله ابسرعه
شهد،،،،ورحت ابسرعه سحبت الرداء ونزلت ابسرعه ورحت ويه عمو وعمه ومحمد يسوق والسياره الثانيه مصطفئ وهشام بس عمه حاضنتني وتبجي وتدعي واني ابجي ووصلنه المستشفئ ودخلنه سئلنه بل استعلامات وكالو ماكو بس وسام انطوهم اسم المستشفئ القريبه عليه وهوه ماكو وخابرله
محمد،،،،وسام وينك شو ماكو يمعود
وسام،،،،،هاي راح إوصل اطلعولي
شهد،،،،راحو كلهم يم الباب وينتضرون لحد ما اجت السياره وطبكت وراحو محمد ومصطفئ وهشام فتحو الباب وسحبو وشالو علئ كيفهم وعمو جاب السديه بس صدره عباره عن دم ووجها امورم وعمه تبجي وكال
عمو،،،،،،شوفو عايش لو لا
شهد،،،،محمد يبجي وحط أيده علئ ركبته صفح وكال
محمد،،،اي ضعيف
شهد،،،،الدكاتره يصيحون انطونه مجال حاوطو واخذو عباره عن جروح ودم والولد راحو وراه ودخلو للطوارئ وطلعو اخذو الغرفه العمليات وراحو سوو الاجرائات وكملو واجمي يمنه وحالتي لااكدر احجي ولا اكدر اعيط لان مخنوكه كلش وصعبه عليه وكاتمه كلشي ابگلبي وضليت يم عمه كاعده عل مسطبات وابجي يمها وتدعي وتبجي والولد تعبو كلش واندار محمد علئ وسام وسئله
محمد،،،،وسام اشلون لكيته ماشفتهم ماعرفتهم
منو هذوله
هشام،،،،وسام احجي اشبيك بابا
شهد،،،،يسئلون وسام وهوه يبجي وكام يحجي الصار
وسام،،،،بقيت انتضر من رحتو ياسياره لتفوت انتضرها توكف وينزل منها عمو ماكو انتضرت اهوايه اخر شي اجتي سياره من بعيد تمشي علئ كيفها مارحت عليها ما اتوقعت هيه ووكفت ونزلو منها زلم اثنين ماشفت شكلهم لان بعيدين و نزلو شي اثنينهم وشمرو بل كاع وضربو طلقه وراحو شخطو السياره كلت خل اروح اشوف شنو بس ما اتوقعت اشوف هذا الشي يطلع عمي
ابهيج وضع ورحت امشي سريع ووضحت عندي هذا عمي ورحت عليه بس يون وكمت اصيح عمي وشلت راسه وحطيته علئ رجلي وهوه يون ويحجي ما افهم شنو يحجي ولزمت صدره كله دم اثر الطلقه واحجي وياا واكله تكدر تمشي حتئ نوصل للسياره من غبائي ما اعرف شحجي واشلون اتصرف واعيط بل شارع ماكو احد لان مكان متروك ماكو سكن بي وعمو حرك ايده وحطها فوك أيدي علئ صدره وكال جيب السياره واستوعبت اعوفه ابكانه واروح اجيب السياره وكلي ابصوت بل كوه مسموع وكال اهلي شهد وكتله زينين ينتضروك عمو اتحمل الله يخليك وعصر أيدي وكتله رايح اجيب السياره بعيده اتحمل اشويه وبسته من راسه ونزلت راسه علئ كيف بل كاع وعفته بل كاع ورحت ركض والطريق بعيد لان ضامها بعيد عل مكان المتفقين بي واركض واندار علئ مكان عمو اخاف يرجعون عليه واركض ووصلت السياره وسقت سريع ووصلت يمه ونزلت وكتله جبت السياره بس هوه ماكو مايحجي واصفك علئ وجها احرك بي ماكو لاحركه ولاصوت عبالي مات واعيط بل شارع واتذكرت اخابر عليكم وخبرتكم وسديته واشيل بي ماكو ثكيل كلش ولزمته من جوه أيده اثنينهن واسحل بي ما اكدر اشيله ووصلته يم السياره ورجيته عل سياره وفتحت الباب الوره وكحزته عن السياره وشلته من جوه ايده وصرت وراه وطبيت بل سياره واني اسحل بي ونومته وسديت الباب وسقت السياره كل سرعتي ووصلت المستشفئ وشوفت عينكم
شهد،،،،اتخبلت من اسمع كلام وسام احس روحي طايره امفرفحه وابجي ابحضن عمه واكلها اريده ما ريد اخسره بعدني والله ما اتهنينه ابحياته هستونه استقرينه واتفاهمنه وهوه وعدني مايتركني والله هوه جان حاس راح يصيرله شي وكلي اذا يصير عليه بس كال اشاقه ويااج عمه اشلون عمه اريده الله يخليج
وعمه حالها اسوء من حالي بس امصبره روحها حتئ عمو مايرجعها للبيت واني ابحضنها ابجي والولد راحو ويه الدكاتره ورجعو كال محمد هوه ويبجي وكعد بلكاع
محمد،،،،طببو غرفه العملياات الطلقه يم گلبه ربي دخيلك كومه بل سلامه
عمو،،،،يا اوليدي يايابا ليش هيج يصير ويااك يابعد ابوك
شهد،،،،عمو يبجي ويحجي وكام يردد بل دعاء
شهد يحجي هشام ويبجي وكاعد بل كاع
هشام،،،،لاتكسر ضهري يابعد اخوك
شهد،،،،محمد كذالك يبجي ويحجي
محمد،،،،وعدتني متتركنه وانضل مثل الاخوه مافكرت بينه قوي نفسك واتحمل الخاطرنه ووعدتني تخطبلي
واتروح بل مشيه واتكولهم هذا املطلط موكفو
والله قابل شتكوللهم وحتئ خرب عليه الخطوبه ميخالف كول بس ارجعلنه واتحمل يابعد اخوك
شهد،،،مصطفئ يدعيله ويطلبه من الأئمه ووسام
ملابسه كلها دم وكاعد يم ابوه ويبجي
وعمه تدعي وتبجي وعمو تعب واخذه مصطفئ يقيس ضغطه وراحو واحنه رحنه للطابق العمليات وكاعدين بعيد عن غرفه العملياات بل انتضار وطولو بل عملياات
وعمو ضغطه مرتفع كلش وحاطيله مغذي
وعمه تدعيله واني حالي مثل حالها ادعيله
وانتضر خبر عن زوجي وطولو اكثر من ساعه واجه الدكتور من بعيد وكمنه كلنه وراحو الولد عليه وانطانه اخبار عن حالته وكال
الدكتور،،،،،ابصراحه الطلقه ابصف كلبه وامسويه بعض المشاكل داخل جسمه والعلينه سويناه بقت يم ربكم وحسب جسمه اذا يتحمل وهسه حالته شبه مستقره وننتضر من المريض يصحه أو يدخل غيبوبه لان نازف دم اهوايه وحطيناله دم وبقه يم المريض اشوكت يصحه واخذو للعنايه خلال 24ساعه انقرر شنو وضعه
شهد،،،،كمت ادعي ماخليت دوعاء مادعيتله حتئ اول مره ابحياتي طلبت من الائمه وطلبت من ابو الايتام
يرجعلي سامر ماريد شي بعد بس سامر يرجعلي ابخير
وعمه تدعيله والكل تدعي واجه مصطفئ وكالوله الخبر وكال اروح اطمن عمي حتئ لو المهم بس طلع من العملياات عايش وراح مصطفئ واجه هشام وكال
هشام،،،،يمه تعبتي روحي انتي وشهد للبيت وشوفت عينج مانكدر انسوي شي وانتو روحو
عمه،،،،لايمه اشلون اتريدني اروح واعوف أخبك اهنا
شهد،،،،الله يخليك هشام لتحجي هيج والله ما اكدر اروح واعوفه والله اموت ما اصبر خليني اهنا
هشام،،،،لاشهد ميصير واصلن ميخلونه كلنه هسه يجون يطردونه كلنه لان وجودنه مابي فائده وانتي وأمي روحن ارتاحن وتعالن الصبح
شهد،،،وكمت ابجي لاهشام حباب والله ما اكدر شي صبرني انتضر للصبح والله ما اكدر
هشام،،،،شهد لو سامر صاحي هم مايقبل علئ ضلتج اهنا تعرفينه
شهد،،،اي بس ما اكدر
هشام،،،،لا تكدرين ووعد بس اي خبر عنه والله انتي اول وحده اخبرج بس لتبقين اهنا صعبه علينه ضلتج اهنا وامي هم تعبت وانتي تعبتي روحو هسه والصبح تعالو
عمه،،،،يمه اروح بس يمه اي خبر يصير اتخابر يابعد امك طمني الله يطمن اگليبك
هشام،،،،يمه بعيوني لتوصين والله حتئ اذا تردين اني اجي اجيبكم الصبح وهسه روحي انتي والحجي وشهد ووسام مصطفئ يوديكم وسام تعبان خل يسبح ويرتاح
واني ومحمد راح ننزل جوه بره المستشفئ لان ميقبلون نبقه اهنا
عمه،،،ماشي يابعد امك
شهد،،،،ومشينه كلنه طلعنه مثل ما أجينه رجعنه وسامر ماكو ويانه واباوع علئ هشام ومحمد اتقرب يمي وكال
محمد،،،،شهد روحي ارتاحي والله وداعت سامر بس يصحه انتي اول وحده اتصل عليج واخذيها كلمه مني لو الفجر هم اتصل عليج بس هسه روحي ارتاحي وتعالي الصبح والله سامر مايرضه وانتي تعرفين سامر
شهد،،،،اي ماشي بس اني ماعندي رقمك
محمد،،، من توصلون اخذي رقمي من عمي او عمه واتصلي حتئ احجز رقمج
شهد،،،،،ماشي محمد حباب طمني
هشام،،،،ابعيني والله ان شاء اللهرقبل الصبح سامر يصحه واخبركم والله
عمه،،،،هشام طمني علئ أخيك
هشام،،،،ابعيني يمه لتوصيني علئ أخويه
شهد،،،وطلعنه نمشي وانداريت واشوف هشام ومحمد كاعدين عل مسطبات البره ومشينه ومصطفئ جاب سياره وصعدنه وبده يسوق بس الطريق كله ماسمعت بس الدعاء ووصلنه ونزلنه ومصطفئ عمو جلب بيه يبات يمنه ماقبل وكال امي والبنات وحدهن بلبيت وراح مصطفئ وطبينه للبيت يخنك كلش وكعدنه بل مسلك بيه كعده وام وسام اتلكتنه وهشام شارحلها الموضوع والصار وجابتلنه مي وشافت وسام وصاحت
ام وسام،،،،يمه اوليدي تعال اسبح وارتاح
شهد،،،،واشوف وسام يحجي ابصوت مخنوك وكام يبجي
وسام،،،،يمه اشلون ارتاح واني شفت عمي من ضربو طلقه واني بعيد عنه وما كدرت اسوي شي يمه ما اكدر الموقف ميروح من بالي كل ما اغمض اشوف عمي اكبالي وألوم ابنفسي
عمو،،،، لا اوليدي انته العليك سويتك بقت يم ربك اذا كاتبله عمر واذا لا طبعآ مابيدنه شي هذا يومه
وسام،،،،جدي ماسمعته من كال اهلي شهد يسئل عليكم وباله يمنه وهوه ابهذا حاله يسئل علينه
شهد،،،،وعمه كامت اتنعي وتبجي
عمه،،،،يابعد أمك يايمه تسئل علينه واحنه روحنه امفرفحه عليك يابعد أمك
عمو،،،،يمعوده حجيه هاي انتي الجبيره الفاهمه وهيج اتسوين كومي ادعيله
شهد،،،،وسام كام وكال
وسام،،،،اني راح اصعد الغرفتي اسبح وانام اذا كدرت اي خبر تسمعو كولولي
شهد،،،،ماشي وراح وسام وعمو اخذ عمه وبقيت اني
وام وسام وكالت
ام وسام،،،،،كومي حبيبتي ارتاحي وغيري ملابسج وادعيله هسه هوه مارايد من عدنه بس الدعاء
شهد،،،اممم وكمت وصعدنه سويه واني طبيت غرفتي وهيه راحت الغرفتها وطبيت الغرفه تخنك بدون سامر احسها مابيها هوئ اتنفس وطبيت الحمام غسلت وبدلت وطلعت ولميت شعري واخذت موبايلي ورحت الكنتور سامر اخذت تيشيرت ونزلت جوه ورحت علئ غرفت عمه لكيت الباب مفتوح ودكيت الباب وطبيت ولكيت عمو ديصلي وعمه كالت تعالي بنتي ورحت يمها ونمت علئ رجلها وهمست وكتلها عمه احس الغرفه تخنكني مابيها هوئ ومايجيني نوم كالت
عمه،،،،نامي يمي يايمه ولو حتئ النوم امحاربنه
شهد،،،،كمل عمو صلاه وكال ارتاحن ربجن كريم وساعه الساعه فرج ونسمع اخبار طيبه
شهد،،،ومدد عمو بلكاع واني وعمه هم مددنه بلكاع بس مايجينه نوم وحاضنه التيشيرت واتذكرت رقم محمد واخذت موبايل عمه وسجلت محمد وراسلته وكتبتله اني شهد وسديته وره اشويه راسل
محمد،،،، هله أخيتي
شهد،،،،طمني ما كو شي
محمد،،،،لاوالله بعد هشام هستوه اجه جان جوه يم العنايه وسئل وماكو اي شي
شهد،،،ماشي اخذ راحتك وطمني حباب
محمد،،،،وعدتج اول وحده اتصل عليها
شهد،،،شكرآ مع السلامه
محمد،،،،العفو الله وياج
شهد،،،،سديته من محمد واشوف عمه نايمه وعمو كذالك وسحبت نفسي اشويه حتئ مايحسون وكمت رحت اصلي وادعيله وكملت ورجعت يم عمه ومددت واتذكر ايامنه الحلوه والمره ومشت الساعه وبعدني كاعده عيني متاخذ نوم وصارت الدنيا الفجر وأذن وكعد عمو وعمه وكامو صلو وكملو وكمت صليت وأدعيله وعمو كعد يقرأء قرأن وعمه مددت ابكانها وضليت كاعده وسمعت دكت تليفوني وشلته واشوف محمد يتصل وات ساب كاميرا اتفاجئت ولبست شالي وطلعت بره للصاله لان جنت يم عمه ابغرفتها وفتحت خط بس سديت كاميرا مالتي وانصدمت واشوف سامر بل تليفون ويباوعلي ويون وكلت عمه سامر واعيط بل استقبال عمه سامررر ومحمد يحجي بس ماركزت علئ كلامه فقدت متفاجأه واكوله سامر حبيبي يروحي انته ابخير تسمعني الله يخليك تعال والله مشتاقيلك والله تعبنه من دونك حباب تعال واشوفه يبتسم خفيف بس يون واجتي عمه وعمو علئ اعياطي واتصيح
عمه،،،، يايمه اوليدي يايمه وشافته بل تليفون وكامت تبجي وتحجي يمه تسمعني ياروح امك
هسه جايتك
عمو،،،،يايابه تعبنه من دونك يا أوليدي نضر عيني
شهد،،،،وكال ابصوت تعبان
سامر،،،،لايمه
عمه،،،ولك يمه شي صبرني ما اكدر
عمو،،،لا اوليدي جاينك شي صبرنه يانضر عيني
شهد،،،وكمت ابجي وكتله اني هم اجي حباب والله ما اكدر حباب بس اشوفك وارجع بس اتطمن والله وكام يون وحجه محمد
محمد،،،، عمه شهد لاتجون اتطمنو حالته مستقره والله
شهد،،،،لامحمد انته وعدتني وكتلي تعالو الصبح
محمد،،،،بس هسه حتئ الشمس ماطالعه
شهد،،،ميخالف محمد الله يخليك حباب
محمد،،،،ماشي اتحضرو جايكم وهشام يبقه يم سامر
شهد،،،،ومشه وطلع من سامر وعمه راحت تتحضر واني صعدت ابدل وكتله محمد الله يخليك كولي بي شي متئذي والله عمه مو يمي حباب بس طمني
محمد،،،،لاوالله مابي شي اتعده المرحله ونقلو الغرفه خاصه بس احنه بيها وهسه وضعه مستقر
شهد،،،،،ماشي احنه كملنه حباب لتتئخر
محمد،،،ماشي جايكم والله وسده وراح وكملت ونزلت جوه ورحت علئ عمه شفتها امكمله وعمو كاعد يصلي ووسام نزل عيونه حمر امبين باجي وكال كملتو وكتله اي كال
وسام،،،،يله شتنتضرون اطلعو انروح
شهد،،،كتله محمد جاي علينه
وسام،،،،ليش احنه انروح احنه بين مايوصل علينه شي صبرنه
عمو،،،،اصبر اوليدي هسه علئ جيه
شهد،،، وعمه كملت وكعدنه ننتضر وره اشويه سمعنه هورن وطلعنه شبه ركض مو مشي وصعدنه بل سياره وبده يخبرنه اشلون صحه سامر
محمد،،،،وره مارحتو بقينه بره المستشفئ ومل اشويه اروح اني لوهشام ونرجع بره كل نص ساعه واحد منه يروح للعنايه يشوفه لحد ويه الأذان الفجر رحت اني للعنايه واشوف دكاتره وسعلتهم شمو كالو
الدكاتره،،،،المريض صحه بس انشوف حالته
محمد،،، وابسرعه دكيت علئ هشام وكتله سامر صحه واجه ننتضر ربع ساعه وطلعو الدكاتره
الدكتور،،،،الحمد الله علئ سلامه المريض صحه وان شاء الله مابي غير العافيه وراح ننقله غرفه خاصه
هشام،،،،مشكور دكتور ماقصرت بس ماعليه خطوره ان شاء الله
الدكتور،،،،لا ماعليه شي بس خل يرتاح اشويه وانجيك الوضع اكثر ونطمن خاف عنده اعراضات
هشام،،،،ماقصرت
محمد،،،،وره اشويه طلعو للغرفه وسامر بس يون واحجي وياا بس يون وصحه اشويه وحجينه وياا مايحجي ويكول كلام مامفهوم بس اي لو شهد
شهد،،،احجي بين نفسي يروحي انته
ووصلنه المستشفئ ونزلنه ودخلنه نمشي احس
الممر صار اشطوله وصعدنه بل مصعد ووصلنه الممر
ونمشي ووصلنه الغرفه وطبو عمه وعمو ووسام ومحمد وطبيت اخر شي واشوفه نايم عل سديه ووجها تعبان وبي كدمات مال ضرب والمغذي بيده وصدره ملفوف وراحت عمه عليه وتبجي واتبوس بي وعمو يبوسه من راسه ووسام يبوسه من ايده صعب هذا الموقف حرت شسوي بس ادموعي ينزلن وامسحهن اصعب شي من اتحس راح تفقد شخص عزيز عليك ومابيدك شي اتسوي اتحير شتسوي وسمعته كال
سامر،،،،يمه يروحي انتي مابيه شي يابه هاي مو دشوفني لتعبون نفسكم والله اهناك افكر بيكم
خفت عليكم اكثر من نفسي اشلونكم شهد اشلونها
شهد،،،،وكالت عمه
عمه،،،،،متعرف شهد انته هياتها
شهد،،،،واندارت عمه اتدورلي لان حسيتها نستني وباوعت عليه عمه وكالت
عمه،،،،تعالي يمه تعالي
شهد،،،،مسحت ادموعي ومشيت يمه واشوفه من قريب ماحجيت بس الحمد الله عل سلامه خوفتنه عليك اهوايه متصور اشصار بينه
سامر،،،،الله يسلمج ليش هيج شمسويه بعيونج ليش هيج ضعفانه
شهد،،،شسوي بعيوني اذا ماشوفك بيها شلي بيها من بعدك ولزم أيدي عصرها ولزمت ايده وكال
عمو،،،،سامر يوجعك شي
سامر،،،لا يابه بس صدري
عمه،،،،الله يحرك اگلوبهم يايمه
عمو،،،،متعرفهم منو هذوله
سامر،،،،لا يابه املثمين امبينين سلابه لان علئ طول الكه ورقه تهديد يم المحل حتئ من اطلعهم بل كاميرا املثمين وبليل يجون يم المحل ويذبون التهديد مايبين منهم شي
محمد،،،،ليش ماكلت ليش هيج سويت بينه
سامر،،،،كلت سوالف جهال ما اهتميتلهم
شهد،،،،بس لازم اتحسب احسابك علئ كلشي
سامر،،،،خل يولون
عمو،،،المهم رجعتلنه بل سلامه والله ما اصورت ترجع
كلت ياخذون لفلوس ويضحكون علينه ويكتلوك
سامر،،،،الحمد الله الي خبزه بل دنيا
عمه،،،الحمد الله
سامر،،،،وانته وسام اشلون تجي وحدك ماخفت علئ نفسك كلشي يسوون
وسام،،،،عمو اشلون اتريدني اعوفك اشلون اتريدني انتضر بس لتخاف اني بعيد عل مكان المتفقين عليه وحتئ همه ماجابوك عل مكان المتفقين عليه بس ما اعرف ليش ركزت عل سياره تمشي خفيف وطلعت انته بيها الحمد الله
هشام،،،،والله ماقبل يرجع ويانه وكال اوكف بعيد عن المكان اراقب المكان وما اسوي شي
سامر،،،بطل
وسام،،،،عمي اشعندي غيرك اني متصور اشصار بيه
سامر،،،حبيبي انته سبع
محمد،،،،اي عيني ابو الشباب
سامر،،،،شنو
محمد،،،هسه الجماعه يزعلون لو نسيت الكاع محضوره
شهد،،،،باوع عليه سامر وكال
سامر،،،،لا شهد الها معزه خاصه
محمد،،،اي عمي اجتي شهد واخذت الاول والتالي واحنه صرنه كش ملك
سامر،،،،هههه ولك أحميد صدري
شهد،،،،محمد يحجي ابسامر ويداهر بي وسامر يضحك ولزم صدره وكتله اتئذيت حياتي. وكال محمد
محمد،،،،شوف عمس شوف سامر باعنه كلنه ولا عبالك احنه حدايق يمه ماخذ راحته شوفي الخاين البذات اول ماصحه يكول شهد ماغزر بيه العشره نسه حتئ اهله وذكر بس شهد
عمو،،،،،هههه ميخالف يابه بس المهم موجود
ماريد شي
عمه،،،يابعد أمك انته
سامر،،،ربي يحفظكم اليه ومايحرمني منكم لعد اشوكت اطلع للبيت
هشام،،،،اصبر يمعود خل تستقر حالتك اليوم يمكن هم اتبات بل مستشفئ حتئ نطمن عليك
سامر،،،لايمعود مابيه شي شوفت عينك
محمد،،،،،عاد خليها العصر ونطلعك
سامر،،،،،ماشي لعد محمد وهشام روحو للبيت ارتاحو وتعالو العصر ونطلع
هشام،،،لا ماروح بتقي يمك اشلون اتريدني اعوفك
محمد،،،اي واني هم ماروح باقي يمك وعلئ گلبك اعرفك اتريدنه انروح حتئ يخلالك الجو لاعيني
ماأروح وأعوفك قابل اشبقه للعصر
سامر،،،لا هشام تعبت انته روح ارتاح ماقصرت
هشام،،،،يابعد اخوك اشعندي غيرك
سامر،،،ربي يحفظك ومايحرمنه من بعض
محمد،،،، واني
سامر،،،هههه ولك محمد بس اصبرلي اني اعرف اتصرف وياااك ترئ روحك بيدي محاجه احجي شنو
انته تعرف
محمد،،،، لا يمعود كلشي ولا هاي السالفه
سامر،،،،هههه موكتله روحك بيدي
محمد،،،،الروح ترخصلك ابن عمي
شهد،،،كل هذا الحجي واني واكفه يم سامر ولازم أيدي واني لازمتها ويضحكون ومحمد وهشام رادو يرحون وكال سامر
سامر،،،يمه يابه شهد انتو هم روحو لتعبون نفسكم هياتني مابيه شي العصر اطلع للبيت
عمو،،،ماشي يابه
عمه،،،،صار يمه
شهد،،،لاسامر حباب ماريد اروح وعيوني غوركت واختنكت وكتله حباب خليني اهنا والله مابيه شي والله راحتي يمك ومحمد ضحك وكال
محمد،،، هااا هم اني اعيل يريد يطردنه ويخلاله الجو
سامر،،،،،ههه ولك محمد لاصدك شهد روحي ارتاحي اني العصر اطلع ان شاء الله وخلي وسام يبقه
شهد،،،،وعصرت أيده حيل وكتله ابصوت مخنوك حباب ماريد اروح خليني ابقه والله مااتحمل للعصر
حباب سامر
سامر،،،،علمودج والله
شهد،،،لاحباب اذا علمودي خليني ابقه
محمد،،،،،يمعود خليها ماشفت حالها من بعدك
واشصار بيها
سامر،،،،ماشي
شهد،،،شكرآ
سامر،،،،،ولج مابطلتي كلمه شكرآ
شهد،،،ههه لا وراحو عمه وعمو وهشام ومحمد من بعد سلام واتبوس وطلعو وطلع وياهم وسام وبقيت بس اني وسامر وباوعت عليه وكمت ابجي واخذت أيده وبستها وبسته من خده ومن عيونه وكتله مشتاقتلك والله وخفت لا اتعوفني وتموت شيصير بيه اني من بعدك وين اروح هم اتيتم مره ثانيه
سامر،،،،حبيتي احبج
شهد،،،،،،مشتاقتلها حتئ ماشبعت منها والله
ليش هيج صار ويانه
سامر،،،،حبيبتي يروحي كافي بجي اني يمج واعوضج
شهد،،،احبك سامر احبك ماريد اتعوفني بعد خفت اهوايه
سامر،،،ماأعوفج وعد
شهد،،،،احبك صدرك يئذيك
سامر،،،اي كلش
شهد،،،،حبيبي بيه ولابيك
سامر،،،لا شهد لتكولين هيج
شهد،،،احبك ولازمه أيده واجه وسام وكعد يم سامر وكال
وسام،،،،حبيبي عمو محتاج شي
سامر،،،،،لا حبيبي
وسام،،،،لعد راح يجي مصطفئ وجده ادز وياا ريوك وشوربه العمو
شهد،،،اني ماريد
وسام،،،مو ابكيفج عمو ترئ شهد متاكل بل كوه اله انحلفها بيك يله تاكل
سامر،،،ليش هيج اتسوين ابنفسج
شهد،،،نفسي متتقبل اكل والله
سامر،،،،لا لازم تاكلين الخاطري
شهد،،،ماشي

ليش تعليقاتكم مو شي بل بارت 48 وحتئ البارت صار كلش طويل وأصلن اطول بارت عندي وأصلن معنئ روايتي كلها صار بلبارت 48 لان وأخيرآ سامر اعترف الشهد عن حبه الي جان ضامه عنها يعني تعبي هيج راح عل خالي علئ هاي الاحداث الصارت اني كلت هسه. هذا البارت اكثر تعليقات لان اني كلت مراح اتقصروت بل تعليقات لان صارت احداث حلوه وحزينه وحتئ طولت البارت علمودكم وحتئ تعليقكم قليله مو مثل باقي البارتات كلش حلوه تعليقاتكم
يعني من صدك قهرتوني والله وحتئ كلش تعبت بل بارت وحتئ جنت ويه ابني بل مستشفئ ورجعت من تعبي وكتبت ألكم البارت وطولته وكلت هاي تعويض الكم لان اتئخرت عليكم بس ما اصورت هيج اتقدرون تعبي وتقهروني اذا اتريدوني ما ازعل عليكم علقو ورفعو معنوياتي اني دائمآ اتشجع من تعليقاتكم الحلوه وحماسكم عل روايه من اشوفكم متحمسين عل بارت الجاي اكتب ابسرعه وهسه ارجعو علقو لان تعليقكم كلش قليل مافرحني واتمنه متزعلون مني بس قدرو تعبي حتئ استمر وياكم علقو البارت48 وهذا البارت وشكرآ ألكم

ولتحرموني من تعليقاتكم الحلوه واشكركم علئ

تعبيركم بل كلام والحماس الضاهر عدكم

وطبعآ تعليقاتكم كلش اتفرحني واتشجعني

والله علئ حماسكم وأريدكم هسه صوتو وعلقو

حتئ تصعد الروايه وان شاء الله بس اختم

هاي الروايه ابدي انزللكم روايه جديده

واريد هذا حماسكم يبقه ويايا

وشنو رئيكم بل بارت

وهذا بارت للمتحمسين للروايه وتعليقاتهم

حلوه شجعتني اكتب اليوم يا احلي متابعين

لتنسون تابعوني وصوتو وعلقو حتئ تصعد الروايه

للحكايه بقيه

لتحكمون ع الروايه من بدايتها

لتنسون التصويت⭐ والتعليقات🌹