أدمنت حبك

بارت ١٤

السلام عليكم
*********

#بقلم - الكاتبه - سانسا
****************

انتبهلهم سامر وغمزلي وعض شفته وكال
ابصوت ناصي يجددون شبابهم ودنكت راسي وسامر صاح الهشام وغمزله علئ عمو وعمه واستلموهم اثنينهم وسامر كال
اي حجيه مو عيب عليج متكولين ولدي واحفادي كاعدين وتتغزلين بل حجي كدامنه شنو متوازيه متكوليلي اشفتي بل حجي غير اكرع وعصبي مايضحك بل سنه حسنه وفوكاها كاعده يمه ويعض اصابعها
وهشام وزوجته ماتو ضحك وكال
هشام عوفهم يمعود جوز امفكرين يجيبولنه أخ وماتو ضحك وكاللهم
الحجي طايحين الحظ وانتو يعني لاحكيني عل ضحكه يولو انوب انجيبلكم أخ هيه اذا اطخها وعاطت يايمه مفاصلي اركبي غير اتونون
وضحكو وهيه حطت شيلتها تضحك وخجلانه من الموقف وكاللهم
سامر عدكم غرفه عاد موكدامنه تتغزلون ماضلت حيا ماعوزك بس اتبوسها كدامنه وكاله
الحجي اي ابوسها قابل مستحي منكم وهاي بوسه علعناد الحشريه وسامر
عاط لابويه عاد بس مو كدامنه
وحضنها وباسها الحجي وهيه صارت اخدودها طماطه وغطت وجها بل شيله وعاط الحجي بيهم كلهم كومو لاحكيني عل بوسه وشمحصل اني يلله كلمن ياخذ جهاله ويطب ابغرفته وكال
هشام كوم سامر كوم اليوم الحجي امقرر وحاسمها عل الحجيه بعد مابيها مجال
وخربو ضحك
وسامر كال حجي مابيها مجال اتئجل شغلتك بس يخلص الفلم ونصعد فوك واخذو راحتكم حتئ لو بل استقبال
والحجي بعد ماسكت وكاللهم
والله الماصعدتو فوك هسه تعرفون شسوي وكال سامر لايمعود صاعدين صاعدين وانتو اخذو راحتكم
واني اخذ مرتي واصعد كومي امريتي كومي
حرام قطع الأرزاق
وكام سامر وانطاني أيده حتئ اكوم ومديت أيدي بيده وسحبها وكمت وكتله بس الم المواعين الكرزات وكال لا عوفيهن الحجيه موجوده لو بس عل حجي تتحرش ويصير بيها حيل وكالت
الحجيه خلينه الحيل الك وكاللها ليش عيني اشبيه اشعايزني وهسه اخذ امريتي واصعد
وحضني ومد ايده علئ خصري وكال يلله عيني نصعد فوك انام والحجي كال
اي المابي خير نومته اخير وسامر كال
امشي عيني امشي هذوله كامو يغارون من عدنه لان همه مابيهم حيل البوسه ما امدبريها اتعتعت بل طريق وكالتله الحجيه اشوفك انته امدبرها وكاللها
يااا حجيه اتحطمين مشاعري ليش مادبرها وهاي كدامج حتئ متكولين ما يدبرها
وحضني من خصري خفيف ودنك باسني من خدي واني بقيت جامده من الخجل يبوسني كدامهم وكتله ابصوت ناصي سامر عيب والله كدامهم وانته ماصدكت
وبقه حاضني وكال علئ اعناد ذولاك الشياب امشي شوشه امشي واني رفعت راسي اله مستفقده هاي الكلمه باوعت بعيونه وحسيت گلبي يريد يطلع من بكانه ومشينه سويه بقه حاضني من خصري وصعدنه فوك واحس روحي مسلوبه من كال شوشه وطبينه الغرفه واني كبل فتت للحمام كمت ابجي ما اعرف ليش اختنكت والغصه واكفه ابلعومي وكمت ابجي وطولت بل حمام ودك الباب سامر وكال
شهد بيج شي شو طولتي شهد جاوبيني
وكتله مابيه شي وغسلت وجهي وطلعت وهوه امدد عل جربايه يلعب بل موبايل وشافني وانداريت للكنتور واجه ابورايه وصار قريب عليه وكال
شهد شنو اشبيهن عيونج باجيه وهيج ماردتهن ودنكت راسي وكال
شهد اشبيج شنو التردينه كتله ماريد شي بس عوفني وكال
لان بستج لو لان حضنتج وكمتي تبجين
وهزيت راسي ابنفي وكال
ماشي ابراحتج وعافني وراح للحمام سبح وطلع مدد عل جربايه واني طبيت سبحت وبدلت لبست دشداشه لون اسود قصيره وطلعت شفته نايم وحاط ايد وحده علئ عيونه والثانيه علئ صدره ورحت مشطت شعري ورحت للجربايه ورفعت الديباج علئ كيفي ومددت واتغطيت
وكال ليش ماشسورتي شعرج هسه تتمرضين
وكتله مو انته نايم وكال
لا كاعد كومي شسوري شعرج
وكتله ماريد هسه يبس واصلن نعسانه مابيه حيل وكال شهد علمودج ابكيفج بعد
واتغطيت وحضنت المخده جنت انام علئ صدره واسمع دكات كلبه وهسه احس البرود العندي يريد يحاوطني وعصرت المخده ونمت حسيت حركه بل غرفه وكعدت لكيته يحضر ملابس يريد يروح للمكتب وكعدت كتله صباح الخير كال
صباح النور
كتله شو من وكت اتروح كال
عندي شغل كومه بل مكتب
وكتله هااا وكمت فتت للحمام وطلعت بدلت وكلي
وين ارجعي نامي
كتله اسويلك ريوك كال
لانامي اني اسوي خاف تعبانه
كتله لا مبيه شي وطلعت قبله وهوه يبدل وينزل وطبيت للمطبخ لكيت عمو وعمه كاعدين وخجلت منهم عل موقف البارحه وسلمت وفتت رحت للطباخ لكيت عمه امسويه جاي وكاعدين عل ميز وديتريكون وعمو جايب كيمر عرب وصمون وحضرت السامر جبن كيري ونزل سامر سلم ويضحك عل حجيه يغمزلها بسكوت وهيه اخدودها صارن حمر وكعد يمهم عل ميز طعام وقدمتله الجبن والكوب الجاي واكل كيمر وكال
يصير ناكل كيمر لو هذا بس العرسان وضحك وكالتله الحجيه اكل اوليدي هوه انتو هم عرسان وكال
شهد جيبي عسل ويااج
وجبت العسل ورحت جبت جبن كيري وكعدت اكل والحجي يوكل عمه وهيه خجلانه اتباوع علئ سامر وسامر يغمزلها ابحاجبه وعمو شاف سامر كله اتغار لان محد يوكلك وسامر كال
حجيه وكليني اني هم اوليدج. لو بعتيني علمود هذا الاكرع وضحكت عمه دسوي لفه كيمر وحطت عسل وعمو ماقبل كال وكليني اني شنو هوه ماعنده ايدين مو عنده مره ومزوج متوكله مرته وباوع عليه سامر وكال شفتي شهد امي باعتني علمود حبيبها الاكرع ومتوكلني
وضحكت ابتسامه وكلي والله احس هذولي الشياب يغورونه عود بس همه مزوجين وضحكت كتله عوفهم ابراحتهم حاط نفسك وضحك كال همه شياب وينهم وين لتغزل وضحكت كمل ريوك سامر وكال اني اروح راح اتئخر الضهر لتنتضروني عل غده لان عندي احسابات
وراح يغسل وكمت لميت المواعين دا اغسلهن وعطره وصل قبله يمكن سبح بل عطر
عمو وعمه راحو للاستقبال واجه يمي مقابيلي كلي شهد تردين شي باوعت بعيونه ودنكت راسي
وكتله لا ماريد شي وكال
ماشي وطلع راح للمكتب
وكملت المواعين ورحت انضف البيت كلها نايمه صنطه بس عمو وعمه بل استقبال استحيت افوت يمهم وكملت القاط الجوه صعدت للثاني هوه نضيف بس دا لهي نفسي كملته ودخلت الغرفتي امسح لخشاب ومسحت الارضيه والحمام ورحت للملابس فتحت كنتوري رتبت ملابسي وفتحت كنتور سامر هوه امرتبهن وحتئ مكوياات ومعطرات وسحبت تشيرت مال لتراك لون اچويتي كلش حلو يطلع من يلبسه
واخذته وشميته ومشيت للجربايه كعدت وحطيت التشيرت عل جربايه واتلمسته وشلته وحطيته عل مخده مالت سامر وكمت رحت للكنتور طلعت ملابس دشداشه قصيره والدلعه مربعه لون بنفسجي وفتت للحمام سبحت وطلعت رحت للميز اشسور شعري انداريت عل جربايه وشفت التشيرت بعده ابكانه وكملت شعري وكمت رحت للجربايه رفعت الديباج ومددت اباوع عل مخده مالت سامر وحضنتها وشميتها
وكلت ابصوت مخنوك راح اكدر انفصل منك راح اكدر انساك صح مده قصيره اتعرفت عليك وقهرتني وأذيت مشاعري بس اني حبيتك ما اعرف ليش حبيتك سامر اني اعرف بيك متريدني بس اني اريدك اريد اعيش ويااك سامر اني راح ابتعد حتئ اتعود علئ بعدك
ما اريد ائذي نفسي اكثر كلمآ يمشي ابدربه ليريده وجريت نفس عميق ومسحت ادموعي وحضنت المخده حيل وشميت عطره وحسيت نفسي راح يغلبني النعاس
وكلت سامر احبك ونمت وحسيت انرفع الديباج ومدد يمي وكال
شهد اتغديتي
وكتله ابصوت نعسان ماريد نعسانه
وكال شهد انطينه المخده خل انام
وكتله اخذ يمك المخده وكال
المخده مالتي حاضنتها نايمه عليها انتي
وكتله اي هسه وكال
شهد انطيني المخده وتعالي نامي علئ صدري ليش خاله التشيرت مالتي عل مخده وحاضنتها تعالي يمي
وانتبهت ورفعت راسي عل تشيرت والمخده مال سامر
يعني شافني
وكتله جنت اعزل بل ملابس ونمت الضاهر باقيه عل جربايه وابتسم ابتسامه خبيثه وكال
اي صحيح حتئ الكنتور امبقيته مفتوح وكال
محاجه تحضنين المخده اني موجود بل خدمه
وكتله سامر اريد انام هاك المخده مالتك وشمرتها عليه وكلي بعد التشيرت وانطيتهيا ونمت وهوه اجه قريب يمي سحبني عليه
وكلي اني يمج
وكتله سامر اريد انام ووخر لتنسه لتفاق وكال
ما كو اتفاق يلله نامي وحضني صفح من ضهري وصار ضهري علئ صدره
وكتله سامر حباب
وخر ماريد هيج انام
وقوه حضنته وقرب راسه يم اذني وكال ابصوت ناصي شهد جنتي بس اتكونين اتنامين علئ صدري تردين تسمعين دكات گلبي اني اعرف شنو ليدور ابراسج واعرفج كلش زين تردين تبتعدين مني اشويه اشويه  يلله نامي
وباسني من راسي
وكتله سامر لتصعب عليه الموضوع اثنينه نعرف شنو النهايه ووخرت أيده من يم خصري خاف اضعف وتغلبني مشاعري وتصيطر عليه لان اني اضعف من اكوت قريبه يمه  وانداريت عليه ونمت صفح ركزت بعيونه ورفع ايده وخر شعري وره اذني وكال شهد مو بارده عليج من تلبسين هيج
كتله لا متعوده من انام البس شي خفيف وكال
موحرام نعمه الله موجوده ومنضوك
كتله شنو يعني مافهمت
كال هيج ورفع ايده اتلمس خدي
وقربني عليه سحبني عليه ودنك راسه ابركبتي وباسني
وكتله سامر
وكال اشتعل سامر
كتله سامر اغار وخر
ورفع راسه واشوف عيونه امركزهن بعيوني
وكتله سامر ترئ الدنسوي غلط واحنه نعرف شنو نهاينته محاجه انتعب نفسنه وكال
شهد لتريديه شنو
كتله كلمآ يشوف طريقه يروح الحال سبيله
وكال شهد ماشي الترديه يصير
واندار نام انطاني ضهره
واني هم انداريت انطيته ضهري ونمنه
وكعدت علئ فتحت الباب الحمام وطلع سامر
وكال ننزل نتغده كتله ليش انته ما اتغديت
كال لا من اجيت همه متغدين ونمت
وكتله  ماشي هسه احميلك الغده
وكال ليش ما اتغديتي
كتله ما اشتهي وكمت حضرت ملابس وطبيت للحمام بدلت وطلعت ولميت شعري ولفيت الشال بس شكل
ونزلت حميت الغده كملت صبيت بل استقبال وصعدت للغرفه شوماكو سامر وباب الحمام مفتوح وطلعت للممر هم ماكو وشفت باب غرفته القديمه مفتوح اشويه ماراده زين وطبيت علئ كيفي مشيت شفته واكف يم الشباك ويعصر بيده يفتحها ويسدها مثل من شفنه الولد من ضاع وشاف نور عصر بيده حسيته هيه اباله وكتله سامر ماجاوب ونوب كررت كتله سامر صبيت الغده راح يبرد هم ماجاوب وصرت قريبه عليه واشوف البيت المقابيلنه البرده تتحرك مال الغرفه وحسيت اكو شي ابداخلي انكسر  حسيت شي انكسر ابداخلي حسيت ابطعنه ابنص گلبي واتهشم وحسيت بعد ما اكدر اتحمل روحي بعد ما اكدر اسامح لان كل مره اتئذا اني واكول اتحمل واصبر وتالي ماكو فايده احس وجودي ما اله معنئ اشلون اتحمل واصبر واشوفه كدامي بس راح اذكر طعناته اليه واكدر انساه اليشوفه البارحه ما يكول هذا سامر الي هوه هسه واكف اكبالي ومسلوبه روحه موحبيبته
واتقربت اكثر وصرت مقابيله وحطيت عيني ابعينه وگلبي احسه صار جمر ونار تطلع من صدري الغصه تطلع مني والعبره الي خانكه صوتي وعيوني احسها بعدماشوف بعيوني من الدموع الحجرت بيها وكلتله سامر بعد ما اكدر لهنا وكفايه هذا الشي الديصير مو قليل طاقتي لهنا وانتهت وكلشي انتها وياريت نفتح موضوع قرارنه وانبلغ عائلتنه علئ قرارنه
احجي ودموعي مابطلن
احجي وحتئ عيني مارمشت اريد احفظ ملامحه وكال
شهد التريدي اسوي بس وكفتي اهنا مو علمود لبالج صح جان هذا مكانه بس مو علمودها وكفت اهنا اتذكرت لقائنه وشفت البرده تتحرك عبالي هيه بس مو هيه الجهال
وكتله المهم هيه مو هيه اني بعد ما اكدر اتحمل وغداك بل استقبال ومشيت خطوه ولزم ايدي
وكال شهد
وانداريت عليه وهزيت راسي ابنفي تعبير عن كلمه لا وفكيت ايدي من ايده وطلعت رحت للغرفه وذبيت شالي ووخرت القراصه وفليت شعري ونمت عل جربايه وغطيت جسمي كله احس معتي صارت نار مشتعله ابداخلها وتكلب احس ابئحساس غريب صح اني ماصارلي فتره من اتعرفت عليه واتعلقت بي بس هوه زوجي الي وملكي الي من حقي احبه نوبات تصرفاته تجبرني احبه لان گلبه طيب ونوبات لا مو سامر الاعرفه روحه مامتحملها متقلب المزاج بس الديسوي هسه شي موقليل اريد انفصل عنه خلي ياخذ راحته ويعيش حياته مثل مايريد واني هم اعيش حياتي وراح ارجع الدوامي اكمل كليه وحتئ اكدر انساه واكدر اعيش حياتي وصوتي راح من كد ماشهكاتي جرحت زردومي احس روحي اتريد تطلع اريد اتقيئ وكمت رحت للحمام معتي نار بس اكول ااااه ماما ااااه بعد ما اتحمل والله ااااه وضليت يم المغسله بل حمام اغسل لحد ما اتقيئت وارتاحيت وغسلت وطلعت بس هم اتئذيني معتي ونار تغلي ونمت عل جربايه احس راسي انصطر احس راسي راح يطك اريد اتقيئ مرار يطلع من معتي واتقيئت ورفعت راسي للأمرايه واشوف خشمي ينقط دم وخفت كمت ارجف اني اخاف من الدم وكلت شنو يعني راح اموت هسه وغسلت خشمي وانوب ينقط عبالك حنفيه مفتوحه وادموعي اتصب وكلت خل اطلع من الحمام خاف اموت ومحد يعرف بيه اني بل حمام اريد اطلع بس اخاف من معتي بعد متتحمل بس اتقيئ وكلت ابسرعه اطلع علئ عمه وغسلت وجهي بعده خشمي يقطر دم وطلعت من الحمام ساده حلكي حتئ امنع نفسي من التقيئ ورحت للجربايه اخذ الشال وشلت القراصه وانفتح الباب وفات سامر شافني وطبك الباب قوي واجه سريع وكمشني من زندي وكال
شهد شنو هذا الدم اشبيه وجهج لونه شاحب ليش هيج احجي
واني حاطه ايدي علئ حلكي امنع التقيئ انوب من شفت سامر معتي كلبت بل زايد انقهرت اكثر بس اهز ابراسي وساده حلكي اريد اتقيئ ووخرت من ايده ورحت للحمام ابسرعه واتقيئت واجه هوه يلم ابشعري ويطبطب علئ ضهري واكول اااه اااه ماما معتي بعد ما اكدر ماما واغسل ابوجهي وسامر يكول
غسلي خل اوديج مستشفئ لو مضمد يقيس ضغطج ابسرعه
رفعت راسي اشوف القلق بعيونه واشوف وجهي لونه اصفر صار وغسلت وطلعت بدون ما احجي ولا كلمه  ورحت للكنتور لبست صايه فوك ملابسي وماحجيت وياا ولاكلمه ولميت شعري ولفيت الشال وحطيت اكلنكس علئ خشمي وطلعت من الغرفه هوه ويايا ونزلني الدرج وكمشت ايده حيل حسيت رجلي ماتت ماحس بيها متشيلني بعد واذني اتوش احس نفسي ترجع ليوره وعل درج اريد اكعد بس اسمعه يكول
شهد شهد
وشالني عرفته شالني من عطره وراسي علئ صدره حيل لامني ويصيح
وسام وسام اصعد جيب لسويج عل ميز
واحس روحي غابت وحسيت ابروده ابئيدي وصنطه
كلش اريد افتح عيوني ماكو احسه الجفن صار ثكيل فتحت وغواش كلش وكلت بارده ااااه واشوف الشخص صاير اثنين لو اتلاثه والنضر وضح عندي واشوف سامر وجهه احمر ودماراته امبينه ضليت ساكته واباوع بعيونه مانزلت عيني ابد وكمش كف أيدي وكال
شهد اشلون صرتي
ماجاوبته بس امركزه عيني ابعينه وكال
شهد بيج شي احجي وعصر ايدي خفيف
وأيده الثانيه حطها علئ راسي ونزلها واتلمس خدي وكال تتئذين من شي
وجريت نفس عميق وعضيت شفتي غمضت عيوني ونزلن ادموعي وهزيت راسي ابنفي وهوه يتلمس خدي ووجها قريب عليه وكال
شهد كافي تقهرين نفسج موزين عليج الضغط كلش صاعد همزين طك خشمج دم واتقيئتي جان انجلطتي جان متي يصير انفجار بل رأس
وكمت اشهك وكلت بارده أيدي
وكال بس يخلص المغذي ونطلع
وفتحت عيوني وشفته متوتر وكال
شهد
كتله تعبانه اريد اروح للبيت وسامر كلشي ينتهي من هذا اليوم ومخلاني اكمل كلامي وكال
كلشي ينحل ويتعوض اله صحتج متتعوض
شهد اعتذر لان وصلتج لهاي الحاله بس ماكو شي من لبالج اصلن دائمآ اوكف يم الشباك وترى مو نور اليم الشباك يمكن الجهال بس صدكي مو نور ونور ماكو صار من العزيمه اليم اهلج بعد ماشفتها اني هسه دا احجي مو خايف منج لا لان علمود صحتج لتفكرين ابشي ماصاير وهسه نطلع من المستشفئ ونروح للبيت لان قلقو عليج رادو يجون بس اني استعجلت وما انتضرت الحجيه وجابنه وسام وكتله
سامر ياريت تستعجل تفتح موضوعنه يم عمو لأن كلشي انتها بعد ما اكدر وكال
ماشي هسه بس ارتاحي
وكرص خدي ودنك يريد يبوسني من خدي
ووخرت راسي وكتله ماريد
وكال بس اني اريد
وكتله سامر تعرف بيه مشاعري اتجاهك احسها جمدت ابداخلي ما ضلت مشاعر
ومد ايده ودار وجهي عليه وباوع بعيوني وكال
بس اني ما اتوقع هيج اني اكول لبكلبج شي والسانج يكول شي
وضميت شفتي بل داخل وكتله لا سامر يتهيئلك ماعاد اهتملك شهد اتغيرت وتعبت ولتتوقع اتدوس عليه وتقهرني وانته ضامن شهد اتحبك وتسامحك لا هذا الكلام ماضي صار منا وهيج كلشي ولاكرامتي شفتني احبك وكلت اشما اسوي هيه اتحبني ومتزعل وتسامحني لا سامر هذا ماضي بس هسه كلمآ يعيش علئ قراره وكال
ماشي شهد
راد يرفع نفسه ودخل وسام وكاال اسف اسف وسامر كال
لايمعود ماكو شي تعال دا عدل المخده مامرتاحا ابنومتها
ووسام كال اي صحيح وغمز السامر وكله عيب عمو ترئ نتعلم منك احنه وضحك سامر
كله ليش ابوك امقصر وتذبون مصايبكم عليه واندار عليه سامر ولف الشال مالتي عدل وكلي
خلص المغذي اصيح للدكتوره
ووسام كله لا انته ابقه اني اروح وكمل الكطعته عليكم خاف اتكولون عليه قاطع الأرزاق وضحك سامر كله امشي حيوان وضحك
وسام وراح واندار عليه وكلي
شوفي هذا ابن اخويه ويعيرني لان ما اخذت بوسه من هذني لخدود عبالك تفاح احمر
وكتله هسه انته دتنكت لو اتغير موضوع لو اتريد اتحصل بوسه ابفضل وسام وضحك وكال
لو اريد اخذ بوسه اخذ ابنفسي ماريد فضل احد
وكتله يلله ترئ اني ما احجي ويااك موشفت انطيتك مجال واخذت راحتك ترئ گلبي كومه شايل عليك
ورفع حاجبه ابخزره وكال
شهد انتي هم لتشوفيني اتصرف وياتج ابلطف وتستغلين الموقف واتهينيني انتبهي الروحج والتصرفاتج وكتله اني منتبهه شنو تصرفي بس اكو بعض ناس مايعرفون يتصرفون مايعرفون يتحكمون ابمشاعرهم وصك علئ اسنانه وكال
شهد لتخليني هسه اعصب ومن اعصب تعرفيني
ما اعرف اشلون هيج حجيت وطلع مني هذا الكلام ماعرفت شنو نتيجته
وكتله نذري بيك انته خ بعدني ما كملت الكلمه وحسيت فكي وكف لزمت ايده كلش قويه وقرب وجها علئ وجهي وكال بين اسنانه
شهد ديربالج تتجاوزين نبهتج اني
وهزيت راسي ووخر ايده وكتله موقصدي هيه طلعت مني بدون قصد بس اذيت فكي ليش مديت ايدك كم مره صارن وسامحتك بعد ماسامح ووخر مني واجت الدكتوره ووخرت المغذي وكالت ماما انتي بعدج اصغيره وينج وين الضغط يعني احنه اول مره تجينه هيج حاله الضغط امعلك علئ هذا ضغطج انتي اسم لله جان جلطه بل دماغ لو ميته وگلبج بعد مايكدر گلبج تعبان وانتبهي الوضعج ماما
وكتلها ماشي دكتوره اكدر اطلع وكالت
اي وطلعت وكالت الحمد الله عل سلامه وكتلها شكرآ وطلعت الدكتوره بس مااباوع علئ سامر ووسام طلع ويه الدكتوره وسامر كال
يلله كومي
وماجاوبت وانداريت علئ غير جها وعدلت شالي والرداء بل كنتور ابو بابين وكمت للكنتور ولبست الرداء بدون ما انطق كلمه وردت اطلع وصلت الباب ولزمني من ايدي حيل ودارني عليه وكال
شنو هذا تصرفج شهد
وكتله بعد متهمني لأن أذيتك اليه صارن اهوايه هد ايدي وطلع قبلي وطلعت وراه وصلنه السياره صعدنه سامر بل صدر ووسام يسوق واني وره ومشه وسام وكال عمو شو اهنا كاعد مو من اجينه كاعد يم شهوده علئ كولتك
وكله الصم وانتبه للطريق
ووسام غمزلي بل جامه المقابيلي
ودنكت وكلت بين نفسي هاهيه وياك بعد اانتها كلشي ووصلنه اتلكتني عمه من المطبخ وطمنها سامر
وكللها لازم ترتاح هاي الفتره
وطبينه جوه بل استقبال دنيا ليل واني صعدت الغرفتي وحضرت ملابس وفتت للحمام سبحت وبدلت وطلعت وشسورت شعري كملت ورحت للجربايه مددت واتغطيت اريد انام ودخل سامر وكال
شهد شنو نمتي ترئ صبو عشه ماجاوبته واتقرب يمي وكال
نايمه ونغزني من ايدي
وكتله هاا كال
تتعشين
كتله لا ماريد وكال
وصحتج
كتله من اجوع اكل جبن اريد انام وكال
ابراحتج وطلع
واني احس اشويه اشويه مشاعري تبرد اتجاه سامر بس لحظات لا اريد قربه احب اهتماما ما اعرف شنو الأريده بس قررت بعد ما اهتم الكلشي اعيش حياتي ونمت حسيت علئ سحبت الديباج ونام قريب وحسيت اتلمس شعري خفيف ويرفع كذلتي عن وجهي واتلمس خدي وكال
شهد اعرفج كاعده من نفسج مامنتضم
وفتحت عيوني وكتله شتريد مع العلم كلشي منتهي بينه وكال
ماريد شي بس كومي اكلي ميصير اتضلين بدون اكل وكتله امممم ماريد نفسي مزدوده وانداريت انطيته ضهري اخاف اضعف لان مشاعري مو منتضمه وحضنت مخدتي ونمت حسيت علئ فتحت باب الحمام طلع منها امبدل وراح للميز ولبس ساعه ومشط ورش عطر وكال صباح الخير
وكتله اممم عود زعلانه وماريد اجاوب وكمت من الجربايه مشيت للحمام وسحب ايدي حيل وضاب عليها. ويحجي كال
تصرفات الجهال هاي ماحبها ولتتجاهليني ترئ اني مو ابكدج ماشي وردي السلام حال البشر واني ماميت عليج ولا علئ سلامج من الصبح صبحنه عل مغثه
ونتر ايدي حيل وطلع وسد الباب قوي
وانقهرت وطبيت للحمام غسلت وبدلت ونزلت سويت ريوك كاعدين عمو وعمه وهشام وسامر وزوجه هشام دسوي بل ريوك
ورحت يمها اساعدها ماقبلت كلتلها مابيه شي وكالت لعد حطي لكوابه عل ميز وحطي لجبان بين ماخلص المخلمه واجه وسام جايب صمون وكملت حطت المخلمه وصبت واني طلعت من المطبخ ما اشتهي ردت اصعد فوك وصالت للدرج وصاح عمو وكال
شهد بابا تعالي اتريكي ويانه
ورجعت للمطبخ وكتله ما اشتهي عمو بلعافيه
وكلي ميصير بابا وعمه كالت
انتي من البارحه الغده ماماكله والعشه هم مااكلتي ميصير هيج لازم تتغذين جسمج
وكتله والله ما اشتهي بلعافيه وطلعت صعدت فوك الغرفتي ومددت عل سرير واتغطيت وكلت صارلي اهواي ما امخابره علئ اهلي شو حتئ همه مايخابرون وكمت اتصلت علئ نسرين مجاوب كلت يجوز بعدهي نايمه ورجعت نمت عل جربايه وانفتح الباب وسمعت خرخشه اسويج وكال
اكلي لتضلين صايمه ترئ مجاي اتعاقبيني ترئ دتعاقبين نفسج وحارمه نفسج من الاكل علئ شنو سوالف الجهال بطليها
كتله هذا الشي يخصني مايخصك اكل او لا وكال
شهد انتبهي الروحج شنو دتحجين
وحبيت اضوجه وكتله اوووي يمعود اشخبصتنه هم صدك علئ منو اقهر روحي محد يستاهل اصلن وابكيفي اكل لو لا محد يتدخل بيه وكال
طبج مرض اكلتي او لا
وطلع من الغرفه ونزلت اني وساعدتهن بل بيت غسلت المواعين ونضفت اشتغل بس اريد الهي نفسي وكملنه وكعدنه انسولف ومشه وقت وانحضر الغده وكمت العمه كتلها شنسوي غده كالت ابكيفج يمه وكتلها انسوي تبسي باذنجان وكالت هاهيه وكمت فتحت المجمده ماعدنه خبز قليل وعجنت كلت اخلص الغده قبل لا اصب اخبز عل غاز وكملت وحضرت المواد المركه طلعتهن بتينه وطماطه وباذنجان وفلفل وبصل ومعجون وبلشت بيهن وسويت تمن وكملت المركه بقه بس التمن يتهدر ورحت عل عجين وشفته خمران وطلعت اخبز وحطيت التنور سحبته بل طرمه عل في  وعمه كالت ليش اتعبين نفسج هذا المخبز ونجيب خبز كتلها عمه موطيب عبالك فلين وضحكت عمه وكالت لعد اجي اساعدج كتلها لا عمه قليل عجنت بس للغده هيج دقائق واخلص وشغلت التنور ونضمته لان متروك ونصيته احس روحي تعبانه لان مماكله ونفسي مزدوده وكطعت وارتاحن اول كم خبزه موشي لان  متروك وعاد البقيه زينات حلوات بقيت اخبز والتنور حار ابسرعه ابسرعه اخبز وانفتح باب الشارع واني ابنهايت الطرمه وفات سامر من بعيد اشكد حلو وشخصيته امبينه من ملامحه العصبيه واخبز شافني وكف اشويه وكال
ليش ماكلتو ماعدنه خبز جان جبت
باوعت عليه بس ماجاوبته ورجعت اخبز وكال
ماشي الضاهر انطيتج مجال
واني اصلن اريد ابتعد واتجاهله حتئ اكدر انسه وماريد احجي ويااا ودا اطلع الخبزه واني ملتهيه افكر ابسامر وحسيت شي نار علئ معصم ايدي متت من الأحروره حرك بئذي كلش وصارت حمره وبقت خمس قطع متت من احط ايدي بل تنور احس داعذب ابنفسي اكثر ماكملتهن  اله واني ضايكه الموت وطفيت التنور وطبيت جوه صعدت الغرفتي طبيت للحمام سبحت وغسلت وروحي طلعت لان غسلت ايدي مال الحرك لان صار عليها مي ومتت من البجي شو هاي صارت حمره وبطبطت حيل واتوسع مكانها عبالك اشوف الحم الداخل متت ما اعرف شنو احط ماعندي عصاره مال حرك وكلت وره الغده اكول العمه علئ ايدي وطلعت من الحمام نشفت شعري وايدي شغلتلها السبلت وحطيتها اكباله بس اريد تبرد ماكو اتزيد بل زايد نار جمر احسها وبدلت ونزلت ولكيت زوجه هشام امكمله التمن هدرته دتصب ورحت يمها وكتلها اني اكمل وسويت الزلايط  زوجه هشام وكالت
ليش متخليني اساعدج
كتلها انتي هم متخليني اساعدج وضحكت وكالت
لان انتي تعبانه. وكتلها وانتي هم متلحكين عل جهال وكالت موتوني بس ماريدج اتعبين لان بعدج اصغيره كتلها لاعادي ترئ اني اعرف كلشي اسوي من طبخ من كلشي اعرف وكالت ميخالف بس لتعبين نفسج كتلها عاد بس المهم الهي روحي وجريت نفس وكالت شهد اكو شي بينج وبين سامر ورفعت راسي كتلها لا ماكو شي
وكالت اي امبين قنعي روحج ودنكت راسي وكالت كلشي ينحل لتهتمين ولتقهرين نفسج
وكتله ان شاء الله دا اصب وياها وروحي طلعت من ايدي كملنه صبينه ونسيت اكول الزوجه هشام علئ ايدي موتتني وراحو ديتغدون واني صعدت الغرفتي اريد ابردها موتتني انوب صايره كلها فراكيس وصاير بيها مي وكمت ابجي ونكعتها مي بارد وماكو وطلعت قوالب مال ثلج اصغار من الثلاجه وحطيتهن ابكيس وحطيته عل حرك بس هم يحركني وابجي لازمه ايدي وابجي
وعض شفتي انوب شاغت روحي من نكعتها زاد الألم وانفتح الباب وانداريت وشفت دخل سامر ورجعت انداريت شافني يم السبلت وهوه يم الباب سده ووكف وكال ليش متاكلين شهد شنو معنئ تصرفج هذا وشنو تتجاهليني ترئ اني متحمل تصرفاتج مال وحده جاهله مو مزوجه هوه يحجي واني الوب من الحرك موتني وانوب كلامه
وكتله ابصوت مخنوك سامر حباب بعد ما اتحمل والله راح اموت وابجي ومنطيته ضهري وحسيت خطوات قريبه وحط ايده علئ كتفي وكال
شهد لتصعبين الأمور عليه وعليج ترئ والله ماضي نور انتها بس ذكراها بقا ماعندي شي اتجاها وكلي شهد لتعاقبين نفسج وتئذين صحتج لازم تتغذين شوفي وجهج اشلون اصفر وضعفانه وكتله
سامر راح اموت من الوجع ودارني عليه واني غاصه من البجي وروحي امفرفحه وكلي شهد وسكت وبقه مصدوم من شاف أيدي اشلون محروكه وحمره وفراكيس واستوعب اني مقهوره من الحرك وكتله
سامر بعد ما اكدر اتحمل حباب راح اموت من الوجع وكال شنو ليش هيج أيدج ليش
كتله واني صوتي مخنوك واناشك روحي اتريد تطلع احتركت بل تنور الضهر وماكلت الأحد كلت وره الغده اكول العمه بس من سبحت أذتني وغسلتها بل مي بارد حتئ تبرد بس فركست ولزم ايدي والقلق علئ وجها وكال هسه انوديج للمضمد يشوفها وكتله حباب دتئذيني والله وجر ايدي وينفخ عليها وكال كلش متئذيه ايدج شجاج صالختها صلخ ليش تخبزين انتي مو موجود الفرن ليش اتعبين نفسج وكال يلله البسي حتئ نطلع اوديج وماعارضت البس وابجي وصوت شهكاتي عاليه ولبست وشمرت أيدي يم الحرك ونزلت وشافونه وعمو كال بابا شهد شكو اشبي وجهج
واني ابجي ورفعتله ايدي وشافها وكال شنو ليش هيج اشبيها وجاوبهم سامر من التنور احتركت ايدها وسكتت اتكول وره الغده اكللهم ومتحمله الوجع وساكته وكال يلله ابسرعه خاف تلتهب وطلعت وياا فتحلي باب الصدر وصعدت وصنطه مافتحنا موضوع ومشينه ووصلنه ونزلنه طبيت شاف ايدي وكال امفركسه لازم انضفها نفتحن وانعقمها وباوعت علئ سامر. وكتله اخاف حباب وكلي متتئذين صدكي يحطلج معقم ومخدر ومتحسين ووافقت ولزمني سامر كعد يمي عل سديه بس كاعدين وحضن كتفي وكال لتباوعين علئ ايدج باوعي عليه وجر راسي علئ صدره ولزمه شبكني حيل ماجنت متخيله هيج وجع موجود

للحكايه بقيه

لتحكمون ع الروايه من بدايتها

لتنسون التصويت ⭐ والتعليقات 🌹