أدمنت حبك

بارت ١٣

السلام عليكم
*********

#بقلم - الكاتبه - سانسا
****************

شهد، ،،،،سامر بعده ماكمل كلامه بس كال شهد وسديته
حسيت غمامه نزلت علئ عيوني وحسيت جسمي بارد
وثكيل واسمع اصوات هوسه وصوت جهاز طوط طوط
احس شي ابروده اطراف رجلي واسمع اصوات كلام وهوسه طولت يلله استقر الصوت هذا صوت نسرين واخواني واحس ملمس علئ أيدي ونسرين يمي اتكولي

شهوده حبيبتي فتحي عيونج لتخلين بالي عليج حبيبتي لتخوفينه بس فتحي عيونج احجي ويايا
وفتحت عيوني امغوشه اشويه وصفت اشوف نسرين يمي حاضنه أيدي وحسام وهشام واكفين نسرين كالت
خوفتيني علييج ليش هيج اتسوين بينه والله خفت عليج حسام وهشام كالو
اشلون صرتي شتحسين
كتلهن زينه بس جسمي تعبان وحسام كال
خل تطلع من المستشفئ اشوف وحده المتاكل وتعاند بعد ماكو اعناد اني اوكلها بيدي
وهشام كال واني هم
وكتلهم ماشي أكل
ونسرين كالت الهشام روح طمن عمار خطيه صعد ضغطه وطك خشمه دم ضل باله علئ شهد
وراح هشام
وحسام كال ليش هيج اتسوين ابنفسج اكو مشاكل بينج وبين سامر لو اهله ليش من اجيتي اني ماعاجبتني من شكلج اعرفج اذا بيج شي بس ماسئلتج كلت جوز متريدين احد يتدخل او مسئله بصيطه وانتي اتحليها بس ما اصورت لهيج مرحله توصل سوء تغذيه وانهيار عصبي ليش
كتله ليضل بالك مسئله عاديه راح تنحل عن قريب ليضل بالك
وكال لا مراح اسكت اخابر عمو ابو هشام ويكعد سامر وانتي ونعرف شنو المشكله وصلتج لهيج مرحله
كتله محاجه انكبر المسئله شي بصيط ونحله ماكو شي
ليضل بالك
وكال انشوف ليوين توصلين
ودخل هشام وراه عمار وجها اصفر وتعبان وكلي
ها شهوده حبيبتي بيج شي يئذيج شي
لازم ايدي وأيده الثانيه يمسح علئ شعري ويوخر كذلتي من وجهي
كتله لا مابيه شي والله ليضل بالك
وكلي خوفتينه عليج
كتله حبيبي مابيه شي وباس راسي وهمس أبئذني وكال مراح اسكتله اخلي يبطل عصبيته
وكتله ماشي هوه عباله بس عل عصبيته لو يذري ماد أيده عليه لعد شيسوون بيه
وشويه انفتح الباب ودخل سامر وسلم وأجه عليه
وكلي ها شهد اشلون صرتي الحمد الله علئ سلامتح
كتله ابصوت مخنوك ومقهوره الحمد الله الله يسلمك متئذيه من شي
كتله جسمي تعبان واحسه ثكيل
وكلي ان شاء الله مابيج شي وتطلعين بس اتخلصين المغذي
وكتله اي
وكلي الحجيه اتريدج ضل بالها عليج رادت تجي وما خليتها كتلها اروح اشوفها واجيبها وترجع ويايا
وكتله اريد اضل ابيت اهلي لان تعبانه وحسام كال
مترجع شهد ويااك اله يجي عمو ابو هشام ونفهم شنو شغلتها ونشوف ترجع لو لا
وكال سامر
ليش اتكبرون المسئله ماكو شي خلاف بصيط واحنه انحله
حسام كال
الخلاف بصيط هيج يوصلها لهاي المرحله
كال سامر
هيه امتعبه نفسها طبعآ متاكل وصار عدها سوء تغذيه
وكله حسام
والأنهيار عصبي امنين اجاها
كال سامر
طبعآ اني كم مره حذرتها من اصير عصبي لتبقين يمي ولتسئلين ولتلاسنين طبعآ هيه ولاكئنما اتعاند كلش ومن احذرها من موضوع متسمع الكلام اتضل اتعيد بي
وحسام كال
وتوصل لهل درجه هذا حالها لتقنعني اله صاير شي اكبر
وعمار كال
سامر تعال اريدك ابموضوع
وطلعو عمار وسامر ونداريت علئ نسرين سئلتها اشلون جابوني وكالت اني اجيت عليج للغرفه وشفتج نرمتج فوضويه وجهج بي دم يم خشمج ووجهج اصفر وكمت اصفك علئ وجهج ماكو متصحين وصحت للولد اجمي كالو انوديها للمستشفئ واني لبستج وعمار خابر السامر وكله شهد موزينه راح انوديها للمستشفئ وجبناج وفات
سامر بيده التليفون خاله علئ اذنه وكال هاي ويااج كتله منو كال
الحجيه
عصام وحسام طلعو بقو سامر ونسرين وحجيج وياها وسلمت عليها وكالت
سامر ماخلاني اجي اشوفج كال راح اجيبها من تطلع من المستشفئ
كتلها اني ما ارجع تعبانه حيل
وسامر صاير عصبي يباوع عليه ابخزر واني هم رفعتله حاجبي ماعاجبني تصرفه وهوه يضوج من هذا تصرفي
وكالت يمه ارتاحيلج كم يوم وتعالي
كتلها ان شاء الله وكالت
من يجي الحجي اجي ويااا
كتلها عمه لتعبين نفسج مابيه شي انتي تعبانه وكالت
لايمه اجي
وكتلها ابراحتج وسلمت وسديته
باوعت علئ سامر مقهوره منه حيل علئ مدت أيده قهرني كلش يعني يمد ايده وبعدين يكول اني عصبي لتضلين يمي من اصير عصبي حسيت علئ عصرت ايدي نسرين تحجي وياا سامر وتكله
خليها ترتاح كم يوم وهوه يكول لا اهناك هم ترتاح وكلت النسرين اريد اروح البيتنه ارتاح ابغرفتي
واتقرب يمي وكال ليش مترحين ويايا ليش
كتله الميريدني اني هم ماريده علئ شنو اروح ويااك عل قهر لو الزعل لو المغثه لو علئ السالفه الجديده اتمد ايدك عليه علمود نور لو علئ حبك الي اني بس اريد اعرف شنو معنئ زواجنه ليش ارجع ويااك انته مو متريدني انته موكلت اذا متروحين ويايا بعد ما اجي عليج انتي ترجعين لحالج
هوه ساكت بس صاير عصبي وكال شهد ترجعين ويايا يعني ترجعين كتله
ما ارجع وعلئ فكره راح اكول لخواني انته مديت ايدك عليه علمود ماضيك الوصلنه لهل حاله وشتتوقع اخواني يرجعوني وياك لاعيني مايرضون علئ زعلي ويكون ابعلمك خاف عبالك احبك وعلئ كلمه وحده استرخي لا عيني ما ارجع لويجي ابو الحب ما ارجع
وهوه بين اليضحك وبين العصبي
كال ترجعين شهد ترجعين
ماارجع سامر ما ارجع وكمت ابجي سامر انته صدمتني ابتصرفك عصبيتك اتحملتها بس مال اتمد ايدك عليه لا هاي ما اقبلها لان اني عندي اخوان وكال
شهد كافي لتبجين اني كم مره كلتلج لترخصين دمعتج كافي
وسكتت اشويه اجتي الدكتوره وكالت تكدرين تطلعين ووخرت المغذي خلص ووخرت الكانونه وبدلتلي نسرين وكملت اجه عمار وكال يلله عمار طلع كال راح اروح للسياره لتتئخرون ونسرين لمت الغراض وسامر اجه عليه وكلي يلله شهد كومي نطلع
وكمت مشيت للباب وحسيت دفو علئ ايدي هلكد ايده حاره وشبكها حيل وكفت وباوعت عليه وكلي
يلله امشي
كتله اكدر امشي
كلي علمودج خاف توكعين لان بعدج تعبانه
وكتله ليش منو سبب تعبي منو وصلني لهل حاله
وكال
شهد امشي انروح للبيت نحجي
وكتله ماشي وقربني عليه حيل وحط ايده وره ضهري
وسحبني عليه اووف مشتاقه العطره واتنفس ابصوت حتئ اشبع من عطره وهوه حس عليه وكلي
مشتاقتلي
كتله لا
وكال لعد ليش تتنفسين عطري
باوعتله وكتله ليش حتئ النفس اتحاسبني عليه ونمشي ونسرين كالت شو عفتوني
وكاللها سامر لان شهد تعبانه كلت اوصلها للسياره
ومشينه طلعنه من المستشفئ جاب سيارته وعمار ينتضرنه ابصف سياره سامر ونسرين كالت روحي شهد اصعدي وياا سامر واني ويه عمار بلكت تتفاهمون وكتلها لا اروح ويااج خاف ياخذني البيتهم وضحكت وهوه يدك هورن ونسرين راحت ويه عمار واني صعدت ويه سامر وسديت الباب اضوج من سيارته مضلله الباب ما انسد زين وهوه اتقرب عليه اكثر واتنفست من عطره  وسد الباب گلبي احسه راح يطلع من بكانه من قربه عليه وغمضت وحسيته باس خدي وكال
الحمد الله عل سلامه
واني ومغمضه كتله امممم ورجع باس خدي مره ثانيه وكال
اول مره امد ايدي وأخر مره وبتعد
واني فتحت عيوني مليانه ادموع ونزلن ادموعي وانداريت عل جامه واعض ابشفتي اريد اكتم بجيتي وحرك السياره
وكال بس انتي لتعصبيني ولتلحين وانتي تعرفيني عصبي
وكتله امم ماحجيت وياا ضلينه ساكتين فتره واني من ابجي لو اتوتر افرك بيدي
وحسيت اخذ أيدي بيده
كال ارتاحي اشويه وكلشي ننسه
وانداريت عليه كتله كلشي اكدر انسه بس مدت ايدك ما انساها احجي وصوتي مخنوك من العبره لبصدري ما اتوقعت هيج تتعامل ويايا توصل اتمد ايدك وتتعامل ابهذي الطريقه وعلمود ماضي ونداريت عل جامه وسمعت كال
هلو ابو عبدالملك احنه اشويه نتئخر ليضل بالكم واني انداريت عليه
وكتله ليش اني ماريد اروح ويااك اريد ابيت اهلي ماريد ارجع باوع عليه ورجع كمل طريقه وضلينه ساكتين وره اشويه وكفنه
يم منتزه وضلينه ساكتين دقايق واني اباوع من الجامه
وأخذ أيدي وكال
شهد شنو التردينه انتي
واني عيوني غوركت وكتله ابصوتي مخنوك ماريد شي منك بس الأمان
بس أئمآ حياتي واستقر جنت اكول انته اماني بس حتئ انته بعد ما أمن يمك لأن السويته مراح انساه اني اريد أحس عندي عائله حالي حال المزوجين اشوكضيت حياتي بس حرمان من اني وصغيره انحرمت من ماما وبابا وصارت احداث وضروف اني موكد حملها وكبرت وكلت اعتمد علئ نفسي وأكتفيت بس ابدراستي وحتئ اعتكفت نفسي والحمد الله كملت دراسه وردت اتصير عندي عائله اصغيره واهتمام وزوج يعوضني عن كلشي الفات من عمري بس شنو زوجي زيد همي وخذلني وقهرني ابتصرفه زوجي اشكد راح اتحمل تعامله اصلن صارلنه عشر ايام من زواجنه ومد ايده عليه وشلون وشبقيت الباقي ايامنه الجايه سامر اني ما اكدر اكمل انته متحس الدا حس بي اني سامر خذلتني اول ليلة عرسي صدمتني ابسبب نور وهسه هم ابسبب نور لشوكت اكدر اتحمل زوجي باله مو يمي يم الماضي 
سامر اني متندمه علئ زواجي ما اعتقد اكدر اكمل حياتي ويااك لان انته دتحسسني مان عليه وجودي يمك لان انته مجبور علئ هذا الزواج
ونداريت للجامه ابجي وعض ابشفتي واعصر أيدي واجر نفس قوي حباب رجعني للبيت ترئ تعبانه
وشوفلك حل
شهد شنو هذا الكلام ما اكدر اعوفج ما اكدر
وكتله ليش متكدر كال
الغرفه وحشه بدونج وشكول للعالم ماصارلي عشر ايام من اتزوجت ونريد ننفصل
لا شهد ما اكدر
كتله سامر حتئ لو ما انفصلنه لتتوقع ترجع شهد القديمه
وكال ماشي شهد وحرك السياره وكال شهد اني ما اكدر ننفصل
كتله ليش
كال لان اني
كتله ليش
كال لان اني ماريد احد يحجي عليج ويكول ليش انفصلت وماصارلهم عشر ايام من زواجهم شهد العالم ترئ ماترحم وتكوم اتحط لحمر ولصفر
وكتله يعني شنو وجر نفس وكال
يعني العالم اتكول خاف احد ماخذ برائتج قبلي
وكتله سامر اني معليه بل عالم اهم شي راحتي شيردون يحجون خل يحجون اهم شي راحتي
وكال ليش مامرتاحه يمنه كتله لاموهيج الحجي
بلعكس كلش حلو يمكم وحسيت ابشعور العائله الكامله وخاصتآ عمه وعمو ما امقصرين ويايا بس اني ما اكدر اكمل ويااك ما اكدر اعيش علئ وهم وشنو راح يكون مستقبلي سامر انته ذليتني ليش دائمآ اتكولي علمود عمو اني قبلت بيج اني ماريدج مان عليه ابهذا الشي ترئ اني حالي من حالك هم ماجنت امفكره بل زواج وبعدين اقتنعت وكلت يجوز راح يعوضني اني اعرفك انته عصبي وكلت يجوز راح تتغير بس انته مراح تتغير راح تبقه علئ هذا حالك لاكاسب راحتك ولا امريح المقابيلك وكال
شهد اني متفق ويااج من البدايه كتله
ماشي سامر هاهيه بعد كلمآ يعرف حدوده وراح ابقه ابيت اهلي وكال
لا شهد متبقين تروحين ويايا خل نتفق من جديد نرجع سوه وخليها اتعدي كم شهر او سنه اذا تردين ننفصل ماشي
وكتله ماشي وكف يم سوبر ماركت وجاب علاكه طلع منها مي وكلي
بللي وجهج واشربي مي وهاي
هاي الحلوياات الج والجهال
كتله شنو حاسبني جاهله وياهم وضحك
وشربت مي كتله جايب نمبر وان كال اي
وطلعت وحده اكلتها كلها
وكلي ابد متشتهين
وكتله نسيتك والله لان جوعانه صارلي اهواي مماكله وطلعت وحده ثانيه وقدمتها اله كتله هاك اكول كال ماريد
كتله بس اشويه كال
ماحبها
كتله لعد ليش جبتها اذا متحبها كال
لان انتي اتحبيها
كتله بس اشويه ضوكها وباوع عليه ورجع باوع للطريق
ورجعت ايدي ونداريت عل جامه وأكلت من النستله وحسيت اخذ أيدي البيها نستله
وكلي علمودج راح اكلها ولو ماحبها بس الخاطرج واكل منها وطبك علئ صفحه
وكلي هممم طيبه والله وبقه كامش أيدي ورجعها أيدي بعدهي بيده
وكلي اكلي لو اتكش نفسج لان اكلت منها
وكتله لا عادي ووكلني النستله
وكلي شهد ترجعين ويايا اليوم
كتله ما اعرف
وكلي لازم نرجع اليوم لان علمود المكتب
وكتله ما اعرف ودنكت راسي اتلافه نضراته لان احس اضعف كدامه واني اخذت قرار بعد راح ابتعد من سامر خلي يعيش أبووهم الماضي وحسيت علئ ايده رفع وجهي بيده وكلي شهد ومسح علئ شفتي بأصبعه واني ضميت شفتي للداخل خفت من هذا الشعور ماريد اضعف ورجعت راسي ليوره وكتله سامر احنه اتفقنه انحط حد بيناتنا وننتبه التصرفاتنا واذا اتريد ارجع ويااك اليه شروط وكلي
اشبيج شهد شنو خفتي مني ترئ شفتج مدمره ككاو مال نستله وردت امسحها
وكتله صدك مدمره شفتي ككاو
وكلي هاج ومسح شفتي بأصبعه وكلي
شوفي
وكتله امممم ومسح بل اكلنس وكلي
أي شهد وحرك السياره وكال
من ترجعين شنو شروطج كتله من نوصل البيتنه اكولك وهسه من نرجع البيتنه شنكول لخواني كلي
كولي مابيناتنه شي مجرد سوء تفاهم وحليناه
وكتله مايقتنعون كلي
اني احجي
وكتله ماشي ووصلنه للبيت وسلمنه وكعدنه بل استقبال وكال عمار اي احجو شنو سالفتكم شكو اشصاير بيناتكم ووصلت شهد لهاي الحاله وكال سامر
سوءفهم بيناتنه وحلينا وماكو شي بس تعرف انته ابشهد تتئثر علئ اي شي وهسه ماكو شي بيناتنه
انته تعرفني عصبي وضغوطات من الشغل واني امحذر شهد كم مره كلتلها من اصير عصبي عوفيني وكال عمار اني اعرف شهد متوصل لهل حاله علمود انته عصبي
وكال سامر صح كلامك اكو شي صار بيناتنا
واني كمت كلتلهم اريد اصعد فوك لان تعبانه
وكال سامر لا شهد خليج ويانه حتئ الكلام يصير كدامج وكدام عمار
وكعدت وكال سامر ابيوم العزيمه الصبح من طلعنه من البيت صعدنه بل سياره مشينه مسافه اصغيره وشفنه طفل اصغير يبجي امتيه اهله ونزلنه اني وشهد عليه اخدنا نحجي وياا مافهمنه منه شي بس يبجي وشفنه مره من بعيد تبجي وشافتنه واجتي اخذته وراحت وهاي المره هيه نور نور حبيبتي وهيه لحد الان بعدهي عايشه ابداخلي مافد يوم نسيتها وماطلعت من بالي والطفل طلع ابنها وصعدنه بل سياره وصار كلام بيناتنه ووصلنه البيتكم ووره الغده من صعدت فوك وصار كلام بينه وعصبت وجرحت شهد بل كلام و
اني قاطعت سامر بل كلام واتزاعلنه ووصلت لهاي الحاله وكال عمار
شوف سامر اني طبعآ حسيت اكو فد مشكله بيناتكم واني اعرف شهد من شكلها اذا صاير شي بيها فماحبيت اتدخل بينكم بس مو توصل لهل حاله ولتخلي الماضي يئثر علئ مستقبلك نور بعد صارت ماضي ومثل ماكلت عدها طفل يعني هاهيه عاشت حياتها ولتخلي اتئثر عليك انته هم بعد اتزوجت وعيش حياتك
وكال سامر اي هسه حليناها واتفاهمنه وماكو شي بيناتنه وراح نرجع انروح للبيت
وكال عمار هاهيه لتشوفونه وانته هم خفف عصبيتك ترئ شهد طيبه وگلبها نضيف وتسامح ابسرعه صح هم تتهور بس اخذ منها گلب صافي
وكمت اني كللهم ارح اصعد فوك احضر نفسي وصعدت الغرفتي وكعدت عل جربايه وافكر ياترئ هذا قراري صح لو خطأ وقررت اخلي حدود بينه يعني كدام اعيالي عادي ك اي زوجين بس داخل الغرفه كلمن اله حد ونشوف ليوين توصل وكمت للكنتور حضرت ملابس وطبيت للحمام سبحت وطلعت شسورت شعري ولبست ملابسي مال طلعه ودامشط شعري سرحته واندك الباب وكلت اتفضل ودخل سامر وسد الباب واجه اتقرب يمي صار قريب كلش وجهي مقابيل صدره ودنكت راسي ورفعت شعري وره اذني ومد ايده رفع راسي باوعت بعيونه وكال ليش قاطعتي كلامي ماخليتيني اكول العمار مديت ايدي عليج
واني نزلت عيوني غوركت وكتله ماريد يعرفون وماريد ينضرولك ابغير نضره ومشيت خطوه من يمه ماريد اضعف كدامه من يكون قريب يمي اضعف وكمش ايدي ورجعني مقابيله ودنكت راسي ورفع راسي بيده ورجع شعري وره اذني انزل عيوني اتلافه نضراته لان احس اضيع من قربه يمي وكال
اي شهد شنو شروطج كتله
كلمآ يخلي حد النفسه ونمشي علئ الاتفاق داخل الغرفه وخارج الغرفه عادي ك اي زوجين ومد ايده اتلمس خدي وكال
اني ابد عمري وحياتي ماكايل كلمه أسف بس اكولج بعد متتكرر ودنك علئ وجهي صار قرب من خدي راد يبوسني ووخرت منه وكتله
سامر اهم شي اتفاقنه ما ريد انخالفه كل واحد اله حدود لحد مايخلص سنه وننفصل وكلمآ يمشي ابطريقه وكال
ماشي شهد
وانداريت لميت شعري وهوه راح للجربايه واني لفيت الشال وكتله كملت وكال
ننزل انروح كتله
اي ونزلنه وسلمنه وطلعنه وصعدت بل سياره ماحجينه شي ضلينه ساكتين ومشينه مسافه ووكف يم سوبر ماركت ونزل جايب وياا علاكت حلوياات وبطل مي وانطانياهن وانطاني علج سهم واخذت منه حتئ ماتلعب نفسي وانداريت عل جامه ومشينه الطريق كله ساكتين ومشغل اغنيه ناصيه يكسر الصمت البينه ووصلنه ونزلنه وطبينه جوه سلمنه عمه اتحمدتلي بلسلامه وزوجه هشام وعمه سئلت علئ اهلي وكعدت ارتاحيت واترخصت منهن كتلهن تعبانه بس ارتاح وانزل وكالن اخذي راحتج وصعدت فوك للغرفه طبيت امرتبه كلش وذبيت غراضي يم الكنتور ورجعت عل جربايه وفليت الشال وفليت شعري ومددت عل جربايه حتئ مابدلت رحت علئ بكاني نمت وضعيت الجنين وحضنت المخده ونعست حتئ ما اتغطيت اشتم عطره علئ المخده وحضنتها حيل وكلت راح اكدر انسه كلشي وعيوني ثكلن حسيت يريد ياخذني النعاس وانفتحت الباب واني علئ وضعيتي ماكمت ولا انداريت نعسانه كلش وتعبانه حسيت خطوات قريبه مني بس مافتحت عيوني وشميت عطره قريب عليه وغطاني وكلي
شهد بيج شي موجوعه ليش هيج نايمه حتئ ما امبدله ملابسج كتله
سامر تعبانه اريد انام وكال
متاكلين شو انتي لاريوك ولاغده اجيبلج شي تاكلينه كتله
لا اريد انام وكلي
ماشي وراح للحمام ونمت حسيت علئ سحبت الديباج يريد يتغطه ونام واني هم نمت وحسيت يكعدني يكول كافي نوم شهد كومي بس اكلي وارجعي نامي وكتله
اي راح اكوم وكمت رحت للكنتور طلعت ملابس وفتت للحمام غسلت وبدلت لبست دشداشه لون وردي فاتح ساده بيها تطريز خفيف ذهبي وطلعت شفته متمدد عل جربايه وامبدل ملابس مال بيت ورحت للميز ومشطت شعري ولميته وحطيت شال علئ راسي هيج بس شكل
ومشيت يم الباب اريد انزل وكال سامر
شهد عندج غير دشداشه كتله
ليش اشبيها كال طالعه حلوه بيها كتله
شكرآ بس اني عاجبتني وكام من الجربايه واجه يمي كال شنو مراح اتبدليها كتله لا حلوه مابيها شي ترئ مو ضيكه وكال هااا ماشي ومشيت دا اطلع ولزم ايدي وكال ننزل سوه وانداريت عليه كتله موضروري هاي لدراما اني اندل الطريق وكال
شهد مو لزوم هذا الحجي اشبيج كتله
مابيه شي بس ماريد تلزم ايدي ووخر ايده وكال
اي ماشي ونزلت جوه للاستقبال كاعدين سلمت ورحت علئ عمو سلمت عليه بسته من خده وكعدت يمه وسئلني علئ صحتي وعلئ اهلي وكتله الحمد الله زينين وره اشويه فات هشام وسلم عليه وكمت اني رحت للمطبخ اساعد زوجه هشام بل عشه وماقبلت كالت انتي مريضه روحي ارتاحي كتله لا مابيه شي خليني اساعدج حتئ انته مرضي اذا اضل كاعده راح اضل مريضه كالت
ماشي عليج التمن واني عليه المركه باميه كتلها ماشي رحت نكعت تمن وكليت الشعريه وكعدنه انسولف اشويه وكمت سويت التمن وهدرته المركه بعد اشويه تستوي رحت سويت زلاطه حطيتهن بل مواعين وطرشي ولازم اي وجبه اتكون التبوله موجوده اذا ماكو سامر يكوم يحجي وكملنه العشه صبينه واجه وسام يشيل بل مواعين وراحت امه واني خدرت جاي جديد ونصيته حضرت لكوابه بل صينيه واجه سامر كال
شهد شنو متجين تتعشين كتله
هسه اجي بس اخذ ويااك المي وراح هوه واني رحت غسلت ورحت دخلت يمهم وعمو كال تعالي بنتي وكعدت يمه اكول علئ كيفي وهوه يفلسلي لحم وكتله عمو ماحبه ماريد اني اكول انته وكال اكلي بنتي شوفي نفسج ترئ حيل ذبلانه انتي كتلع
تعبانه اشويه وكملنه العشه وشلنه المواعين وغسلت المواعين ويه زوجه هشام وكالت راح اروح ابدل واجي بس اذا تكدرين صبي جاي كتلها ماشي وراحت واني صبيت اخذت الجاي وفتت للأستقبال وسامر كاعد يم الحجيه وزعت الجاي وكعدت وكال سجاد عمه شهد اتحليلي هاي المسئله مال انكليزي لان ماما ماعرفتله كتله جيبه وكاعده عل تخم واجه يمي وكعدنه انحل واعلمه اشلون انحلها وعرفلها وكتله هسه فهمت حبيبي كال اي عمه كتله
عفيه بل شطور وباسني وكال
شكرآ كتله
العفو حياتي وباوعت علئ عمه وسامر يشاورها وتضحك ابصوت ناصي وباوعت علئ سامر ورفعت حاجبي وكمت شلت لكوابه ووصلت يم عمه وعمه كالت فدوه بعد ارويحتي تعبتي كتلها لا عمه تعبج راحه وشلتهن ورحت للمطبخ غسلتهن لكوابه وردت اطلع واجه سامر كال
رايح للمحل تردين شي
ودنكت وكتله لاماريد وراح
ماريد اباوع بعيونه لان اخاف اضعف ابنضره منه واريد اعيش دور التجاهل مااريد اتعلق احسب للبعدين حتئ اتعود علئ افراكه وطلعت من المطبخ وكعدت يم عمه وكلتلها عمه لعد ليش اتباوعون عليه وتضحكون وضحكت وكالت سامر يكول اذا اطلع وياها هسه عبالهم بنتي شوفيها ابطول سجاد
وكتلها يااا عمه اتعيبون علئ طولي وضحكت وكالت مو اني هذا سامر
واجتي زوجه هشام وكعدت يم هشام والجهال يلعبون يمهم كاعدين لمه عائليه اشكد حلوه هيج كعده
اباوع عليهم ودنك راسي وهشام يشاور زوجته وهيه تضحك وباوعت عليه ابتسمتلها ودنكت راسي افرك بيدي واجه سامر جايب كرزات وحلويات لجهال خلاهن يم الحجيه ورادت اتكوم زوجه هشام وكتلها اني راح اصب وكعدت وكمت اني رحت للمطبخ مقهوره شيصير لو حياتي اتصير حلوه ونفتح صفحه جديده وغوركت عيوني ونزلت دمعتي ومسحتها وتنزل الثانيه ومسحتها ابطرف ايدي واخذت مواعين الكرزات داحضر بيهن وحسيت احد وره ضهري ومسحت وجهي بيدي ولزم ايدي وكال
شهد بيج شي وجريت نفس وكلت
لا مابيه شي وكال
شو باوعيلي ودارني عليه ودنكت راسي ورفع راسي بيده واتلافه نضراته وكال
ليش دتبجين كتله ابصوت مخنوك لاما باجيه ومد ايده علئ خدي مسحه واتلمس ارموش عيني وكال
اذا ماباجيه ليش رمشج امبلل ودنكت وكال شنو التردي شهد كتله
ماريد شي واختنكت احس الغصه وكفت ابلعومي وكال شهد
وكتله سامر ضايجه حيل ما اعرف ليش وكال
نطلع اشويه نفتر بل سياره كتله
ماريد وكال لعد شتردين كتله
ما اعرف ولزم ايدي وعصرها اني امدنكه راسي وكال اوديج اتروحين لهلج ورفعت راسي وكتله
صدك كال اي والله كتله
لا ماروح زحمه من عمو وعمه اليوم اجيت من بيت اهلي وارجع لاماريد وكال
لعد شتردين وهزيت راسي وكال
لعد كافي لتبجين وعدل شالي ولزم وجهي بثنين أيديه وقرب وجها من خدي يريد يبوسني وكتله
سامر حطيت ايدي علئ صدره ابعده مني وكتله سامر لتصعبها عليه ووخر راسه وخر ايده من خدي وكال امممم ماشي ورجع مسافه مني وكال
ينتضرونه جوه وكتله
ماشي ورحت غسلت وجهي بل مي بارد  واخذت الصينيه والمواعين الكرزات وطبيت وكعدت يم الحجيه وجهزنه الكرزات كلمن وعائلته وزعناهن عل عدد عمو وعمه ابماعون تشكيله كامله  وهشام وزوجته ابماعون تشكيله كامله وجهالهم سويه ابماعون تشكيله كامله واني وسامر هم تشكيله كامله وسامر طلع فلم اجنبي رعب ومندمجين والجهال يعيطون يخافون وانتبهت علئ عمو وعمه مو ويانه عايشين ابغير عالم ويسولفون ابصوت ناصي ويتهامسون ويضحكون وعمو يوكل عمه وعمه هم اتوكل عمو بس عمو يعظ اصبعها ويغمزلها وتضحك واني علئ ضحكهم وحركاتهم ابتسمت وانتبهلي سامر اضحك عليهم وغمزلي سامر وكال

للحكايه
لتحكمون ع الروايه من بدايتها

اتركو أثرآ جميلآ

للحكايه بقيه

لتنسون. التصويت ⭐ والتعليقات 🌹