Don't be Stubborn ! Baby

Part-23

*Po...ထတော့လေ *

Apo သူ၏ အသိစိတ်ထဲသို့ တစ်စိမ့်စိမ့်ဝင်လာသည့် မနက်ခင်း၏ လေပြည်လေးလို နူးညံ့ကာ အေးချမ်းသည့် အသံကြောင့် အိပ်နေရင်းပင် အသာပြုံးကာ တစ်ဖက်သို့ လှည့်ကာ ပြန်အိပ်လိုက်လေသည်၊၊ ကြည့်ရတာ သူ့ကိုယ်သူ အိပ်မက်ပင်လယ်ထဲ၌သာ ရှိသေးမှန်း ထင်နေပုံရလေသည်၊၊

*8 နာရီ ကျော်နေပြီနော် ကောင်လေး ...*

ထို့အပြင် သူ၏နားဖျားလေးထက်သို့ မထိမထိ လာလုပ်နေသော ခံစားမှုလေးကြောင့်ပါ Apo သူ၏ နားဖျားလေးကို လက်နှစ်ဖက်နှင့်အုပ်ကာ ကာထားလိုက်လေသည်၊၊ ထိုအခါ သူ့အား စနောက်နေသည့် P'Mile ဟာ သူ၏ နှာဖူးထက်သို့ အနမ်းတစ်ခု ခြွေလာလေသည်၊၊ ထို့နောက် နှစ်ယောက်သားလုံး အချင်းချင်း လုံးထွေးကာ မလွတ်တမ်းပင် စနောက်ရင်း ရယ်မောရင်း ရှိနေကြလေသည်၊၊

*အော် ဒီကလေး ကောင်းကောင်း နှိုးနေရင် မထဘူး *

ဖြန်း!

*အား!*

ရုတ်တရက် ကြည်နူးနေသည့် သူ၏ အိပ်မက်ဟာ တင်ပါးထပ်မှ စူးကနဲ နာကျင်သွားသည့် ခံစားမှု တစ်ခုကြောင့် ချက်ချင်းပင် မျက်လုံးအစုံကို ဖွင့်ကြည့်လိုက်မိလေသည်၊၊ သို့သော် သူ့အား ကလူကြည်ဆယ်နေသည့် P'Mile အစား သူ့အား ကုတင်ဘေး၌ ခါးထောက်ကာ ကြည့်နေသည့် P'Mile ကြောင့် Apo သူ့ခေါင်းသူ ကုပ်ကာ မျက်နှာကလဲ ရှုပ်မဲ့သွားလေတော့သည်၊၊  အားကစား ဝတ်စုံနှင့် ချွေးအနည်းငယ် စို့နေသာ ပုံစံကို ကြည့်ခြင်းဖြင့် အခုမှ အားကစားလုပ်ပြီး ပြန်လာမှန်း သိသာပေသည်၊၊

*ခေါ်နေတာ ငါးမိနစ်လောက်ရှိပြီ၊၊ ဘာအိပ်မက်တွေများ မက်နေလို့ ဒီလောက်တောင် ပြုံးနေရတာလဲ *

Apo အစကတော့ အိပ်မက်ထဲမှာ ကြည်နူးနေပေမယ့် သူ၏ နာကျင်သွားသည့် တင်ပါးလေးအား အသာပွတ်ကာ သူ့အရှေ့ရှိ လူကြီးအား စကားအကောင်း ပြောချင်စိတ် ရှိမနေတော့ပေ၊၊

*အိပ်မက်ထဲမှာ ကျွန်တော်က P'Mile ကို Top နေတာတဲ့*

ပြောပြီးတာနှင့် Apo ခပ်ဆိုးဆိုးလေး ပြုံးပြလိုက်လေသည်၊၊

ထိုအခါ P'Mile ဟာ သူ့အား ကြည့်ကာ ဟက်ကနဲ ရယ်လာတော့သည်၊၊ ထို့နောက် ရပ်နေရာမှ သူထိုင်နေသော ကုတင်နားသို့ တိုးကပ်လာကာ ရယ်ရိပ်သန်းစွာနှင့်ပင် သူ့၏ နဖူးလေးအား လက်ညှိုးနှင့် လာတောက်လေသည်၊၊