KRISTINE SERIES 26: Trace Lavigne (COMPLETED)

CHAPTER 12

THAT was Kurt. Nag-echo ang tinig nito sa buong kabahayan. While Jade gasped in an unladylike manner.

Sa kabila ng kapagurang nararamdaman ni
Trace, hindi niya maiwasang maaliw. Sa kauna-
unahang pagkakataon ay nagulantang si Kurt La Pierre.

If this wasn't a day for celebration. One of the
best agents/assassins in his time was rattled and shocked. Why, the man was getting older!

"Small world, Kurt. Hindi ko alam na miyembro
ka ng pamilyang ito," He gave him a thin smile.

"Jade's my cousin." Si Jessica ang sumagot, na
tulad ng mga pinsan ay namangha rin na may ilan sa pamilya nito ang nakakakilala kay Trace.
"Her mother..." Nilinga nito si Emerald, "and my mother are sisters. So, magkakilala kayo?"

"I want an explanation, Trace," ani Kurt na agad nakabawi. The dangerous and killer stance that was so familiar to Trace took place. "I don't believe you and Jess have met before today."

"Don't bother explaining," ani Aidan sa kanya,
sa halip ay hinarap nito si Kurt. "Ikaw, Kurt, ang gusto kong magpaliwanag kung ano ang kinalaman mo sa pagpapakasal ni Jessica sa lalaking ito? Sa pamamagitan mo lang maaaring makilala ni Jess ang taong ito."

"What made you say that?" halos magkasunod
na tanong nina Jessica at Lenny.

Trace and Kurt stared at each other. Maliban
dito at kay Alvaro Navarro ay walang nakakaalam sa katauhan ng tatlong nagligtas kay Nayumi Navarro sa tangkang pagkidnap dito may ilang taon na ang nakalipas.

At nang magpakasal sina Ivan at Nayumi ay
nanatiling lihim ang dating trabaho ni Ivan. Pinanatili iyong lihim para na rin sa kaligtasan nito at ng pamilya Navarro. At wala ring dahilan upang malaman ng mga ito ang pagkatao ni Trace.

Pero hindi sumagi sa isip ni Kurt na maaaring
kilala ni Aidan si Trace. Maaaring hindi sa personal na paraan. Aidan had joined the SEAL when he was barely a teen. At nang pumasok sina Ivan, Trace, at Brad, nasa Pentagon na si Aidan. At sa maikling panahon na nasa Pentagon ito, he was one of the best agents.

Yet Kurt hadn't prepared himself that Aidan might have known The Condor. Especially The Condor. Among the three, si Trace ang tumatanggap ng assignment na pag-iisipan ng maraming tauhan ng agency kung tatanggapin o hindi. Assignment na alam ng lahat na maaaring hindi na makababalik nang buhay ang isa.

Maliban kay Kurt at sa pinuno ng Agency, walang nakakakilala sa tunay na pagkatao ng
Condor. Not even Ivan and Brad. Para sa dalawa, Trace was Trace and a comrade. O marahil, kung may hinala man ang dalawa ay hindi ipinahihiwatig ng mga ito ang kaalamang iyon.

"He's one of the three, isn't he?" Aidan broke
the silence as if reading their minds. "And the son of a bitch married my sister!"

Mahigpit na ikinuyom ni Trace ang mga palad
sa magkabilang tagiliran upang pigilan ang pag-alpas ng galit. Lihim niyang ipinaaalala sa sarili na kapatid ito ng asawa niya. At iyon mismo ang ibinabala ni Jessica sa kanya-kung kaya niyang harapin ang pamilya nito.

"What is going on?" tanong ni Lenny.

Kurt cleared his throat and was about to speak. Subalit inunahan niya ito. "Kurt's a former comrade. And that's all you have to know," Trace said with a finality in his voice. Pagkatapos ay inilipat ang mga mata kay Aidan, naghahamon na dagdagan nito ang
sinabi niya. Nakita niya ang pagtiim ng mga bagang nito at pagkatapos ay umiwas ng tingin.

"Oh, god," mahinang ungol ni Jessica kasabay
rin ng mahinang singhap ng mga babae. Umatras ito at naghanap ng mauupuan. Inalalayan ito ni Emerald patungo sa pinakamalapit na sofa at naupo sa tabi nito.

Ang sindak at pagkamangha sa mga mukha ng
pamilya ni Jessica ay halos katawa-tawa. Lalo na ang mga lalaki. Trace bet that it wasn't all day that these men were rendered speechless.