جار الضبع

البارت (13)

#جار_الضبع
بارت (13)بقلم يـاسـة

تمر في مخيلتي كــ قوس القزح
بعد ساعات المطر الطويله
فكيف لي أن اتقبل غيرك وهم في
نظري يا ابيضاً يا اسوداً عكس
الوان السعادة التي تمتلكها انتَ

ولا تبتعد
ياذيج كلماتك ترن ادفه بذكرهن بالبرد
يامن تسميني على بنتك من تكول بنيتي
ولا تبتعد اسهر وانطارلك عشگ
ومن كلمه من انسعد لا تبتعد

بقلمي يـاسـة

🌿🍃🌿🍃🌿🍃🌿🍃

مجرد ما سمعت طلب ساري لزمني مغص بــبطني
لا مستحيل اقبل وارجع اغلط من جديد مستحيل اتخيل نفسي ارجع النفس الشعور بقى يباوعلي منتظر مني كلمه ما رديت شي ولا نطقت حرف شلت جنطتني وگمت مشيت سريع وبدأ الشريط يمر عليه عبالك اليوم صار وياي الحادث

اني امشي سريع وهو يمشي وراي ويصيح بس دقيقه بس احجي وياج اخر شي اسرع بخطواته اكثر مني  ولزم ايدي وگفني

ساري--شفيج كلت شي غلط

جُمان--لا

--شنو إللي صار شوفي حالج راح اطيحين
جسمج يرجف

--بس اريد ارجع للبيت الله يخليك بعدين نحجي

--خليني اوصلج

--لااا اني ارجع شكراً الك

--حالتج تخربطت خليني اردج وعد ما افتح الموضوع معاج

سكتت ما رديت لان من جد ما اسيطر على نفسي بعد شلون ارجع الوحدي طلعنا للكراج كوه امشي اسحل بنفسي صعدنا بالسيارة اثنينا ساكتين
محد بينه يحجي لا هو ولا اني

بالنسبه اله تصرفي جان مبالغ بيه وما الومه حقه ما يعرف بشنو مريت وشنو عشت لو يعرف يمكن حتى ما يفتح الموضوع وياي اصلاً وصلني للبيت وراح بدون اي كلام حسيته نجرح ونحرج من ردت فعلي واضح عليه الرفض بس ما بيدي شي عليه جرحي اكبر من احراجهم و جروحهم
دخلت كبل الغرفتي بدون ما ابدل ملابسي فتحت الكنتور وطلعت تشيرته مشككته كله مابقي بيه غير شي قليل كل يوم اكص منه قطعه زغير اتخايله هو واكصه هاي المره ما گصيت شي منه
اخذته ونزلت شغلت الطباخ وخليته فوك الطباخ
بسرعه گب وبدأ يموع فوك الطباغ اجت امي على الريحه والدخانه الصارت لكتني واكفه وصافنه على النار شلون تلهب بيه

صافية --شكو شديصير

ركضت على الطباخ طفته لگت التشيرت مايع
ما باقي شي منه

صافية--شنو هذا شكو جُمان شبيج ماما

جُمان--هيج جنت احترك اني هيج جانت تموع حياتي گدام عيني

تقربت مني رادت تلزمني رفعت ايدي بوجهها مانعتها تتقرب مني رجعت وكفت بمكانها وبجت

صافية--حرام عليج هيج تسوي كافي يا امي
جاي تموتيني وحدج احجيلي عوفيني اشاركج