جار الضبع

بارت (14)

#جار الضبع

#البارت(14)بقلم يـاسـة

هـلـي أنتم سبب حزني  عكس ما أريد تدعولي علگ مصلى طحت طيحت دمع على الگاع
محد گال الي  أسم الله

            🌿🍃🌿🍃🌿🍃🌿🍃

بدان -- حليانه وكبرنا صايرة جمال جمال

جُمان--شعندك جاي

بدان--مشتاقلج

--مصيبه جديدة صايره ولازم ادفع ثمنها مو

--صاير السانج طويل بس ميخالف احبو

--حبك ملك الموت ان شاءالله

ضحك بقهقها بعدها باوعلي وگال

--ما جاوبتي شرايج نعيد ايامنا الحلوة

--شكد اكرها 

حجيت هيج وبصقت بوجهه باوعلي وهو خازرني
ما حجه شي ولا تقرب مني مسح وجهه بطرف
ردنه وجهي الكلام بطريقه التهديد

بدان - -من عيوني الاثنين انطريني بس

لزمت ايد أجوان مشيت بيها سريع دخلنا للبيت نركض اول ما دخلنه امي حجت متفاجئه من شكلنه وركضتنا

صافية--شكو شبيكم

أجوان--هذا الكلب رجع اجه مره ثانية

صافية--منو قصدج

--هذا ابو المخدرات بدان

--وينه

--بره بــ الباب

امي لبست حجابها وطلعت على السريع تريد تشوفه شعنده جاي مدت راسها من الباب ماكو احد باوعت بالفرع ماكو اختفى رجعت دخلت بس شنو كلها ترجف من الاعصاب صارت بركان
لزمت تليفونها واتصلت على بابا اول ما رد هجمت عليه العياط و دعاوي بابا يسأل شكو وشكو
وهي ترجع تگله الله ياخذك شنو من مصيبه جديدة جايب وتريد توگع بنتي بيها اخر شي قفلته بوجه وطگت الموبايل بالگاع باوعت عليه شافتني واگفه بدون ردت فعل بس اتفرج اليشوفني يگول ما خايفه ولا هامها شي بس اني بداخلي ارجف خوف ارجف رعب دگات گلبي ما عدت اسيطر عليها اجت عليه لزمتني من ايدي وتحجي وياي تحاول تهديني

صافية --لا تخافين ماما اني يمج لو اعرف اموت  هالمره وما اخليج تسمعين كلمه وحده مو عاد ترحين وياه

حظنتها وبجيت

جُمان--ماما خايفه

صافيه -- لا تخافين اني يمج يله تعاي بدلي ملابسج وغسلي حتى تتغدين

بقت لازمتني من ايدي وتمشي بيه دخلتني للغرفه وراحت بدلت ملابسي وغسلت اديه ورجليه وجهي
وطلعت جسمي يتحرك بدون روح بدون شعور
ما عندي اي إحساس غير الخوف المسيطر عليه
رجعت دخلت مره ثانيه وگومتني حتى اتغده بدون ما احجي شي گعدت تغديت وشربت علاج ورجعت للغرفه مرت كم دقيقه واتصل مُلهم بسرعه رديت