جار الضبع

بارت (16)

#جار الضبع

بارت (16)

لياسة Yassah Yassah

الحديد وهو حديد بــ صلابته  وشدته
إذا ازدتت من طرقا سوف ينهار تتفتتا
فــما بالك بتلك الانثى وهي ارق حتى من النسمات

جبت عمري بتعب چا يمتى اضوگ الطيش
انه المبيوگ عمره بين البحله

        🍃🌿🍃🌿🍃🌿🍃🌿

سلمان --شجاي يصير هنا

جُمان--با بابا

تقدم علينه بخطوات بطيئه ونظرات طبيعيه بلحظه حسيته يعرف كلشي بس مغلس على الموضوع

سلمان--أستاذ مُلهم

مُلهم --نعم

--شتسوي بــ بيتي بهذا الوقت وانتِ الثانية أني الج تردين تصخمين وجهي فوگ هذا الاصخام

حجه هيج وجرني من شعري وضربني راشدي
مُلهم وگف بيناتنا ومنعه يتقربلي جرني من ايده وخلاني وراه ورجع يحجي وياه بابا بهدوء بصوت اشبه بالهمس

مُلهم--بس اطلع احجي وياك شويه

سلمان--ويننن اطلع ويننن والله اليوم اموتها انطينياها

--اول شي دنيا الليل والناس نايمه وصوت الليل مسموع نصي صوتك بدون فضايح

-- هي هاي تخاف من الفضايح  الس++ بت الكلب

--الهسع انه كاضب روحي منك لا تختبر صبري
واخبالي اطلع نحجي بره سلمان

--ما عندي حجي وياك عوفني عليها  هاي الكلبه

--تطلع لو انه اطلعك بطريقتي

بابا باوع عليه ورجع باوع عليه وطلع بدون كلمه وحده

ملهم --حبيبة عمري امشي بغرفتج وعوفي الموبايل يمج اذا صار شي ادكيلي انه اعرف مايصير بس ميخالف
تا اطمن

هزيت راسي ورجعت للغرفه سريع وقفلت الباب عليه و هو طلع وره ابويه بقو اثنينهم يحجون قرابه النصف ساعه بعدها رجع بابا دخل وسد الباب حيل بقيت بمكاني خايفه اتحرك ويروح  يضربني انتظرته يجي عليه  بس ما اجه ولا حجه وياي من سمعته دخل الغرفته غطيت نفسي وغمضت عيوني حيل بسرعه غفيت من الخوفه والتفكير
ثاني يوم مثل الايام السابقه لا اطلع ولا اختلط بيهم باقيه بغرفتي بس للحمام ومن رجعت تلاكه وياي ابوي توقعته راح يضربني لو يعيط عليه لو اي رده فعل منه تطلع لكن ما صار إي شي ولا عبالك شايفني تعداني وفات

اسبوع صار على جيت مُلهم بهذا الأسبوع رجع يتصل عليه ويحچي وياي ويجبرني اكل واشرب
وكل شويه يسأل شنو صار وليش هيج اختفيتي وليش هيج شكلج متغير ما احجي شي و من يشوفني ساكته يسكت ما يضغط عليه يوم يجر يوم واسبوع يجر اسبوع هو وياي وما تاركني هنا حالتي بدأت تتحسن شويه اكلي انتظم تحت أشرافه
نومتي رجعت طبيعيه جان مسوي الي جدول
للاكل والنوم ومستمر وياي بـــ التليفون
امي بقت مثل ما هي لا حاولت تخفف عني ولا حاولت تكسبني الها وتخليني احجي الها المريت بيه أبوي يوم بعد يوم يحقد عليه اكثر ويكرهني اكثر ما اعرف شنو الصار وليش هيج تغير عليه فجأة