جار الضبع

بارت (17)

صباح الخيرات عليكم واعتذر على التأخير
حبايب متابعة ممتعه لا تنسون تصويتكم وتفاعلاتكم الحلوة ♥️♥️

#جار_الضبع

#بارت(17)بقلم يـاسـة

أخاف التعود عليك واصحو على خيبت أمل

جنه مثل ماي وهواء حاله صداقه وحب سوه
وهسه اني واحد منهدم مفارگ حبيبه وصاحبه

🌿🍃🌿🍃🍃🌿🌿🍃

بس كمل كلامه رجع رفع الجامه دگيتها قوي اريد افتهم منه ما جنه يسمعني شغل ومشى على السريع أجوان لزمت أيدي ترجف باوعت الها ونزلت دمعتي يعني راح يصير بيها مثل إلي صار بيه

أجوان--يريد ياخذني سمعتي

جُمان--معليج بيه لا تفكرين بالموضوع ما يسوي هيج شي يكذب علينه

--شلون يكذب وهو سواها من قبل وياج جُمان
اني خايفه

حجت هيج وبجت ما بيدي شي اسوي عجزت
الكلب ابن الكلب يساومني بيها لزمت ايدها حيل ورجعنا للبيت نمشي سريع اول ما دخلنه أجوان شمرت نفسها بحظن أمي وماتت من البجي
هي تبجي واني ابجي وياها أمي حارت بينه ما تعرف شنو الموضوع اثنينا نبچي واثنينا نرجف من الخوف

عاد هي من حيرتها وخوفها گعدت حظنتنا اثنينا وشاركتنا البچيراخر شي أجوان حچت الهارهنا هي انهارت بقت ادگ راسها ملخت شعرها ضربت على صدرها الى ان فقدت تماماً حرنه بيها وما نعرف شلون نگعدها رگضت جبت مي وغسلت وجهها وأجوان رگضت على العطر تشمم بيها الى ان استعادت الوعي باوعت النه وفتحت اديها تأشر النه نروح بحظنها ركضنه اثنينا ودفنه راسنه بهذا الحظن إلي كل هم وجع الدنيه ينزاح من نغفه بيه

بقينه طول النهار و احنه وحده حاظنه الثانية ونبچي الساعه بالسبعه بــ المغرب انفتح باب الشارع ودخل أبويه گامن أمي وأجوان يرگضن عليه ويسألن خايفات وملهوفات أجه گعد ويباوعلي بكل نظره تگول مو بنته عدوته وكاتله اهله وهيج حاقد عليه

حجتله أمي كل شي صار بينه وبين بدان
ما نكر ورجع اعترف على أساس رايح يحجي وياه وبدان حابسه وباقي يساومه لو يزوجني اله لو يسلمه بيد الجماعة واليوم راجع جايه مره ثانية وگايل اله بعد ما اريد جُمان انطيني أجوان بمكانها
أمي لطمت على صدرها وأجوان بچت بصوت عالي
رجع باوعلي وهو يگول

سلمان --ما بيدي شي بابا مصيبه وگعت راسي
ماكو غير حل

أمي تخبلت وأجوان ملخت نفسها تملخ من البجي والعياط

--باجر يجي يعقد عليج انتهى الموضوع

صافية--اكتله واكتل نفسي والله

--شتردين اسوين سوي قررت وكل شي انحسم باجر العصر يجي يعقد على أجوان وخلي بنتج الغبيرة يفيدها الدلال