جار الضبع

بارت (18)

#جار_الضبع
بارت (18)بقلم يـاسـة

لسان حال مُلهم 👇

رجوت منها رفق حالي
فــا بادلتني بــ جرحُ اليم

حشاك من الخيانه التاهمك چذاب
بس مشگوگ ثوبك ليش من هدوك
ثمرة وعد فلح تقنعني ما مجيوس
إذا ما ما گاطعينك على الاقل كضوك

          🌿🍃🌿🍃🌿🍃🌿🍃

مُلهم -- شتسوين هين

جُمان--مشتاقتلك

--منهو جابج

--اني اجيت

--وحدج ؟

--اي

ضربني على راسي خفيف وگال

--العرامه شوكت تبطليها جُمان

--شمسويه

--وحدج تجين وتفوتين غرفتي يول شناويه انه رجال اصلي واصوم لا توازيني للطريق الغلط

--اي اصلاً انت شيخ جامع

--ههههه مشتاقتلي گلتي

--اي

حجيتها بقهر

--عجل انه ميت عليج

--احضني

--ههههههه شبلاج ادورين احضون يول منقصه حنان وانه وما ادري

--احبك والله العظيم

من سمعني حچيت هيج بسرعه غابت ضحكته وتحول شكله جدي ورد

--شنهو الموضوع جُمان

--ولا شي

--عجل شنهو إلي جابج وعش هذا الحچي

--بس اريد اشوفك

--متأكدة

--اي

--إحس ضامتلج شي گلبي تا يلعب منج

-- لا بس راسي يأذيني وتعبانه من ضغط الدوام

--اخذج للدكتور

--لا بس اريد ابقه يمك شويه

ابتسم وقلص عيونه يباوعلي بكل حب وراها گال

--تردين حضن

--اي

--غالي يابة والطلب رخيص انه هذا الطلب اناطرة ساعه ساعه تعالي

ضحك وفتح اديه إلي رحت شمرت نفسي بحظنه
لف اديه عليه  ودخلني داخل حظنه وراسي على صدرة شم شعري وضحك

--يول ريحه الزعاطيط هاي شوكت تروح منج

--يا ريحه

--اشم بيج ريحه طفل توه صاير

غمضت عيوني ونزلت دمعتي هذا اخر لقاء اخر كلام اخر ضحكه اخر سالفه اخر غزل اخر ساعات من عمري حس عليه ابجي دموعي بللت تشيرته
ابتعد مني ورفع راسي بيده