جار الضبع

بارت (19)

#جار_الضبع
بارت (19)بقلم يـاسـة

لسان حال مُلهم 👇

لم استحق هذا المرار لقد أحببتك من أعماق قلبي

أبد منطاني گلبي هناك أخليه
رجعت اركض واطلع صورته من النار  
وابوس شمحترك بيه
چانت عشرة حلوة ولازم اذكرها
فرحت وياه رغم بچاني بـأخرها
سلام الله على كل شجرة گعدنا بصفها غنينه
سلام الله على صوته وريحته وعينه

         🍃🌿🍃🌿🍃🌿🍃🌿

صوت السيارات طبگت بالباب وصوت الناس بدأت تدخل بداخل البيت گمت من مكاني رفعت البرده شي قليل اباوع رياجيل هوايه دخلو للاستقبال وبالمقابل نسوان كبار بالعمر وشابات بدو يفوتون  بداخل الصاله

جنت اباوع بالوجو بلكي اشوفه بلكي المح شكله ويبرد گلبي من النار البيه بس للأسف ماكو ما شفته اباوع على بدان دخل مبتسم وكاشخ على اخر حبايه لابس بدله رسميه ورافع شعره ومرتب بشكل يلفت الانظار سديت البرده بسرعه لعبانه نفسي ما اريد اشوفه ولا اشوف إي احد منهم
اندگ باب غرفتي  وصوت امي تحجي همس

صافية-- جُمان فتحي الباب ماما الناس اجت

ما رديت رجعت دگت مره ثانية وتتوسل بيه تريدني افتح عفتها وحدها لا رديت ولا چني اسمع
راحت دقيقه ورجعت هي ونور

نور--جُمان فدوة رحتلج فتحي الباب العالم كلها جايه ويانه لا تفشلينه چدامهم

صافية--ولج ماما بس طمنيني بيج شي

نور--جُمان الخاطري فتحي الباب النسوان بدأت تتهامس بيناتهن راح ننفضح

ما رديت ولا جاوبتهم  مرت ربع ساعه وسمعت حركه صارت بره وراها صوت هلاهل معناها خطبو وگعت دمعتي بقهر خليت ايدي على وجهي وگمت انوح الى إن انفتح باب الغرفه فزيت متفاجأة باوعت ابوي  بيده مفتاح الغرفه النسخه الثانيه وامي ونور واگفات يمه دخل عليه للغرفه بسرعه وجرني من شعري حيل

سلمان--تردين تفضحيني گدام الناس بنت الكلب

حجه هيج وسطرني امي وگفت بيناتنا

--ايدك لا تمدها على بنتي

--انعل ابو بنتج الشيخ راح يجي لبسيها حتى تعقد

جُمان --ما اريده اني ما ازوجه

--شوفي لج عجبج ما عجبج راح توافقين وترحين وياه ورجليج فوگ راسج ويلا  فضينا بدون لغوه

حچه هيج وطلع امي جابت البرنص لبستنيا وتبوس بيه وتتوسل بس تخلص هاي الساعه على خير ما تريد ينفضحون گدام الناس وگدام الجيران العازمتهم دقايق قليله ودخل الشيخ وياه بدان
باوع عليه تفاجئ من منظري هو يعرف اني رايحه للصالون ومتحضره ما گدر يحچي شي الشيخ موجود بقى بس يباوع