ရွှေပေါင်လုံးကြီးကို ဖက်ထားမယ်

chapter~> 24

မိုကွေ့၏ တန်ဖိုးအရှိဆုံးရတနာမှာ ခရမ်းရောင်နှလုံးသွေးကြာ ဖြစ်သည်။

ဤပန်းသည် တစ်လောကလုံးမှာ အလွန်ရှားပါးပြီး မှော်ဆန်တဲ့ပန်းတစ်မျိုး ဖြစ်သည်။ ၎င်းကို မှော်ဆန်သောပန်းဟု ခေါ်ဆိုမည့်အစား မှော်ဆေးရည်ဟုခေါ်ခြင်းက ပို၍သင့်လျော်သည်။

ဒဏ္ဍာရီအရ မရင့်မှည့်သေးသော ခရမ်းရောင်နှလုံးသွေးကြာသည်ပင်လျှင် စားလိုက်ပါက သာမာန်လူတစ်ယောက်ကို သေရွာက ပြန်ရှင်စေနိုင်သည်။ ကျင့်ကြံသူတစ်ဦးစားသုံးမိပါက ၎င်းတို့၏နတ်အရိုးကို သန့်စင်စေနိုင်ပြီး စွမ်းအားတိုးစေကာ အချိန်တိုအတွင်း အမတသခင် ဖြစ်လာနိုင်သည်။

ရင့်မှည့်ပြီးသော ခရမ်းရောင်နှလုံးသွေးကြာသည် အစွမ်းထက်ဆုံးဖြစ်ပြီး လူတစ်ယောက်ကို အထွတ်အထိပ်သို့ ဖြတ်ကျော်ကာ ထာဝရရှင်သန်သူ ဖြစ်လာစေနိုင်သည်။ နှစ်ထောင်ပေါင်းများစွာကြာတဲ့ထိ ထိပ်ဆုံးအဆင့်သို့ ဘယ်သူမှ မဖြတ်ကျော်နိုင်ခဲ့သောကြောင့် ပြည်မကြီးရှိ ဆရာသခင်များအားလုံးက ၎င်းကို အသေအလဲ ရှာဖွေနေခြင်းဖြစ်သည်။

သို့သော် ဤပန်းပွင့်၏ကြီးထွားမှုဖြစ်စဥ်သည် အလွန်ရှည်လျားပြီး နှစ်‌ပေါင်းရာနှင့်ချီ ကြာမြင့်လေသည်။ ၎င်း၏ ကြီးထွားမှုအတွက် လိုအပ်ချက်မှာ အလွန်များပြားလှသည်။ ဤပန်းသည် အခွင့်အခါသင့်မှသာ တွေ့ရှိနိုင်ပြီး ရှာဖွေ၍မရနိုင်ပေ။

ချင်ရှီထျန်သည် ၎င်းကို မတော်တဆ တွေ့ရှိခဲ့ပြီး ၎င်းကို မိုကွေ့သို့ ပြောင်းရွှေ့စိုက်ပျိုးရန် များစွာအင်အားစိုက်ထုတ်ခဲ့ရသည်။ သူသည် လောကတစ်ခုလုံး၏ အကြီးမြတ်ဆုံး အမတသခင်ဖြစ်လာရန် ၎င်းကို တယုတယ စိုက်ပျိုးခဲ့ပြီး မစားသုံးခင် ထိုပန်း ရင့်မှည့်လာသည်အထိ စောင့်ဆိုင်းနေခဲ့သည်။

သို့သော် မိုဟိုက်ကောသည် သူ၏အောင်မြင်မှုလမ်းကြောင်းကို ဖျက်စီးကာ ရင့်မှည့်ရန် လအနည်းသာ လိုတော့သည့် ခရမ်းရောင်နှလုံးသွေးကြာကို ခိုးယူခဲ့ပြီး ကျွင်ရန်ဟန်ကို ပေးလိုက်မည်ဟု မည်သူက ထင်မည်နည်း။ သူက စွမ်းအားကြီးလာပြီး ချင်ရှီထျန်၏ရန်သူ ဖြစ်လာခဲ့သည်။