جار الضبع

بارت (23)

#جار_الضبع

بارت (23)بقلم يـاسـة

لسان حال جُمان  👇

اطفأت ذاكرتي وعدأت لواقعي
لأرى خطى الدمع أنحنت لخطاكا
بين أزدحام النبضي كنت حاكيتاً
تروي بشوقي والحنين يراكا
أنساك كيف وأنتَ تملك مهجتي
وأخذتني من عالمي الهواكا
وسرقتني مني لما لم تكتفي
أرخصتني وأقول ما اغلاكا 
كانت جميع الناسي تطلب نظرتي
و أراك وحدك بل أريد رضاكا
قد عدت من حرب الدموع مبللاً
لكن قلبي كان من قتلاكا

ورديت من حرب المشاعر خسران
محترك دمي ومن فراغك بردان
وارجع گبالك تعبان .. ما جنت أدري المو
نهر ما ينفهم للغرگان
أي لومني وكثر أعتابك معذور
بس لا يضل بخاطرك إي  دخان
( للشاعر محمد الطالقاني)

           🌿🍃🌿🍃🌿🍃🌿🍃

جُمان - - راحو يسلمون البضا ومتأكدة راح يخسر بيها بدان لان مُلهم حچالي راح يخسرة اخر صفقتين وراها كل شي ينتهي ويعوفهم بعد ما يشتغل وياهم بيومها ما نمت طول الليل فاتحة البلكونة وگاعدة بيها وعيوني على الباب گلبي دكاته الف من التفكير والخوف ياربي ساعدني ليش هيج ارجف واذا ما ماتو شأسويلهم بعد إحسن يموتون واخلص من الظيم الاني بيه بعدين ارجع اگول لا اسم الله

خطية بدان بعده شاب وعنده طفل يحتاجه
وبابا مهما صار وسوه ما انكر فضله عليه و امي واخواني ما يگدرون بدون ومُلهم اخخخ يا مُلهم اموت اذا يصير بيك شي يومي قبل يومك
ان شاءالله

الساعات تمشي بطيئه الليل خلص وبدأ الضوء يزين لون السماء الهواء بارد وبيه ريحه زرع من الحديقة يضرب بخشمي رفعت راسي للسماء اخذت نفس طويل وزفرته وگعت دموعي بوجع
ليش هيج صار بحالي وين جان مضموم لي هذا الامتحان مو چنت عايشة بين أهلي ودفوا حظنهم
ياربي اشتاقيت الهم اشتاقيت الأجوان ومشاكستها وياي والبكر والسوالفه ولعبة

مشتاقه البيتنا الدافي وقوري الجاي اليفور على الصوبة وضحكت أمي ولعب أخواني كنتوري ولزكات صور الاعبين والمطربين البيه مدرستي وصديقاتي معقولة كل شي راح بهاي السهولة معقولة كل شي أنتهى وين جنت وين صرت الطفلة البريئة الجان همها الوحيدي تجمع فلوس حتى تشتري موبايل اليوم سهرانه تناطر تجار المخدرات يرجعون ، السبب بمنو بيه أني لو بيهم لو بالظروف زين هم يجي يوم وكل هذا الجاي اعيشة يصير ذكرى وماضي ينذكر بمخيلتي وما ينعاد عليه

مسحت دموعي وگمت دخل جوه وسديت باب البلكونة تمددت بفراشي وعيوني على الباب بقيت مده طويله على هذا الحال بعدها ما أعرف شلون غفيت ومن گعدت الساعه بــ العشرة الصبح صايرة طفرت من الجربايه ركضت جوه لگيت بتول تعجن ونور تنظف بالبيت

نور--سلامات عش تركضين

جُمان--اجوو لو بعدهم

نور--منهو الاجو