جار الضبع

بارت (25)

#جار_الضبع
بارت (25)بقلم يـاسـة

قدر يرغمنا القدر على الابتعاد
لكنه لا يجبرنا على النسيان

وافك عيني الصبح مثل اليفك الالبوم
يتعدن علي ذكرى بظهر ذكرى

           🌿🍃🌿🍃🌿🍃🌿🍃

صافية--جُمان جُمان يا ولج جُمان

--هاا ماما هاا

--ميته شنو صار ساعه اگعد بيج

--عوفيني انام شنو شتردين مني

--گومي وياي ساعديني عازمه خالاتج وما الحگ وحدي يلا گعدي

--شوية واگعد

--ماكو شوية تأخرت وما الحگ بعد گومي يلا

--تمام بس اغسل وانزل

--يله نازله گدامج مو ترجعين تنامين

--لا ما انام

بس طلعت  رجعت غطيت نفسي ونمت من جديد عشر دقايق واسمعها تصيح عليه من جوه تريدني اگعد شمرت الغطا وگمت للحمام غسل ورجعت للغرفه ابدل لبست تراك ورفعت شعري بكماشه ونزلترانشغلت ويا ماما بالترتيب والطبخ للمغرب كملنه كل شي وصلو خالاتي أستقبلناهم  فرحانين بيهم ما عدنا غيرهم اقارب بس هذول الخالات
وما يجون علينه غير بالسنه مره واحنه نفس الشي ما نروح الهم بس بوقت المناسبات

التمينه نتعشا سوه وراها طلعنه بالحديقة مسوين
الكهوة والمكسرات والفاكهة وكلش فرحانين و حابين هاي المه الى ان راحو طلعنا وراهم مودعينهم للباب بعدها رجعنا كل واحد بغرفته
اني هنا بعد ما حچيت على طلب ساري بقيت ساكته وبنفس الوقت ما رحت للشركة خجلانه منه شلون اشوفه من بعد ما خجلته بردت فعلي

بيوم الثالث أتصل فيصل طلب مني أداوم
بدلت واخذت السيارة ورحت للشركة من بعد السلام على الموظفين اخذت نفس طويل ورحت الغرفتهدگيت الباب صاح تفضل دخلت بخطوات حذره وخجوله رفع راسه شافني أبتسم مجامله اعرف بيه مضايق بس ما يريدني إحس

جُمان--مساء الخير

ساري--مساء النور

--اذا ما عندك شي اريد من وقتك كم دقيقه

--تفضلي

حچه هيج وأشرلي بيده على الكرسي تقدمت وگعدت أبتسم وگال

--جاي قهوة

--شكراً ما اريد شي بس اريد احچي وياك بخصوص طلبك

--عادي ست جُمان انسي الموضوع لا تهتمين

--اعتذر منك احتمال شفت ردت فعلي مبالغ بيها
بس موبيدي غصب عني انتَ ما تعرف بوضعي وما اريد اشغلك وياي بس اريدك تعرف المشكلة مو بيك انتَ الف وحده تتمناك وهنيالها التكون من نصيبك المشكلة بيه أني صعب تفهم بشنو مريت
وشلون عانيت لذلك فكرة الزواج صعب اتقبلها