زواج متقف

البارت 90

الفـصـــل الثـاني:ما خــلف الأقــعنة🍷👄

[ما تــخـرجــي... مــن قـلبــي ...الا و نــتــي... فـكـفــن]

𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  90

ساريتا:[نزلو دموعها مخلوعة عليها]جدتي فيقي...فيقي الله يخليك متخلعينيش عليك...

آية:[جابت ليها الريحة كاتفيقها بيها]خالتي...خالتي فيقي..

دراغون:[تحنى لمستوى ساريتا كايطبطب على ظهرها]ششش بلا بكا...حبسي دموعك...

ساريتا:[مسحات دموعها كاترجف]جداتي غاتولي بخير ياك؟!!...

دراغون:ما تخافيش عليها[حيد نظاظر و هو نوعا ما عارف سبب لرد فعلها...ناطق بصوتو الجاد كايتفقد نبض الجدة]من الفرحة فقدات وعيها..[رفع حاجبو لآية لي سارحا فيه]فين بيتها...

شارت ليه آية بصبعها لجنب الدروج...و هو هزها بين يديه مدخلها لداخل غرفتها...و ساريتا من وراه بخطوات سريعة تابعاه...و جامعا يديها كاتدعي مع جداتها تحل عينيها...حطها فوق السرير مقادها و رجع خطوات للور خاشي يد فجيبو..حتى صغر عيونو فالجدة بالضبط فحركة البؤبؤ تاع عينيها و هي مغمضاهم...مركز فحركتهم لا هو ولا رموشها ... زير على فكو و هز بيد قرعة الما راش منو رشات كبار لوجهها...أو بمعنى اصح ربع من الما فزكها..حتى حلات عيونها على الجهد بلهلا يطريه ليها..و ساريتا قوسات حواجبها معاجبهاش كي دار لجداتها...مشات وقفات حداه ناطقة بصوت خافت بينها و بينو...

ساريتا:هالعار لما قول ليا واش ناوي تفيقها و لا تقتلها؟..

دراغون:[ميل راسو فيها ناطق ببرود كايشوفيها]طلعات بوحاطية بحالك أناكوندتي...غير هي بالسخفة و نتي بالبكا...

ساريتا صفارت و ملي كشف بلان بكاها لسانها تربط ما لقات ما تخرج من فمها..و علاه تقدر و هي فكل مرة تدير شي حاجة معاه يكشفها كأنه كايقرا أفكارها...ساست الأفكار لي جاوها فبالها و تحنات لعند جداتها...هاربا من شوفاتو الحارقة ليها...و هي هزات يديها بجوج كاتقبلهم و تهضر...

ساريتا:كي بقيتي أ جدتي...و شحال تخلعت عليك...كنتي غاتسكتي ليا القلب...

الجدة:[خنزرات فيها ناترا يديها]علاه من ايمتا ولا عندك قلب...بغيت يسكت ليك اليوم قبل من غدا الخانزة نرتاح من..

دراغون:[قاطعها بصوت مرتفع مقابلها بنظرة قاصحة كاتخلع و ساريتا كاتبكي]لزمي حدودك الشريفة و خليني محتارم عمرك...هادي لي قدامك مرات دراغون...تزيدي كلمة ماشي حتى لهيه ننسا راك جداتها...

آية ضربات حناكها مصدومة..من كلمة "مرت دراغون"..ايمتا و وقتاش لي معارفاش و فصوتو لي خلعها ما قاداش تسول...و ساريتا ناضت دغيا مرعوبة من دراغون لي باين فيه تعصب بالمزيان...خايفة يدير شي حاجة خصوصا الى جا خوها و هي عارفاه غايقول كثر ما قالت جداتها...و هما فاهمين الموضوع بالمقلوب...

ساريتا:دراغون م..

دراغون:[قاطعها بيدو لي رفعها ناطق بنبرة حادة]خمسة دقايق...غير خمسة دقايق غانخليك فيها هنا..و من وراها غاتزيدي قدامي للدار بلا كلمة...

ساريتا بلعات ريقها كاتشوف فيه..بغات تفتح فمها تهضر معاه غير تقنعو تبقا كثر...و لكن عطاها بالظهر خارج كايلبس فالنظاظر...و من وراه كاتنهد مساحباش غايوقع هاكا و جداتها تعصب منها بلا ما تسمع ليها...تلفتات لعند آية لي سولاتها بفضول مستغربة و الصدمة مزال فيها...

آية:منين خرجات هاد قضية الزواج تاني؟..ايمتا تزوجتي أ ساريتا و علاش سكتي ما قلتيها لينا؟...[سكتات شوية كأنها تفكرات شي حاجة..تلفتات لعند الجدة لي ساكتة و تخمم]هادشي لاش معصبة منها ا خالتي..

ساريتا:[ݣلسات حدى جداتها لي قالبا وجهها للجيهة الاخرى]جدة عارفا...[ضارت لعند آية لي حالا وذنيها معاها]من ربع سنين هادي قبل ما نجي عندكم تزوجت و جدة فخبارها...

آية:[بخوف]و إلى عرف خوك محمد م..

ساريتا:عارف...فخبارو كولشي...

آية:[بقا فيها الحال بزاف حينت ما كان فخبارها والو] يعني انا الوحيدة بيناتكم كي المكلخة ما فراسها ما تعاود...[كملات بصوت حزين خلا ساريتا تنوض من بلاصتها لعندها]من حقكم تخبيو عليا و أنا حينت ما مشاركا معاكم نفس الدم غانبقا ديما برانية وسطكم...