زواج متقف

bart 122

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  122

فاتي:[طلعات حاجب]سبحان الله...ما عرفناك منين نشدوك..هي دبا نتي ما كارههاش على مجيتها هي و البزناز لهنا؟...

رقية:[تنهدات بغصة]ايييه و أنا نقدر يا بنيتي؟..أنا تمنيت لساني يتقطع و لا نقول ليها ديك الهضرة...هي راه عصباتني بالوقفة باش جايا  و الراحة باينة فوجهها و حنا غانموتو بالخلعة عليها...

آية:[و هي جايا و هازا البلاطو]و نتي أ خالتي تدخل ليك العقل ديك المجية؟...ياك  كنتي قلتي لي هربات من ليلة عرسهم حينت بزناز و زيد كبير عليها...[ݣلسات مكملا هضرتها بجدية]و نتي عارفا البزنازة نفسهم حارة...أنا خايفة عليها لا يقتلها على الفعلة لي دارت على غفلة كيف صرا لبنت فطومة...

رقية:[تهز قلبها من الخلعة]الله يحفض بنيتي هاويلي...علاه كاينا السيبة ولا...كون ما كانت كاتعجبو ما يتزوجها بزز..و راه هو كبير تبارك الله و بعقلو يفهمها و يعطيها فرصة...[ضارت لعند فاتي لي ساهية كاتخمم]ياك أ بنيتي قوليها ليها؟..[كاتحرك فيها]هاااه تي فين مشيتي؟

فاتي شافت فيهم بصمت كاتفكر فشي حاجة شاطناها خلات آية مضورا وجهها للجدة كايشوفو فبعضياتهم باستغراب مخلط بخوف مخفي...

آية:فاتي أ مالك أ ختي ساكتة؟..كلام خالتي ياك بصاح؟حينت نتي قريبة لساريتا و كاتهضري معاها...

فاتي:[الصمت]

رقية:[كاتنغزها بالعكاز حاسة بشي حاجة ما هياش واقعا]أ ديك اللفعة كلاو ليك اللسان...أ دوي قولي أش واقع...

فاتي:أحم...[بصعوبة قالت كلامها لي ظانا غاتفهمو الجدة بوحدها]خايفة لا الغلطة لي دارت فالماضي تخرج عليها...

آية:[قالت بسرعة مخرجا عينيها]التقاف؟...

فاتي طلعات راسها دغيا مصدومة كاتشوف فيها و تلفتات لعند الجدة لي كاتحرك براسها بمعنى عارفا ..

رقية:بنتي آية ماشي برانية علينا...و كان جا الوقت تعرف مني لي واقع...

فاتي:ما نبغيش تقلقي من ساريتا حينت خبات عليك...نتي عارفا طبعها كي داير و علاقتكم كي بعيدة...

آية:[تنهدات بحزن]غلطات ملي دارتها...ماشي ساهل تقفي راسك و لكن أي وحدة فبلاصتها غا دير نفس الحاجة باش تنقذ روحها...[حطات يدها على راسها ملي تفكرات شي حاجة]ويليييي حي الزغبية محال تكون حيداتو...هاااويلي إلى عرف البزناز اش غايدير ليها...

رقية:[ضرباتها بالعكاز حتى نقزات]يسكت لجد بوك الحس باغيين تسايفطوني للقبر هااا...غا قولو ليا يا رباعة اللفعات...ما قداتني هي زيدوني نتوما بالخلعة...

فاتي:لو كان باقي التقاف كون كتاشفو دراغون راجل ساريتا...

رقية:ايييه أ ديك السلݣوطة فقدتيني يفقدك فالشهادة...[ضربات عكازها مع الأرض]واتي كون تلقايها حيداتو بنت الحرام بلا خباري...بنت اللفعة لاخرى تف تف...و أنا هازا ليها الهم من نيتي يتبعها البلا...

آية:يعني صافي تحل المشكيل...و الأمور غادا مزيان ..و هادي خبار زوينة...و الحمد لله راجلها ما عندو منين يعرف مزال...

فاتي:غير كايبان ليكم...[تنهدات بحيرة]كايظهر ليا موضوع التقاف مغايتسدش بسهولة...

آية:و علاش أ ختي أش كاين؟...ياك حيداتو و تهنات و نتي مالك على هاد التشاؤم كامل...

فاتي:[شافت فيه بجوج  و بعد صمت ناطقة بكره]نجلاء فخبارها التقاف...

              •••••••••••••••••••••••••••
  
كان ݣالس فوق السداري مفرق رجليه لايح يد على المخاد...و يد هاز بيها كاس تاع أتاي منعنع كايجغم منو جغيمات صغيرة...قلب عينيه لجيهة التيليفون لي شعل يالاه بغا يصوني..و بلا ما يشوف شكون دوز الخط بحالا كان كايتسنا الاتصال...

دراغون:وصلات للدار؟..

مول الطاكسي:لا أ سي دراغون...

دراغون:[علا حاجب و بهدوء ناطق]علاش؟..

مول الطاكسي:حينت بززات عليا تمشي لبلاصة أخرى و ديتها ليها...

دراغون:[بنبرة حادة]عام باش طلق الهضرة؟!..لفين ديتيها تحرك هضر...

مول الطاكسي:لعندك أ سيدي...أمراتني نتبعك ولا غاتشكي بيا لعندك...[بنبرة خائفة مكمل هضرتو]و الله أ سي دراغون ما ناوي نتبعك و سايفطت ليك ميساج نعلمك قبل...