الفـصـــل الثـاني:ما خــلف الأقــعنة🩸🫦
___________________
𝑩𝒚 𝑺𝒂 𝒓𝒊 𝒕𝒂
⚫𝑩 𝒂 𝒓 𝒕 190
ساريتا:[بعيون دامعة]هي نفهم بلي مسامحاني؟!...
حسناء:[ضحكات بنية صافية]أييه معلوم...من النهار لي جيتي دافعتي عليا و خديتي حقي منها سامحتك...
ساريتا:[ريحاتها هضرتها]شكرا...شكرا ليك بزاف حبيبتي...ريحتيني بهضرتك...[حطات يدها على خدها بلطف]فعلا كانحسد دراغون لي عندو بنت قلبها بيض بحالك...ما كرهتش تكون عندي بنيتة غزالة و طيوبة بحالك...[شدات فيديها ناطقة بنبرة حماس]أش بان ليك نعيط ليك بنتي حتى تزاد بنتي...
حسناء:[ضحكات من قلبها حتى بانت غمازتها]لا صافي غاتهربيه ليا اليوم...[حبسات الضحك بزز]واخا يا لالة قولي لي بغيتي...غا العار لما توحمي عليا أنا باش طلع ختي تشبه ليا كثر...
ساريتا:[هزات نيفها الفوق]لا يا الحبيبة..بنتي غاتشبهني أنا..فالتحريميات و الخصايل و نعلمها حتى فعايل اللفاعي...
حسناء:و أنا فين نسيتي؟..ياك عاد قلتي تولي تقولي ليا بنتي و لا صافي نسيتي!!...
ساريتا:[هضرات بشوية]باش باك يعلقنا انا و ياك...[نزلات حواجبها بتفكير]أجي نسولك...واش أرغد باك عينيه زرقا بصح و لا داير لي لونتي...نتي بنتو و تعرفيه...
حسناء:[هنا ما قدراتش تصبر و بدات تضحك كثر من اللول...حتى بداو ينزلو الدموع]لا فعلا قشابتك واسعة...عمرني ضحكت قد لي ضحكت اليوم يعطيك الخير ..[سلتات السندالة لي لابسة]فسخي صباطك و خلي الما يضربنا شوية قبل ما يهجرو لينا بابا...
ساريتا:[فسخات صباطها]و لكن راه بصح داوية...هاويلي...لا لا خاصني نسول شي ولد من ولاد أرغد... هاد البنت لا هي و لا خالتي سميحة ما غاتقول لي والو...
طلعات عبايتها الفوق شوية باش ما تفزكش هازة صباطها...و مشات لعند حسناء حتى تقادات معاها فالمشية و كملو جماعتهم و ما رتاحت تا جرات معاها حسناء فالنميمة...تنمم فهادا و تنمر على هادي...حسناء زادت تطلقات معاها و رتاحت معاها كثر من اللول بحالا كاتعرفها مزيان...
من جهة أخرى دراغون متكي على اللوطو كايكمي و عينيه عليهم...غايكذب الى قال ما عجبوش التفاهم لي بيناتهم لي قدر يقراه من ضحكهم للبعض...زاد أكد على نفسو كثر و كثر أنه منادمش على الوقت لي ضيعو فالتقلاب على مراتو...و لا حتى زواجو منها...
هي من وراها بعفويتها قدرات تخرج بنتو من ديك القوقعة لي بناتها...و خلا الضحكة لي توحش من ورى طلاقو من مها يلمحها أخيرا...بفضلها هي...بفضل أناكوندتو...
_____________________
فاتي:[باستغراب]كيفاش من البارح غابر!!...
الجدة رقية غا ساكتة و ساهية فصلاح...و تقول فخاطرها غا دراغون واقف قدامها...نفس الهيبة فيه و الكاريزما ما قدرات تا تسولو على لي بغات...
صلاح:راه داكشي علاش جيت لعندك تال هنا الخوادرية...توريني الدار لي كرا هادي سيمانة...
فاتي:[بقلق واضح عليها]الله ياربي الله و علم أش واقع ليه...ما موالفاليهش يكون هاكا و يغبر على غفلة...[شافت فيه]وا راه المشكيلة تا أنا معارفاش...
صلاح:[صايب الكاسكيط منيرڤي]موصيبة هادي...خاص ضروري نعرف فين كاين...بالي ما هانيش...
رقية:[نقزات فالهضرة]قولها لبوك...ياك هو بزناز...غايجبدو فين ما كان...
شاف صلاح ففاتي لي تمنات الأرض تشق و تبلعها على هاد الموقف لي تحطات فيه...و الفرشة لي تفرشات...خنزرات فرقية من تحت الدف تسكت...
صلاح:شكون هادي تا هي لي مدخلة راسها فحوايج ما كايعنوهاش...
رقية:[طرطقات فيه عينيها]وا لواه...هادي هضرة تقال لوحدة قد جداك ما حشمتيش ..تا شسحاب راسك تكون...ها شلا تا أنا معامن واقفة...[مشات تعثر فجلاليلها داخلها و خلاتو من وراها مخنزر فيها]
فاتي:[بتوتر]أ ما ديش عليها ...هي غا من الخوف على كريم ما بقات عارفة ما تقول...ما علينا اش غانديرو دبا ...كي غانديرو نلقاوه...
صلاح:إلى جيت نقلب بوحدي ما غانلقاوه تال السيمانة الجاية...ما عنديش حل من غير نقولها للواليد يصايفط رجالو يقلبو...
فنظركم دراغون غايقبل يقلب عليه فوسط هاد المشاكيل د السلعة لي عندو؟...
YOU ARE READING
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
