زواج متقف

البارت 101

    الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  100

حسات براسها هدات و تحتها برد شويا...ناضت من بلاصتها لاحت البينوار لي صهدها...بقات فالديباردور و شرط قصير مبين تضاريسها...كاترجع شعرها وراها و لمة فشكل فعيونها ملي تفكرات الطريقة باش قبلاتو...و خرجات ما بداخلها بكامل حريتها...تحسسات بصبعانها شفايفها المجروحين ناطقة بصوت منخفض خبيث...

ساريتا:واخا غلبتيني و لكن على الأقل شفيت غليلي فدوك الشفايف لي عندك أ راجلي...

عضات على شفايفها حتى تأوهات و مع ذلك بتاسمات بغنج كاتلوي فزغبات شعرها...حتى انتافضات شادا فقلبها ملي سمعات شي حاجة تهرسات فالحمام...خلا قلبها يضرب بدقات جنونية خصوصا أن صوت الما ممسموعش...و دراغون معطل للداخل بلا ما تشعر خطات خطواتها دغيا...واقفة قدام الحمام كاضرب فالباب و تهضر خوفانة...

ساريتا:دراغون...دراغون أش واقع...

شافتو ما جاوبهاش و هي تحل الباب دغيا...و معاها توسعو عينيها مصدومة و يديها كايترعدو...شايفاه واقف مقابل مع المراية ملوي عليه الفوق عاري الصدر...و يدو المجروحة كاتنزف بدم كثير...حولات عيونها للموس لي عامر دم و رجعاتها ليه كاتشوف فيه مخلوعة عليه...بغات تقرب ليجيهتو حتى قفزها صوتو الغليض كايشوف فيها مخنزر...

دراغون:وقفييي بلاصتك..[تنهد و هو ساخط على الوضعية]خرجي من هنا الزاج مشتت فالأرض غاتجرحي...

ساريتا:[عينيها غا على الجرحة لي فيدو]ي..يدك كاتنزف أ دراغون...

دراغون:[نطق بهدوء]يدي مشغلكش فيها...رجعي تنعسي...

ساريتا:[نطقات بإنفعال خلاه يرفع حاجبو فيها]أنا مراتك إيلا نسيتي نفكرك بلي عندي واجبات نديرهم معاك...[تخطات الزاج رادا البال معاه حتى وقفات حداه كاتشوف فيه بتحدي ممدودة ليه يدها]عطيني يدك نداويها ليك...

دراغون:قلت لملتك ما تدخليش..

ساريتا:و أنا مغانعاودش هضرتي...و ماشي مشكيل إلى غا تعاود ضربني...لحمي بدا يولف...

ضارت كاتجبد فعلبة الإسعافات جامعا حواجبها معاجبها حال حتى حسات براسها مرفوعة...تلفتات دغيا مطلعا راسها لجيهة لدراغون لي هازها غادي بيها للبرا...و يدها هازا بيها علبة الإسعافات..و هو ما باغيهاش تحوم حداه و الزاج مرمي حدى رجليها...حطها فوق السرير و ناض بغا يمشي حتى تشدات ليه يدو السليمة...ضار لعندها مرمقها بنظرة جادة كايشوف فيها قايل بنبرتو الثقيلة...

دراغون:نعسي باقي الحال...

ساريتا:[كاترمش فيه عينيها كاطلب فيه بنظرات بريئة]خليني نداوي ليك جرحك كيف كا داويه ليا ديما...[شافتو باقي مصمم يمشي و هي تنطق بصوت أنثوي كاتحلون عليه]عفاك...كانطلبك...

تنهد مطولا مزير على فكو...شاف فيها و تاجه للحمام غسل يدو من الدم و داز  للماريو هز تيشورط كحل مع سروال الكيطمة أديداس...حيد الفوطة تحت أنظارها و هي عينيها مشاو نيشان لرجولتو كاتبحلق فيه... حتى ستاوعبات و ضورات وجهها دغيا كاتولول فخاطرها مخرجا عينيها فكبرو و ضخامتو...

و هو لبس عليه و ݣلس حداها مفرق رجليه...و هي ساهية و صورة رجولتو بين عينيها مربعة رجليها واخدة يدو لي كاتنزف كاتعقمها...و منتابهة لا توعتو...لمحات الجرحة غارقة و عقدات غوباشتها رافعا راسها لجيهتو...و هو مصوب نظراتو للأمام كايفكر فشي حاجة...حتى ضار ملي سمع كلامها و هي كاتسولو بفضول...

ساريتا:نتا لي جرحتي يدك؟...

دراغون:[الصمت فقط كايشوف مرة فيها و مرة فصدرها الباين.. ممسوقش لسؤالها]

ساريتا:علاش جرحتي راسك براسك؟..أشنو خلاك ديرها؟..

دراغون:[الصمت]

ساريتا:[بالرغم من تجاهلو لأسئلتها كملات بنبرة غاضبة]حتى من يدك هي  اللخر ما حنيتيش فيها و كنتي غاثقبها...و ما هامكش بمرة...