زواج متقف

bart 128

الفـصـــل الثـاني:ما خــلف الأقــعنة🩸🫦
               ___________________
                       𝑩𝒚  𝑺𝒂 𝒓𝒊 𝒕𝒂

      ⚫𝑩 𝒂 𝒓 𝒕  128

               فاللــــــــــــيل

كانت ݣالسة فبلاصتها كاتدهن لحمها بكريم عاطية منو ريحة الفريز...لابسة شوميز فالزرق غامق...جامعا شعرها الفوق كعك3ة مهملة و عينها سارحة بيها كاتفكر...مرة مرة تهز عينيها فالساعة كاتشوف وصلات الوحدة و هو مزال ما جا...تمنات يتعطل مزال باش يجيها النعاس ..قلبات أنظارها للدوا لي سايفط ليها دراغون...تنهدات و راسها عاطيها الصداع من كثرة ما فكرات فنفس الموضوع لهو الهروب و الحمل...

ساريتا:ما نقدرش نحمل منو...ما نقدرش نكمل حياتي و أنا عايشة فهاد الخوف[مسحات على وجهها حيرانة]حاولت و حاولت نتقبل هاد الزواج و لكن ما نقدرش نتقبل نكمل بقية حياتي مع واحد عندو القتيلة عادية...خايفة نحمل قبل ما نهرب من هنا...

تفكرات كلام كلثوم ليها السام لي بحال قرصة فيقات ليها واقعها و أشنو كايتسناها...

🔙🔙🔙

كان دراغون و بنتو حسناء غاديين و ساريتا بجنبو مثقلة فالمشية...كاتفكر و تعاود شحال كي تهضر معاه بلا ما يشك حتى نطقات بنبرة هامسة...

ساريتا:أرغد..واقيلا طاحت لي السنسلة لي كنت لابسة للداخل...غانمشي نجيبها دغيا و نجي...

دراغون:[صغر فيها عينو بشك شحال حتى نطق]ما تعطليش...

حركات راسها بواخا و عطاتو بالظهر راسمة ابتسامة خبيثة على ثغرها...باغا تهضر و تنقي لطليقتو وذنيها و توريها قيمتها...دخلات للداخل و شافتها ݣالسة كاتشرب أتاي على خاطر خاطرها...تعجبات من حالها و هي هادية هاكا بحال ما طرا والو قبل دقائق هادي...

ساريتا:[باستهزاء]أواه خالتي أش هاد النفس الباردة عندك...

كلثوم:يخوي ليك الضراس و الجناب أ اللفعة[حطات الكاس مطلعا عينيها فيها ناطقة بسخرية كاطلع و تنزل]علاش لي مغانبرد دغيا و أنا شايفة نهايتك كي غاتكون على يد دراغون..

ساريتا:[ربعات يديها]يا خسارة أ خالتي كاتحلمي حتى بنهار و هادشي ما مزيان ليك...

كلثوم:[ضحكات كاتشوف فيها]زعامة لفيك سبق و دارتها الطليقة الثانية الله يرحمها فهاد النهار...وجابتها فضلوعها...

ساريتا:[رفعات حاجب]من الأول عرفتك بحالك بحال بنتك لفعات...و لكن أ حبيبة داكشي لي فبالك و كاطمحي ليه عمرو يكون...[نطقات بفحيح]دراغون ديالي أنا...و ما نتسماش ساريتا إلى ما خليتك تعيشي الويل الكحل لا نتي لا بنتك إلى قربتي ليه غير بشبر واحد...

[عطاتها بالظهر بعد ما قالت كلامها بمثابة تحذير لكلثوم لي لمسات فيه خبثها لي مخبياه...و مع ذلك ما فلتاتش فرصتها تقول هضرة لي خلات ساريتا توقف فبلاصتها مكوانسية]

كلثوم:هو قتل مراتو و ولدو لي كان فكرشها على قبل غلط تمس فرجولتو...[قربات حداها ناطقة بمكر]أشنو غايخليه يتراجع و يغفر ليك هروبك من ليلة عرسك...

ساريتا تلفتات لعندها مصدومة ... لمحات الجدية فكلامها متفكرا حتى كلام ديك الشارفة أش قالت ليها...و لكن ما توقعاتش غايوصل بيه الدرجة يقتل ولدو لي مزال ما تولد...ما ستاوعباتهاش و خلاتها ثواني كاترمش فعيونها حتى نطقات كلثوم مرة أخرى...كاتستهزء من صدمتها لي لجمات لسانها يتحرك...

كلثوم:ماشي حينت خلاك للحد الآن عايشة و كاتنفسي راك فلتي...[طبطبات على كتفها]هو غا كايتسنا غير غلطة صغيرة لي يفدي فيه الفعلة لي درتي و يجمع الجديد و القديم...

ساريتا:كاتسنايني نتيقك؟...كاتقولي هاد الهضرة لي ما ليها معنى باش تخلعيني...تخليني نتوسوس..خطتك مكشوفة و غبية بحالك [بنبرة منخفضة]و لكن محاولاتك فاشلة أ حبيبة...هادي لي واقفا قدامك ساريتا بن داوود ماشي ساهل تأثري عليها بهضرة و لا تمسيها...

🔙🔙🔙

حسات بالبيبان مسدودين فوجهها و ما عندها فين تهرب...كاتحس براسها وحيدة و ما مساندها حد...من نهار بعدات على والديها و خلاتهم ما مسامحينهاش و هي اللور اللور عمرها رتاحت فحياتها و لا تقادات... باغا تيقي هضرتها و ما بغاش قلبها يتيق...يتيق أن دراغون قدر يقتل مرا و ولد فكرشها شي حاجة لي مغايتقبلهاش العقل...عيات تحلل و تناقش مع راساتها و حل واحد خرجات بيه هي تهرب لبلاصة بعيدة ما يلقاهاش فيها...