فاتي:عجبك الحال...هااا؟...صافي بردتي ملي صغرتيني قدام ولد خالتي بهمجيتك...هاا؟...[شافيها كريم مصدوم..و هي نطقات بخيبة أمل]فتي حدودك معايا...و سكت ليك حتى عييت على هاد التصرفات..و لكن صداقتنا هناا غاتحبس أ كريم...
نوضات ولد خالتها لي مخنزر فكريم بمساعدة الدراري...و شداتو من دراعو غاديين للدار حتى بلا ما تلفت مزال لعند كريم...
كريم لي لعن راسو و ندم أشد ندم على تهورولي خلاه يهرس العلاقة لي جامعاهم...كره ديك النظرة لي شافتو بيها...و كره الموقف لي حطو فيها...
_____________________
كانو عاد خارجين من السبيطار وحدة فيهم حزينة و الأخرى معالم الفرح ظاهرين على وجهها...
ما هضرو ما شافو بعضياتهم كل وحدة غارقة فالخبر لي سمعات...
دورات سميحة راسها باستغراب ملي حسات بساريتا قلبات وجهتها لأحد الكراسي لي كاينين تماك...حتى من الفرحة ما لاحظاتهاش فيها من خبر حملها خلاتها تقدم لعندها...حتى ݣلسات حداها ناطقة بتساؤل...
سميحة:أ مالك عقدتيهم...يا هاد البنت خاصك تكوني فرحانة دبا...لي فبلاصتك تنوض تشطح و تزغرت...
ساريتا:ماشي وقتو نحمل دبا[زفرات نفس عميق و دارت لجيهتها ناطقة بجدية]هادشي ما بغيتوش يوصل لدراغون...ما بغيتش يعرف قضية الحمل...
سميحة:[خنزرات فيها محمرة فيها العين]كيفاش...كيفاش؟!...هاك هاك تسحابي هادا لي فكرشك ولدك بوحدك ولا؟...[شداتها من دراعها مزيرة عليها]أ سمعي نقوليك ا ديك اللفعة الى كنتي كاتفكري تنزليه بلا ما نحتاج نفكرك اشنو غايوقع ليك...
ساريتا:[بلا ما تحس حطات يدها على بطنها ناطقة بنبرة حادة]باركا ما كل ساعة تهددي فيا أ خالتي سميحة...مستحيل نفكر نأدي هاد الروح لي فكرشي و طرف مني...مستحيل...
سميحة:اييه ايييه عليها الفرحة بسلامتها باينة ليك فوجهك...[جبدات تيليفونها]ما علينا...خاص نصوني لولدي دراغون ضروري ما يعرف...
ساريتا:[قبل ما دوز الخط كانت طيراتو ساريتا من يديها..مخلياها تخنزر فيها عاود]لا..لا دراغون ما خاصوش يعرف دبا...ماشي وقتو...
سميحة:وعلاش؟...و ها هي الفرصة جات بين يديك تبثي ندمك على فعلتك...هاد الوليد و لا البنيتة لي فكرشك ستاغليهم باش تصلحي الغلط لي درتي و تصلحي علاقتك براجلك...
ساريتا:[الصمت]
سميحة:جيني من اللخر و عاودي ليا أشنو كاين هاا؟...لاش خايفة من راجلك يعرف بسيرة حملك؟...أ دوي يا اللفعة!!...[بغات تحل فمها و هي تقاطعها بصوت عالي]راه قلت ليك هضري قبل ما نعيط عليه هو يجي يشوف مرتو المصونة اش كادير...
ساريتا:[شافت فيها شحال و تكات على الكرسي بتعب]أنا ...أنا درت شي حاجة خايبة هادي سنين باش ما نخليهش يقرب ليا و نهرب...و[سكتات و التوتر ظاهر عليها]
سميحة:[طلعات حواجبها مستغربة أكثر و قلبها ما هانيش]عام باش طلقي الهضرة...أش درتي المسخوطة هااا؟...[نغزاتها بصبعها]وا هضري شكاين...اشمن موصيبة درتي هاد المرة...
ساريتا:التقاف[غمضات عينيها و حلاتهم ناطقة بتباث شايفة فيها]انا باش ما يقرب ليا درتو لراسي...
سميحة:[حطات يدها على فمها مصدومة]هاويلي حي أش درتي المصيبة...[ضربات على فخاضها]هاويلي حي فين كان عقلك فين...[قصحات فيها الشوفة]تسحابي الى دوز ليك الهروب لي هربتي غايدوز ليك حتى هادي؟...واش حماقيتي ها؟...تسطيتي؟..ما بقا لبوك عقل حتى تمشي تقفي راسك هضري؟..
YOU ARE READING
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
