ضحكات ساريتا على كلامها و هي متأكدة كادوي غا هكاك...و عارفا راسها باقا عزيزة عليها عليها...غير من تعاملها معاها و هي شايفاها كاتبكي هاد الموقف البسيط بحد ذاتو فرحها و حسسها ما كايناش بوحدها فهاد الدار...و ما حاملها حد...و أن حتى علاقتها بحماتها بدات ترجع و هي واعدا راسها غادير جهدها باش تصلح لي خربات بيدها...
عاوناتها هازا ليها صاكها و خرجو من الدار غاديين مع طول الدرب حتى وصلو للشانطي...شدو الطاكسي و وجهتهم كان عند واحد الطبيبة كاتعرفها سميحة...
•°•°•°•°•°•°•°•°•°•°•°•
كانو غاديين مع الطريق كايضحكو غير دايرين بالناس ...و لا حتى بالعينين الغاضبة الممكرزين عليهم خصوصا على فاطمة الزهراء...
ياسر:[غوبش فيها]الله يحفضك خلينا شوية بعقلنا...داكشي كان فقرن و زمارة نساي العشيرة...
فاطمة الزهراء:اهااا باغي تبان راك بعقلك...كنتي ظل طلس فداك الشعر باش طيح بنت الكزار... عقلتي؟[ضحكات من قلبها]و تنفخ فداك الصدر باش تبان راه مربي العضلات...
ياسر:بلا ما تفكريني فداك النهار لي عرف فيه باها بلي تابعها...شي دعوة ديك الساع وقفات معايا...
فاطمة الزهراء:حبك طاح فحجرة نعاماسي[زادت قبطات يدو كاضحك شادا فيه و هو مغوبش]و لكن دبا فاللخر تجيب لالاهم البنات...[قرصاتو حتى قفز]و ها عقل على كلامي...
ياسر:[سها لبعيد كايبتاسم]عندك الصح...و تكون بحال صاحبتك ساريتا...تكون ناضجة..مرا ديال الزمان...رزينة و حكيمة...و تخدم عقلها قبل قلبها...
فاطمة الزهراء شافت فيه مطولا...متفاجئة كيف كايهضر بواحد النبرة فشكل و هو كايشكرها...ما يخفاوش عليها حتى نظراتو لي تغيرو فور ما ذكر سميتها...لا و المفاجئ هو جبدها هي بالذات واخا راسمة ساريتا حدود معاه...
فاطمة الزهراء:ياسر نتا م..
قاطعها صوت كريم و هو جاي بخطى سريعة لعندهم...كاينهج بالأعصاب لي تركبو فيه...
كريم:شكووووون هاد خونااا لي واقفة معااااه؟!...
فاطمة الزهراء:[طرطقات فيه عينيها كاتشوف السيد تسيف عليها و ما رضاتش قدام ياسر]و نتا مالك؟...وااا ماااا شغلكشش...ماشي پا و لاااا مي باااااش تسولنننني...
ياسر:[تكلم و هو كاينقل نظراتو عليهم بجوج باستغراب]فاتي شكون هادا؟!...واش كاتعرفيه؟..
فاطمة الزهراء:أه كانعرفو...هادا كريم ولد دربنا...
كريم:صاااافي نكرتيني قدااام هاد الكلب...هادا باش بدليتيني معاااه أ فاتي يااااك!!؟..[هز يدو كايترعد بالأعصاب]وااا بربي المعبود لا كانت ليك كاتسمعي ولا؟...
فاطمة الزهراء:[حمرات فيه عينيها مفقوصة]واش تسطيتي ولا مالك؟!...هادا راه ول...
ياسر:[قطعها بنبرتو العالية و الغضب بدى يظهر عليه]لزم حدودك شوية و عرف تهضر بشوية مع البنت...[دار لجيهة فاتي لي مرݣات قدام ولد خالتها]فين تعرفتي على بحال هاد النوع نتي؟!...
كريم:[دفعو من صدرو حتى تراجع جوج خطوات اللور]نتاااا لي بغيتي تعلمني كيف نهضر أ سي الزا•مل هاااا؟؟؟...[عطاه لكمة للوجه حتى طاح كايمسح الدم النازل من نيفو]غااانوريك اليووووم فين تعرفااات عليااا...
تلاح عليه بالضرب و الركيل و فاطمة الزهراء كاتحاول تفك ولد خلتها و تبعدو منو...و لكن بلا نتيجة...كريم الغضب و الغيرة عماو ليه العينين و ما حاسش اشنو كايدير...
و هي حاولات و حاولات تبعدو عليه حتى عيطات على شي دراري تماك...فكوه بزز منو خلا وجهو مطبع بدمايات نازلة...
قبل ما يتكلم كريم كانت سبقاتو فاطمة الزهراء بتصرفيقة حارة لوجهو حتى دار معصبة منو...
YOU ARE READING
زواج متقف
Romanceقصة أحداثها كادور فحي شعبي معروف فمدينة الدار بيضاء...غانعيشو بعض من احداثها فأخطر حي من أحياء الدار البيضاء ...و لهو حي مولاي رشيد...حاكمو بزناز فالخمسينيات...مجرم و تاجر فالمخدرات رتاكب جرائم كثيرة و دخل الحبس مرات عديدة ...حتى ولا معروف بين الحبا...
