جار الضبع

بارت (26)

#جار_الضبع

بارت (26) بقلم يـاسـة

كل ما كان العطاء كثيراً
كان الخذلان أشد أيلاماً
كأنك تهدي أحدهم روحك
ثم يسألك  ماذا إعطيتني ؟؟

           🌿🍃🌿🍃🌿🍃🌿🍃

أنصدمت من شفته هيج يسحب بيه حچيت
على كيف حتى لا احد يسمعني

--هاي شدسوي عوفني

ما رد عليه وصلني النهاية الترك ودفعني قوي
على الحايط وباوعلي بكسرة وراها گال

مُلهم --مرتاحه بدوني

-- شبيك تخبلت لا تسويلي مصيبه وخر دا ارجع

--ما تگدرين بدونو وما تردينو يروح

--مُلهم الله يخليك البيت مليان ناس لا تفضحنه

--مو انه الخطفتج ولا انه العلمتج على الأدمان هو عمل كل هذا عليش رحتيلو وتركتيني

--انتَ همات خطبت وحتزوج بعد شكو

--هه و هيج سهلة يبت گلبي

نزلت راسي ما اتحمل اكابر بعد رجع گال

--حبيتج من كل روحي ليلي ما جنت انامو اناطرج خاف تعملين بحالج شي من السم الجان بيج
ومن كثر ما اتعب اغفى وانه گاعد عليش جُمان

--ما مكتوبين البعض

--ومن علقتيني بيج وحبيتج يلا گلتي هذا الكلام

--كافي عيب عليك اني مرت اخوك

رفع ايده وضرب الحايط البصفي بوكس وگال

--عفتيها كلها واخذتي اخوي ولج ما انام والله ما انام تا اموت كل ليله وانه اتخايلج بحظنو

--انساني وشوف حياتك

--مثلج يعني مثل ما شفتي حياتج چنتي ما تنامين  غير علي صوتي صرتي ما تنامين غير بحضنو

--زوجي هذا

-- زوجج ؟ عجل وانه وگلبي و روحي وعيوني وليلي شلون اطلعج مني فهميني شلون انساج وانتِ ساكنه بين ضلوعي

--الوقت كفيل ينسيك وخطيبتك ما قاصرة ركز
وياها راح تنساني وتنسى اهلي

نزل عينه على ركبتي الجانت مليانه اثار مد اصبعه يتحسسهم دفعت ايده مني قوي

--انتِ مالتي عليش تتركينو يعمل بيج هيج

--مرت اخوك اني احترم نفسك وخر مني

--وانتِ عليش ما أحترمتي نفسج ولبستي شي
يستر مفاتنج

--معليك بيه

--الي تلبس هيج شنهو قصدها

--ما قصدي شي وانتَ لا تتدخل بيه وخر

--التلبس مثلج معناها تصيح تعالو انه جاهزة

حجه هيج وتقرب مني يريد يبوسني بسرعه دفعته مني وضربته راشدي قوي صار بنص وجهه
هذا الراشدي صحى على نفسه ابتعد من عندي مصدوم مسح وجه وفرك عيونه بــ أثنين اديه