جار الضبع

بارت (27)

#جار_الضبع

بارت (27) بقلم يـاسـة

أني وياك لا غالب ولا مغلوب
انجرحنا أثنينه وانتهت سد بسد

    
           🌿🍃🌿🍃🌿🍃🌿

ثواني بسيطه كل شي تغير صوت العياط أختفى
النار التلهب طفت التوسلات إلي جانت تحاوطها
من كل مكان هدأت شابة بعمر الورد تحرك نفسها بدون ما تفكر بدنيتها وأخرتها 

اتخلت عن نفسها وهي تعرف محد يفيد الانسان  بهذا العالم غير صحته بثواني بسيطه وقله إيمان أتخلت عن وجمالها وشبابها وأبنها الطفل المسكين الضايع إلي صار ضحيه إهمال الأب
و ضعف الأم

شابه مثل الجوهرة تنلف بغطا ويطلعونها من البيت مفحمه مجردة الملامح تاركه خلفها طفلها المظلوم طفل وبهذا عمره يشوف أمه وأبوه ليل ونهار يتعاركون طفل نشأ بيت يفتقد الامان والحنان وبالختام يشوف امه بهذا المنظر ملتهبه بالنار شنو ممكن يكون مستقبلة؟

يا ترى راح يعيش حياة كامله بدون عقد نفسية
راح يعيش مراهقة طبيعية او شباب طبيعي
اكثر المجرمين والمريضين النفسين چانو بيوم من الأيام أطفال معنفين او أطفال فاقدين الحنان والأمان أطفال نشأو بداخل صراعات أنانية بين الأم والأب

من كل هذا الاحداث منو إلي يتأذة الأم راح تموت وحتى لو تعيش راح تكون عاله طول العمر وهنا
راح تبدي تفرغ شحناتها السلبية بطفلها اكثر واكثر والأب بالحالتين مكمل حياته بدون أهتمام
الأطفال أمانه والهذا السبب من ردت أنزل طفلي
جنت خايفه عليه وعلى مستقبلة لان أعرف الانسان إلي متزوجته مو كفو يكون أب كل وحده بينه لازم تفكر الف مره قبل لا تخطي خطوة حب و زواج لازم نختار الاختيار الصحيح حتى ما تصير مثل بتول لازم نختار إلي يحبنه مو إلي احنه نحبه
نختار إلي يخاف الله بينه مو إلي يسلب شرفنا قبل زواجنا بحجه الحب والغراميات واني كل هذول ما شفتهم بــ بدان لا خاف ربه بيه ولا حبني وأحتواني

اغتصبني أدمني عيشني برعب لذلك ما فكرت بيوم احبه ولا فكرت بيوم أنسه إلي سوا وياي وكل ما أشوف تعامله وياي وابدي الين وياه ارجع اذكر نفسي بسيئاته التعدن كل الحدود والسبب افكر بمصير أطفالي شلون يصيرون بالمستقبل

اباوعله راسه بين رجليه ما يگدر يصدگ إلي صار
حتى ما راح وياهم للمستشفى و رجع أباوع على الياس بعده على نفس الوگفه ودموعه ما باطلن
رحت عليه نصيت وحظنته بــ أثنين اديه تلمسه بيه رطوبه بجامته رجعت باوعتله ونزلت دموعي واني أشوفه شلون مدرر على نفسه من الخوف حظنته حيل وبجيت بقهر على مصيرة المجهول ضم راسه بصدري ويناشغ بصوت عالي شلته دخلته للحمام غسلتله وغيرت ملابسة وهو يبجي بدون ما ينطق كلمه وحده

--الياس حبيبي تسمعني اني يمك لا تخاف

--اريد ماما

--هسه تجي