جار الضبع

بارت (29)

عيدكم مبارك وكل عام وانتم بــ الف خير
أعاده الله عليكم بلمن والبركة  أعتذر على التأخير بس تعرفون تحضيرات وتريبات العيد وبنفس الوقت بنتي مريضه هذا البارت عيديه الكم طويل وبيه أحداث هواي راح نتوقف أيام العيد لان ما اگدر اكتب الخطار والزيارات التقيكم بعد العيد ان شاءالله متابعة ممتعه ♥️♥️

#جار_الضبع

بارت (29) بقلم يـاسـة

طرق مقطوعه رايات مرفوعه ضحكات ممنوعه
النقاب جزء لا يتجزء من النساء والحااا الطويله
تعتبر  رمزاً للدين عند الرجال
ايام بسيطة انقلب الحال تأسروا الجنود ونقتلو وتمثل بجثثهم في الأسواق والشوارع بدون ذنب كل ذنبهم جانو  يوفرون الأمان للبلاد

اهالي المنطقة انصدموا وهم يشوفون المظاهرات الي تظاهروها بشكل سلمي تحولت الى مجزره بحق أبناءهم واخوانهم شباب بعمر الورد انغسلت ادمغتهم وانظموا الهذه المله القذرة  لان جانو عدهم متدربين عمالقه في اقناع المقابل و قنعوهم بكل بساطة

بدان اكثر وقته ما يرجع للبيت وياهم  باقي
ينشر بــ الاسلام ويأمر بالمعروف وينهي عن المنكرحسب قوله  واني طول النهار وحدي
بــ البيت ما اگدر اطلع اخاف ولا اكو اتصال واعرف اخبار امي واخواني أهل بدان نفس الوضع انقطعت أخبارهم عني حتى مُلهم ماله ذكر ولا حاول يسأل عني

مرت الأيام وبدا الوضع يسوء وبدو يتشددون اكثر واكثر گامو يجبرون الاهالي حتى ينظمون الهم
و اللي يعترض ينقتل واللي يفكر ولو فكره وحده يحچي عن بطولات الجيش العراقي تنقلع عينه وينگص لسانه بدان حط شروط عليه لازم ما اتعداهم واذا تعديتهم اعتبر كافره و مرتده ممنوع البس واتزين ممنوع احچي وياه واشارك بــي موضوع  لان بنظرهم المره هي جاريه وميصير تتعدى حدودها

جان يحچي بالدين والاسلام بس ما شفته صلى ولا شفته قرأ قران دينهم جان عباره عن سفك دماء الابرياء وسكر وعربده جان من يخلص مهمته
و يجي للبيت لازم يلگه ميز الشرب جاهز واني متجهزه بالكامل وانتظره يگعد يشرب بالساعات وراها يحط ايده على راسي ويكول الله اكبر الله اكبر الله اكبر ويتقرب مني بكل قذاره واذا مره رفضت لو اعترضت يربطني بــ الشباك ويعتدي عليه واني مربوطه شكد ما جانت أيامي السابقه صعبه شكد ما إلي جاي اعيشه بهاي الايام  اصعب وبشع ومخيف

الشمرات صارت ملازمتني لان ميجيب علاجي
وليل ونهار جوعانه لان ميصير نبذر بالاكل تعبت لدرجة فكرت انتحر واخلص منه بس خفت
من ربي وتركت  هاي الفكره بــ البيت لابسه الحجاب والجواريب وممنوع احچي بصوت عالي
و حتى لو حدي گاعده لازم الحجاب يبقى على راسي بس اذا هو يجي لا هنا لازم اتجرد من ملابسي وحتى من اخلاقي يسكر ويشدلي الوصلي وبقى اركصله للصبح بحيث من انام ابقى اون من التعب إلي اتعبه سألته عن أمي واخواني  اكثر من مره جان يرد ما بيهم شي لا تخافين عليهم اني امر عليهم كل يوم واطمن عنهم