جار الضبع

بارت (32)

#جار_الضبع

#بارت(32) بقلم يـاسـة

لسان جُمان 👇👇

كل شي جربيته وما إلي حظ
أنشدك بالهوى ينشاف ينكظ ؟!
جبتها من صباي وهسه البلاي
الدنيا خلصتها وياي بس عض

         🌿🍃🌿🍃🌿🍃🌿🍃

مُلهم -- هنت عليج مرة ثانية يبت گلبي

جُمان -- شنو هنت عليج شنو هنت عليج من كُل عقلك جاي من بعد كُل هاي السنين تلومني وتعاتبني  وين جنت وين ليش هسه بينت ليش من  قررت أستقر وأرتاح حرام عليكم ليش تسترخصون بيه الفرحة أيام وليالي ما أنام أيام وليالي دموعي مبللة فراشي وكُل شوية أگول مات أگول أخذوا وعذبوا وأذوا ولك ليش هسة يلة أجيت و هسة يلة أتذكرتني ليششش

أني مو جُمان القديمه مو جُمان إللي تگعد تبچي عليك لا جُمان ماتت من يوم فكرت تأسس حياتك بعيد عنها هاي أني وحدة ثانيه لا راح أبچي عليك ولا راح أنقهر خلص أنتَ شفت حياتك وخلفت وعشت وطول هاي السنين مكمل بدوني و هسة من شفتني أريد أستقر وأعيش أجيتني مو چنت أتوسلك بس ترد وأطمني عنك مو چنت اقرأ
بـرسائلك بـالساعات وأنت متصل وما ترد عليه وتبرد گلبي كل ظنك تريد ترجع تكسرني من جديد كل ظنك أرجع أضعف يمك غلطان غلطان غلطان

بقيت أعيط بـ صوت عالي أمي وأجوان دخلن
يركضن عليه ، گمت عليهن طردتهن وسديت الباب رجعت مسحت دموعي فتحت شعري ورجعت لميته ما أعرف شنو أسوي كُل  إللي أعرفه أني وحدة چذابه والكلام إللي حچيته كُله چذب لأن بـكلمة منك رجعت النقطة الصفررر
بقيت أبچي ساعات طويلة ساري أتصل أكثر من مرة ماجاوبته ضامة راسي بـالمخدة وعيوني تصب
آخر شي شلت التليفون ودزيت أله رسالة طلعت
كُل القهر بي فرغت كُل وجع گلبي بي

جُمان -- منو أنتَ وشتريد مني منوو أنتَ وشعندك جايني بعد هاي السنين ما كافي ما صار الوگت إللي أرتاح بي ما صار لازم أعيش مثل البشر
أزوجت وخلفت وأسست عائلة وصار سنين غايب
شعندك جايني هاا شعندك من أول ما شفت هذا الحساب عرفتك هذا أنتَ وتوسلت بيك وراسلتك بس حتى أطمني عنك بس ما هميتك ولا وضعي همك ولا كلفت نفسك وگلت شلونج وين صرتِ وشلون عشتِ أيام وأني عايشة مخبلة وألف فكرة تجيني وأرجع أكذبها وين جنت بـهاي الأيام وين
شوف إذا لمحتك معلق إلي لو داخل البثي لو مراسلني أطلع تعب وضيم السنين كلها بيك
وإذا فكرت تحظرني قسماً بالله أتصلخ وأنشر نفسي وأنت تعرفني كلش  زين أسوي وأسوي الأكبر منها بس جرب تحظرني وشوف بـعينك الفصيحة تدري ليش ما أريدگ تحظرني لأن أريد تبقى تراقب مثل الحرامي شلون ما جنت تراقب طول هاي السنين اريدك تشوف بـ عينك شلون أنزف وأروح البيت زوجي أريدك وياي لحظة بـ لحظة ما أريد أحرمك من هاي اللحظات السعيدة

دزيتها أله وطلعت من الحساب فتحت الباب ونزلت جوه أدور على چگاير أحس روحي تشلوطت من القهر فتحت الخانات الميوزه ماكو مخلصة وأني ناسية أجيب لأن ما أشرب بس بـ وقت من أنقهر وصار كم يوم ما مقهورة لـ ذلك نسيتهم رحت عمرت أرگيله وگعدت بـ الحديقة وحدي شربت لـحد ما مليت أجت أجوان رادت تحچي ما سمعت ألها عفتها وگمت صعدت الغرفتي لگيته داگ عليه أكثر من مكالمة ودازلي رسالة