( اما عن همس كانت تتامل ضحكة الياس وكانت كانها اول مره تشوفه يضحك وما حست ب نفسها )
توجهو لا المزرعة بعد ما اخذو اغراض من المحطه
وصلو المزرعة ونزلو
الجد احمد : يالله ي عيال نزلو الاغراض
سعود : ابشر يبه بس ارتاح انت ولا تتعب عمرك اللي فيك مكافيك
عيسى : انا شايل اول خل اللي محد بالعه يشيل حتى امه وابوه نسوه وجلس يضحك الياس من بعد ما سمع كلمه امك وابوك نسوك رمى الاغراض اللي بيده وراح ركض لا عيسى ونزل فيه ضرب
الياس : من اللي محد بالعه ي كلب
عيسى حس انه خلاص موته على يد الياس : انا انا
بدر : الياس ابعد عن الرجال ذبحته
سحب خالهم سعود الياس : الياس انهبلت وش بك على ولدي ادري انه غلطان بس ما يصير انتم اخوان
وكان يصير كل ذا تحت انضار همس اللي كانت رايحه تساعد جدتها ب المطبخ وسمعت صوت عالي وراحت تشوف من باب الفضول وش فيه انصدمت من قوة الياس
الياس ب غضب : بدر ابعد عني
بدر اخذ الياس برا الملحق : الياس تعوذ من الشيطان والله لو طلعت من المزرعة اني لا ازعل ما اهتم الياس لا كلامة وراح لا الرعد واخذه وخرج برا المزرعة عشان ينسى اللي صار بعد عن المزرعة ونزل ومسح على رعد : ادري اني اتعبتك معاي بس الحال اه ي الرعد يعاييروني ب امي وابوي وكان يحس نفسه انه مخنوق وانه فقد اهله وهو عمره ٩ شهور وربطه وجلس جنبه وفتح جواله وطلع صورت همس وكان يتامل وجهها وشعرها وجسمها وشامتها اللي ب خدها اليسار كان فعلاً حس انه حبها بس كان يكابر ذا الشعور
طول الياس ما رجع المزرعة خاف عليه بدر ان يكون صاير له شي لان ب مجرد ما يزعل ينسى نفسه ووممكن انه يسوي اي شي
بدر كان احر من الجمر وكله خوف على الياس
همس : بدر وش بك جالس هنا ليش ما تدخل داخل الجو بارد ترا
بدر : ما رح ادخل لين يرجع ذا المجنون
همس : اي مجنون كلهم مجنه عندنا
ضحك بدر : الياس
همس خافت وسوت نفسها ما شافت شي ولا تدري : وش به
بدر : تهاوش مع عيسى لانه قال له كلمه انت محد بالعك حتى امك وابوك ناسينك
همس حست انها عورها قلبها على الياس بس ما وضحت لا بدر شي
رجع الياس بعد ما حس نفسه انه هدى ودخل حوش المزرعه ولمح زول همس بدر : همس ادخلي جاء الياس
همس راحت ركض لان كل ما تتذكر يوم يطيح الياس عليها فجاءه تنفشل
بدر : الياس وينك مالي خاطر عندك اقول لا تروح ومعليك فيني
الياس : معليش والله مقدرت اتحمل
بدر : الياس ترا ذا سفيه وجبان تجاهله لا تخسر خالك عشانه
الياس : ابشر امش بشب النار
بدر : ما رح تدخل داخل
الياس : ابي اجلس شوي على النار وبعدين افكر ادخل
بدر: تمام اقمز جب حطب لان مالي خلق اتحرك
الياس بضحك : نفاس وحنا ما درينا
بدر : ي قليل الادب قايل انك متغير علينا
فز الياس : ومن يتغير على بدر قل لي والله اني ما ارحمه
ابتسم بدر وهو يشوف ان الياس اخوه واكثر من اخوه
الياس : بروح اجيب الحطب بس بشرط انت اللي تشغلها
بدر : ابشر اهم شي ما اتحرك
راح الياس يجيب حطب وكان وده يفاتح موضوع همس مع اخوها بدر لانه كان يعرف ان همس اقرب واحد لها بدر بس ب نفس الوقت خايف انه يخسر بدر كان فيه مستودع ب اخر حوش المزرعة وقريب من قسم الحريم الجدة حصة : هند قومي قامت قيامتك ساعدني
سلوى : من انتي عشان تتكلمين مع بنتي كذا بنتي مو خدامة
سلمى : سلوى اكسري الشر شوفي بنتي همس تشتغل معانا ما جلست تتشرط
همس كانت تدعي ربي الصبر وانها ما تقوم تنتف شوشه سلوى
سلوى ب ضحكه : اذا همس راضيه انها تكون شغاله عندكم بنتي لا معليش ما ارضى انا
همس يوم سمعت كلمه شغاله ما قدرت تسيطر على نفسها وهجمت على سلوى وسلوى كانت تصارخ
الياس كان قريب من قسم الحريم وسمع كل شي وراح ركض يوم سمع صراخ همس
