( همس وهي تبكي وتتكلم بينها وبين نفسها اه ي الياس يبون يبعدوني عنك لاكن حيل الله اقوى )
طلعت الشمس وراحت السياره ب حكم انها من الساعه ٣:٣٠ وهي تهوجس وعقلها مو معاها
ركبت السياره حصلت الياس يهوجس همس : ما اشتغلت السياره
مارد الياس عليها يوم سمع صوتها نزلت دموعه بس لف يم الشباك ب حكم ان همس ما تشوفه
همس عرفت انه زعل منها : الياس وش بك جالسه اسال اشتغلت السياره
نزل الياس وتقدم وجلس جنب الشارع وكان مو قادر يصيطر على دموعه
نزلت همس وقربت منه وحطت يدها على كتفه : ما عاش اللي ينزل دمع الياس
الياس : اجل ليه تنزلي دموعي
همس جلست جنبه : الياس بس انا خايفه على اهلي وب الاصح عليك
الياس : واضح خايفه علي تخليتي عني
قام الياس وركب وشغل السياره واشتغلت ونادا همس وركبت همس
وتحركت السياره لا الوجه اللي هي المزرعة وكان طول الطريق صمت محد تجرى يتكلم وجاهم ارسال وحصلت همس امها واخوانها متصلين عليها اكثر من مره واتصلت على امها
سلمى : همس يمه وينك فيه
همس : هلا يمه خربت السياره علينا وحنا راجعين وتو اشتغلت ودقايق وحنا عندكم
سلمى : فيكم شي طيب الياس فيه شي
همس : لا يمه ما فينا شي قلت لك شوي وحنا عندكم
سلمى : الحمدلله
انهت الاتصال همس وكملو طريقهم ومحد كلم الثاني
ويوم قربو من المزرعة وقف الياس : همس انزلي
همس ب خوف : ليه انزل وش ناوي عليه
الياس : ي بنت الحلال ولا شي اركبي وراء عشان ما يشكون
نزلت همس وركبت وراء ودخلو حوش المزرعة
نزلت همس وهي تركض متجهه لا حضن امها
همس : يمه اشتقت لك
سلمى : ي عيون امك تو تقر عيوني فيك وانا امك
سعد قرب من الياس وضربه بصدره : ي قليل الحياء وين مودي اختي تكلم
الياس : اخوك بدر هو اللي قال لي اجيبها ولا تمد يدك عشان ما يجيك شي ما يعجبك
سعد : تكلم وين وديتها
همس : سعد الياس ماله دخل السياره هي اللي خربت وشي مقدر ومكتوب
الياس ضعف يوم سمع اسمه وهي تنطقه بس ما وضح
سعد قرب من عند همس : سوا فيك شي تكلمي لا تخافين
همس وهي تناضر ب الياس : لا
دخلو داخل والكل فرحان ب سلامه همس
الجدة حصه :الياس وانا امك فيك شي
الياس حس ان الجدة حصه هي اللي تفهمه : اه يمه تكفين وحط راسه على كتفها وجلس يبكي
الجدة حصة : الياس وانا امك لا تقطع قلبي وش بك تكلم همس قالت لك شي ولا تدري تعال معاي
دخلت الجدة حصة الغرفه ودخلت الياس معاها : تكلم وانا امك لا تخاف
انسدح الياس على رجل الجدة حصة وقال لها كل شي وقال انه كان ناوي يتقدم لا همس بس جاتها رساله وكلها تهديد
الجدة حصة : واللي يقول انه بيزوجكم وراسي يشم الهواء
الياس نط : تكفين ي جدة حاولت اقنعها بس واضح انها خايفه
الجدة حصة : معليك وانا امك هونها وتهون
الياس : ي رب ان كان فيه نصيب بيننا انك تجمعنا على خير
الجدة حصة : اللهم امين
الياس : يمه بنام ب غرفتك احس نفسي تعبان شوي
الجدة حصة : نوم العوافي
طلعت الجدة حصة وتغطى الياس بس غلبه التفكير وما خلاه ينام كان يفكر ب همس وكيف انها تخاف على اهلها ونام بعد تفكير طويل
توجهت الجدة حصة لا الجد احمد : ي ابو سعود تعال ابيك ب الملحق
توجه الجد احمد لا الملحق : هلا عسى خير
الجدة حصة : لا خير انشاءلله شف انا ابي الياس يخطب همس ب اسرع وقت
الجد احمد : والله انها فكره الياس عنده وضيفه ومو ناقصه الا بنت الحلال اجل على بركة الله
الجدة حصة : دق على منصور يجي هنا عشان تكلمه ونخليهم خطبه وملكة ب نفس الوقت واذا رجعنا سوينا الزواج
الجد احمد : انشاءلله الله يكتب اللي فيه الخير
توجه الجد احمد لا الحوش وكان موجود فيه سعود و عيسى و سعد وبدر جلس الجد احمد وقال : ترا الياس بيخطب
بدر ب فرحه : مشاءالله الف مبروك من هي بنت الحلال
الجد احمد ما كان يبي يتكلم من هي اللي بيخطبها الياس : بعدين تعرفون
سعود : الله يسعده والف مبروك
الجد احمد : الله يبارك فيكم
وسعد وعيسى كانو جنب بعض وكانو يتسالون من هي اللي بيتقدم لها الياس
الجد احمد : ابيكم تتجهزون بعد المغرب بيجي ابو البنت والله يكتب اللي فيه الخير
سعود : انشاءلله ما طلبت شي
سعد وهو يضحك : تغير الحل ابو البنت جاي يخطب لا بنته
الجد احمد : انت ما تعرف تسكت اسكت لا اجيك
