(دقت سلمى على بدر وهي تبكي : ها وش لقيتوا
بدر : اي اي رايحين لها
سلمى : تمام )
وصلو بعد مده وكان العم وهمس واقفين جنب المحطه
وقف الياس ونزل يركض مثل المجنون يدور همس وكان ينادي ب صوته كله على اسمها
لف حصلها واقفه وكانت تبكي راح لها ركض وحضنها
الياس : همس ي عيوني فيك شي سووا فيك شي
همس ما ردت عليه وانفجرت ب حضنه
الياس : همس تكفين لا لا مابي اشوف دموعك
همس بنبره حزينه وهي تبكي : اه ي الياس كانو ب يعتدون علي تكفى ي الياس
وحطت وجهها على صدر الياس
الياس رفع وجهها وحط عينها ب عيونه : من هم قولي لي
العم : ي ولدي بسالك وش تصير لك
الياس رفع راسه : زوجتي ي عم
العم : الحمدلله على سلامتها وانتبه عليها ي ولدي الدنيا مالها امان
الياس : جزاك الله خير ي عم
الياس ب صوت واطي : هو اللي قرب منك
همس : لا
بعد الياس عن همس ولفت همس وحصلت بدر وحضنته وكملت تبكي ب حضنه
الياس ي عيال روحو مع جمس جدي انا بروح مع همس
عيسى : ي خفيف اثقل اثقل
وصل جمس الجد احمد ونزلت تركض سلمى وطاحت على الارض ما بعد وصلت لا همس راحت همس لها ورفعتها
همس : يمه تكفين لا انا قدامك ما فيني شي
سلمى : تكفين سامحيني ما فقدتك وانا امك
همس : يمه الغلط مني والله مني مو منكم انا غلطانه اني رحت الحمام ولا قلت لك تكفين يمه لا تلومين نفسك ما فيني شي
بدر رفع امه : يمه ترا همس بتروح مع الياس
سلمى : طيب خله ينتبه لها
وركب سعد وبدر وعيسى ب جمس الجد احمد واللي كان يسوقه الخال سعود ومشو
والياس مسك يد همس وركبها السياره وقبل لا يسكر الباب : تبين شي ي عيوني
همس هزت راسها ب معنى لا وركب الياس وتحركو لا الفله حقت الجد احمد طول الطريق ساكتين
همس لفت على الياس وعيونها كلها دموع : الياس ابي حضنك
الياس حب يستهبل ويمنعها : مافيه
همس لفت نضرها لا الشارع : تمام
استغرب الياس من البرود اللي نزل عليها فجاءه وكان وده يقتل نفسه لانه منعها وقف الياس على جنب رغم المطر ونزل من السياره وفتح الباب على همس وتقدم وحضنها
الياس : اسف ي عيوني اني منعتك بس كنت امزح
همس جلست تبكي ب حضنه
الياس : قولي لي ي عيوني وش سووو فيك قولي
همس قالت كل اللي صار لا الياس
الياس حب انه يغير مودها : الله الله الحين انتي صفقتيهم كلهم والله طلعت متزوج بات مان
ضحكت همس : حيوان وش تقصد
ضاع الياس من ضحكتها وجلس يتامل عيونها وقد ايش هي قويه وبريئة
نزل الياس همس ب بيتهم واتجه لا بيت الجد احمد دخل بس انصدم يوم شاف اللي جالسه اخر الليل لا وحدها ~
