(الياس : همس اسف ي عيوني اني خليتك تروحين لا وحدك
همس : ي روحي الغلط مني انا اني رحت لا وحدي لا تلوم نفسك )
~مر اسبوع بدون احادث مهمه واقترب موعد زواج همس والياس ~
< يوم الزواج >
همس رايحه لا غرفه الياس ب حكم انه يوديهم الصالون لان ابوها واخوانها ما نامو الا متاخر
همس دخلت غرفه الياس : الياس الياس اف ذا وينه
فجاءه طلع الياس من الحمام كان ماخذ دش ولاف منشفته على خصره
الياس : هلا والله ب عروسه قلبي
همس استحت من الياس لفت واعطت الياس ظهرها : نبغاك تودينا الصالون
الياس ب ضحكه : ليش معطيتني ظهرك طيب
همس : الياس وجع اخلص وانزل نستناك
مسكها الياس مع خصرها قبل تمشي
الياس : ترا خلاص ب تشوفيني كل يوم كذا
همس : الياس ترا تاخرنا
الياس : طيب مو تقولين تاخرنا تعالي طلعي لي طقم مناسب لين ما اخلص حلاقه والبس الثوب
همس كانت منفسه ومتوتره ب نفس الوقت : اف ي ربي طلع لك والحقني
الياس : همس موب احسن لك طلعي لي
همس زاد العناد : تهدد وش ب تسوي
قرب الياس لها وخلاها لما صدمت الجدار الياس ب ضحكة : وش ب سوي فيك ها
همس توترت من قرب الياس : الياس مو وقت مزحك ترا تاخرنا
الياس : طيب ب تطلعين لي ولا كيف
همس : اف ي ربي طيب بطلع لك
الياس : يالله ي حلوه شوفي لي طقم مناسب
همس : اقول اعقب عني
اتوجهت همس لا الدولاب وكان الياس يتاملها و مو مصدق ان همس صارت له وملكه لا وحده
وطلعت همس له ولبس الياس
الياس وهو يلبس الشوز : شوفي لي عطر مناسب لا ها اليوم الحلو
همس : لا عاد زودتها
الياس : انتي وش فيك منفسه اليوم المفروض تفرحين
همس : بسببك انت اللي نفست فيني
الياس قام واتوجه لها : اف وش سويت
همس : كل ذا ووش سويت
الياس : همس نفسيتك اليوم مو عاجبتني ترا
همس : بدات تبكي
الياس استغرب منها وقرب لها : همس ي روحي وش فيك
همس : ما ردت له
الياس : همس تكلمي وش فيه
همس : تذكر سالفه التهديد اللي جاتني
الياس : اي وش فيه
همس : ارس لي الساعه ٤ الفجر يبارك ب زواجي ويقول فرحتك ب تقلب لا عزاء بدال العناد حقك
الياس : همس عطيني رقمه الحين
همس : جاتني رساله نصيه
الياس : همس يعيوني لا تخليني
همس : الياس تكفى طلقني ماني مرتاحه ما فيه بيننا نصيب
الياس : لا ما توقتها منك
سلمى وهي تنادي الياس وهمس لانهم تاخرو ب صوت عالي
مسك الياس يد همس : بننزل الحين لا تبينين لهم شي سامعه
همس : الياس تكفى
الياس وهو يحط يده على فمها : اص مابي اسمع شي
توجهو الياس و همس لا السياره ب حكم ان سلمى و الجدة حصة قد ركبو
وركبت همس وتوجه الياس لا الصالون
وكان طول الطريق ما شال عينه من على المرايه وكان يشوف همس تبكي ولافه تناضر الطريق
وقف الياس عند كوفي ب حكم ان همس يتعدل مزاجها
الياس : وش تشربون
الجدة حصة : ما عندهم كمون
الياس ب ضحكة : وين ي مه لاحد يسمعك
الجدة حصة : ما قلت شي غلط ما عندهم مابي شي
الياس : لا ما عندهم وانتي ي خاله
سلمى: الله يكثر خيرك ي ولدي مابي الا سلامتك
الياس : همس تبغين قهوه ايش
همس ما ردت
الياس: همس
سلمى وهي تدق كتف همس
همس: هلا يمه
سلمى: الياس ينادي من اول
همس : هلا
الياس: وش تطلبي قهوه
همس: لا مابي
لف الياس وهو ناوي يطلب لها قهوه V60 لان همس تحب القهوه السوداء
الياس: عطني ٢ V60
العمال : اي شي ثاني
الياس : لا
اخذ الياس القهوه وحط قهوته عنده ومد قهوه همس لها
الياس : همس تفضلي
همس لفت وهي معصبه : ما قلت لك مابي
الياس : خذي خليها تروق فيك
دفعت همس يد الياس ب قهوه وانكبت القهوه ب سياره الياس : مو قلت لك مابي ليش تروح تشريها
سلمى: همس وجع تكلمي مع رجلك زين واحترمي نفسك
لفت همس لا الشباك وما كانت تبي تنفجر عليهم
الياس: حصل خير ولف وكمل طريقه
