( سعد وهو يضحك : تغير الحل ابو البنت جاي يخطب لا بنته
الجد احمد : انت ما تعرف تسكت اسكت لا اجيك )
الساعه ٥ المغرب البيت فيه حركه زايده
همس : جدة حصة جدة حصه
الجدة حصة : هلا
همس : وش فيه من بيجينا
الجدة حصة : بنخطب لا الياس
انصقعت همس يوم عرفت ونزلت دمعتها
واتجهت الجدة حصة عشان تصحي الياس لان الوقت تاخر
الجدة حصة : الياس الياس قم
الياس : هلا ي جدة ابشري بقوم
الجدة حصة : عندي لك مفاجاة
نط الياس من السرير : وش هي
الجدة حصة : اليوم جدك احمد بيخطب لك همس
الياس وهو يمسح على عيونه : تكفين ي جدة لا يكون حلم
الجدة حصة : اقول اخلص ترا شوي ومنصور هنا
الياس : ابشري
وتروش وطلع وصلى وكشخ وتعطر ونزل لهم
وهو يعدل غترته : ي ولد طريق
همس ما حست ب نفسها ووقفت تتامل الياس كان كاشخ ب الثوب والغتره وريحه عطره اللي سابقته نزلت دموعها وكانت ودها تروح تعاتبه انه تقدم لا وحده غيرها
نزل الياس وحصل همس واقفه قدامه وهي كاشخه لابسه
فستان ازرق عاري و ماسك على خصرها ومسويه شعرها ويفي
والميكب حقها خفيف وكانت جميله بشكل شافها تنزل دموعها وكان وده يحضنها
ودخل بدر : بنت ما تستحين ادخلي داخل
مشت همس وهي كلها عتاب
بدر : الله يوفقك ي عين اخوك
الياس : اللهم امين
طلعو وجلسو ب الملحق يستنون منصور
دخل منصور : السلام عليكم
انصدم بدر وسعد بس قالو يمكن معزوم
وسلمو عليه وجلسو واكتملو المعازيم
الجد احمد : شف ي منصور ي ولدي حنا طامعين ب نسبكم وودنا نطلب يد بنتك همس لا ولدنا الياس
منصور انصدم وانصدمو عياله معاها بس كان رده : والله هاذي الساعه المباركة ان يناسبنا واحد زي الياس والياس غالي عندي بس نشوف راي البنت ب الاول
الياس : الله يسلمك ابد خذ راحتك
قام منصور معاه عياله واتجهو لا المجلس ونادو همس و سلمى
دخلت همس حصلت ابوها واخوانها وكان سعد زعلان
همس : هلا يبه
منصور : همس وانا ابوك الياس طلب يدك وانا موافق باقي انتي وش قلتي ي بنتي
همس فرحت ان الياس ما راح لا احد غيرها ونست سالفه التهديد
همس : رايي من رايك
منصور : يبه همس الياس بيتزوجك انتي والراي رايك قولي لي موافقه
همس وهي منزله راسها : اي موافقه
منصور : اجل على بركه الله
سعد : يبه همس ما رح تاخذه انا قلت
بدر : خير انشاءلله من انت اذا ابوي موافق وهمس موافقه اطلع منها
منصور : سعد ذا نصيب اختك ولا تقطعه
سعد : الله يوفقك اجل
سلمى : يمه بنتي كبرت وصارت عروس
همس حضنت امها : ي روحي الله لا يحرمني منكم
سلمى : امين ولا منك ي روح امك
خرج منصور وعياله واتجهو لا الملحق ودخلو : اجل ي ولدي الياس موافقين والف مبروك وجعلك انشالله عند الهقوه وتكون سند وذخر لها
الياس تقدم وباس راس منصور : الله يبارك فيك انشاءالله ما اخيب ضنكم
بدر تقدم وسلم على الياس : الف مبروك ي عين اخوك
الياس : الله يبارك فيك الفال لك
الجد احمد : اجل شرايكم ندق على الشيخ ونخلص مره وحده
منصور : بكيفك ي عم
دق الجد احمد على الشيخ عشان همس تكفون رسمياً لا الياس
الياس كان خايف ان همس ماتوافق عشان سالفه التهديد
جاء الشيخ : سلام عليكم
الكل : وعليكم السلام
بدر : تفضل ي شيخ
تقدم الشيخ وجلس : وين العريس ووين ابو العروس يجون جنبي
تقدمو الياس ومنصور وجلسو جنبه
مد يده وشبك يد الياس ب يد منصور
لف الشيخ لا منصور قول معاي : زوجتك ابنتي همس
منصور : زوجتك ابنتي همس
الشيخ : على كتاب الله
منصور : على كتاب الله
الشيخ : وسنه رسوله
منصور : وسنه رسوله
الشيخ : قبلت ب هاذا العقل
منصور : قبلت ب هاذا العقل
الشيخ : قبلت ب هاذا الزواج ورضيت به
منصور : قبلت ب هاذا الزواج ورضيت به
الشيخ : ي ابني ي الياس قول معاي قبلت ابنتك همس انها تكون زوجه لي على سنه الله ورسوله
الياس : قبلت ب ابنتك همس انها تكون زوجة لي على سنه الله ورسوله
الشيخ : بارك الله لكم وبارك عليكم والف مبروك ي ولدي
الياس : الله يبارك فيك
وتقدمو وسلمو على بعض والكل بارك لا الياس
الشيخ : معليش ممكن البنت توقع
بدر : ابشر عطني
تقدم لا الياس : تجهز اذا ناديتك تدخل وتشوفها والله وصرت نسيبي
الياس : ما اروح الحين
بدر : اثقل ي ولد اثقل تراها اختي
الياس بضحكة : اختك صارت زوجتي
بدر : الله يوفقكم ويسعدكم
الياس : اللهم امين
دخل الياس ومنصور وسعد كان زعلان وما جاء معاهم
منصور : همس يبه وقعي هنا
همس : ابشر
تقدمت همس ووقعت ونزلت دموع سلمى ان بنتها بتتزوج وتتركها
حضنتها همس : افا ي ام بدر وش ذي الدموع
سلمى : والله وكبرتي ي همس وصرتي عروس وبتتركيني
همس : من يقول بنشب لكم
ضحك بدر ومنصور وخرجو
اتجهت سلمى وبنتها لا قسم الحريم وصوت الزغاريد و التبريكات
وكان الكل حاسد الياس انه اخذ كل ذا الجمال وكانت هند احر من الجمره وودها تخرب حياتهم
دق بدر على همس : ها جاهزه اخلي الياس يجيك
همس ب توتر : مدري
بدر : بيدخل الحين الولد متحمس واضح
همس بضحكة بس كاتمتها : تمام الحين بروح مجلس الريجيل
خرجت همس واتجهت لا المجلس بس قبل تدخل وقفت ب وجهها هند
هند : مشالله الف مبروك والله وطلع كفو
همس اللي ما تطمنت لا برود هند : الله يبارك فيك
هند : يالله استعجلو نبي ولد ولا ولدين
همس : وشو متحمسه الاخت اكثر مننا
بدر : همس وينك تعالي
همس : جايتك ي عين اختك
كانت
هند تكره همس واخوانها ودخلت قسم الحريم
( انشاءلله عجبكم البارت 💗💗💗)
