( اتجه كل واحد لا غرفته وفتحت همس الشباك اللي مطل على النخل و على خيل الياس
الياس اتجه لا السرير ورما نفسه عليه وهو يذكر كل لحظه مع همس )
نزل الياس وجلس مع جدته وجلس يسولف
كانت همس تهوجس فجاءه جاتها رساله قبلوها جامعة الاميره نوره تخصص طب جراحه ونطت من الكرسي وهي فرحانه وراحت تركض لا الصاله اللي موجود فيها الياس والجدة حصه
وهي تركض مع الدرج وتبكي وتصارخ ب صوتها كله
الجدة حصه : يويلي انهبلت بنتي
فز الياس ووقف عند الدرج خاف ان يكون فيها شي
الياس : وش بك وش جاك
همس وهي تشهق حضنت الياس : انقبلت ب جامعة الاميره نوره انقبلت
الياس انبسط ان همس بتكون معاه ب نفس العمل وبادلها الحضن
الياس : مبروك ي عيوني
همس : الله يبارك فيك
جلست همس تتامل عيونه وهو يدينه على خصرها وكان تحت انضار الجده حصه
الجدة حصه : اقول انت وياها توكم اثقلو اثقلو
ما ردو على الجدة حصه
قامت الجدة حصه ب العصاء وضربت الياس ب رجله وهمس ب كتفها
استوعبو على نفسهم
الياس : اح ي جدة وش بلاك علينا
الجدة حصة : قليلين ادب وقدامي بعد
همس : والله ضربتك ما تمزح
الجدة حصة: تبين ثانيه
همس : لا تكفين هاذي جزاتي جايه ابشركم قبل امي
طلعت همس وهي ماسكة على كتفها
الياس خاف ان الضربه قويه : يمه كان ضربتيني انا بس هي لا هي شوفيها زعلت
الجدة حصة: معليك من دلع ها الجيل بروح انام تبي شي
الياس: لا سلامتك
طلعو الجدة حصة لا غرفتها والياس لا غرفته والكل نام عكس فرحة الياس وهمس اللي مو قادرين على النوم
~ اليوم الثاني ~
الجد احمد على الفطور : ترا اليوم ب نمشي لا الرياض تجهزو
الجدة حصة : شوي ي ابو سعود وش معجلنا
الجد احمد : احس اننا طولنا هنا والرياض اجواءها صايره زينه
الياس : ابشر يبه اللي تبيه بيصير
كملو فطور خرج الياس و بدر وهم متجهين لا رعد بحكم ان اخر يوم لهم ب المزرعه
بدر : الياس بسالك وجاوبني ب كل امانه
الياس : هلا وش عندك
بدر : انت كنت تحب همس
تنهد الياس ولا عطاه ايجابه
بدر : وش بك سكت قل
الياس : تكفى ي بدر همس مدري من يوم حبيتها وانا متغير حياتي همس كنت احبها من يوم عمري ١١ سنه صحيح يوم كنا صغار نتهاوش واقطع شعرها بس الحب من الله
ضحك بدر : والله احسكم توم وجيري
الياس ضحك : حلوه لا تعيدها
ناداهم جدهم عشان يشيلون الاغراض ويتوجهون لا الفله
شالو كل شي
سياره سعود فيها احمد والجدة حصه و سلمى وسلوى وهمس وهند
سياره الياس فيها عيسى وبدر وسعد
وصلو عند محطه ونزلو يصلون صلاه المغرب خلصو واخذو اغراض من البقاله واتجهو لا السيارات
همس تقفل عليها باب الحمام : يووو وش اسوي اللحين افتحو فيه احد هنا وش ذا الحظ حتى جوالي ب السياره
بس ماكان هناك اي رد ضربت الباب مره ومرتين وثلاثه لين ما فقدت الشغف ان احد يجيها
ركبو السيارات ولا فقدو همس وكملو الطريق وبنص الطريق
سلمى : همس خذي همس يمه بنتي
سحب سعود فرامل : وش فيه
الجد احمد : وش فيها
سلمى : همس مو معانا يبه
دق سعود على الياس يتاكد اذا هي معاهم او لا
الياس : هلا ي خال
سعود : همس معاكم
الياس : لا ليه
سعود : مو معانا ولا معاكم وينها اجل ليكون نسيناها
قفل الياس ولف السياره ب سرعته كلها بدر : ولد وش فيه فيهم شي
الياس كان ما يتكلم
بدر : ولد تكلم جدي فيه شي
الياس ب عصبيه : اسكت عني يرحم والدينك
سكت بدر
عند همس ~
سمعت صوت بعد ما قعدت ب الحمام ٥ ساعات : فيه احد افتحو
انفتح الباب همس من كثر الفرحه ودها تحضن اللي فتح لها
بس انصدمت انه ولدين وواضح انهم منتهين
الغريب : هي ي ولد فيه صيده هنا تطرح الطير من السماء
همس خافت انهم يقربون لها : هي ابعد انت وياه
بس ما تركو مجال تهرب ولفت وحصلت عصاء حقت المكنسه واتجهت وهي تركض لها واخذتها ولفت لا الغريب وراها ما بينه وبينها شعره وضربته على راسه طاح الغريب
والثاني كان يناضر فيها متعجب وش ذي القوه وخاف وبعد عنها طلعت تركض
فجاءه شافت سياره عايله عند البقاله اتجهت لها وكان الغريب وصاحبه يركضون وراها
همس :ي عم تكفى خبني عنهم
العم: منهم
همس : اشرت عليهم
جو الغريب وصاحبه : ي ولد عطنا البنت قبل تكبر وتصير هوشه
ترا بنتنا عليها قل صح
لف العم لها وكانت همس متخبيه وراه : صدق ذا الكلام
همس ب دموعها : قسم انهم يكذبون تراني ب وجهك ي عم تكفى
العم : معليك منهم انتي ب شاربي
الغريب : هي يبو اخلص عطنا البنت
العم : وش قلت الحياء ذي ذي بنتي اسمع انت وياه واضح منتهين قسم ب الله اذا ما رحتو اني لا اشتكيكم
خافو و راح الغريب وصاحبه
العم : معليك ي بنيتي راحو
همس : الله يجزاك بالخير ي عم لولا الله ثم انت صرت ضحيه عندهم
العم : الحمدلله تعرفين رقم العايله شي ادق عليهم
همس اول ما جاء في بالها رقم الياس : اي ي عم
اعطها العم جواله ودقت همس على الياس
همس كانت تحاول تمسك دموعها
الياس شاف الاتصال ما رد رجعت دقت مره ومرتين وثلاث
بدر : رد يمكن انها همس رد ي ولد
رد الياس بعد تردد : نعم من معاي
همس : اخخ ي الياس وينك فيه
الياس وقف جنب الخط ونزل يكلمها : الياس ب عصبيه وينك فيه انتي تكلمي
همس خافت من عصبيته وجلست تبكي اخذ العم الجوال منها : سلام عليكم ي ولدي
الياس : هلا عليكم السلام همس وينها قولي
العم : عندي ي ولدي ب الحفظ والصون والله انها كانها وحده من بناتي
ارتاح الياس : الله يريحك ي عم وينك فيه طيب بجي اخذها
العم قال لهم موقعهم الياس تذكر المحطه اللي نزلو لها
الياس : خلاص ي عم جايينك الحين بس تكفى ترا همس ب وجهك لين اجيك واخذها ب يدي
وكان السبيكر مفتوح وكانت همس تسمع كل شي وكانت تحمد ربها ان عندها الياس معوضها عن كل شي
العم :معليك ي ولدي انت بتتاخر لان انا عندي دوام ب الرياض وابي الحق
الياس وهو متجه لا السياره : جايك الحين مع الطريق
العم : تمام
ركب السياره الياس بدر : ها من
الياس: همس
سعد : وينها فيه ذي قول
الياس : نسيناها يوم وقفنا عند المحطه و صلينا المغرب
عيسى : يربي ذي مفهيه ما تدري وين ربي حاطها ما شافت خلق الله وهم يطلعون
الياس وهو معصب وصوته حاد : قسم ي عيسى لو ما سكتتت لا اوقف واوريك الشغل ماني ب ناقصك
دقت سلمى على بدر وهي تبكي : ها وش لقيتوها
بدر : اي اي رايحين لها
سلمى : تمام
