( ب خوف : اخ ي الياس والله لو يصيب همس شي اني لا اقتل الحيوانه هند)
الياس اللي كان روح بلا جسد : مو صاير الا كل خير
بدر ما تحمل وجلس يبكي خوف على همس
الياس : بدر وش بك انشاءالله سهلات
عرف الياس حب بدر لا همس من الموقف اللي صار
~ في المزرعة ~
هند : يمه جبت لك اخبار حلوه
سلوى : وشو
هند : ضربت همس ب الدباب وفقدت الوعي خلها من قال تمد يدها عليك
سلوى : كفو والله بنيتي تسلمين لي ي روح امك
هند : الله يسلمك
سلوى : كان ب خاطري اشوف دمها اخ راحت علي
هند بضحك :يمه فاتك لو تشوفينها سكرات الموت جتها
سلوى فرحت ان بنتها انتقمت من همس
سلمى وهي غارقه ب دموعها : تكفون بنتي بروح لها الله يخليكم
سعد : ي يمه تعوذي من ابليس بكلم بدر اتطمن لك عليها
نزلت سلمى راسها وهي غارقه ب دموعها وميته خوف عليها ب حكم ان همس هي البنت الوحيدة ب العايله
الجدة حصة: سعود والله لو ما تقضب حرمتك وبنتك عننا اني لا ازعل عليك
سعود كان مصدوم من اللي صار : حرمتي وش دخلها يمه
الجدة حصة : حرمتك اكلمها ب كلمه ترد علي عشر وتتامر علي وتهاوش اصغر عيالها انا
سعود انصدم زياده من سلوى وراح ركض لا غرفتها وهوما يحب امه وابوه يصير لهم شي او احد يغلط عليهم سعود ب صوت عالي : سلوى وينك ي اللي ما تستحين
فتح باب الغرفه وهومعصب وكان وده ينزل فيها ضرب
سلوى : وش بك ما تعرف تدق الباب
سعود قرب منها وسحب شعرها وقال ب صوت عالي : من انتي عشان تتلفضين على امي تكلمي من انتي
سلوى بخوف : ابعد عني واعرف انها مشيشتك علي
سعود عطاها كف اللي فرحت الجدة حصة من صوته وسحب شعرها : قسم ومن احل القسم ان امي قد اشتكت منك اني احرم عليك
كانت سلوى اول مره تشوف سعود معصب كذا واول مره يتصرف معاها كذا
~ ب المستشفى ~
الدكتور : من انتم فيه احد يقرب لا همس
بدر : اي انا اخوها
الدكتور : حصلنا على نزيف حاد ونبي متبرع فصيلت دمه A+
الياس كان فصيلة دمعه A+ : انا ي دكتور
الدكتور : طيب تعال مع الممرضة تسحب منك دم
الياس : تمام
بدر : مستحيل انسى وقفتك ي الذيب
الياس ب ابتسامه : همس اختي واللي تبيه حاضر
راح الياس عشان يسحبون منه دم
اتصل سعد على بدر ب حكم انه يطمن امه على همس
سعد : الو
بدر : هلا
سعد : بشر وش صار
بدر : طلبو متبرع دم وتبرع لها الياس
سعد اللي حس ان الغيره اكلته على اخته بس اعطى الجوال امه
سلمى : تكفى ي ولدي بشر
الدكتور : لو سمحت اخوهمس
بدر : اي نعم
الدكتور : تفضل توقع على شوي اوراق
بدر : يمه بروح الدكتور اخذي الياس
الياس : هلا ي خاله
سلمى بصوت مبحوح من كثر البكي : تكفى ي ولدي بشر عساها بخير
الياس : معليها ي خاله وطلعوها من العمليات وطلبو احد يتبرع لها وكانت فصيله دمي نفس الفصيله اللي يدورن عليها وتبرعت لها
سلمى : الله يجزاك خير وانا امك جميلك هاذا ما رح انساه
الياس : شدعوه ي خاله
دخل الياس على همس ب حكم انه ممرض عشان يركب المغذي لها
همس ب صوت مهزوز : اخخخ انا وين
الياس : انتي ب المستشفى ي عيوني
الياس خرجت منه كلمه ي عيوني بدون ما يحس على نفسه
همس :يمه الياس تكفى طلعني من هنا مابي اجلس تكفى
الياس حس انه ما يقدر يرفض لها طلب بذات يوم تعزوت فيه
الياس : ابشري ما يصير خاطرك الا طيب
جلس الياس على الكرسي جنب همس همس خافت وتوترت
الياس : تسمحين لي اكلمك ب موضوع
همس ب توتر : هلا
الياس : همس انا بعطيك الموضوع من اخره انا حبيتك ومستعد اكون سند وعزوه لك ومستحيل ازعلك ولا اكسرك همس انتي صورتك حتى مو راضيه تنمسح من راسي همس انتي عارفه اني خاسر اهلي من يوم انا صغير ومابي اخسرك بعد ادري انك مصدومه بس اذا طلبت يدك ب توافقين
همس كانت جد مصدومة ان الياس يبادلها نفس الشعور
همس : تقدم ويصير خير
الياس : قولي لي انتي تبادليني نفس الشعور ولا لا
همس كانت خايفه ومتردده : هزت راسها ب منعى اي
دخل بدر : وشو وش عندكم
الياس سحب يد همس وجلس يركب المغذي : شوفت عينك اركب المغذي
وكانت همس تناضر ب عيونه اللي كلها حب وكانت فرحانه انها بتكون لا الياس خلاص وتفتك من كلام هند
بدر : همس كيفك ي روح اخوك الحين عساك بخير
همس ب صوت مبحوح وهي تتوجع : الحمدلله بخير
الياس : بروح اشوف متى تطلع
همس فرحت انها بتفتك من المستشفى وبنفس الوقت فرحانه ان الياس اعترف لها
( من حب همس والياس مثلي 😔💗 انشاءلله عجبكم البارت )
