(ونام الكل عكس الياس و همس اللي كان كل واحد يفكر ب الثاني وش لون حضنو بعض وكيف همس تجرات وحطت عينها ب عين الياس )
هند كانت مثل الجمر على النار وودها تخرب عليهم لانها شكت انهم ب علاقه بس كانت ما تعرف وش تسوي
~ ب اليوم الثاني لهم ب المزرعة ~
الكل كان صاحي من الساعه ٨ وكا العاده الجد احمد معصب ويمشي ويخاصم و نازل هواش ب العيال
سعد : هي وش به جدكم كذا مشطط
الياس: مو غريبه عليه
بدر : اقول كملو وانتم ساكتين لا يفصل عليكم
سعد : وانت صادق عاد اليوم مالي خلق شي
ب قسم الحريم -
الجدة حصة : ليسا تعالي شيلي الطاوله وحطيها هناك جنب المدخل
ليسا : حاضر ماما
هند كانت ناويه همس : جدة وش عصافير الحب اللي ساكنين عندكم
الجدة حصة : اقول انتي نسخ لصق سلوى اهجدي مو وقتك الضيوف جايين واحترمي نفسك
هند ب صوت عالي : والله شوفي ولدك الياس اللي حاضن لي ها الست همس
همس انصعقت يوم سمعت اسمها وكانت ودها تنزل فيها ضرب بس خايفه ان اهلها يعرفون ويفهمون غلط
الجدة حصة كانت مصدومة وعارفه خطت هند بس ما كانت تبي تبين لها شي : وجع يوجعك ي ام لسان طويل تدرين مابي منك مساعده اذلفي عن وجهي همس يمه همس وينك تعالي
همس اللي كان ودها الارض تنشق وتبلعها من كثر الخوف ترددت ب البدايه بعدين راحت
الجدة حصة : الحقيني الغرفة
همس ب خوف وتوتر : حاضر
راحت همس مع الجدة حصة وكانت تدعي ربها انه يزينها وان اهلها ما يعرفون دخلت همس الغرفة بعد الجدة حصة
الجدة حصة : سكري الباب
همس زاد التوتر عندها وكانت تدعي على هند نفذت همس اللي طلبت منها جدتها
الجدة حصة : همس ي بنيتي وش اللي بينك وبين الياس
همس انفجرت بكي من كثر الخوف
الجدة حصة : تكلمي ي امي انتي ولا تخافين من ها المصروعه هند وقولي لي تحبينه
همس حست انها ارتاحت من بعد كلام جدتها : جدة والله ما بيني وبينه شي تذكرين يوم هوشه سلوى معاي
الجدة حصة : اي
همس : الياس سمع الصوت ودخل خاف يكون صايرلك شي وشافني اتهاوش مع سلوى وسحبني منها وراحت سلوى تركض لا غرفتها وكانت هند واقفه وانا من كثر ما كنت معصبه حضنت الياس بس والله ما كنت اعرف انه هو وهند كانت واقفه وفهمت غلط
الجدة حصة : معليك منها ي بنتي
همس ب صوت مهزوز : اخاف ي جدة انها تقول لا اهلي
الجدة حصة : معليك منها دواها عندي
خرجو بعد ما سمعو صوت الضيوف جو همس راحت ركض لا غرفتها وقفلت على نفسها وجلست تبكي ودها ان تعترف لا الياس ب اقرب وقت عشان يتقدم علها وترتاح من كلام هند
بدون اي احداث بعد الغداء
العيال الياس: وش رايكم نلعب دبابات احسن من جو الشيبان
بدر : تم
سعد : جويي
سيف ولد صاحب الجد احمد : الله بيجي حفله
خرجو العيال وكل واحد اخذ له دباب
عند البنات
ورد اخت سيف : ي الله نفسي ب دباب
لميس اخت سيف : صدق والله ملل
همس : ابشرو والله من يضبطكم
راحت همس وتغطت ب شرشف صلاه ب حكم ان فيه عيال مع اخوانها ونادت على بدر
بدر : هلا وش بغيتي
همس: تكفى عطونا دبابات نبي نلعب طفشنا من جو الحش
بدر اللي ما يقدر يرفض لها طلب : من عيوني
همس : تسلم لي
بدر : ي عيال جيبو الدبابات هنا
سيف : ليه انشاءلله
بدر : البنات بيلعبون فيها
الياس تذكر همس وابتسم ونزل عن الدباب
وراحو العيال لا المجلس
همس : بنات دبرتكم يالله تعالو
راحو البنات ركض وكل وحده اخذت لها دباب وانبسطو
وهند كانت ناويه على همس وصدمت همس ب سرعتها كلها
طاحت همس من الدباب ونزف راسها دم
ورد : غيبه انتي وش سويتي
لميس نطت مسكت همس وتحاول انها ما تخليها تفقد الوعي
ورد راحت ركض لا قسم الرجال وصرخت وركضو الكل متجه لا الصوت اللي ب الحوش ورد وهي ترجف وخايفه على همس
: همس همس
الياس وش فيه تكلمي
بدر : همس فيها شي
ورد : هنننددددد هنددددد
عيسى : وش بها اختي ها
ورد : هند صدمتها ب الدباب
بدر : وشو
وراحو ركض كلهم واولهم الياس اللي كان خايف عليها اكثر من اخوانها ورفع راسها على رجله ب حكم انه ممرض ويعرف لا الحالات هاذي وشاف ان الجرح عميق وهمس كان بين كل بكيه وبكيه تنهيد وتقطع قلب الياس عليها وقال لا بدر ب صوت واطي : لازم مستشفى الجرح عميق
همس : تكفون مابي اشوف الدم
بدر همس لا الياس : عندها فوبيا من الدم وتفقد الوعي اذا شافت دم
سعد : هند وش سويتي تكلمي
هند نزلت منها دموع التماسيح : ما سويت شي ب الغلط اصلاً
همس : عميق الجرح فيه دم كثيررر
الياس : لا خفيف
وغمز لا بدر انه يجيب اخته عشان يودونها المستشفى وشال بدر اخته همس ب سياره الياس لا المستشفى
همس كانت تفقد الوعي تدريجياً وكانت حاطه راسها على صدر بدر ب خوف : الياس اسرع
الياس اللي كان فاقد وعيه ووده انه فيه ولا جاء همس شي وكان حاط عينه على المرايه ويشوف ان همس بدات تفقد الوعي وكان قلبه يتقطع
ووصلو المستشفى وركض الياس لا الممرضات فيه حاله خطره هنا راحو ركض جابو السرير ونقلو همس بعد ما فقدت الوعي وحولوها جراحه على طول بسبب عمق الجرح
بدر ب خوف : اخ ي الياس والله لو يصيب همس شي اني لا اقتل الحيوانه هند
( شرايكم ب ها البارت اللي كله احداث 🌚؟؟ )
