( بعدت همس عنه واخذت شاحنها واتجهت لا بيتهم وهي كلها عتاب
الياس خاف ان جد همس عافته من الموقف اللي شافته )
دخلت همس البيت حصلت امها وابوها جالسين ب الصاله
همس : يبه كنسلو الزواج
انصدمو من همس
منصور : ليه عسى خير انشاءلله
همس : ما احس نفسي جاهزه ولا ابي زواج الحين
سلمى كانت تعرف همس اذا فيها شي : وش فيك متضايقه
همس حاولت ما تنزل دموعها بذات قدام اهلها : لا ما فيه شي عن اذنكم
طلعت همس غرفتها وسكرت الباب عليها ورمت نفسها على السرير
وكانت تحاول انها ما تنزل دمعه بسبب واحد خانها وجلست تهوجس لما نامت ما حست ب نفسها
الياس حس نفسه انه وده يقتل هند بس بنفس الوقت احتار من يتزوج بس ضميره مانبه عشان نزلت دمعه من همس وهو السببب
~ مر اسبوع وهمس ما شافت الياس ولا الياس شافها ~
منصور شاف الياس ب بيت الجد احمد : الياس عندي موضوع معاك تعال اجلس
خاف الياس ان همس قالت لا اهلها الموضوع : هلا ي عم
منصور : الياس ي ولدي انت مزعل همس مضايقها قايل لها شي خلاها تزعل
الياس : لا ي عم اجل قالت لك شي
منصور : لا والله بس اشوف لها اسبوع متقدر خاطرها ومتضايقه وما نشوفها الا على الاكل
الياس حس انه فرصه يشوفها ويتفاهمون : طيب ي عم ممكن اشوفها وافهم منها اذا ما عليك امر
منصور : اي تكفى تقطع قلبي على حالتها وكل ما اجي افهم وش صاير تقول ما فيه شي
الياس : تمام ي عم بس لا تقول لها اخاف ترفض اشوفها
منصور : خلاص اليوم الساعه ١٠ تجيني ب بيتي
الياس : تمام
الساعه ١٠:٤٥ تحديداً همس كانت تحب ترسم او تكتب شعر وقت ما تحس نفسها طفشانه او متضايقه دق باب غرفتها همس ما ردت ب حكم انها مشغله اغاني وعليها سماعه دق الباب مره ثانيه بس ما فيه اي رد كانت همس لابسه جينز مع توب وردي ورافعه شعرها فوق ودخل الياس بدون لا تحس همس او تدري عنه ووقتها همس تكتب شعر :
~ للحين احبك واعشقك واتمناك
للحين وانت تمرني ب خيالي
واجد اقول اني مع الوقت بنساك
مدري متى بيروح طيفك ف بالي
ارجع ترا قلبي من الشوق ناداك
ارجع ورجع كل ذيك الليالي
~
قراء الياس كلامها وسحب سماعتها ونزلها ورد عليها :
~ اشتقت لصوتك ولحنينك
اشتقت لكلامنا واشتقت أحاكيك
مابي الا انت وانت كافي
ابي اعرف اخبارك وودي بطاريك
ببقى احبك واخلي الناس خلافي
لو تغيب الدهر كله بحتريك
ارجعلي خلنا نكشف وشهو عنا خافي
وتجيني وانسيك الزعل وارضيك
واذكرك بحبنا وماضينا الصافي
وابعدك عن كل شي عني يلهيك
ونذكر وعدنا وعهدنا الوافي
ونذكر أول لقاء وكيف كنت احبك
~
همس انصدمت من رد الياس وبنفس الوقت كانت تحس مشاعرها بردت اتجاه الياس بس كانت تحبه وما تقدر على فراقه
همس وعيونها تلمع من الدمعه : وش تبي جاي هنا
الياس : همس تكفين كافي كافي تعذبين نفسك وتعذبيني معاك همس انتي ما تعرفين هند هي مسويه كل ذا عشان تخرب اللي بيننا
همس حست انها استوعبت كل ذا التخطيط من راس هند : طيب
لفت وسكرت الايباد اللي تكتب فيه الشعر وفتحت لوحه وطلعت الوان وجلست ترسم وحقرت الياس ولا كانه موجود جلس الياس على السرير وكان يتامل جمالها و قد ايش نتفه بس انها جميله
همس كانت ترسم وتنزل دموع من عيونها بس ما تبي توري الياس انها ضعيفه الياس عرف ان همس تبكي واتجه لا المكتب اللي فيه همس
وحضنها
الياس : همس تكفين خلاص ليه حرمتيني المفروض لنا اسبوع متزوجين
همس : ما كنت ابي اكمل حياتي مع واحد خاين ويكلم بنات غيري
الياس تنرفز وهو اذا تنرفز ما عاد يرده شي تجيه عصبيه تنسيه نفسه بصوت حاد : همس ثمني الكلمه قبل تطلع منك سمعانه
همس خافت وحضنت الياس
همس : الياس تكفى ما كنت ابي اشوف وش اللي صار لك مع هند ليتني مت ولا شفتكم رفعت راسها وحطت عينها ب عين الياس : الياس تكفى مابيك لا غيري ابيك لا همس لا وحدها وبس فاهم ولا لا
الياس حط خشمه على خشمها : انا كلي فداك ولا وحدك
همس ابتسمت وحضنت الياس بقوتها كلها
الياس : طاح الحطب ولا باقي
همس ب ابتسامه : اي طاح
