Unicode
Chapter(13)
ကျောင်းခေါင်းလောင်းမြည်ပြီးနောက်မှာ ရူပဗေဒဆရာက အတန်းပြီးရမည့်အချိန်ထက် အတန်းချိန်ကို အနည်းငယ်ထပ်တိုးလိုက်တယ်။ ဆရာထွက်သွားသည်နှင့် အတန်း(၂)မှ ကျောင်းသားများအားလုံးက အော်ဟစ်မြူးတူးပြီး ကျောင်းခန်းထဲကနေ ထွက်လာကြတယ်။ အချို့က ဂိမ်းရုံမှာ ဂိမ်းသွားဆော့ဖို့ အစီအစဉ်ဆွဲနေကြတယ်။ အချို့က milk teaဆိုင်မှာ အိမ်စာသွားလုပ်ကြဖို့ မေးနေကြတယ်။ ကျောင်းသားတွေအကုန်လုံး အခန်းထဲကနေ တစ်ယောက်ပြီးတစ်ယောက် စတင် ထွက်ခွာကြတော့တယ်။
ကော်ရစ်ဒါထောင့်မှာ ရပ်စောင့်နေရင်း ကျီရန်ရဲ့မျက်နှာက ညို့မှိုင်းနေတယ်။ အခြားကျောင်းသားတွေက သူ့ရှေ့ကို ဖြတ်မလျှောက်ရဲကြဘဲ လှေကားရဲ့တစ်ဖက်ခြမ်းကနေ ကွေ့ပတ်သွားကြတယ်။ ချီရင်က အခုထိ ထွက်မလာသေးဘူး၊ ယွီကျိုးကို ငြိမ်ငြိမ်လေးထိုင်စောင့်နေတာနှင့်တူတယ်။
သူက သူမအတန်းရဲ့ အရှေ့တံခါးကို စိုက်ကြည့်နေတယ်၊ ခြေထောက်ကို မြှောက်လိုက် ကြွလိုက်နှင့် ထပ်တလဲလဲ လုပ်နေတယ်။
မင်း တကယ်ပဲ ဘာတွေ လုပ်နေတာလဲကွာ???
အပြစ်ဝန်ခံမလို့လား? ငါ့ကို မြင်တာနဲ့ ဘာကိစ္စထွက်ပြေးရတာလဲ?
သူ(မ) မြင်ခဲ့တာတွေက အထင်လွဲသွားတာပါလို့ ရှင်းပြရမလား? ရွှယ်မန်ချင်နဲ့ ငါက ဘာမှ မဟုတ်ကြဘူးဆိုတာကိုလေ?
ဘာမှမကြားရတဲ့ ကောင်မလေးကို ဒီအကြောင်းပြောပြနိုင်မယ်လို့ တကယ်ကြီး ကိုယ့်ကိုကိုယ်ယုံကြည်နေတယ်ပေါ့လေ? ငါနှင့် သူ(မ)က ဘာမှ မဆိုင်ကြတာကြီးကိုလေကွာ? သူ(မ)ရဲ့ဆက်သွယ်စရာဖုန်းနံပါတ်လေးတောင် ရှိတာ မဟုတ်ဘူးကွ!
နေ့လည်က ပေါက်စီတွေအများကြီးစားမိသွားလို့ပဲ ဖြစ်ရမယ်!
စိတ်ထဲက တုံးအအအတွေးတွေကြောင့် သူ့ကိုယ်သူ ဆူဆဲလိုက်ပြီးနောက် တည်တည်ငြိမ်ငြိမ်နှင့် လှည့်ပြန်ဖို့ ပြင်လိုက်တယ်။
တစ်ဝက်ပိတ်ထားတဲ့ အနောက်တံခါးက ပွင့်လာပြီး ချီရင်က ကျောပိုးအိတ်လေးနောက်မှာ လွယ်ထား၍ရင်း ထွက်လာတယ်။
YOU ARE READING
Boss၏ နတ်သမီးလေးအဖြစ် ကူးပြောင်းလာခြင်း(Myanmar Translation)
RomanceGenre-comedy,drama,josei,romance,school life,slice of life Chapters-98chapters+21extras I do not own this story.All credits go to original author.
