Unicode
Chapter(15)
ဒီရက်သတ္တပတ်ပြီးနောက်မှာတော့ ကျီရန်က ကျောင်းထပ်ပျက်ပြန်တယ်။သူ့အတွက် အတန်းလစ်တာက လုပ်နေကြပဲ။ ဆရာကလည်း မထိန်းနိုင်ဘူး။ ဒါကို ဆရာ ကျင့်သားရနေပြီလေ။ အသိပေးဆုံးမခဲ့တဲ့အပြင် ကျောင်းနှစ်အစပိုင်းက သူပေးထားခဲ့သော မိဘနံပါတ်ကိုလည်း ခေါ်မိခဲ့လိမ့်မယ်။
ဒါပေမယ့် ဘယ်သူကမှ ဖုန်းမကိုင်ခဲ့ကြဘူး။
စာသင်သက်တစ်လျှောက်မှာ ဒီလိုမျိုး ကိုယ့်ကိုကိုယ်ဆွဲချနေတဲ့ ကျောင်းသားတွေနှင့် အမြဲတမ်းကြုံဖူးခဲ့ပါတယ်၊ သူတို့ကို ဘယ်လိုကူညီပေးနိုင်မလဲဆိုတာကို သူမသိတော့ဘူး။ အတန်း ၉ မှ ဆရာလျို့ယောင်က အတန်းအနောက်ဘက်က ဆူညံနေတဲ့ ကျောင်းသားတွေကို တစ်ချက်ကြည့်လိုက်ပြီး ခေါင်းယမ်းကာ သက်ပြင်းချ၍ သင်ခန်းစာအစီအစဉ်ကို ဖယ်ထားလိုက်တော့တယ်။
သောကြာနေ့ ကျောင်းဆင်းသွားတဲ့နောက်မှာ ချွီတာ့ကျွမ်းနှင့် အခြားသူများက ပျော်ကြပါးကြရအောင် အင်တာနက်ဆိုင်သွားဖို့ ချိန်းခဲ့ကြတယ်။လောပင်းက ဘေးအခန်းကနေ ပြေးဝင်လာပြီး မေးလေတယ်၊ "ရန်ကောကို ဘယ်ချိန် သွားရှာကြမလဲ?"
ချွီတာ့ကျွမ်းက သူ့ကို ဟောက်လိုက်တယ်: “မင်းက ဘာကိုရှာမှာလဲ? ငါ့အစ်ကိုက အနားယူနေတဲ့အချိန်မှာ နှောက်ယှက်ခံရတာကို မုန်းတယ်နော်။ မင်းက သွားအရိုက်ခံမလို့လား”
လော့ပင်းက ပြောတယ်: “အစ်ကိုကျောင်းမလာတာ တစ်ပတ်လောက်ရှိပြီလေ၊ ငါစိတ်ပူလို့ပါဟ”
ချွီတာ့ကျွမ်းက အာရုံထဲ သိပ်ထားမနေဘူး: “ဒါက ပထမဆုံးအကြိမ်လည်း မဟုတ်ဘူး။ ဘာလို့ စကားတွေအရမ်းများနေရတာလဲ?။ ငါ မင်းကို အဖွဲ့ဆီ မခေါ်သွားတော့ဘူး!”
YOU ARE READING
Boss၏ နတ်သမီးလေးအဖြစ် ကူးပြောင်းလာခြင်း(Myanmar Translation)
RomanceGenre-comedy,drama,josei,romance,school life,slice of life Chapters-98chapters+21extras I do not own this story.All credits go to original author.