🍁ចំណងស្នេហ៍ ចំណងកម្ម✨ ( ចប់ )

ភាគទី១៦ : បញ្ឈឺពាក្យសម្ដី

     ថេយ៉ុងដើរត្រឡប់បកក្រោយមកតែម្នាក់ឯង គេគ្មានបំណងទៅរកជីមីនអីនោះទេ ក៏គ្រាន់តែចង់គេចមុខពីរអ្នកទាំងពីរខាងនោះ គេអន់ចិត្ត អន់ចិត្តខ្លាំងណាស់ ធ្វើមិចមនុស្សដែលស្រលាញ់គេតែម្នាក់ឯងគឺវាឈឺចាប់បែបនេះឯង ។

     « ថេយ៉ុង!! »
     « លោក! » ព្រះអឺយ ហេតុអីក៏ដូចជាងដឹងក្លិនបែបនេះ គេខំដើរមកដល់កន្លែងស្ងាត់កៀនអគារចាស់តែម្នាក់ឯងទៅហើយតែនាយនៅអាចរកគេឃើញថែមទៀត មិនដឹងថានាយជាខ្មោចរឺក៏បិសាចនោះទេនាយតែងតែបង្ហាញខ្លួននៅចំពោះមុខគេគ្រប់ទីកន្លែងគ្រប់ពេលវេលាទាំងអស់

     « មកទីនេះតែម្នាក់ឯងទេហ្ហេស ចុះឯណា....»
    « បងប្រុសនៅជាមួយសង្សាររបស់គាត់ ខ្ញុំមិនចង់រំខានពួកគេ » ថេយ៉ុងងាកមុខចេញពេលដែលនិយាយជាមួយនាយ ជីមីនញញឹមព្រោះអាចទាយដឹងពីអារម្មណ៍របស់គេ ព្រោះតែអ្វីដែលគេបានឃើញមុននោះសកម្មភាពអ្នកទាំងបីគឺវាហាក់ខុសប្លែក នាយក៏ប្រហែលជាអាចទាយដឹងបានដែរថាថេយ៉ុងគឺលួចស្រលាញ់សង្សារបងប្រុសខ្លួនឯង

      « មិនមែនចង់គេចមុខពីពួកគេទេហ្ហេស? »
      « លោកមកដឹងស្អី? »

      « ខ្ញុំមិនបានដឹងស្អីទេ ខ្ញុំគ្រាន់តែសួរតែប៉ុណ្ណោះ ខ្ញុំដឹងថាឯងកំពុងគិតអី ប៉ុន្តែទៅខ្វល់ធ្វើអីអោយវាស្រេចតែគេទៅ ងាកមកមើលមនុស្សដែលគេស្រលាញ់ឯងវិញទៅវាមិនល្អជាងទេហ្ហេស? » រាងសង្ហារដើរទៅកៀកមាឌតូចរួចចាប់ក្រសោបដៃគេទាំងសងខាងឡើងមកយឺតៗរួចទម្លាក់បរបូរមាត់នាយទៅថើបដៃគេថ្នមៗធ្វើអោយម្ចាស់ខ្លួនគេស្រឡាំងកាំង

     « តើលោកបានន័យថាម៉េច? »
    

     « ឯងនៅមើលមិនដឹងទៀតហ្ហេសថាខ្ញុំស្រលាញ់ឯង ស្រលាញ់តាំងពីឃើញដំបូងមកម្លេះ ឯងមិនប្លែកចិត្តខ្លះទេហ្ហេសថាហេតុអីរាល់លើកខ្ញុំតាមឯងរហូត សូម្បីតែពេលនេះ » ជីមីនសម្លឹងគេដោយក្រសែភ្នែកស្រទន់ខុសពីពេលដែលនាយនៅជាមួយថេហ្គី ព្រោះថាគេមិនបានស្រលាញ់ថេហ្គី តែមនុស្សដែលគេស្រលាញ់គឺថេយ៉ុងឯណេះទៅវិញទេ កាលដែលនាយមានសម្ព័ន្ធជាមួយថេហ្គីក៏ដោយសារតែកំហឹងកាមតហ្ហាដែលកើតឡើងមួយពេលតែប៉ុណ្ណោះ នាយគ្មានបំណងអោយវាកើតឡើងនោះឡើយ