အလုပ်က အပြန် အိမ်အောက်ထပ်မှာ အပါးနဲ့အတူ လက်ရေးလှကျင့်နေသည့် သားငယ် ။
" ဒယ်ဒီ ပြန်လာပြီလား..."
" ဟုတ်ပါ့ဗျာ....ပြွတ်စ်~..."
သားငယ်အနားသွား၍ သားငယ့်ပါးပြင်လေးကို တစ်ချက်နမ်းပြီး ကလေးအဖေလေးကို ဘေးဘက်ဆီသို့ ဝေ့ဝိုက်ကာရှာကြည့်နေမိသည်။
သားငယ်ဘေးကနေ စကားလေးပြောလိုက် ၊ လက်ထဲက စာရင်းတွေကြည့်လိုက်ဖြင့် သားငယ်နဲ့အပြန်အလန် ပြုံးရယ်ကာ ပျော်နေကြသည့် မြေးအဘိုးနှစ်ယောက်ကြောင့်ကိုယ့်ကလေးငယ် ဘယ်မှာရှိနေမလဲ အတွေးဖြင့် မီးဖိုးထဲ ခေါင်းစောင်းကာ ငဲ့ကြည့်ပါသော်လည်း ညစာအတွက်ပြင်ဆင်နေကြသော စာဖိုမူးအချို့နဲ့အိမ်အကူများက ခေါင်းငုံ့ကာ အရိုအသေပေးကြသည်။
" ကလေးငယ်ရော...."
အနီးနားရောက်လာသော အိမ်ထိန်းကြီးအားအမေးစကားဆိုနေသည့် အိမ်ကြီးရှင်က မူဟန်မဲ့စွာဖြင့်။
" အစ်ကိုလေးအပေါ်ထပ်မှာပဲ ...မျက်နှာလည်း သိပ်မသာပါဘူး သခင်လေး.."
"ဟုတ်လား...ဘာဖြစ်တာလဲ "
" မေးမရဘူး သခင်လေး ၊ နေ့လည်စာလည်း နည်းနည်းပဲ သုံးဆောင်ပါတယ် သခင်လေး "
" ဟုတ်ပြီ...၊ ညစာကို ကလေးအကြိုက်လေးပြင်ထားပေးပါ"
" ဟုတ်ကဲ့ပါ သခင်လေး"
လက်ထဲက အိတ်ကို အိမ်တော်ထိန်းဆီပေးကာ မြန်ဆန်သော ခြေလှမ်းတို့ဖြင့် အပေါ်ထပ်ဆီက မိမိတို့အခန်းဆီသို့ ။
လော့မချထားသည့် အခန်းတံခါးကိုတွန်းဖွင့်ရင်း *ကလေးငယ် ဟုဆိုကာ အမောတကော ပြေးကာ ခေါ်နေမိသည်။
" ကလေးငယ်...."
လူက ရင်မကောင်း သလိုလို၊ ကိုယ်ခန္ဓာနူံးနေသလိုလိုဖြင့် မနေ့ညက ရေစိမ်ကြာခြင်းရဲ့အကျိုးရလဒ်တွေကြောင့် မနက်အိပ်ယာထ ကတည်းက ကိုယ်လက်မအီမသာခံစားရသည်။ မနက်အိပ်ယာထ မူးဝေခြင်းဝေဒနာကြောင့် စိတ်ထဲမသိုးမသန့်ခံစားရပါသော်လည်း မဖြစ်နိုင်ပါဘူးဟုတွေးကာ နောက်ရေကြာရှည်စိမ်မချိုးမိအောင် ကိုယ့်ကိုကိုယ် သတိပေးတားမြစ်နေမိသည်။
YOU ARE READING
ချစ်ခြင်းတို့အလွန်
Romanceကျွန်တော်ဘဝမှာ ချပြစရာဆိုလို့ ခင်များ ကို ချစ်ခဲ့မိတဲ့နာကျင်စရာနောင်တ ကလွဲ ဘာမှမရှိဘူး။ အဆိုးထဲကအကောင်းဆိုရမယ့် သားသားလေးက ကျွန်တော် ဘဝ ၊ကွန်တော်အနာဂတ် နဲ့ကျွန်တော် ရှေ့ဆက်နေရတယ် ကောင်းပြည့်ဝေလျှံ ကိုကို ဘယ်လိုတောင်းပန်မှ ကလေး တို့သားအဖ အနာ...
