غموض جارنا

بارت 1

رواية |غموض جارُنا|

الكاتبة سناريآ

قناة التلي https://t.me/nurse2_4

أرينا: گعدت الصبح مستعجلة واركض بكل الغرفة واتعثر لان الغرفة صار يومين ما مرتبتها بسرعة دخلت سبحت ومن كملت مشطت شعري ولبست تنورة سودة وقميص ازرق فاتح وشال من نفس اللون وما حطيت مكياج بس مرطب وجه وشفايف صفنت على شكلي بالمراية واحجي بيني وبين نفسي اني شكد حلوة بشرتي السمرة هي مو سمرة بس محترگة من الشمس وجاي اقنع نفسي لان احب البشرة السمرة وعيوني الخضر وشعري البني

بعدني اني بصفتني وامدح بجمالي فزيت على صوت اختي حزيران وهي تگول

_ ولج يالعوبة يا زهراء محاضرتي تبدي ب9 اذا تأخرنا الا اموتج واني اصيح يالا عروس قابل

نزلت شفت بس اخوية آسر بعدة يتريگ وامي گاعدة تصب جاي سألتها وين البقية گالت ابوج راح عالدوام وامجد سودة علية من السبعة راح على دوامة واندلس هم راحت على مدرستها

سئلتها بصدمة واني ابلع ريگي

_ليش بيش الساعة هسة

سمعت صوت حزيران من وراي وهي تگول

_عيني خاتون ساعة 8 ونص اذا تأخرت عالمحاضرة حسابج وياي

باوعت عليها جانت لابسة ملابس رسمية وشعرها الكيرلي يلمع  وعيونها سود مثل شعرها كالليل وهي بيضة وطويلة طالعة تجنن الخبيثة

رحت بسرعة لبست حذائي ابيض رياضي وآسر يصيح بحزيران ديري بالج عليها

وحزيران تتأفاف وتگول تمام اليشوفها يگول جاهل مدري شوكت اخلص من مسؤوليتها

طلعت برا وشفت التكسي وصل وسمر جيرانة خطيبة اخوية امجد تنتظرنة وما شاءألله اناقتها فول
لان هم ما شاءألله عائلتهم طاگة ابوها مشرف تربوي وامها تشتغل موظفة بشركة اهلية وعدها اخ عمرة 26 واخر عمرة 17 واختها الصغيرة عمرها 14 شكد احجي وادقق بحياة الناس

صبحت علينا وصعدنا بالتكسي، حطيت ايدي على خدي وبقيت افكر بدوامي اني ادرس مرحلة اولى تمريض واختي تحليلات هم مرحلة اولى بس هي اكبر مني بسنتين لان رسبت بالثالث والسادس وسمر كلية صيدلة مرحلة رابعة يعني بس سنة وحدة وتخلص ويزوجون هي وأمجد كلش احبها وفرحت من خطبها أمجد لان احسها حبابة وراقية ومثقفة ولطيفة يعني صعب تلگى مثلها

فزيت من حزيران گالت

_وصلنا گعدي مو وكت نومتج

نزلت وردت ادخل بس وگفتني حزيران وهي تگول

_مثل ما وصيتج محد يعرف بينا اخوات تمام افتهمتي

هزيتلها براسي بنعم ما اعرف ليش ما تريد احد يعرف احنا اخوات وصراحة ما يهمني رحت على قسمي وشفت گروبنا ياخذ محاضرة ترددت ادخل لو لا اخاف الدكتور يرزلني واني ما اعرف اطباعهم لان بعدنة باول اسبوع