غموض جارنا

بارت 10

غموض جارنا

الكاتبة يمامة

اندي

انصدمت من شفت صديق نسيبي گاعد بالكرسي الي بصفنا بقيت فاگة حلگي واباوعلة هذا شجابة هنا

هو انتبه الي باوعلي بإبتسامة مستفزة وكأنة يگول وراج وراج وين ما تروحين خرزتة ورجعت اباوع من الشباك

الخبيث شي اكيد يريد يخرب فرحتي بس ما راح اسمحلة

بقيت طول الوقت اباوع من الشباك صح ما جان اكو بس الغيم بس اني ردت استمتع بكل لحظة

وصلنا بوقت العصر ونسيبي اجر تكسي واخذنا لفندق بس الي ما جنت متوقعتة من شفت محمد حجز ويانا بنفس الفندق ومن شافنا اتقرب سلم على أمجد وكانة متفاجئ من شافة هنا شكد جذاب

وحسب ما گال عندة شغل هنا وراح يبقى بهذا الفندق لما يكمل كل شغلة

اخذنا المفاتيح ورحنا للغرف اني وأمجد بغرفة وزهراء وعائلتها بغرفة ومحمد طلعت غرفتة يم غرفتنا

بقيت گاعدة واسمع اغاني لما صارت ساعة 8 يالا أمجد طلب العشا للغرفة وهمزين يعرف يحجي انكليزي لو ما جان يعرف جان تفشلنة

بقيت الليل كلة اباوع من الشباك للناس لان أمجد گال تعبان وما اگدر اطلع هسة والمشكلة اني صار عندي ارق من الحماس

ما نمت الا ساعة 2 وأمجد نام عالجرباية وخلاني اني انام عالقنفة بحجة اني قزومة والقنفة تكفيني

ثاني يوم گعدت ساعة ثمانية من الحماس حتى ما تريگت رأسا دخلت للحمام سبحت ولبست تنورة بيضة بيها ورد صغار اصفر قصيرة بس مو كلش صايرة جوة الركبة وتيشيرت ابيض نص ردن وحذاء ابيض فديتني طالعة عبالك كريمة مشطت شعري وطلعت من الحمام لگيت أمجد امبدل ولابس قميص ابيض وبنطرون جينز وحذاء اسود

جان واگف يمشط شعرة من كمل باوعلي بس بنظرات كانه ما عاجب لبسي گال اني كم مرة گلت لا تلبسين ملابس عليها كتابة وشنو هذا المكتوب

باوعت لتيشيرت وبالگوة گدرت اقرا الكتابة جان مكتوب مجرد فتاة مجنونة ما عرفت شكو بيها

باوعتلة ببرأة وگتلة برجاء يالا هسة خل نطلع وبعد ما البس هيج ملابس

هز راسة باستسلام وكأن ما عاجبة الوضع جر محفظتة واني لبست جنطتي وطلعت وراه قفل الباب

نزلنا بالمصعد وطلعنا من الفندق واني لحد هسة متعجبة ليش زهراء ونسيبي ما جو ويانا سألت أمجد

_أمجد ليش ما جو زهراء وآدم

_ما يطلعون هسة وانتي ابقي قريبة وامشي بصفي

_يعني شنو راح نتمشى وما ناخذ تكسي

_صوتج نصي فضحتينا وليش ناخذ تكسي هو احنا بس راح نفتر ونشوف الاماكن يعني احنا ما جاين علمود نروح ونرجع بسيارة بس اذا تريدين الزملج تكسي