غموض جارنا
الكاتبة يمامة
اندي
شفتة اتقدم باتجاه آسر وگال بعصبية وصوت عالي: ولك انت تعرف اهلها جانو مدمنين مخدرات وسوالف مكسرة انت بس افهم الجاي احجي اذا جانو مدمنين مخدرات شتتوقع حياتهم شلونها انت بس اتخيل اذا هاي الاهل جانو هيج لعد شلون راح يطلعون جهالهم
ماما لطمت على صدرها وگالت: عزا العزاني ولك آسر يمة عوفة البنية واجفينة شر المشاكل اني ما مضحية بيكم واذبكم بتهلكة يمة لخاطري عوفها
مسح آسر على شعرة بقوة وگال: يمة لخاطرج كلشي اسوي لو تريدين عيوني انطيهن الج بس بهاي اعذريني اني لو غير هالابنية ما اتجوز ولو تنطبگ السما عالارض
رد بابا بعصبية وگال: انت شنو مخبل ما جاي تفتهم شحجي ولك اهلها مدمنين يعني انتي بس اتخيل شلون جانو شي اكيد مو ملائكة وانبياء انت تعرف المدمن شنو اخلاقة وفوگاها مو بس ابوها حتى امها هم جانت مثل ابوها مدمنة وين اكو مرة عدها اخلاق تاخذ مخدرات قابل احنا بامريكا
_يابة انت ما جاي تفهكني امرنا لله هسة افتهمنا اهلها جانو مدمنين مخدرات بس هي شنو ذنبها هي حتى ما تربت يمهم لعد شلون تحكم عليها هي مثل اهلها
ماما لزمت آسر من ايدة وگالت بصوت باكي: ولك يمة لا تعاند ابوك وعوفك من هالابنية انت بس اشرلي واخطبك ياهي التعجبك بس عوفك من هاي
استغفر وگال بتوتر: يمة اني سنتين اراقبها وما شفت عليها شي موزين شلون تجون تحكمون عليها وانتو اصلا ما تعرفون شنو اخلاقها روحي اسألو بكل المنطقة الساكنين بيها الكل راح يحلف باخلاقها ترا مو نفس الشخص الجابها هو الي رباها واني قررت اروح اخطبها وحدي حتى لو ما تروحون وياي
اتقرب بابا من آسر لزمة من ياختة وگال بعصبية: ولك انتو شنو مالك رداد شوف ولك باليوم التفكر تزوج هالابنية فاعرف ان انت ما عندك اهل فاهم ومالك مكان بهالبيت
رفع آسر راسة باتجاه بابا وسكت بدون ما ينطق اي حرف بس سحب نفسة بهدوء وصعد ليفوگ
ورا شوية نزل شايل بيدة جنطة سفر وجنطة لعبة الشطرنج كلها شهگت بصدمة من شافو شايل جنطة والنية امبينة يريد من صدگ يطلع واني صدمتي ما تقل عن صدمتهم لهسة ما مستوعبة موضوع اهل غزل ويجي آسر يصدمنا بقرارة اعرفة كلش زين آسر يحب هاي لعبة الشطرنج اكثر من روحة وما يخلي اي احد يتقرب منها يعني ماكو غيرها من صدگ راح يعوف هالبيت
فجأة انگلب البيت لبجي وصياح وماما وزهراء حاضنات آسر ويبجن شكد توسلن علمود يغير راية ولا يطلع بس هو جان عبالك حايط وفاصل ما يحس باي شي طلع من البيت وماما وگعت من طولها رحنا نتراكض الها
زهراء قاست ظغطها طلع مرتفع بسرعة سويتلها عصير لميون وزهراء انطتها حباية ضغط وبابا بس والله ضل يصيح ويغلط بابا بهالفترة كلش زادت عصبيتة
YOU ARE READING
غموض جارنا
Romantikusواني جاي امشي انصدمت من الشفتة والدنيا مغرب والمكان يخوف ومهجور بس اراضي زراعية ردت اصرخ من الخوف بس ايد منعتني وگالت لا تصيحين ديري بالج لا تصيحين بقلمي سناريآ
