|غموض جارُنا|
الكاتبة سناريآ
قناة التلي https://t.me/nurse2_4
أرينا: ما ادري شجنت افكر من گتلة هيج شي بس بكل الاحوال اني متأكدة ردت انهزم من عصبيتة وغضبة بحياتي ما شايفة هيج شخص عصبي بحيث الاوردة الجوة عيونة بيننگال بصوت مرعب وبفحيح مثل الافعى
_بعد اسبوع من هذا اليوم اجي اخطبج واذا ما توافقين راح تشوفين شي ما يعجبج هاي جزات اليدخل بشي ما يخصة
هزيتلة راسي ودخلت جوة رحت بسرعة على غرفتي واختليت جوة البطانية واحجي ويا نفسي صدگ راح يتزوجني بس هو حياتة ما مفهومة شلون اتزوجة رديت على نفسي وگلت خل انام علساس من صدگ راح يجي يخطبني والله اني ثولة شعندي ادخل بخصوصيات الناس دائما موگعة نفسي بمشاكل وما اعرف اتصرف بقيت ارجف من الخوف وكل ما اتذكر شكلة عيوني ادمع بحياتي كلها ما صايرة وياي هيج موقف مرعب ويا ولد بس اني استاهل لاني غبية وحشرية
بقيت للصبح گاعدة فكرة توديني وفكرة تجيبني رحت عالدوام واني فكري مشتت وكل شوية فازة من مكاني واتخيلة
ورا اسبوع اجة آدم علينا دخل هو وبابا واخواني بالاستقبال جهزت القهوة واني متوترة يعني من صدگ اجة يخطبني
امي وحزيران گاعدات وعلى وجوهن معالم الحيرة ويتناقشن على سبب جيتة لان هو ابد من عرفنا ابد ما جاي زيارة لبيتنا
ورا حوالي ساعة سمع صوتة وهو يطلع طلعوا اخواني ودعو لباب البيت دخلت ماما على بابا بالاستقبال واحنا دخلنا وراها جان صافن ما يحجي اي شي دخلو آسر وامجد آسر جان امبين معصب وضايج رأسا عافنا وصعد وامجد دخل عالصالة گعد عالقنفة ويگلب بمويلة
ماما سألت بابا عن سبب زيارة جارنا ادم رد هو وگال ماكو شي هيج جي مجرد زيارة ماما احسها ما اقتنعت وبابا يمكن ما راد يحجي گدامناعفتهم وصعدت لغرفتي سويت نفسي ما مهتمة گمت افكر بين وبين نفسي يعني صدک جي يخطبني بس اني جنت اتشاقة من گتلة راح اتزوجك هذا لو هو اتخبل لو اتخبل ماكو غيرها
مر اسبوع كامل وبهذا الاسبوع ابد ما راقبت جارنا آدم وما شفتة ابد حتى من اطلع لدوامي الصبح صرت ما اشوفة والاجواء بالبيت متوترة
رجعنا من الدوام واني ارجف من البرد دخلت لماما بالمطبخ شفتها تحضر قهوة سمعت صوت بالاستقبال امبين صوت احد غريب سألتها منو يمنا گالت جارنا ادم اني من صدمتي وگعت ملازمي بالگاع باوعتلي بحيرة وگالت بشك
شبيج ليش انصدمتي صاير شي
لا قابل شصاير بس ايدي گامن يرجفن من البرد وما سيطرت عليهن
يعني هيج
اي ماما هيج قابل شكو
باوعتلي بشك عبالك ما مصدگة
YOU ARE READING
غموض جارنا
Romanceواني جاي امشي انصدمت من الشفتة والدنيا مغرب والمكان يخوف ومهجور بس اراضي زراعية ردت اصرخ من الخوف بس ايد منعتني وگالت لا تصيحين ديري بالج لا تصيحين بقلمي سناريآ