غموض جارنا

بارت 7

غموض جارنا

الكاتبة يمامة

اعتذر على طريقة السرد اذا ما جانت بالمستوى المطلوب لاني بعدني كاتبة مبتدئة وان شاءلله القادم افضل

ملاحظة: زهراء نفسها أرينا

سمر

حارث بصدمة: شنو
سمر: مثل ما سمعت حزيران تحبك ونصيحة حاول لا تخسرها وهي ما شاءلله خوش بنية والكل يتمنى يصير من نصيبة
حارث بتنهيدة: ما ادري شاكول سمر حيرتيني
سمر: انت هسة حاول ترتب افكارك واخذلك وقت ريح بالك وبعدها فكر بهذا الموضوع
حارث: هو انشاء لله هيج راح اسوي

بقيت احجي وياه بمواضيع مختلفة ما ردت اخلي يبقى يفكر بموضوع طلاقة

شفت الساعة صارت 1 بالليل گتلة تصبح على خير وطلعت من غرفتة متوجهة لغرفتي دخلت للغرفة وصحن الفواكه بعدة بي بس ما احس بقتلي نفس اكل رحت حطيتة عالميز وتوجهت لجربايتي نمت

ثاني يوم حارث حجى لاهلي على موضوع طلاقة وهم تعصبوا لان ليش يطلق بدون سبب وليش ما انطاهم خبر بس هو ما گاللهم على المشكلة بس گال ما تفاهمنا والله ما راد تصير هالقسمة

بابا وماما زعلو منة وبقوا اسبوع ما يحجون ويا بس ورا اسبوع هو صالحهم وگال اذا انتوا تتمنون سعادتي فسعادتي ما راح تكون موجودة ويا رؤى

مرت الايام وعلاقتي ويا أمجد كل يوم تقوة اكثر بس بهاي الفترة ابتعدت عن أمجد وگتلة اريد اكون ويا حارث واساعدة يطلع من جو الحزن البي وهو كلش تفهني وگالي حبيبتي سوي اليعجبج وشوكت ما تريديني اني راح اكون موجود يمج

وصدگ بقيت كل هالفترة ويا حارث وحاولت اوازن بين دراستي وبين حارث وصدگ خلصت المرحلة الرابعة بمعدل جيد جدا وحارث اتحسنت حالتة

بيوم جنت گاعدة وجي حارث وگال گولي لامي اريد تخطبلب حزيران وصدگ امي كيفت وورا يومين راحت خطبتلة بس من رجعت اتفاجئنة بماما من گالت اكو ناس هم جايين يخطبونها وما ادري راح توافق او لا

ورا اسبوع جانة الخبر اليصدم وهو حزيران ما وافقت على حارث وحتى على عالرجال الاخر ما موافقة ومن رحت زرتها حسيتها تعبانة وضايجة

بديت احجي وياها بمواضيع مختلفة ومن وصلنا لموضوع خطوبتها سألتها عالسبب الي خلاها ما توافق واذا جان لسبب عدم موافقتها انو هي تفكر بالطالب الي اعترفلها

گالت اول شي اني هسة تعبانة واحس ما مستعدة اتزوج والزواج مسؤولية وحياة مختلفة وجديدة واني بالوقت الحالي ما مستعدة ادخل بيها

گتلها لعد ليش ما وافقتي على حارث وانتي تحبي هي انصدمت من عرفت اني اعرف بحبها بس گتلها ترا من زمان اعرف ولاحظت هالشي عليج

گالت حارث بعدة توا طالع من علاقة فاشلة ويريد احد يطيب يجروحة وشي اكيد بعدة ما ناسي خطيبتة واني ما مستعدة اخاطر بحياتي وادخل بعلاقة ما معروفة تنجح لو تفشل والشخص الي ما يگدر يغير من تفكيرة ونفسة علمود نفسة مستحيل يغيرة علمود غيرة