غموض جارنا
الكاتبة يمامة
أرينا
فتحتلي اسراء الباب وگالت بابتسامة تفضلي
دخلت بيتها انصدمت بجمالة عبالك فيلا ما شايفة هيج بيوت بس بالمسلسلات
دخلتني للصالة وهي راحت تجيب مي بقيت فاكة حلگي على جمالها تجنن تصميمها ملكي وفخم
دخلت اسراء وبيدها كاسات المي گالت بوجه بشوش نورتي بيتي زوزو
جاوبتها بابتسامة بوجودج حبيبتي
گعدت شوية وحجينا سوالف عادية عالجامعة والبيت ورا شوية گامت تجيب ضيافة واني هنا استغليت الفرصة وطلعت حلقتي من اصبعي ولزمتها گلت لازم احط الجهاز الاول هنا عاد بس هي دخلت وگعتها
سألتني باستغراب شنو هذا الوگع
گتلها حلقتي صايرة جبيرة على اصبعي ودائما توگع
عاد هي خطية عافت البيدها وجت ادور عليها گمت اني هم ساعدتها وحولنا القنفات من مكانهن واني هنا استغليت الفرصة وحطيت اول جهاز بزاوية القنفة من جوة علمود لا تشوفة
گلبنا القنفات يالا اسراء لگتها جانت رايحة بنهاية الغرفة ولان الغرفة كلش جبيرة ولون سيراميكها مثل لون الحلقة فبصعوبة لگيناها
بقينا گاعدات لساعة 12 واسراء بس تشوفني صورها مالت السفر والاماكن الماخذة بيها لان هي هواي تسافر جانت الاماكن الرايحة الها كلش حلوة واكثرها جانت مثل القرى
اذن ظهر گمنا اني واسراء صلينا من كملنا اسراء رادت تصب غدة وحدها ردت اساعدها بس ما قبلت عاد سويت نفسي زعلانة وگتلها مو علساس احنا اخوات والاخوات ماكو بينهم هالتصرف عاد هي قبلت اساعدها وتغدينا سوية بالمطبخ
من كملنا اني استلمت غسيل المواعين وهي التنظيف جنت افكر شلون احط الجهاز الثاني بالمطبخ باثناء تفكيري انتبهت عالسنك عاد صفنت وگلت ليش ما احطة ورا السنك ومحد يگدر يشوفة
قاطع افكاري صوت اسراء وهي تگول اگلج سمعتي بالسالفة الصايرة ويا دكتور احمد
جاوبتها باستغراب لا يا سالفة تقصدين
يا عزا انتي نايمة ورجليج بالشمس لج ما عرفتي دكتور احمد طلع مزوج سها هاي اليگولون تسوي سحورة وهو متزوج من قبل وعندة خمس اطفال
عزا صدگ هالحجي
اي والله وطلعو مزوجين من حوالي اربع اشهر واكو دكتور شاك بي مزوج عاد هو خايف على سمعتة لا تتشوهه فرايح مطلگ سها ومن طلگها ذيج متخلبة رايحة هادة علي وگايلة لمرتة الاولى وصايرة عركة بين عائلة سها واستاذ احمد وبين اهل زوجتة الاولى
يا طاحظهم اثنينهم شلون يسون هيج يعني دكتور احمد علساس مثقف وواعي و الحمدلله عندة عائلة واطفال صاير يراهق بهذا عمرة وهاي سها الحية شلون تخرب بيت عائلة علساس ما تعرف بي متزوج شكد خبيثين اثنينهم
أنت تقرأ
غموض جارنا
Romanceواني جاي امشي انصدمت من الشفتة والدنيا مغرب والمكان يخوف ومهجور بس اراضي زراعية ردت اصرخ من الخوف بس ايد منعتني وگالت لا تصيحين ديري بالج لا تصيحين بقلمي سناريآ
